គណៈគិលានុបដ្ឋាកកម្ពុជា - គគិក

ការពង្រឹងគុណភាពនៃការថែទាំ តាមរយៈការអភិវឌ្ឍវិជ្ជាជីវៈបន្ត (CPD) របស់ក្រុមប្រឹក្សាគណៈគិលានុបដ្ឋាកខេត្តកំពង់ចាម។
CCN3rd===

ខេត្តកំពង់ចាមៈ​ នារសៀលថ្ងៃសៅរ៍ ១៤កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែឧសភា ឆ្នាំ២០២៦ នៅខេត្តកំពង់ចាម លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិ បានអញ្ជើញចូលរួមផ្តល់មតិសំណេះសំណាល និងចំណាប់អារម្មណ៍ក្នុងវគ្គបណ្តុះបណ្តាលស្តីពី «ការអភិវឌ្ឍវិជ្ជាជីវៈបន្ត (CPD)» ដែលរៀបចំដោយក្រុមប្រឹក្សាគណៈគិលានុបដ្ឋាកខេត្តកំពង់ចាម។

កម្មវិធីនេះត្រូវបានប្រកាសបើកជាផ្លូវការក្រោមអធិបតីភាព លោកវេជ្ជបណ្ឌិត វ៉ា សាវុធ ប្រធានមន្ទីរសុខាភិបាលនៃរដ្ឋបាលខេត្តកំពង់ចាម ដោយផ្តោតលើប្រធានបទសំខាន់ «ការរួមបញ្ចូលក្រមសីលធម៌ ភស្តុតាង និងការប៉ាន់ប្រមាណ ដើម្បីកែលម្អគុណភាពនៃការថែទាំ»។

ក្នុងឱកាសនោះ លោកប្រធានក្រុមប្រឹក្សាគណៈគិលានុបដ្ឋាកជាតិ បានចែករំលែកចំណេះដឹង និងបទពិសោធន៍ជាច្រើនពាក់ព័ន្ធនឹង៖
1)​ ក្រមសីលធម៌គិលានុបដ្ឋាក (Nursing Ethics)
2)​ ការប្រើប្រាស់ភស្តុតាងក្នុងការថែទាំ (Evidence-Based Practice in Nursing)
3)​ ការប៉ាន់ប្រមាណក្នុងការថែទាំ (Nursing Assessment)

វគ្គបណ្តុះបណ្តាលនេះ មានអ្នកចូលរួមផ្ទាល់ចំនួន ៦០នាក់ និងចូលរួមតាមប្រព័ន្ធ Zoom Online ចំនួន ៧៣នាក់ ដែលជាគិលានុបដ្ឋាក និងបុគ្គលិកសុខាភិបាលមកពីមន្ទីរពេទ្យបង្អែកខេត្ត មន្ទីរពេទ្យស្រុក មណ្ឌលសុខភាព និងសេវាសុខាភិបាលឯកជននានាក្នុងខេត្តកំពង់ចាម។

✨ កម្មវិធីនេះបានរួមចំណែកយ៉ាងសំខាន់ក្នុងការពង្រឹងសមត្ថភាពវិជ្ជាជីវៈ លើកកម្ពស់ការអនុវត្តការថែទាំប្រកបដោយក្រមសីលធម៌ និងផ្អែកលើភស្តុតាងវិទ្យាសាស្ត្រ ដើម្បីធានាបាននូវគុណភាព សុវត្ថិភាព និងប្រសិទ្ធភាពខ្ពស់សម្រាប់អ្នកជំងឺ និងសហគមន៍។

ការអភិវឌ្ឍវិជ្ជាជីវៈបន្ត (Continuing Professional Development - CPD) តាមរយៈប្រព័ន្ធនិម្មិត (Zoom Meeting) របស់គណៈគិលានុបដ្ឋាកកម្ពុជា។
CCN3rd===

រាជធានីភ្នំពេញ ថ្ងៃទី៣០ ខែឧសភា ឆ្នាំ២០២៦ លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិ បានអញ្ជើញចូលរួមជាអធិបតីដ៏ខ្ពង់ខ្ពស់ ក្នុងពិធីប្រកាសបើកវគ្គបណ្តុះបណ្តាលអភិវឌ្ឍវិជ្ជាជីវៈបន្ត (CPD) ដែលរៀបចំដោយក្រុមប្រឹក្សាគណៈគិលានុបដ្ឋាកភូមិភាគទី១ តាមរយៈប្រព័ន្ធនិម្មិត (Zoom Meeting)។

ប្រធានបទ៖
«បច្ចុប្បន្នភាពគោលការណ៍ណែនាំនៃការអនុវត្ត CPR សម្រាប់ការអនុវត្តគិលានុបដ្ឋាក»

វាគ្មិនកិត្តិយស៖
លោកគិលានុបដ្ឋាក ឃុត ស៊នពិសិដ្ឋ, RN, BSN

កម្មវិធីបណ្តុះបណ្តាលនេះទទួលបានការចូលរួមយ៉ាងផុលផុសពីគិលានុបដ្ឋាក និងបុគ្គលិកសុខាភិបាលប្រមាណ ១,០០០ នាក់ មកពីមន្ទីរពេទ្យរដ្ឋ មន្ទីរពេទ្យឯកជន និងគ្រឹះស្ថានអប់រំវិទ្យាសាស្ត្រសុខាភិបាលនានាទូទាំងប្រទេស ដែលបានរួមគ្នាសិក្សា និងធ្វើបច្ចុប្បន្នភាពចំណេះដឹងលើការសង្គ្រោះជីវិតប្រកបដោយប្រសិទ្ធភាព និងសុវត្ថិភាព។

🔹 ខ្លឹមសារសំខាន់ៗរួមមាន៖
✅ ការអនុវត្ត CPR ប្រកបដោយគុណភាពខ្ពស់ ស្របតាមស្តង់ដារអន្តរជាតិ
✅ ការសង្គ្រោះជីវិតបឋម (Basic Life Support) សម្រាប់មនុស្សពេញវ័យ កុមារ និងទារក
✅ ការធ្វើបច្ចុប្បន្នភាពសេចក្ដីណែនាំថ្មីៗទាក់ទងនឹងការគ្រប់គ្រងផ្លូវដង្ហើម និងការសង្គ្រោះជីវិតក្នុងស្ថានភាពអាសន្ន
✅ ការពង្រឹងសមត្ថភាពគិលានុបដ្ឋាកក្នុងការឆ្លើយតបបានទាន់ពេលវេលា ដើម្បីបង្កើនអត្រារស់រានមានជីវិតរបស់អ្នកជំងឺ

គណៈគិលានុបដ្ឋាកកម្ពុជា បន្តប្តេជ្ញាចិត្តជំរុញការអភិវឌ្ឍវិជ្ជាជីវៈបន្តរបស់សមាជិក តាមរយៈការផ្តល់ឱកាសសិក្សា និងធ្វើបច្ចុប្បន្នភាពចំណេះដឹងជាប្រចាំ ដើម្បីពង្រឹងគុណភាពសេវាគិលានុបដ្ឋាក និងរួមចំណែកលើកកម្ពស់សុខមាលភាពប្រជាពលរដ្ឋកម្ពុជា។

#គិលានុបដ្ឋាកកម្ពុជា #គុណភាពសេវាសុខាភិបាល

អបអរសាទរ ខួបទី៧៧ ទិវាកុមារអន្តរជាតិ (១មិថុនា)

ក្រោមប្រធានបទ៖ «សន្តិភាព ជាមូលដ្ឋានគ្រឹះនៃការគោរពនិងកិច្ចគាំពារសិទ្ធិកុមារ»

អបអរសាទរ ខួបលើកទី៣៩ ទិវាពិភពលោកគ្មានថ្នាំជក់🚭
(៣១ ឧសភា ១៩៨៧ - ៣១ ឧសភា ២០២៦)

សកម្មភាពនៅក្នុងកិច្ចប្រជុំក្រុមប្រឹក្សាគណៈគិលានុបដ្ឋាកជាតិទូទាំងប្រទេសសម្រាប់ការជួបជុំប្រចាំត្រីមាសទី១ នៃឆ្នាំ២០២៦ ។
CCN3rd===

រាជធានីភ្នំពេញៈ​ នៅព្រឹកថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦ លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិ អាណត្តិទី៣ បានអញ្ជើញជាអធិបតីដ៏ខ្ពង់ខ្ពស់ ក្នុងពិធីបើក និងដឹកនាំកិច្ចប្រជុំក្រុមប្រឹក្សាគណៈគិលានុបដ្ឋាកជាតិ ប្រចាំត្រីមាសទី១ ឆ្នាំ២០២៦ តាមប្រព័ន្ធនិម្មិត (Zoom Online) ដោយមានការចូលរួមពីថ្នាក់ដឹកនាំ និងសមាជិកសរុបចំនួន ៨៧ រូប មកពីក្រុមប្រឹក្សាគណៈគិលានុបដ្ឋាករាជធានី-ខេត្ត ភូមិភាគ និងមន្ទីរពេទ្យជាតិទូទាំងប្រទេស។

🎯 កិច្ចប្រជុំបានផ្តោតលើប្រធានបទសំខាន់ៗចំនួន ៤ រួមមាន៖
១) ការធ្វើបទបង្ហាញ និងពិភាក្សាអំពីប្រព័ន្ធចុះបញ្ជិកា និងការផ្តល់អាជ្ញាបណ្ណថ្មី (ជំនាន់ទី២) ដើម្បីធានាបាននូវតម្លាភាព ប្រសិទ្ធភាព និងភាពងាយស្រួលក្នុងការគ្រប់គ្រងវិជ្ជាជីវៈគិលានុបដ្ឋាកស្របតាមបរិបទឌីជីថល។
២) ការពិនិត្យ និងផ្តល់ធាតុចូលលើផែនការយុទ្ធសាស្ត្រឆ្នាំ២០២៦-២០៣០ ដើម្បីកំណត់ទិសដៅអភិវឌ្ឍវិជ្ជាជីវៈគិលានុបដ្ឋាកកម្ពុជា ប្រកបដោយចីរភាព គុណភាព និងនវានុវត្តន៍។
៣) ការណែនាំអំពីការរៀបចំរបាយការណ៍ប្រចាំខែ ប្រចាំឆមាស និងប្រចាំឆ្នាំ ដើម្បីពង្រឹងប្រព័ន្ធតាមដាន វាយតម្លៃ និងគ្រប់គ្រងទិន្នន័យឱ្យមានស្តង់ដារ សុក្រឹតភាព និងប្រសិទ្ធភាពខ្ពស់។
៤) ការពិភាក្សាលើការងារអភិបាលកិច្ច និងការរៀបចំសិក្ខាសាលា ព្រមទាំងសកម្មភាពអភិវឌ្ឍសមត្ថភាពផ្សេងៗរបស់សាខាគណៈគិលានុបដ្ឋាករាជធានី-ខេត្ត ដើម្បីលើកកម្ពស់ភាពជាអ្នកដឹកនាំ និងការអនុវត្តការងារប្រកបដោយវិជ្ជាជីវៈ។

ក្នុងឱកាសនោះ លោកប្រធានបានកោតសរសើរចំពោះស្មារតីសហការ និងការចូលរួមយ៉ាងសកម្មរបស់សមាជិកទាំងអស់ ព្រមទាំងបានផ្តល់អនុសាសន៍ដ៏មានតម្លៃ ដោយជំរុញឱ្យគ្រប់សាខាគណៈគិលានុបដ្ឋាកបន្តពង្រឹងសាមគ្គីភាព កិច្ចសហប្រតិបត្តិការ ការអនុវត្តអភិបាលកិច្ចល្អ វិន័យ និងក្រមសីលធម៌វិជ្ជាជីវៈ ព្រមទាំងការប្រើប្រាស់ប្រព័ន្ធចុះបញ្ជិកា និងអាជ្ញាបណ្ណថ្មីឱ្យមានប្រសិទ្ធភាព។

លោកប្រធានបានផ្តល់ជាអនុសាសន៍មួយចំនួន ជូនដល់អង្គប្រជុំ និងថ្នាក់ដឹកនាំគ្រប់លំដាប់ថ្នាក់ ដើម្បីរួមគ្នាបន្តអភិវឌ្ឍការងារគណៈគិលានុបដ្ឋាកកម្ពុជាឱ្យកាន់តែមានប្រសិទ្ធភាពនិងចីរភាព៖
១. សូមបន្តពង្រឹងសាមគ្គីភាព និងកិច្ចសហការគ្នា រវាងគណៈជាតិ និងសាខារាជធានី-ខេត្ត ភូមិភាគ និងមន្ទីរពេទ្យជាតិ ដើម្បីធានាឱ្យការអនុវត្តការងារមានភាពរលូននិងមានទិសដៅរួមតែមួយ។
២. សូមយកចិត្តទុកដាក់លើការអនុវត្តប្រព័ន្ធចុះបញ្ជិកា និងអាជ្ញាបណ្ណថ្មីឱ្យបានត្រឹមត្រូវ មានប្រសិទ្ធភាព និងទាន់ពេលវេលា ដើម្បីលើកកម្ពស់ស្តង់ដារវិជ្ជាជីវៈ និងការជឿទុកចិត្តពីសាធារណជន។
៣. សូមពង្រឹងការរៀបចំរបាយការណ៍ និងការគ្រប់គ្រងទិន្នន័យឱ្យបានច្បាស់លាស់ ត្រឹមត្រូវ និងមានសុក្រឹតភាព ព្រោះទិន្នន័យគឺជាមូលដ្ឋានសំខាន់សម្រាប់ការធ្វើផែនការ និងការសម្រេចចិត្តប្រកបដោយប្រសិទ្ធភាព។
៤. សូមបន្តលើកកម្ពស់អភិបាលកិច្ចល្អ វិន័យវិជ្ជាជីវៈ ក្រមសីលធម៌ និងការទទួលខុសត្រូវវិជ្ជាជីវៈ ដើម្បីរក្សាកិត្តិយស និងភាពថ្លៃថ្នូររបស់វិជ្ជាជីវៈគិលានុបដ្ឋាក។
៥. សូមជំរុញការរៀបចំសិក្ខាសាលា និងការបណ្តុះបណ្តាលបន្តឱ្យបានទៀងទាត់ ដើម្បីពង្រឹងសមត្ថភាព ចំណេះដឹង ជំនាញបច្ចេកទេសនិងភាពជាអ្នកដឹកនាំរបស់គិលានុបដ្ឋាកគ្រប់កម្រិត។

ជាមួយគ្នានេះ លោកប្រធានក៏បានលើកទឹកចិត្តឱ្យបន្តជំរុញការបណ្តុះបណ្តាលវិជ្ជាជីវៈបន្ត (CPD) ការពង្រឹងសមត្ថភាពថ្នាក់ដឹកនាំ និងការរៀបចំរបាយការណ៍ឱ្យបានទៀងទាត់ និងត្រឹមត្រូវ ដើម្បីរួមចំណែកលើកកម្ពស់គុណភាពសេវាថែទាំសុខភាព និងរក្សាកិត្តិយស ភាពថ្លៃថ្នូរ និងស្តង់ដារវិជ្ជាជីវៈគិលានុបដ្ឋាកកម្ពុជា ឱ្យកាន់តែរឹងមាំ និងទទួលបានការជឿទុកចិត្តពីសាធារណជន។

💙 រួមគ្នាអភិវឌ្ឍវិជ្ជាជីវៈគិលានុបដ្ឋាកកម្ពុជា ឱ្យកាន់តែទំនើប មានគុណភាព និងឆ្លើយតបនឹងតម្រូវការសុខភាពរបស់ប្រជាពលរដ្ឋ។

នាវេលាព្រឹកថ្ងៃទី៣០ ខែឧសភា ឆ្នាំ២០២៦ លោក យក់ សុត្ថា ប្រធានក្រុមប្រឹក្សាគណៈគិលានុបដ្ឋាកភូមិភាគទី២ តំណាងដ៏ខ្ពង់ខ្ពស់ លោក ជា សុភក្ត្រមុនីរ័ត្ន ប្រធានគណៈគិលានុបដ្ឋាកកម្ពុជា បាននាំយកសារលិខិតរំលែកមរណទុក្ខ និងបច្ច័យមួយចំនួន ទៅចូលរួមរំលែកទុក្ខដ៏ក្រៀមក្រំជាមួយក្រុមគ្រួសារសព លោក អេង ភារ៉ា ប្រធានក្រុមប្រឹក្សាគណៈគិលានុបដ្ឋាកខេត្តពោធិ៍សាត់ ដែលបានទទួលមរណភាពនៅថ្ងៃទី២៩ ខែឧសភា ឆ្នាំ២០២៦ វេលាម៉ោង ០៦:៣០ នាទីព្រឹក ដោយរោគាពាធ​នៅគេហដ្ឋានរបស់លោក ស្ថិតក្នុងខេត្តពោធិ៍សាត់។

ក្នុងឱកាសដ៏សោកសង្រេងនេះ គណៈគិលានុបដ្ឋាកកម្ពុជា សូមសម្តែងនូវសេចក្តីសោកស្តាយ និងអាឡោះអាល័យជាទីបំផុត ចំពោះការបាត់បង់ថ្នាក់ដឹកនាំគិលានុបដ្ឋាកដ៏មានតម្លៃមួយរូប ដែលបានលះបង់កម្លាំងកាយចិត្ត និងចំណេះដឹងក្នុងការបម្រើវិស័យគិលានុបដ្ឋាក និងសុខាភិបាលកម្ពុជា។

សូមបួងសួងដល់ដួងវិញ្ញាណក្ខន្ធ លោក អេង ភារ៉ា បានទៅកាន់សុគតិភព និងទទួលបាននូវសេចក្តីសុខសាន្តជានិច្ចនិរន្តរ៍។ សូមក្រុមគ្រួសារសព ទទួលបាននូវកម្លាំងចិត្ត មាំមួន និងឆ្លងផុតទុក្ខសោកដ៏ធំនេះដោយសេចក្តីអត់ធ្មត់។
🙏🙏🙏

#គណៈគិលានុបដ្ឋាកកម្ពុជា

#រំលែកមរណទុក្ខ

លោក​ ជា​ សុភក្ត្រមុនីរ័ត្ន​ ប្រធានគណៈគិលានុបដ្ឋាកកម្ពុជា និងថ្នាក់ដឹកនាំ មន្រ្តីរាជការ បុគ្គលិកនៃក្រុមប្រឹក្សាគណៈគិលានុបដ្ឋាកជាតិ ផ្ញើសារលិខិតរំលែកទុក្ខជូន លោកស្រី ប៉ុល សុីណា ព្រមទាំងក្រុមគ្រួសារ ចំពោះមរណភាព លោក​អេង​ ភារ៉ា ប្រធានក្រុមប្រឹក្សាគណៈគិលានុបដ្ឋាកខេត្តពោធិសាត់​ ដែលបានទទួលមរណភាព នៅថ្ងៃ​សុក្រ ទី២៩ ខែឧសភា ឆ្នាំ២០២៦ វេលាម៉ោង០៦:៣០នាទី ព្រឹក​ ក្នុងជន្មាយុ ៥៣ឆ្នាំ ដោយរោគាពាធ។

⏰ សូមរំលឹក! កុំភ្លេចចូលរួម

ថ្ងៃនេះជាថ្ងៃទី ២៨ ហើយ! នៅសល់តែ ២ថ្ងៃទៀតប៉ុណ្ណោះ នឹងដល់កម្មវិធីសិក្សាសំខាន់ៗ សម្រាប់បងប្អូនគិលានុបដ្ឋាក និងនិស្សិតគិលានុបដ្ឋាកទាំងអស់គ្នា 👩‍⚕️👨‍⚕️

ការអភិវឌ្ឍវិជ្ជាជីវៈបន្ត (CPD) និងកម្មវិធីចែករំលែកចំណេះដឹងតាម Webinar របស់ក្រុមប្រឹក្សាគណៈគិលានុបដ្ឋាកភូមិភាគ១
____
គណៈគិលានុបដ្ឋាកកម្ពុជា សូមជម្រាបជូនដំណឹងដល់ លោកគ្រូ អ្នកគ្រូ ដែលជាគិលានុបដ្ឋាក និងនិស្សិតគិលានុបដ្ឋាកទាំងអស់ឱ្យបានជ្រាបថា ៖
ដោយទទួលបានការអនុញ្ញាតពី លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិ ក្រុមប្រឹក្សាគណៈគិលានុបដ្ឋាកភូមិភាគទី១ បានរៀបចំការអភិវឌ្ឍវិជ្ជាជីវៈបន្ត (CPD) និងកម្មវិធីចែករំលែកចំណេះដឹងតាម Webinar ក្រោមប្រធានបទ « បច្ចុប្បន្នភាពគោលការណ៍ណែនាំនៃការអនុវត្ត CPR សម្រាប់ការអនុវត្តរបស់គិលានុបដ្ឋាក ( Updated CPR Guidelines for Nursing Practices ) ដែលបង្ហាញដោយ លោក ឃុត ស៊នពិសិទ្ឋ , RN, BSN

📆 ថ្ងៃសៅរ៏ ១៤ កើត ខែ ជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី ៣០ ខែ ឧសភា ឆ្នាំ២០២៦
⏰ ម៉ោង ១២:០០ ដល់ ១៣:០០ រសៀល
💻 តាមប្រព័ន្ធអនឡាញ (Zoom)

🎯 គោលបំណង៖
✅ ធ្វើបច្ចុប្បន្នភាពគោលការណ៍ណែនាំ CPR
✅ ពង្រឹងសមត្ថភាពគិលានុបដ្ឋាក និងនិស្សិតគិលានុបដ្ឋាក
✅ ការអភិវឌ្ឍវិជ្ជាជីវៈបន្តសម្រាប់គិលានុបដ្ឋាក (CPD)

Webinar Group Telegram៖ https://t.me/ccn1_3rd

សូមចុះឈ្មោះតាមតំណរភ្ជាប់ ៖
https://ccn-cpd.pages.dev?meeting_id=1b0d564a-bc6f-4749-8642-76fc8df236ff

រួមគ្នាពង្រឹងចំណេះដឹងវិជ្ជាជីវៈ ដើម្បីសុវត្ថិភាព និងគុណភាពនៃការថែទាំអ្នកជំងឺ!

ការអភិវឌ្ឍវិជ្ជាជីវៈបន្ត (CPD) និងកម្មវិធីចែករំលែកចំណេះដឹងតាម Webinar របស់ក្រុមប្រឹក្សាគណៈគិលានុបដ្ឋាកភូមិភាគ១
____
គណៈគិលានុបដ្ឋាកកម្ពុជា សូមជម្រាបជូនដំណឹងដល់ លោកគ្រូ អ្នកគ្រូ ដែលជាគិលានុបដ្ឋាក និងនិស្សិតគិលានុបដ្ឋាកទាំងអស់ឱ្យបានជ្រាបថា ៖
ដោយទទួលបានការអនុញ្ញាតពី លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិ ក្រុមប្រឹក្សាគណៈគិលានុបដ្ឋាកភូមិភាគទី១ បានរៀបចំការអភិវឌ្ឍវិជ្ជាជីវៈបន្ត (CPD) និងកម្មវិធីចែករំលែកចំណេះដឹងតាម Webinar ក្រោមប្រធានបទ « បច្ចុប្បន្នភាពគោលការណ៍ណែនាំនៃការអនុវត្ត CPR សម្រាប់ការអនុវត្តរបស់គិលានុបដ្ឋាក ( Updated CPR Guidelines for Nursing Practices ) ដែលបង្ហាញដោយ លោក ឃុត ស៊នពិសិទ្ឋ , RN, BSN

📆 ថ្ងៃសៅរ៏ ១៤ កើត ខែ ជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី ៣០ ខែ ឧសភា ឆ្នាំ២០២៦
⏰ ម៉ោង ១២:០០ ដល់ ១៣:០០ រសៀល
💻 តាមប្រព័ន្ធអនឡាញ (Zoom)

🎯 គោលបំណង៖
✅ ធ្វើបច្ចុប្បន្នភាពគោលការណ៍ណែនាំ CPR
✅ ពង្រឹងសមត្ថភាពគិលានុបដ្ឋាក និងនិស្សិតគិលានុបដ្ឋាក
✅ ការអភិវឌ្ឍវិជ្ជាជីវៈបន្តសម្រាប់គិលានុបដ្ឋាក (CPD)

Webinar Group Telegram៖ https://t.me/ccn1_3rd

សូមចុះឈ្មោះតាមតំណរភ្ជាប់ ៖
https://ccn-cpd.pages.dev?meeting_id=1b0d564a-bc6f-4749-8642-76fc8df236ff

រួមគ្នាពង្រឹងចំណេះដឹងវិជ្ជាជីវៈ ដើម្បីសុវត្ថិភាព និងគុណភាពនៃការថែទាំអ្នកជំងឺ!

វគ្គបណ្តុះបណ្តាលស្តីពី ការថែទាំអ្នកជំងឺក្រោយវះកាត់ប្រកបដោយសុ វត្ថិភាពនិងប្រសិទ្ធភាព និងការគ្រប់គ្រងការធ្លាក់ឈាមក្រោយសម្រាល ។
CCN3rd===

ដោយទទួលបានការអនុញ្ញាតពី លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិ អាណត្តិទី៣ លោកស្រី អ៊ីន វិជ្ជរ៉ា ប្រធានក្រុមប្រឹក្សាគណៈគិលានុបដ្ឋាកមន្ទីរពេទ្យព្រះអង្គឌួង បានរៀបចំវគ្គបណ្តុះបណ្តាលស្តីពីផ្នែកថែទាំ សម្រាប់គិលានុបដ្ឋាក-ឆ្មប ដល់បុគ្គលិកគិលានុបដ្ឋាក-ឆ្មប ក្នុងគោលបំណង ពង្រឹងចំណេះដឹង ជំនាញ និងគុណភាពការថែទាំអ្នកជំងឺ ។

📅 ថ្ងៃពុធ-ព្រហស្បត៍ ទី២០-២១ ខែឧសភា ឆ្នាំ២០២៦
🕐 ពេញមួយថ្ងៃ
📍 មន្ទីរពេទ្យ

🎯 គោលបំណង៖
✅ ពង្រឹងចំណេះដឹង និងជំនាញដល់គិលានុបដ្ឋាក-ឆ្មប ស្តីពីការថែទាំអ្នកជំងឺក្រោយវះកាត់ប្រកបដោយសុវត្ថិភាព និងប្រសិទ្ធភាព
✅ ពង្រឹងសមត្ថភាពក្នុងការគ្រប់គ្រងការធ្លាក់ឈាមក្រោយសម្រាល
✅ ផ្តល់ពិន្ទុ CPD ដើម្បីគាំទ្រការបន្តអាជ្ញាបណ្ណ និងការអភិវឌ្ឍវិជ្ជាជីវៈ

📋 ប្រធានបទសំខាន់ៗ៖
🔹 ការថែទាំអ្នកជំងឺវះកាត់រលាកប្រអប់ឆ្អឹងជុំវិញច្រមុះ រ៉ៃដោយអង់ដូស្កុប — ដោយ លោក ផន សំបូរ
🔹 ការថែទាំអ្នកជំងឺហូរឈាមច្រមុះ (Epistaxis Nursing Care) — ដោយ លោកស្រី ថុល គីហ័ង
🔹 ការគ្រប់គ្រងការធ្លាក់ឈាមក្រោយសម្រាល — ដោយ លោកស្រី ផន រក្សា

📚 សារៈសំខាន់៖
វគ្គបណ្តុះបណ្តាលនេះ មានការចូលរួមពីគិលានុបដ្ឋាក ចំនួន ១៨១ នាក់ និងឆ្មប ចំនួន ៨២ នាក់ ។ លទ្ធផលវាស់ស្ទង់សមត្ថភាពសិក្ខាកាម បង្ហាញពីភាពរីកចម្រើនគួរឱ្យកត់សម្គាល់ ដោយ Pre-Test បាន ៧០% និង Post-Test បាន ៩៥% ដែលបញ្ជាក់ពីប្រសិទ្ធភាព និងគុណភាពនៃការបណ្តុះបណ្តាល ។

👥 សិក្ខាកាមចូលរួមសរុប៖ គិលានុបដ្ឋាក ១៨១ នាក់ និង ឆ្មប ៨២ នាក់

សូមរំលឹកជូនសម្រាប់ល្ងាចនេះ

🎉 សូមស្វាគមន៍មកកាន់កម្មវិធីវេបីណា! 🎉

📢 គណៈគិលានុបដ្ឋាកជាតិ សូមអញ្ជើញលោកគ្រូ អ្នកគ្រូ និងនិស្សិតទាំងអស់ ចូលរួមកម្មវិធីវេបីណាស្តីពី៖
✨"មូលនិធិស្រាវជ្រាវរបស់គណៈគិលានុបដ្ឋាកកម្ពុជា" ✨

📅 កាលបរិច្ឆេទ៖ ថ្ងៃទី ២២ ខែឧសភា ឆ្នាំ២០២៦ ⏰ វេលា៖ ម៉ោង ៧:៣០នាទីល្ងាច 💻 វេទិកា៖ Online (Webinar)

🎤 វាគ្មិនពិសេស៖ 👨‍⚕️ លោកបណ្ឌិតគិលានុបដ្ឋាក វន រ៉ានី | អ្នកវិទ្យាសាស្រ្តគិលានុបដ្ឋាក | គ្រូបង្រៀនស្រាវជ្រាវេជ្ជសាស្ត្រ |ប្រធានក្រុមប្រឹក្សាគណៈគិលានុបដ្ឋាកភូមិភាគ១

🎉 សូមស្វាគមន៍មកកាន់កម្មវិធីវេបីណា! 🎉

📢 គណៈគិលានុបដ្ឋាកជាតិ សូមអញ្ជើញលោកគ្រូ អ្នកគ្រូ និងនិស្សិតទាំងអស់ ចូលរួមកម្មវិធីវេបីណាស្តីពី៖
✨"មូលនិធិស្រាវជ្រាវរបស់គណៈគិលានុបដ្ឋាកកម្ពុជា" ✨

📅 កាលបរិច្ឆេទ៖ ថ្ងៃទី ២២ ខែឧសភា ឆ្នាំ២០២៦ ⏰ វេលា៖ ម៉ោង ៧:៣០នាទីល្ងាច 💻 វេទិកា៖ Online (Webinar)

🎤 វាគ្មិនពិសេស៖ 👨‍⚕️ លោកបណ្ឌិតគិលានុបដ្ឋាក វន រ៉ានី | អ្នកវិទ្យាសាស្រ្តគិលានុបដ្ឋាក | គ្រូបង្រៀនស្រាវជ្រាវេជ្ជសាស្ត្រ |ប្រធានក្រុមប្រឹក្សាគណៈគិលានុបដ្ឋាកភូមិភាគ១

📚 អ្វីដែលអ្នកនឹងទទួលបាន៖
✅គោលបំណងនៃមូលនិធិស្រាវជ្រាវ
✅ លក្ខខណ្ឌក្នុងការទទួលបានការគាំទ្រ
✅ របៀបដាក់ពាក្យស្នើសុំ
✅ អត្ថប្រយោជន៍សម្រាប់គិលានុបដ្ឋាក

🔗 សូមចុចតំណភ្ជាប់ខាងក្រោមដើម្បីចុះឈ្មោះ! 👉 https://ccn-cpd.pages.dev?meeting_id=a497be3e-fa86-4606-8e20-6d65313583de

📣 សូមចែករំលែក ដើម្បីផ្សព្វផ្សាយដល់បងប្អូនគិលានុបដ្ឋាកនឹងចូលរួមទាំងអស់គ្នា!