ក្រសួងយុត្តិធម៌ Ministry of Justice

ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ អញ្ជើញចូលរួមពិធីបុណ្យទក្ខិណានុប្បទានគម្រប់ខួប ៧ថ្ងៃ ឧទ្ទិសកុសលជូនដួងវិញ្ញាណក្ខន្ធព្រឹទ្ធមហាឧបាសកពុទ្ធសាសនូបត្ថម្ភក៍ នុត ម៉ុង
==============================

ខេត្តព្រៃវែង៖ នៅព្រឹកថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២ ខែមិថុនា ឆ្នាំ២០២៦, ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ អញ្ជើញចូលរួមពិធីបុណ្យទក្ខិណានុប្បទានគម្រប់ខួប ៧ថ្ងៃ ឧទ្ទិសកុសលជូនដួងវិញ្ញាណក្ខន្ធព្រឹទ្ធមហាឧបាសកពុទ្ធសាសនូបត្ថម្ភក៍ នុត ម៉ុង ដែលត្រូវជាឪពុកបង្កើតរបស់ឯកឧត្តម ម៉ុង មុនីចរិយា ប្រធានសាលាឧទ្ធរណ៍ត្បូងឃ្មុំ។ ព្រឹទ្ធមហាឧបាសកពុទ្ធសាសនូបត្ថម្ភក៍ នុត ម៉ុង បានទទួលអនិច្ចកម្ម កាលពីថ្ងៃពុធ ១១កើត ខែជេស្ឋ ឆ្នាំមមី អដ្ឋស័ក ព.ស.​២៥៧០ ត្រូវនឹងថ្ងៃទី២៧ ខែឧសភា ឆ្នាំ២០២៦ ក្នុងជន្មាយុ ៨២ឆ្នាំ ដោយរោគាពាធ។

អត្ថបទស្រាវជ្រាវ និងវិភាគ «ឧត្តមក្រុមប្រឹក្សានៃអង្គចៅក្រម»
រៀបចំដោយ ឯកឧត្តម សេង ប៊ុនឃាង សមាជិកឧត្តមក្រុមប្រឹក្សានៃអង្គចៅក្រម និង ឯកឧត្តម ញាន វណ្ណៈ រដ្ឋលេខាធិការ និងជានាយកខុទ្ទកាល័យក្រសួងយុត្តិធម៌
អត្ថបទដកស្រង់ចេញពីព្រឹត្តិបត្រ ច្បាប់និងយុត្តិធម៌ លេខ២ បោះពុម្ពផ្សាយដោយក្រសួងយុត្តិធម៌
PDF file https://t.me/mojcambodianews/84021
------------------
ក្រសួងយុត្តិធម៌l | JOIN ⏬
https://t.me/mojcambodianews
https://moj.gov.kh/kh/book-library

ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងលោកជំទាវ យ៉េត ម៉ូលីន កើតរិទ្ធ បានអញ្ជើញដឹកនាំកម្មវិធីជិះកង់អង្គរ លើកទី៤
===============================

ខេត្តសៀមរាប៖ នៅថ្ងៃអាទិត្យ ១៥កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣១ ខែឧសភា ឆ្នាំ២០២៦, ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងលោកជំទាវ យ៉េត ម៉ូលីន កើតរិទ្ធ ព្រមទាំងបុត្រធីតា បានអញ្ជើញដឹកនាំកម្មវិធីជិះកង់អង្គរ លើកទី៤​ ជុំវិញបរិវេណប្រាសាទអង្គរវត្ត (វង់តូច) និងកម្មវិធីដាំកូនឈើចំនួនប្រមាណ ៣០០​ ដើមនៅបរិវេណស្រះស្រង់។ កម្មវិធីនេះរៀបចំឡើងដោយក្រសួងយុត្តិធម៌ សហការជាមួយក្រុមកីឡាសេនាយុត្តិធម៌ ក្នុងគោលបំណងដើម្បីរៃអង្គាសថវិកាជូនមន្ទីរពេទ្យជ័យវរ្ម័នទី៧ (គន្ធបុប្ផា៣) ខេត្តសៀមរាប និងចូលរួមចំណែកក្នុងការគាំពារបរិស្ថាននៅតំបន់ប្រាសាទអង្គរវត្ត។

កម្មវិធីជិះកង់អង្គរ និងដាំកូនឈើនេះមាន​ការ​អញ្ជើញចូលរួមពីសំណាក់ឯកឧត្តមបណ្ឌិត ជីវ កេង ប្រធានតុលាការកំពូល និងលោកជំទាវ ជា លាង អគ្គព្រះរាជអាជ្ញានៃមហាអយ្យការអមតុលាការកំពូល, សមាជិកឧត្តមក្រុមប្រឹក្សានៃអង្គចៅក្រម, ថ្នាក់ដឹកនាំ ទីប្រឹក្សា ជំនួយការ មន្ត្រីរាជការនៃក្រសួងយុត្តិធម៌, អាជ្ញាធរជាតិដោះស្រាយវិវាទក្រៅប្រព័ន្ធតុលាការ, បណ្ឌិត្យសភាភូមិន្ទយុត្តិធម៌កម្ពុជា និងសាលាជម្រះក្តីគ្រប់ជាន់ថ្នាក់, មេធាវី និងអ្នកវិជ្ជាជីវៈក្នុងវិស័យ​យុត្តិធម៌ ព្រមទាំងសប្បុរសជនផ្សេងទៀតសរុបប្រមាណ ១ ៥០០ រូប។

ថវិកាដែលទទួលបានពីសប្បុរសជនចូលរួមក្នុងកម្មវិធីជិះកង់អង្គរ លើកទី៤ នេះ មានចំនួន ១ ៦០០ លានរៀល សម្រាប់បរិច្ចាគជូនមន្ទីរពេទ្យជ័យវរ្ម័នទី៧ (គន្ធបុប្ផា៣)។

ជាមួយគ្នានេះ, ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ ក៏បានអញ្ជើញជាអធិបតីក្នុងពិធីប្រកួតបាល់ទាត់មិត្តភាពវិស័យយុត្តិធម៌ រវាងក្រុមបាល់ទាត់សេនាយុត្តិធម៌ និងក្រុមបាល់ទាត់សាលាដំបូង និងអយ្យការអមសាលាដំបូងខេត្តសៀមរាប និងអញ្ជើញសំណេះសំណាល និងនាំយកថវិកា ព្រមទាំងសម្ភារៈមួយចំនួនផ្តល់ជូនគណៈគ្រប់គ្រងសាលា លោកគ្រូ អ្នកគ្រូ និងសិស្សានុសិស្សនៃសាលាបឋមសិក្សាវត្តរាជបូណ៌ ស្ថិតនៅភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាបផងដែរ។

សូមគូសបញ្ជាក់ថា កម្មវិធីជិះកង់អង្គរទាំង ៤ លើកកន្លងមកនេះ ប្រមូលបានថវិកាសរុបចំនួន ៤ ៨៥៥ លានរៀល (ប្រមាណ ១,២ លានដុល្លារអាម៉េរិក) ជូនដល់មន្ទីរពេទ្យជ័យវរ្ម័នទី៧ (គន្ធបុប្ផាទី៣)។

សេចក្តីប្រកាសព័ត៌មានអំពីកម្មវិធីជិះកង់អង្គរ លើកទី៤ ដើម្បីរៃអង្គាសថវិកាជូនមន្ទីរពេទ្យជ័យវរ្ម័នទី៧ (គន្ធបុប្ផាទី៣)

https://www.moj.gov.kh/

អត្ថបទស្រាវជ្រាវ និងវិភាគ «ការចេញដីកាសម្រេចរក្សាការពារ»
រៀបចំដោយ លោក ឈឿន គុយអេង សមាជិកខុទ្ទកាល័យឯកឧត្តមឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌
និងកញ្ញា គន្ធា ស្រីសុជាតា សមាជិកខុទ្ទកាល័យឯកឧត្តមឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌
អត្ថបទដកស្រង់ចេញពីព្រឹត្តិបត្រ ច្បាប់និងយុត្តិធម៌ លេខ២ បោះពុម្ពផ្សាយដោយក្រសួងយុត្តិធម៌

------------------
ក្រសួងយុត្តិធម៌l | JOIN ⏬
PDF File : https://t.me/mojcambodianews/83911
https://moj.gov.kh/kh/book-library

ឯកឧត្តម អ៊ូ រ៉ាស៊ី រដ្ឋលេខាធិការក្រសួងយុត្តិធម៌ អញ្ជើញចូលរួមក្នុងពិធីសម្ពោធដាក់ឱ្យប្រើប្រាស់ជាផ្លូវការ ស្តូបអនុស្សាវរីយ៍នយោបាយឈ្នះ ឈ្នះ កោះកុង
====================

នាព្រឹកថ្ងៃសៅរ៍ ១៤ កើត ខែជេស្ធ
ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣០ ខែឧសភា ឆ្នាំ២០២៦ ឯកឧត្តម អ៊ូ រ៉ាស៊ី រដ្ឋលេខាធិការក្រសួងយុត្តិធម៌ អញ្ជើញចូលរួមក្នុងពិធីសម្ពោធដាក់ឱ្យប្រើប្រាស់ជាផ្លូវការ ស្តូបអនុស្សាវរីយ៍នយោបាយឈ្នះ ឈ្នះ កោះកុង ស្ថិតនៅភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ តាមបណ្តោយផ្លូវជាតិលេខ៤៨ ខេត្តកោះកុង។

ឯកឧត្តមបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ បានអញ្ជើញដឹកនាំកិច្ចប្រជុំពិនិត្យលើវឌ្ឍនភាពនៃការរៀបចំប្រព័ន្ធអនុគ្រោះទោសឌីជីថលនៃអគ្គនាយកដ្ឋានកិច្ចការទោសព្រហ្មទណ្ឌក្រសួងយុត្តិធម៌
====================

រាជធានីភ្នំពេញ៖ នៅព្រឹកថ្ងៃសុក្រ ទី២៩ ខែឧសភា ឆ្នាំ២០២៦ នាទីស្តីការក្រសួងយុត្តិធម៌ ឯកឧត្តមបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ បានអញ្ជើញដឹកនាំកិច្ចប្រជុំពិនិត្យលើវឌ្ឍនភាពនៃការរៀបចំប្រព័ន្ធអនុគ្រោះទោសឌីជីថលនៃអគ្គនាយកដ្ឋានកិច្ចការទោសព្រហ្មទណ្ឌក្រសួងយុត្តិធម៌ ដែលបានរៀបចំអភិវឌ្ឍន៍ដោយក្រុមការងារបច្ចេកទេសដើម្បីអនុវត្តការងារជម្រុញឌីជីថលូបនីយកម្មក្រសួងយុត្តិធម៌ ។

ប្រព័ន្ធអនុគ្រោះទោសឌីជីថល ត្រូវបានអភិវឌ្ឍន៍ឡើងក្រោមការដឹកនាំ និងចង្អុលបង្ហាញដ៏ខ្ពង់ខ្ពស់របស់ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានគណៈកម្មការថ្នាក់ជាតិពិនិត្យ និងវាយតម្លៃបញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោស ក្នុងគោលបំណងដើម្បីគ្រប់គ្រងការអនុគ្រោះទោសឱ្យបាន់តែធានាបាននូវប្រសិទ្ធិភាព តម្លាភាព និងភាពងាយស្រួល សម្រាប់ការងារអនុគ្រោះទោសនៅគ្រប់ដំណាក់កាលនៃនីតិវិធីរបស់គណៈកម្មការពិនិត្យ និងវាយតម្លៃបញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោសគ្រប់ថ្នាក់ ។ ជារួមប្រព័ន្ធអនុគ្រោះទោសឌីជីថលនេះ បានអភិវឌ្ឍន៍រួចរាល់ប្រមាណជាង៩៥%ហើយ ដែលនឹងឈានទៅបញ្ចប់នាពេលឆាប់ៗខាងមុខ ដើម្បីប្រកាសដាក់ឱ្យដំណើរការជាផ្លូវការ ។

កិច្ចប្រជុំនេះ មានការអញ្ជើញចូលរួមពី ឯកឧត្តម ផេង សុខលាភ អនុរដ្ឋលេខាធិការ និងជាប្រធានក្រុមការងារបច្ចេកទេសដើម្បីអនុវត្តការងារជម្រុញឌីជីថលូបនីយកម្ម ឯកឧត្តម ជាម សត្យា ប្រតិភូរាជរដ្ឋាភិបាលទទួលបន្ទុកអគ្គនាយកដ្ឋានកិច្ចការទោសព្រហ្មទណ្ឌ និងមន្រ្តីជំនាញកិច្ចការឌីជីថលក្រសួងយុត្តិធម៌ចូលរួមផងដែរ។