អគ្គនាយកដ្ឋានលទ្ធកម្មសាធារណៈ

ព្រឹកថ្ងៃទី៧​ ខែមេសា​ ឆ្នាំ២០២៦​ ឯកឧត្តម​ ង៉ាន់​ ភិរម្យ​ អគ្គនាយកនៃអគ្គនាយកដ្ឋានលទ្ធកម្មសាធារណៈ​ បានចូលរួមពិធី "ប្រកាសដាក់ឱ្យអនុវត្តជាផ្លូវការនូវគម្រោងប្រព័ន្ធបច្ចេកវិទ្យាព័ត៌មានសម្រាប់ការគ្រប់គ្រងហិរញ្ញវត្ថុសាធារណៈ (FMIS) ជំហានទី៤ ឆ្នាំ ២០២៦-២០៣០" ក្រោមអធិបតីភាពដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ នៅសណ្ឋាគាររ៉េស៊ីដង់សុខាភ្នំពេញ។

នាព្រឹកថ្ងៃសុក្រ ៩កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៧ ខែមីនា ឆ្នាំ២០២៦ អគ្គនាយកដ្ឋានលទ្ធកម្មសាធារណៈនៃក្រសួងសេដ្ឋកិច្ចនិងហិរញ្ញវត្ថុបានរៀបចំសិក្ខាសាលាស្តីពីការផ្សព្វផ្សាយប្រកាសលេខ ៩៨៦ សហវ.ប្រក ចុះថ្ងៃទី៣០ ខែធ្នូ ឆ្នាំ២០២៤ ស្តីពីលទ្ធកម្មតាមរយៈការផ្តល់ប្រព្រឹត្តិកម្មអនុគ្រោះជូនអ្នកដេញថ្លៃ សហគ្រាសធុនមីក្រូ (សិប្បកម្ម) តូច និងមធ្យម និងអ្នកពាក់ព័ន្ធ។ សិក្ខាសាលានេះដឹកនាំដោយ ឯកឧត្តម ង៉ាន់ ភិរម្យ អគ្គនាយកនៃអគ្គនាយកដ្ឋានលទ្ធកម្មសាធារណៈនៃក្រសួងសេដ្ឋកិច្ចនិងហិរញ្ញវត្ថុ តំណាងដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ។
សិក្ខាសាលានេះមានការអញ្ជើញចូលរួមពីថ្នាក់ដឹកនាំនិងមន្ត្រីជំនាញនៃអគ្គនាយកដ្ឋានលទ្ធកម្មសាធារណៈ និងឧកញ៉ា លោក លោកស្រី អ្នកនាង កញ្ញា ប្រធាន/តំណាងក្រុមហ៊ុន សហគ្រាស និងសហគ្រាសធុនមីក្រូ (សិប្បកម្ម) តូច និងមធ្យម ដែលមានការចូលរួមផ្ទាល់នៅទីស្តីការក្រសួងសេដ្ឋកិច្ចនិងហិរញ្ញវត្ថុ និងចូលរួមតាមប្រព័ន្ធអនឡាញ ដោយប្រើប្រាស់កម្មវិធី Zoom សរុបប្រមាណ ២០៩នាក់។

គោលបំណងនៃការរៀបចំសិក្ខាសាលានាថ្ងៃនេះគឺដើម្បីផ្សព្វផ្សាយប្រកាសលេខ ៩៨៦ សហវ.ប្រក ចុះថ្ងៃទី៣០ ខែធ្នូ ឆ្នាំ២០២៤ ស្ដីពីលទ្ធកម្មតាមរយៈការផ្តល់ប្រព្រឹត្តិកម្មអនុគ្រោះ ដែលបានផ្សព្វផ្សាយដាក់ឱ្យប្រើប្រាស់លើកដំបូងកាលពីថ្ងៃទី២៦ ខែសីហា ឆ្នាំ២០២៥កន្លងទៅ ដោយមានការចូលរួមពីគ្រប់ក្រសួង ស្ថាប័ន សហគ្រាសសាធារណៈ គ្រឹះស្ថានសាធារណៈរដ្ឋបាល រដ្ឋបាលរាជធានីខេត្ត មន្ទីរជំនាញរាជធានីខេត្ត និងដៃគូអភិវឌ្ឍន៍។ ឯកឧត្តមអគ្គនាយកក៏បានជម្រាបជូនផងដែរថាប្រកាសនេះបានរៀបចំឡើងក្រោមគំនិតផ្តួចផ្តើមដ៏ខ្ពង់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងគោលបំណងដើម្បីគាំទ្រដល់ការអភិវឌ្ឍនិងពង្រីកវិស័យឧស្សាហកម្មក្នុងប្រទេសកម្ពុជា ដោយលើកទឹកចិត្តដល់ផលិតផលក្នុងស្រុក និង/ឬក្រុមហ៊ុន សហគ្រាស ឬរូបវន្តបុគ្គលក្នុងស្រុក ជាពិសេសលើកស្ទួយសហគ្រាសធុនមីក្រូ តូច និងមធ្យមឱ្យចូលរួមក្នុងលទ្ធកម្មសាធារណៈ ដើម្បីរួមចំណែកដល់ការបង្កើតការងារដល់ប្រជាពលរដ្ឋ, ការជំរុញភាពច្នៃប្រឌិតនិងនវានុវត្តន៍, ការលើកកម្ពស់ផលិតភាព, ការកាត់បន្ថយការធ្វើចំណាកស្រុក, ពង្រឹងស្មារតីជាតិនិយមនិងជំរុញចរន្តសេដ្ឋកិច្ចជាតិ, បង្កើតទីផ្សារពាណិជ្ជកម្មក្នុងស្រុក, កាត់បន្ថយការពឹងផ្អែកលើផលិតផលបរទេស, ការបង្កើនសមត្ថភាពប្រកួតប្រជែងក្នុងទីផ្សារ, និងការអភិវឌ្ឍវិស័យឯកជនស្របតាមរបៀបវារៈគោលនយោបាយនៃយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា។

នៅថ្ងៃអង្គារ និងថ្ងៃពុធ ១៤-១៥រោច ខែផល្គុន ឆ្នាំម្សាញ់ សប្តស័ក ពុទ្ធសករាជ២៥៦៩ ត្រូវនឹងថ្ងៃទី១៧-១៨ ខែមីនា ឆ្នាំ២០២៦ នៅអគារអគ្គនាយកដ្ឋានពន្ធដារ (GDT Tower) ឯកឧត្ដម ង៉ាន់ ភិរម្យ អគ្គនាយក នៃអគ្គនាយកដ្ឋានលទ្ធកម្មសាធារណៈ អមដោយ ឯកឧត្ដមអគ្គនាយករង និងមន្រ្តីជំនាញ បានចូលរួមកិច្ចប្រជុំត្រួតពិនិត្យការងារប្រចាំឆ្នាំ២០២៥ នៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៤ «គណនេយ្យភាពសមិទ្ធកម្ម» ក្រោមអធិបតីភាពដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានគណៈកម្មាធិការ ដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ។

របៀបសរសេរកាលបរិច្ឆេទចន្ទគតិ និងសុរិយគតិ នៅក្នុងលិខិតបទដ្ឋានគតិយុត្ត និងលិខិតរដ្ឋបាល ឱ្យបានត្រឹមត្រូវ៖
👉លិខិតគតិយុត្ត៖ ត្រូវសរសេរកាលបរិច្ឆេទនៅផ្នែក«បញ្ចប់នៃលិខិត»
👉លិខិតរដ្ឋបាល ឬឯកសារផ្សេងទៀត៖ ត្រូវសរសេរកាលបរិច្ឆេទនៅផ្នែក «ក្បាលលិខិត»
👉គ្មានលេខ ០ (សូន្យ) ពីមុខទេ​ ថ្ងៃទី១, ទី២, ទី៣, …
👉 លិខិតទំនាក់ទំនងជាមួយបរទេស៖ ត្រូវប្រើតែកាលបរិច្ឆេទតាមសុរិយគតិប៉ុណ្ណោះ។

តាំងនាមថ្នាក់ដឹកនាំ និងមន្ត្រីរាជការនៃអគ្គនាយកដ្ឋានលទ្ធកម្មសាធារណៈ ក្រសួងសេដ្ឋកិច្ចនិងហិរញ្ញវត្ថុ និងក្នុងនាមខ្លួនខ្ញុំផ្ទាល់ យើងខ្ញុំសូមសម្ដែងនូវសេចក្តីសោមនស្សរីករាយយ៉ាងក្រៃលែង និងសូមចូលរួមអបអរសាទរដោយស្មោះអស់ពីដួងចិត្ត ជូនចំពោះ សម្តេចសេដ្ឋវិទូភក្តី ក្នុងឱកាសដែលត្រូវបាន ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ប្រោសព្រះរាជទាននូវគោរមងារជា សម្ដេចសេដ្ឋវិទូភក្តី គាត ឈន់ នាថ្ងៃទី៣ មីនា ឆ្នាំ២០២៦។ ការទទួលបានគោរមងារដ៏ឧត្តុងឧត្តមនាពេលនេះ គឺជាសក្ខីភាពដ៏ពិសិដ្ឋដែលឆ្លុះបញ្ចាំងនូវទេពកោសល្យ ស្នាដៃ ដ៏ឆ្នើមបំផុតរបស់ សម្តេចសេដ្ឋវិទូភក្តី ក្នុងបេសកកម្មបម្រើជាតិមាតុភូមិ និងប្រជាជនកម្ពុជា ជាពិសេសក្នុងវិស័យសេដ្ឋកិច្ចនិងហិរញ្ញវត្ថុជាតិ។ សូម សម្តេចសេដ្ឋវិទូភក្តី ទទួលនូវគារវកិច្ចដ៏ស្មោះស្ម័គ្រអស់ពីដួងចិត្តពីយើងខ្ញុំទាំងអស់គ្នា

នៅថ្ងៃសុក្រ​ ៤រោច​ ខែមាឃ​ ឆ្នាំម្សាញ់​ សប្តស័ក​ ព.ស.២៥៦៩​ ត្រូវនឹងថ្ងៃទី៦​ ខែកុម្ភៈ​ ឆ្នាំ២០២៦​ វេលាម៉ោង២:៣០នាទីរសៀល​ ឯកឧត្តម​ ឈឹម​ យុត្ថារ័ត្ន​ អគ្គនាយករង​ និងថ្នាក់ដឹកនាំ​ មន្ត្រីរាជការ​ នៃនាយកដ្ឋានគ្រប់គ្រងលទ្ធកម្មរដ្ឋបាលថ្នាក់ក្រោមជាតិ​ ចូលរួមវណ្តុះបណ្តាលដោយផ្ទាល់​ លេីការអនុម័តការគ្រប់គ្រងដំណេីរការដេញថ្លៃនិងការគ្រប់គ្រងកិច្ចសន្យាតាម FMIS ទាំងស្រុង។

នៅថ្ងៃព្រហស្បតិ៍ ៣រោច ខែមាឃ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៥ ខែកុម្ភៈ ឆ្នាំ២០២៦ ឯកឧត្ដម ង៉ាន់ ភិរម្យ អគ្គនាយកនៃអគ្គនាយកដ្ឋានលទ្ធកម្មសាធារណៈ បានដឹកនាំកិច្ចប្រជុំពិភាក្សាលើសេចក្តីព្រាងប្រកាសស្តីពីផែនការលទ្ធកម្ម នៅក្នុងបន្ទប់ប្រជុំ GDPP1 អគារ គ នៃទីស្ដីការក្រសួងសេដ្ឋកិច្ច និងហិរញ្ញវត្ថុ។

នៅថ្ងៃអង្គារ ១រោច ខែមាឃ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៣ ខែកុម្ភៈ ឆ្នាំ២០២៦ វេលាម៉ោង៩:០០នាទីព្រឹក ឯកឧត្ដម ង៉ាន់ ភិរម្យ អគ្គនាយកនៃអគ្គនាយកដ្ឋានលទ្ធកម្មសាធារណៈ រួមទាំងសហការី បានចូលរួមកិច្ចប្រជុំគណៈកម្មាធិការកែទម្រង់ការគ្រប់គ្រងហិរញ្ញវត្ថុសាធារណៈ ដើម្បីពិនិត្យនិងពិភាក្សាលើរបាយការណ៍តាមដាន និងវាយតម្លៃប្រចាំឆ្នាំ២០២៥ នៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៤ ក្រោមអធិបតីភាពដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ តាមរយៈប្រព័ន្ធវីដេអូ Conference Zoom។

នៅថ្ងៃពុធ ១០កើត ខែមាឃ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី២៨ ខែមករា ឆ្នាំ២០២៦ វេលាម៉ោង៩:០០នាទីព្រឹក ឯកឧត្ដម ង៉ាន់ ភិរម្យ អគ្គនាយកនៃអគ្គនាយកដ្ឋានលទ្ធកម្មសាធារណៈ រួមទាំងសហការី បានចូលរួមកិច្ចប្រជុំគណៈកម្មការកែទម្រង់ការគ្រប់គ្រងហិរញ្ញវត្ថុសាធារណៈ ដើម្បីពិនិត្យនិងពិភាក្សាលើរបាយការណ៍តាមដាន និងវាយតម្លៃប្រចាំឆ្នាំ២០២៥ នៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៤ ក្រោមអធិបតីភាពដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ តាមរយៈប្រព័ន្ធវីដេអូ Conference Zoom។