អង្គភាព តម្រួតបទបញ្ជា

លោក ឧត្តមសេនីយ៍ទោ ឆឹង កុមារ អញ្ជើញដឹកនាំក្រុមការងារគោរពវិញ្ញាណក្ខ័ន្ធសព លោក វរសេនីយ៍ទោ មាស សំភា និងនាំយកបច្ច័យចូលរួមបុណ្យ

រាជធានីភ្នំពេញ ៖ នៅព្រឹកថ្ងៃទី ១៣ ខែ ឧសភា ឆ្នាំ២០២៦ លោកឧត្តមសេនីយ៍ទោ ឆឹង កុមារ ប្រធានអង្គភាពតម្រួតបទបញ្ជា អញ្ជើញដឹកនាំក្រុមការងារ គោរពវិញ្ញណក្ខ័ន្ធសព លោក វរសេនីយ៍ទោ មាស សំភា នាយរងការិយាល័យរដ្ឋបាល-សរុប នៃ អង្គភាពតម្រួតបទបញ្ជា ដែលទទួលមរណភាពដោយរោគាពាធ ព្រមទាំងបាននាំយកបច្ច័យ របស់ ឯកឧត្តម ឧត្តមសេនីយ៍ឯក លន់ សុផាត អគ្គស្នងការរងនគរបាលជាតិ និងបច្ច័យអង្គភាពតម្រួតបទបញ្ជា ដើម្បីចូលរួមរំលែកទុក្ខដល់គ្រួសារសព ស្ថិតនៅភូមិ ត្រពាំងខ្លូត ឃុំ ត្រាំកក់ ស្រុក ត្រាំកក់ ខេត្ត តាកែវ ៕

សូមក្រាបបង្គំទូលថ្វាយ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា 🙏🏼🙏🏼🙏🏼

រាជធានីភ្នំពេញ ៖ នៅព្រឹកថ្ងៃទី ៤ ខែ មេសា ឆ្នាំ២០២៦ អង្គភាពតម្រួតបទបញ្ជា បានរៀបចំសូត្រមន្តបង្សុកូល រម្លឹកដល់វរកងទ័ព និងវរនគរបាលជាតិដែលពលីក្នុងសមរភូមិការពារបូរណភាពទឹកដី ៕

លោក ឧត្តមសេនីយ៍ទោ ឆឹង កុមារ អញ្ជើញជួបសំណេះសំណាលមន្រ្តីនគរបាលនារី អបអរសាទរខួបលើកទី១១៥ ទិវាអន្តរជាតិនារី ៨មីនា ឆ្នាំ២០២៦ ក្រោមប្រធានបទ “សន្តិភាព និងសន្តិសុខសម្រាប់ស្ត្រី និងគ្រួសារ” របស់អង្គភាពតម្រួតបទបញ្ជា

រាជធានីភ្នំពេញ ៖ នៅព្រឹកថ្ងៃទី ៧ ខែ មីនា ឆ្នាំ២០២៦ លោកឧត្តមសេនីយ៍ទោ ឆឹង កុមារ ប្រធានអង្គភាពតម្រួតបទបញ្ជា អញ្ជើញជួបសំណេះសំណាលមន្រ្តីនគរបាលនារី អបអរសាទរខួបលើកទី១១៥ ទិវាអន្តរជាតិនារី ៨មីនា ឆ្នាំ២០២៦ ក្រោមប្រធានបទ “សន្តិភាព និងសន្តិសុខសម្រាប់ស្ត្រី និងគ្រួសារ” របស់អង្គភាពតម្រួតបទបញ្ជា នៅសាលប្រជុំអង្គភាព ក្នុងពិធីនេះ លោក ឧត្តមសេនីយ៍ទោ ប្រធានអង្គភាព បានពាំនាំប្រសាសន៍ផ្តាំផ្ញើសួរសុខទុក្ខនិងអំណោយពីសំណាក់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ដែលលោកតែងតែយកចិត្តទុកដាក់ជានិច្ចចំពោះកងកម្លាំងគ្រប់ៗរូប និងលើកទឹកចិត្តដល់នគរបាលនារី ដែលមានតួនាទីដ៏សំខាន់ ក្នុងចូលរួមថែរក្សាសន្តិសុខ សណ្តាប់ធ្នាប់ ក្នុងនាមរូបលោកផ្ទាល់ ព្រមទាំងភរិយា ចូលរួមអបអរសាទរ ប្រកបដោយក្តីសោមនស្សរីករាយ ជាមួយនគរបាលនារី ក្នុងមនោសញ្ចេតនាស្រឡាញ់រាប់អានយ៉ាងជ្រាលជ្រៅបំផុត និងបានផ្តល់ជូនបាច់ផ្កា ជាអនុស្សាវរីយ៍ រួមទាំងថវិកាមួយចំនួនផងដែរ ៕