គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស គជបជ

លោកជំទាវ ឧត្តមសេនីយ៍ឯក វេជ្ជ. ប៉ុណ្ណ សំខាន់ អគ្គលេខាធិការ គ.ជ.ប.ជ ក្នុងនាមថ្នាក់ដឹកនាំ និងមន្រ្តីរាជការគ្រប់ឋានានុក្រម នៃអគ្គលេខាធិការដ្ឋានប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) បានផ្ញើសារលិខិតជូនពរ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) នាឱកាសចម្រើនជន្មាយុគម្រប់ ៤៤ឆ្នាំ ឈានចូល ៤៥ឆ្នាំ ។


#ឯកឧត្តមអភិសន្តិបណ្ឌិត_ស_សុខា

លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្រ្តៃយ៍គ.ជ.ប.ជ ក្នុងនាមថ្នាក់ដឹកនាំ និងមន្រ្តីរាជការគ្រប់ឋានានុក្រមនៃអគ្គលេខាធិការដ្ឋានប្រយុទ្ធប្រឆាំងអំពើជួញដូរមនុស្ស គ.ជ.ប.ជ បានផ្ញើសារលិខិតជូនពរ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) នាឱកាសចម្រើនជន្មាយុគម្រប់ ៤៤ឆ្នាំ ឈានចូល ៤៥ឆ្នាំ ។

#ឯកឧត្តមអភិសន្តិបណ្ឌិត_ស_សុខា

រាជធានីភ្នំពេញ៖ ថ្ងៃទី១ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក ខៀវ ចាន់រ៉ា អគ្គលេខាធិការរង នៃអគ្គលេខាធិការដ្ឋាន គ.ជ.ប.ជ និងលោកជំទាវ ឧត្តមសេនីយ៍ទោ រ៉ន សិរីលក្ខិណា អគ្គលេខាធិការរង នៃអគ្គលេខាធិការដ្ឋាន គ.ជ.ប.ជ បានចូលរួម សិក្ខាសាលាស្ដីពី «ការពិនិត្យពាក់កណ្តាលអាណត្តិនៃកម្មវិធីការងារសមរម្យប្រចាំប្រទេសកម្ពុជា ឆ្នាំ២០២៤-២០២៨» ដែលរៀបចំដោយអង្គការ ILO នៅសណ្ឋាគារកាំបូឌីយ៉ាណា មានអ្នកចូលរួមប្រមាណ ៧០នាក់។

គោលបំណង និងគោលដៅ៖ការប្រើប្រាស់វិធីសាស្ត្រប្រមូលចងក្រងលទ្ធផល (OH) ក្នុងការពិនិត្យពាក់កណ្តាលអាណត្តិនៃកម្មវិធី DWCP មានគោលបំណង៖
· កំណត់ និងចងក្រងទុកជាឯកសារអំពីការផ្លាស់ប្តូរ/លទ្ធផលសំខាន់ៗ ទាក់ទងនឹងអាទិភាពរបស់ DWCP
· វាយតម្លៃការចូលរួមចំណែករបស់អង្គការ ILO និងសមាជិករបស់ខ្លួន
· ប្រមូលព័ត៌មានពីលទ្ធផលដែលកើតឡើងតាមការគ្រោងទុក និងមិនតាមការគ្រោងទុក និង
· បង្កើតមេរៀនបទពិសោធ និងអនុសាសន៍ ដើម្បីពង្រឹងការអនុវត្តដែលកំពុងបន្ត ៕

ថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី ២ ខែមិថុនា ឆ្នាំ២០២៦ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ គ.ជ.ប.ជ ដោយទទួលបានការអនុញ្ញាតពី ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធាន គ.ជ.ប.ជ បានទទួលជួបជាមួយគណៈប្រតិភូ The Royal Canadian Mounted Police (RCMP) នៃស្ថានទូតកាណាដាប្រចាំទីក្រុងបាងកក ដែលដឹកនាំដោយលោក Paul Huston។

គោលបំណងនៃជំនួប គឺដើម្បីពិភាក្សាការងារ ស្វែងរកកិច្ចសហការ ក្នុងការប្រឆាំងការជួញដូរមនុស្ស និងរកដំណោះបញ្ហាជនអន្តោប្រវេសន៍។
សមាសភាពគណៈអធិបតី នៅក្នុងជំនួបពិភាក្សានេះរួមមាន៖
ភាគីតំណាងស្ថានទូតកាណាដាប្រចាំទីក្រុងបាងកក៖
1. Mr. Paul Huston, Head of Delegation
2. Mr. Devid Dulude, Royal Canadian Mounted Police Liaison Officer
3. Mr. Olivier St. Onge, Canada Birder Sevices Agency Liaison Officer
4. Mr. Dan Park, Canada Birder Sevices Agency Liaison Office.

ភាគីកម្ពុជា
១. លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ គ.ជ.ប.ជ ជាប្រធានប្រតិភូ
២. លោកជំទាវ ឧត្តមសេនីយ៍ឯក វេជ្ជបណ្ឌិត ប៉ុណ្ណ សំខាន់
៣. ឯកឧត្តម ឧត្តមសេនីយ៍ឯក លី តុងហ៊ុយ អគ្គលេខាធិការរង គ.ជ.ប.ជ
៤. លោកជំទាវ ឧត្តមសេនីយ៍ទោ រ៉ន សិរីលក្ខិណា អគ្គលេខាធិការរង គ.ជ.ប.ជ
៥. ឯកឧត្តម ឧត្តមសេនីយ៍ទោ តែ សុថារេត អគ្គលេខាធិការរង គ.ជ.ជ.ប
៦. លោក ឧត្តមសេនីយ៍ទោ រស់ ណារិទ្ធ អនុប្រធាននាយកដ្ឋាន នៃអគ្គស្នងការដ្ឋាននគរបាលជាតិ
៧. លោក ឧត្តមសេនីយ៍ត្រី ឈូន ដា អនុប្រធាននាយកដ្ឋាន នៃអគ្គនាយកដ្ឋានអន្តោរប្រវេសន៍។

នៅក្នុងកិច្ចពិភាក្សា លោក Paul Huston បានសម្តែងនូវការព្រួយបារម្ភចំពោះការរីកសាយភាយនូវបទល្មើសឆបោកតាមប្រព័ន្ធអនឡាញនៅក្នុងតំបន់អាស៊ីអាគ្នេយ៍ ដែលរួមមានកម្ពុជាផងដែរ។ លោកបានបញ្ជាក់ថា រដ្ឋាភិបាលកាណាដាកំពុងយកចិត្តទុកដាក់លើកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការបោសសម្អាតបទល្មើសនេះ ហើយកាណាដារីករាយក្នុងការសហការជាមួយកម្ពុជា ក្នុងការផ្តល់វគ្គបណ្តុះបណ្តាលពង្រឹងសមត្ថភាពដល់មន្ត្រីមានសមត្ថកិច្ចកម្ពុជា ។

ជាការឆ្លើយតប លោកជំទាវ ជូ ប៊ុនអេង ក្នុងនាមឯកឧត្តម អភិសន្តិបណ្ឌិត ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធាន គ.ជ.ប.ជ បានធ្វើការបញ្ជាក់អំពីការប្តេជ្ញាចិត្តរបស់រាជរដ្ឋាភិបាល ក្នុងការបោសសម្អាតបទល្មើសឆបោកអនឡាញ់ឱ្យអស់ពីកម្ពុជា ក៏ដូចជាលុបបំបាត់បទល្មើសជួញដូរមនុស្សផងដែរ។ លោកជំទាវក៏បានសម្តែងនូវក្តីរីករាយ និងថ្លែងអំណរគុណដល់រដ្ឋាភិបាលកាណាដាដែលបានយកចិត្តទុកដាក់ និងគាំទ្រដល់កម្ពុជា ៕

ថ្ងៃទី១ ខែមិថុនា ឆ្នាំ២០២៦ លេខាធិការដ្ឋានគណៈកម្មាធិការខេត្តប្រយុទ្ធប្រឆាំងអំពើជួញដូរមនុស្ស ខេត្តកោះកុង បានចុះផ្សព្វផ្សាយការងារប្រយុទ្ធប្រឆាំងអំពើជួញដូរមនុស្ស នៅវិទ្យាល័យកោះស្តេច ក្រោមការដឹកដោយលោកស្រី ពេជ្រ ស្រីពី ស្នងការរង ដែលមានអ្នកចូលរួមចំនួន ២៥០នាក់ ។
#រដ្ឋបាលខេត្តកោះកុង

អបអរសារទរទិវាកុមារអន្តរជាតិ ខួបលើកទី៧៧ ១ មិថុនា ២០២៦ !
« កុមារគ្រប់រូបត្រូវបានការពារពីការជួញដូរមនុស្សគ្រប់ទម្រង់ និងការរំលោភបំពានគ្រប់រូបភាពជាពិសេសកុមារ »

រាជធានីភ្នំពេញ៖ កាលពីរសៀលថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ គ. ជ.ប.ជ បានអញ្ជើញចូលរួម និងប្រកាសបិទ សិក្ខាសាលាពិគ្រោះយោបល់បន្ត ដើម្បីកសាងសមត្ថភាពស្តីពី «ការតាមដាន វាយតម្លៃ និងដកពិសោធន៍ ក្របខណ្ឌ MEL» ដែលរៀបចំឡើងដោយអគ្គលេខាធិការរង គ.ជ.ប.ជ ដែលសហការរៀបចំដោយ កម្មវិធីអស៊ាន-អូស្ត្រាលីប្រយុទ្ធប្រឆាំងអំពើជួញដូរមនុស្ស (ASEAN-ACT) នៅសណ្ឋាគារ សាន់អែនមូន (SUN & MOON Hotel)។ សិក្ខាសាលានេះបានរៀបចំឡើងរយៈពេល២ថ្ងៃ គឺគិតចាប់ពីថ្ងៃទី២៨ ដល់២៩ ខែឧសភា ឆ្នាំ២០២៦។

ឆ្លៀតក្នុងឱកាសសំណេះសំណាលបិទកម្មវិធី លោកជំទាវ ជូ ប៊ុនអេង ក៏បានធ្វើការណែនាំ ឱ្យសិក្ខាកាមដែលមានវត្តមាននៅក្នុងសិក្ខាសាលា ធ្វើការសាកល្បងយក ឧបករណ៍សម្រាប់ការតាមដាន វាយតម្លៃ និងដកពិសោធន៍ ក្រមខណ្ឌ MEL ទៅអនុវត្តជាក់ស្តែងក្នុងការប្រមូលទិន្នន័យ ដើម្បីបញ្ជាក់ថា ឧបករណ៍ទាំងនោះអាចប្រើប្រាស់បាន និងប្រកបដោយប្រសិទ្ធិភាព មុនពេល ចុះទៅណែនាំឱ្យអ្នកពាក់ព័ន្ធធ្វើការអនុវត្តន៍ទាំងនៅកម្រិតថ្នាក់ជាតិ និងថ្នាក់ក្រោមជាតិ ៕

នៅរសៀលថ្ងៃទី២៨ ខែឧសភា ឆ្នាំ២០២៦ ជាមួយនឹងការស្ម័គ្រចិត្ត និងការយកចិត្តទុកដាក់ខ្ពស់លើការងារយុវជន ក្រុមការងារ ស.ស.យ.ក.អគ្គលេខាធិការដ្ឋាន គ.ជ.ប.ជ. ដឹកនាំដោយ លោកជំទាវ ប៉ុណ្ណ សំខាន់ អនុប្រធាន ស.ស.យ.ក.វិស័យមហាផ្ទៃ ដែលអមដំណើរដោយ លោកជំទាវ រ៉ន សិរីលក្ខិណា ប្រធានក្រុមការងារ ស.ស.យ.ក.អគ្គលេខាធិការដ្ឋាន គ.ជ.ប.ជ. និងលោកអនុប្រធាន ព្រមទាំងសមាជិក សមាជិកា ចំនួន ១២រូប បានចូលរួមក្នុងកម្មវិធី «ដាស់ស្មារតីជាតិ (Day of Reckoning)» ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នៅពហុកីឡដ្ឋានជាតិ អូឡាំពិក។
កម្មវិធី «ដាស់ស្មារតីជាតិ» ធ្វើឡើងក្នុងគោលបំណងរំលឹក និងដាស់ស្មារតីប្រជាជាតិឱ្យចងចាំពីដំណើរប្រវត្តិសាស្ត្រ ការឈឺចាប់ ការបាត់បង់ និងការតស៊ូដែលប្រជាជនកម្ពុជាធ្លាប់បានឆ្លងកាត់ និងប្រែក្លាយមេរៀន ព្រមទាំងស្លាកស្នាមនៃអតីតកាល ឱ្យទៅជាកម្លាំងជំរុញចិត្តសម្រាប់ប្រជាជន ជាពិសេសយុវជនជំនាន់ក្រោយ ក្នុងការអភិវឌ្ឍសមត្ថភាព ការពង្រឹងស្មារតីស្នេហាជាតិ និងការចូលរួមថែរក្សាសន្តិភាព ស្ថិរភាព និងសមិទ្ធផលសង្គមដែលកម្ពុជាកំពុងមាននាពេលបច្ចុប្បន្ន។
ក្នុងន័យនេះ កម្មវិធី «ដាស់ស្មារតីជាតិ» មិនមែនជាការរំលឹកអតីតកាល ដើម្បីបង្កើតការបែកបាក់ ការរើសអើង ឬការគុំកួនសងសឹកនោះឡើយ ប៉ុន្តែជាការដាស់តឿនស្មារតីប្រជាជាតិឱ្យយល់ដឹងពីតម្លៃនៃការរួបរួម សន្តិភាព ការអត់ឱន និងការកសាងអនាគតរួមគ្នា ដោយបញ្ចៀសដាច់ខាតនូវទស្សនៈជ្រុលនិយមគ្រប់ទម្រង់។

រាជធានីភ្នំពេញ៖ ព្រឹកថ្ងៃព្រហស្បតិ៍ ថ្ងៃទី២៨ ខែឧសភា ឆ្នាំ២០២៦ លោកជំទាវ ឧត្តមសេនីយ៍ឯក វេជ្ជបណ្ឌិត ប៉ុណ្ណ សំខាន់ អគ្គលេខាធិការ គ.ជ.ប.ជ បានអញ្ជើញមានមតិស្វាគមន៍ ក្នុងពិធីបើកសិក្ខាសាលាពិគ្រោះយោបល់បន្ត ដើម្បីកសាងសមត្ថភាពស្តីពី «ការតាមដាន វាយតម្លៃ និងដកពិសោធន៍ ក្របខណ្ឌ MEL» ដែលសហការរៀបចំដោយ កម្មវិធីអស៊ាន-អូស្ត្រាលីប្រយុទ្ធប្រឆាំងអំពើជួញដូរមនុស្ស (ASEAN-ACT) នៅសណ្ឋាគារ សាន់អែនមូន (SUN & MOON Hotel) ។

រាជធានីភ្នំពេញ៖ កាលពីរសៀលថ្ងៃអង្គារ ១០កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៦ ខែឧសភា ឆ្នាំ២០២៦ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ គ. ជ.ប.ជ បានអញ្ជើញជាអធិបតី ក្នុងកម្មវិធីបិទ វគ្គបណ្តុះបណ្តាលស្តីពី "ការយល់ដឹងអំពីបញ្ហាសុខភាពផ្លូវចិត្ត និងការប៉ះទង្គិចផ្លូវចិត្ត ការកំណត់អត្តសញ្ញាណ ជំនាញគ្រប់គ្រងបឋម ការបញ្ជូនបន្ត និងការសហការណ៍" ដែលរៀបចំឡើងដោយអគ្គលេខាធិការរង គ.ជ.ប.ជ សហការគាំទ្រដោយសមាគម EMDR Cambodia ដោយមានវត្តមាន លោកជំទាវ ឧត្តមសេនីយ៍ឯក វេជ្ជ. ប៉ុណ្ណ សំខាន់ អគ្គលេខាធិការ គ.ជ.ប.ជ និងលោក អ៊ុំ ផ្លាកទីន ប្រធានសមាគម EMDR អមគណៈអធិបតី។

នៅក្នុងកម្មវិធីនៃសិក្ខាសាលានេះក៏មានវត្តមាន ឯកឧត្តម លោកជំទាវ លោក លោកស្រី តំណាង ក្រសួងការងារ និងបណ្តុះបណ្តាលវិជ្ជាជីវៈ ក្រសួងសង្គមកិច្ច អគ្គលេខាធិការដ្ឋាន គ.ជ.ប.ជ អគ្គស្នងការដ្ឋាននគរបាលជាតិ អគ្គនាយកដ្ឋានអន្តោប្រវេសន៍ អគ្គនាយកដ្ឋានអត្តសញ្ញាណកម្ម លោកជំទាវ អភិបាលរងខេត្ត លោក លោកស្រី ស្នងការរងខេត្ត លោកលោកស្រី ប្រធាន អនុប្រធានមន្ទីរការងារ និងមន្ទីរសង្គមកិច្ច នៃខេត្តចំនួន៥ រួមមាន បាត់ដំបង សៀមរាប កំពង់ចាម កំពង់ឆ្នាំង និងខេត្តតាកែវ ព្រមទាំងមន្ត្រីនៃអង្គការ EMDR Cambodia ជាច្រើនរូបផងដែរ ៕