វិទ្យាស្ថានស្តង់ដារកម្ពុជា Institute of Standards of Cambodia

សេចក្តីជូនដំណឹងស្តីពីរបាំងបច្ចេកទេសចំពោះពាណិជ្ជកម្ម នៃបណ្តាប្រទេសជាសមាជិកអង្គការពាណិជ្ជកម្មពិភពលោក សម្រាប់ខែមេសា ឆ្នាំ២០២៦ មានចំនួន ៣៥២សេចក្ដីជូនដំណឹង ពីបណ្ដាប្រទេសចំនួន ៤៤។
សម្រាប់ព័ត៌មានលម្អិត នៃរបាំងបច្ចេកទេសទាំងនេះ សូមស្វែងរកតាមរយៈគេហទំព័រ www.epingalert.org

វិទ្យាស្ថានស្តង់ដារកម្ពុជា សូមផ្សព្វផ្សាយនូវសេចក្ដីណែនាំរបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ស្ដីពី “វិធានការបង្កើនការយល់ដឹងអំពីសុវត្ថិភាពបឋមនៃការប្រើប្រាស់យានយន្តអគ្គិសនី” ជូនម្ចាស់ក្រុមហ៊ុន រោងចក្រនិងសហគ្រាសផលិតនិងនាំចូលតាមគ្រប់រូបភាពនូវយានយន្តអគ្គិសនីគ្រប់ប្រភេទដែលចរាចរលក់លើទីផ្សារនៅក្នុងព្រះរាជាណាចក្រកម្ពុជា ដើម្បីការពារ ទប់ស្កាត់ និងបញ្ចៀសបាននូវហានិភ័យ ដែលអាចកើតមានឡើងជាយថាហេតុ។

សូមទាញយកតាមរយៈ ៖https://res.cloudinary.com/dgvyfitu8/image/upload/v1779244030/_82c3f0ff9f.pdf

វិទ្យាស្ថានស្តង់ដារកម្ពុជា (ISC) សូមចែករំលែក និងផ្សព្វផ្សាយជូននូវ "ផែនទីបង្ហាញផ្លូវឆ្ពោះទៅរកកំណើនបរិយាបន្ន ស្តីពី ស្តង់ដារ បទប្បញ្ញត្តិបច្ចេកទេស និងនីតិវិធីវាយតម្លៃភាពអនុលោម (STRACAP) ឆ្នាំ២០២៦-២០៣២"។

🎯 គោលដៅយុទ្ធសាស្ត្រសំខាន់ៗ៖
- ពង្រឹងហេដ្ឋារចនាសម្ព័ន្ធគុណភាពជាតិ (NQI) ឱ្យកាន់តែមានភាពធន និងមានបរិយាបន្ន ដើម្បីគាំទ្រដល់ការនាំចេញផលិតផលកម្ពុជាទៅកាន់ទីផ្សារអន្តរជាតិ។
- អនុលោមតាមកិច្ចព្រមព្រៀងតំបន់ និងសកលក្នុងក្របខ័ណ្ឌ RCEP និង WTO/TBT។
- គាំទ្រវិស័យឯកជន ដោយផ្តោតសំខាន់លើការផ្តល់អត្ថប្រយោជន៍ដល់សហគ្រាសធុនមីក្រូ តូច និងមធ្យម សហគ្រិនស្ត្រី យុវជន និងជនមានពិការភាព ដោយមិនទុកនរណាម្នាក់ចោលឡើយ។

📩 ដើម្បីយល់កាន់តែច្បាស់ សូមធ្វើការទាញយកឯកសារតាមរយៈតំណភ្ជាប់ (Link) ខាងក្រោម៖
🔗 https://isc.gov.kh/km/documents/Others

អបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ព.ស.២៥៧០

Happy Khmer New Year! 🎉

សារជូនពរ 🎉

សូមសព្ទសាធុការពរជ័យ បវរសួស្តី មហាប្រសើរគ្រប់ប្រការ
ជូនដល់ថ្នាក់ដឹកនាំ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍
ក្នុងឱកាសដ៏វិសេសវិសាល នៃពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ ២៥៦៩

សូមប្រទានពរជ័យឱ្យទទួលបានសុខភាពល្អ សុភមង្គល ជោគជ័យ និងវិបុលភាពគ្រប់ប្រការ
សូមអបអរសាទរបុណ្យចូលឆ្នាំថ្មី ប្រពៃណីជាតិខ្មែរ! 🎊

សេចក្តីជូនដំណឹងស្តីពីរបាំងបច្ចេកទេសចំពោះពាណិជ្ជកម្ម នៃបណ្តាប្រទេសជាសមាជិកអង្គការពាណិជ្ជកម្មពិភពលោក សម្រាប់ខែមីនា ឆ្នាំ២០២៦ មានចំនួន ៣១៥សេចក្ដីជូនដំណឹង ពីបណ្ដាប្រទេសចំនួន ៤១។
សម្រាប់ព័ត៌មានលម្អិត នៃរបាំងបច្ចេកទេសទាំងនេះ សូមស្វែងរកតាមរយៈគេហទំព័រ www.epingalert.org

រាជធានីភ្នំពេញ, នៅថ្ងៃទី១ ខែមេសា ឆ្នាំ២០២៦ វិទ្យាស្ថានស្តង់ដារកម្ពុជា (ISC) នៃក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ បានរៀបចំកិច្ចប្រជុំគណៈកម្មការបច្ចេកទេសទី៧ (គ.ប.៧) ផ្នែកផលិតផលកៅស៊ូ នៅវិទ្យាស្ថានស្តង់ដារកម្ពុជា ដែលដឹកនាំដោយ លោក ផេន ភារុន ជាប្រធាន តំណាងវិទ្យាស្ថានស្រាវជ្រាវកៅស៊ូកម្ពុជា និងមានការចូលរួមពីសមាជិក-សមាជិការ ដែលអញ្ជើញពីក្រសួង-ស្ថាប័នរដ្ឋ និងឯកជនពាក់ព័ន្ធ និងមន្ត្រីវិទ្យាស្ថានស្ដង់ដារកម្ពុជា។
អង្គប្រជុំបានពិនិត្យ ពិភាក្សា និងផ្តល់យោបល់ទៅលើស្ដង់ដារអន្តរជាតិ ISO ចំនួន ៤ស្ដង់ដារ មានដូចជា៖ ស្តង់ដារ ISO 247-2:2018, ISO 14409:2011, ISO 17357-1:2014 និង ISO 17357-2:2014 ដើម្បីដាក់ជូនក្រុមប្រឹក្សាស្ដង់ដារជាតិ អនុម័តជាស្ដង់ដារកម្ពុជា។
លទ្ធផល៖
- អង្គប្រជុំបានពិនិត្យ និងពិភាក្សាលើខ្លឹមសារសំខាន់ៗរបស់ស្តង់ដារ ពាក្យបច្ចេកទេស និងបកប្រែចំណងជើងស្តង់ដារពីភាសាអង់គ្លេសមកជាភាសាជាតិ
- អង្គប្រជុំសម្រេច និងឯកភាពទទួលយកស្តង់ដារអន្តរជាតិ ISO ទាំង ៤ស្តង់ដារខាងលើ ដាក់ជូនក្រុមប្រឹក្សាស្តង់ជាតិ អនុម័តជាស្តង់ដារកម្ពុជា។
🔗 សម្រាប់ព័ត៌មានលម្អិត៖ www.isc.gov.kh