អគ្គនាយកដ្ឋានអត្តសញ្ញាណកម្ម

ខេត្តកំពង់ស្ពឺ៖ នៅថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១ ខែមិថុនា ឆ្នាំ២០២៦ សកម្មភាពជំនាញអត្តសញ្ញាណកម្ម ចំណុះអធិការដ្ឋាននគរបាលក្រុង ស្រុក នៃស្នងការដ្ឋាននគរបាលខេត្តកំពង់ស្ពឺ បានចុះបំពេញបែបបទផ្តល់ និងបន្តសុពលភាពអត្តសញ្ញាណបណ្ណសញ្ជាតិខ្មែរ ប្រគេនព្រះសង្ឃ ព្រមទាំងប្រគល់អត្តសញ្ញាណបណ្ណសញ្ជាតិខ្មែរ សៀវភៅស្នាក់នៅ (ក២) សៀវភៅគ្រួសារ (ក៤) ជូនប្រជាពលរដ្ឋ ដើម្បីប្រើប្រាស់តាមតម្រូវការចាំបាច់ក្នុងជីវភាពប្រចាំថ្ងៃ។

-អត្តសញ្ញាណបណ្ណសញ្ជាតិខ្មែរ ត្រូវផ្តល់ជូនបុគ្គលមានសញ្ជាតិខ្មែរគ្រប់រូប ដែលមានអាយុចាប់ពី១៥ឆ្នាំឡើងទៅ (រួមទាំងព្រះសង្ឃ បព្វជិតសាសនា ជនជាប់ឃុំ ឬជនវិបល្លាសស្មារតី។ល។)

ឯកសារភ្ជាប់ សម្រាប់ស្នើសុំផ្តល់អត្តសញ្ញាណបណ្ណសញ្ជាតិខ្មែរដំបូង ៖
១- សេចក្តីចម្លងសំបុត្រកំណើត ឬសេចក្តីចម្លងសំបុត្របញ្ជាក់កំណើត និង
២- សៀវភៅស្នាក់នៅ ឬសៀវភៅគ្រួសារ ឬលិខិតបញ្ជាក់ទីលំនៅ។
៣- ប្រជាពលរដ្ឋខ្មែរដែលកំពុងបំពេញជាបព្វជិតក្នុងព្រះពុទ្ធសាសនា (ត្រូវភ្ជាប់ឯកសារបន្ថែម) ឆាយា ឬសង្ឃដីកា ឬសុទ្ធិបត្រ។

-ប្រជាពលរដ្ឋអាចស្នើសុំផ្តល់ សៀវភៅស្នាក់នៅ និងសៀវភៅគ្រួសារ នៅប៉ុស្តិ៍នគរបាលរដ្ឋបាលឃុំ សង្កាត់នៃលំនៅឋានដែលសាមីខ្លួនកំពុងរស់នៅអចិន្រ្តៃយ៍។

ខេត្តព្រៃវែង៖ នៅថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១ ខែមិថុនា ឆ្នាំ២០២៦ សកម្មភាពជំនាញអត្តសញ្ញាណបណ្ណសញ្ជាតិខ្មែរ ចំណុះអធិការដ្ឋាននគរបាលស្រុកពោធិ៍រៀង និងស្រុកកញ្ជ្រៀច នៃស្នងការដ្ឋាននគរបាលខេត្តព្រៃវែង បានបំពេញបែបបទផ្តល់ និងបន្តសុពលភាពអត្តសញ្ញាណបណ្ណសញ្ជាតិខ្មែរ ជូនប្រជាពលរដ្ឋក្នុងភូមិពោធិ៍រៀងត្បូង ឃុំពោធិ៍រៀង ស្រុកពោធិ៍រៀង ខេត្តព្រៃវែង។

ប្រជាពលរដ្ឋអាចធ្វើការស្នើសុំបំពេញបែបបទផ្តល់ និងបន្តសុពលភាពអត្តសញ្ញាណបណ្ណសញ្ជាតិខ្មែរនៅ ៖
-ប៉ុស្តិ៍នគរបាលរដ្ឋបាលឃុំ សង្កាត់ នៃទីលំនៅសាមីខ្លួនកំពុងរស់នៅ ឬ
-អធិការដ្ឋាននគរបាល ក្រុង ស្រុក ខណ្ឌ នៃទីលំនៅសាមីខ្លួនកំពុងរស់នៅឬ
-ស្នងការដ្ឋាននគរបាល រាជធានី ខេត្ត នៃទីលំនៅសាមីខ្លួនកំពុងរស់នៅ។

ប្រជាពលរដ្ឋរាជធានី ខេត្ត អាចធ្វើការស្នើសុំបំពេញបែបបផ្តល់ និងបន្តសុពលភាពអត្តសញ្ញាណបណ្ណសញ្ជាតិខ្មែរនៅ ៖
-ស្នាក់ការកណ្តាលបេឡាជាតិសន្តិសុខសង្គម (សម្រាប់សមាជិក ប.ស.ស) ឬ
-ទីស្នាក់ការផ្តល់សេវាអត្តសញ្ញាណបណ្ណសញ្ជាតិខ្មែរអុីអន២ (សែនសុខ) ឬ
-ទីស្នាក់ការផ្តល់សេវាអត្តសញ្ញាណបណ្ណសញ្ជាតិខ្មែរ អុីអន៣ (មានជ័យ) ឬ
-នាយកដ្ឋានអត្តសញ្ញាណបណ្ណសញ្ជាតិខ្មែរ (ក្រោយវត្តនិរោធរង្សី)។

-ប្រជាពលរដ្ឋខ្មែរ ដែលគ្រប់អាយុ ១៥ឆ្នាំ ឬដែលប្រើប្រាស់អត្តសញ្ញាណបណ្ណសញ្ជាតិខ្មែរអស់សុពលភាព ឬមានសុពលភាពតិចជាង ១៨០ថ្ងៃ(៦ខែ) សូមអញ្ជើញទៅបំពេញបែបបទធ្វើអត្តសញ្ញាណបណ្ណសញ្ជាតិខ្មែរ ដោយឥតគិតថ្លៃ។

ខេត្តបាត់ដំបង៖ នៅថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១ ខែមិថុនា ឆ្នាំ២០២៦ សកម្មភាពជំនាញគ្រប់គ្រងការស្នាក់នៅ ចំណុះអធិការដ្ឋាននគរបាលស្រុក ក្រុង នៃស្នងការដ្ឋាននគរបាលខេត្តបាត់ដំបង បានចុះប្រគល់សៀវភៅស្នាក់នៅ (ក២) និងសៀវភៅគ្រួសារ (ក៤) ជូនប្រជាពលរដ្ឋ ដើម្បីប្រើប្រាស់តាមតម្រូវការចាំបាច់ក្នុងជីវភាពប្រចាំថ្ងៃ។

សៀវភៅស្នាក់នៅ គឺជាសៀវភៅសម្រាប់ប្រើប្រាស់ជាវិធានការនគរបាល ដើម្បីស្រង់ព័ត៌មានអំពីចំនួនមនុស្ស ដែលបានស្នាក់នៅក្នុងលំនៅឋាននៃទីតាំងប្រមូលផ្តុំ។ សៀវភៅនេះ ពុំអាចត្រូវបានប្រើប្រាស់ ឬបញ្ជាក់ពីភាពជាកម្មសិទ្ធិលើលំនៅឋានបានឡើយ និងផ្តល់បានតែមួយគត់ជូនចំពោះបុគ្គល ឬគ្រួសារ ឬក្រុមគ្រួសារដែលជាម្ចាស់ ឬជាអ្នកជួលកំពុងស្នាក់នៅក្នុងលំនៅឋានអចិន្រ្តៃយ៍ណាមួយជាកំណត់ ទោះបុគ្គលឬគ្រួសារ ឬក្រុមគ្រួសារនោះមានលំនៅឋានលើសពីមួយក៏ដោយ។

សៀវភៅគ្រួសារ គឺជាសៀវភៅប្រើប្រាស់សម្រាប់បញ្ជាក់ពីចំណងញាតិភាពដែលមានសញ្ជាតិខ្មែររួមមានសហព័ទ្ធ (ប្តីឬប្រពន្ធ) កូនបង្កើតឬកូនស្មុំ។ សៀវភៅនេះ ពុំអាចត្រូវបានប្រើប្រាស់ធ្វើជាឯកសារសម្រាប់អះអាង ឬបញ្ជាក់ពីភាពជាកម្មសិទ្ធិលើលំនៅឋានបានឡើយ។

-ប្រជាពលរដ្ឋអាចស្នើសុំផ្តល់ សៀវភៅស្នាក់នៅ និងសៀវភៅគ្រួសារ នៅប៉ុស្តិ៍នគរបាលរដ្ឋបាលឃុំ សង្កាត់នៃលំនៅឋានដែលសាមីខ្លួនកំពុងរស់នៅអចិន្រ្តៃយ៍។

ខេត្តព្រះវិហារ៖ នៅថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១ ខែមិថុនា ឆ្នាំ២០២៦ សកម្មភាពជំនាញអត្តសញ្ញាណបណ្ណសញ្ជាតិខ្មែរ ចំណុះអធិការដ្ឋាននគរបាលក្រុង ស្រុក នៃស្នងការដ្ឋាននគរបាលខេត្តព្រះវិហារ បានបំពេញបែបបទផ្តល់ និងបន្តសុពលភាពអត្តសញ្ញាណបណ្ណសញ្ជាតិខ្មែរ ជូនប្រជាពលរដ្ឋ ដើម្បីប្រើប្រាស់តាមតម្រូវការចាំបាច់ក្នុងជីវភាពប្រចាំថ្ងៃ។

ប្រជាពលរដ្ឋអាចធ្វើការស្នើសុំបំពេញបែបបទផ្តល់ និងបន្តសុពលភាពអត្តសញ្ញាណបណ្ណសញ្ជាតិខ្មែរនៅ ៖
-ប៉ុស្តិ៍នគរបាលរដ្ឋបាលឃុំ សង្កាត់ នៃទីលំនៅសាមីខ្លួនកំពុងរស់នៅ ឬ
-អធិការដ្ឋាននគរបាល ក្រុង ស្រុក ខណ្ឌ នៃទីលំនៅសាមីខ្លួនកំពុងរស់នៅឬ
-ស្នងការដ្ឋាននគរបាល រាជធានី ខេត្ត នៃទីលំនៅសាមីខ្លួនកំពុងរស់នៅ។

ប្រជាពលរដ្ឋរាជធានី ខេត្ត អាចធ្វើការស្នើសុំបំពេញបែបបផ្តល់ និងបន្តសុពលភាពអត្តសញ្ញាណបណ្ណសញ្ជាតិខ្មែរនៅ ៖
-ស្នាក់ការកណ្តាលបេឡាជាតិសន្តិសុខសង្គម (សម្រាប់សមាជិក ប.ស.ស) ឬ
-ទីស្នាក់ការផ្តល់សេវាអត្តសញ្ញាណបណ្ណសញ្ជាតិខ្មែរអុីអន២ (សែនសុខ) ឬ
-ទីស្នាក់ការផ្តល់សេវាអត្តសញ្ញាណបណ្ណសញ្ជាតិខ្មែរ អុីអន៣ (មានជ័យ) ឬ
-នាយកដ្ឋានអត្តសញ្ញាណបណ្ណសញ្ជាតិខ្មែរ (ក្រោយវត្តនិរោធរង្សី)។

-ប្រជាពលរដ្ឋខ្មែរ ដែលគ្រប់អាយុ ១៥ឆ្នាំ ឬដែលប្រើប្រាស់អត្តសញ្ញាណបណ្ណសញ្ជាតិខ្មែរអស់សុពលភាព ឬមានសុពលភាពតិចជាង ១៨០ថ្ងៃ(៦ខែ) សូមអញ្ជើញទៅបំពេញបែបបទធ្វើអត្តសញ្ញាណបណ្ណសញ្ជាតិខ្មែរ ដោយឥតគិតថ្លៃ។

ឯកឧត្តម ឧត្ដមសេនីយ៍ទោ ហេង ចំរើន អញ្ជើញចូលរួមជាគណអធិបតីក្នុងពិធីបើកវគ្គបណ្តុះបណ្តាលស្តីពីការរៀបចំ វិភាគទិន្នន័យស្ថិតិអត្រានុកូលដ្ឋានថ្នាក់ជាតិដោយប្រើប្រាស់ទិន្នន័យចុះបញ្ជីអត្រានុកូលឆ្នាំ ២០២៤។

រាជធានីភ្នំពេញ៖ នៅព្រឹកថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១ ខែមិថុនា ឆ្នាំ២០២៦ ឯកឧត្តម ឧត្ដមសេនីយ៍ទោ ហេង ចំរើន អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមជាគណអធិបតីក្នុងពិធីបើកវគ្គបណ្តុះបណ្តាលស្តីពីការរៀបចំ វិភាគទិន្នន័យស្ថិតិអត្រានុកូលដ្ឋានថ្នាក់ជាតិដោយប្រើប្រាស់ទិន្នន័យចុះបញ្ជីអត្រានុកូលឆ្នាំ ២០២៤ ក្រោមអធិបតីភាព ឯកឧត្តម សុក កុសល អគ្គនាយករងវិទ្យាស្ថានជាតិស្ថិតិ នៃក្រសួងផែនការ ដែលប្រព្រឹត្តទៅនៅថ្ងៃទី១-៤ ខែមិថុនា ឆ្នាំ២០២៦ នៅ សណ្ឋាគារណូវ៉ូតែល រាជធានីភ្នំពេញ។

ក្នុងពិធីនេះ ក៏មានការអញ្ជើញចូលរួមពី ឯកឧត្តម តំណាងក្រសួងសុខាភិបាល វិទ្យាស្ថានជាតិស្ថិតិ តំណាងអង្គការ Vital Strategies លោក លោកស្រី សមាជិក សមាជិកា រួមទាំងក្រុមការងារជំនាញ នៃអគ្គនាយកដ្ឋានអត្តសញ្ញាណកម្ម និងស្ថាប័នពាក់ព័ន្ធផងដែរ។

ឯកឧត្តម ឧត្តមសេនីយ៍ឯក តាត និមល អញ្ជើញដឹកនាំកិច្ចប្រជុំពិនិត្យ និងកែសម្រួលលើសេចក្ដីព្រាងប្រកាស ស្ដីពីបែបបទនីតិវិធី នៃការចុះបញ្ជីស្នាក់នៅ និងការគ្រប់គ្រងការស្នាក់នៅ តាមប្រព័ន្ធអេឡិចត្រូនិច។

អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី១ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក តាត និមល អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញដឹកនាំកិច្ចប្រជុំពិនិត្យ និងកែសម្រួលលើសេចក្ដីព្រាងប្រកាស ស្ដីពីបែបបទនីតិវិធី នៃការចុះបញ្ជីស្នាក់នៅ និងការគ្រប់គ្រងការស្នាក់នៅ តាមប្រព័ន្ធអេឡិចត្រូនិច។

ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម អគ្គនាយករង ប្រធាននាយកដ្ឋាន លោក លោកស្រីអនុប្រធាននាយកដ្ឋាន លោក លោកស្រីនាយ នាយរងការិយាល័យ និងក្រុមការងារពាក់ព័ន្ធ នៃអគ្គនាយកដ្ឋានអត្តសញ្ញាណកម្មផងដែរ។

អបអរសាទរ ខួបទី៧៧ ទិវាកុមារអន្តរជាតិ (១មិថុនា) ក្រោមប្រធានបទ៖ «សន្តិភាព ជាមូលដ្ឋានគ្រឹះនៃការគោរពនិងកិច្ចគាំពារសិទ្ធិកុមារ»

១ មិថុនា ១៩៤៩ ~ ១ មិថុនា ២០២៦

👉ឆាណែលTelegram អគ្គនាយកដ្ឋានអត្តសញ្ញាណកម្ម⏬️
-Join Telegram📱 https://t.me/GDI_service_news
-Website🌐 http://www.gdi.gov.kh/
-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ☎️1271 ឬ017 898 915

[English Below] សេចក្ដីប្រកាសព័ត៌មាន ស្ដីពីស្ថានភាពពលរដ្ឋភៀសសឹក និងផលប៉ះពាល់លើតំបន់ស៊ីវិល គិតត្រឹមព្រឹកថ្ងៃទី៣១ ខែឧសភា ឆ្នាំ២០២៦។

Press Release on the Situation of Displaced Persons and Impact on Civilian Areas as of the Morning of 31 May 2026.

លោកជំទាវ ថាំ វ៉ាន់នីកា តុប នេត អញ្ជើញចូលរួមពិធីបិទព្រឹត្តិការណ៍ប្រកួតកីឡាវាយសី ជ្រើសរើសជើងឯកនគរបាលអាស៊ីអាគ្នេយ៍ (Southeast Asia Police Badminton Championship 2025) ពានរង្វាន់ឯកឧត្តមអភិសន្តិបណ្ឌិត ស សុខា លើកទី២ ឆ្នាំ២០២៥។

រាជធានីភ្នំពេញ៖ នៅរសៀលថ្ងៃសៅរ៍ ១៤កើត ខែពិសាខ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣០ ខែឧសភា ឆ្នាំ២០២៦ លោកជំទាវ ថាំ វ៉ាន់នីកា តុប នេត សមាជិកាកិត្តិយស នៃគណៈកម្មការសាខាសមាគមនារី ក្រសួងមហាផ្ទៃ អមដំណើរដោយ ឯកឧត្ដម ឆេងអុី វីណាវុធ អគ្គនាយករង និងជាប្រធានក្រុមកីឡា រួមទាំងក្រុមកីឡា នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមពិធីបិទព្រឹត្តិការណ៍ប្រកួតកីឡាវាយសី ជ្រើសរើសជើងឯកនគរបាលអាស៊ីអាគ្នេយ៍ (Southeast Asia Police Badminton Championship 2025) ពានរង្វាន់ឯកឧត្តមអភិសន្តិបណ្ឌិត ស សុខា លើកទី២ ឆ្នាំ២០២៥ នៅមជ្ឈមណ្ឌលអភិវឌ្ឍធនធានកីឡាជាតិកម្ពុជា ក្រោមអធិបតីភាពដ៏ខ្ពង់ខ្ពស់ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ។

ជាលទ្ធផលដ៏គួរឱ្យមោទនភាព ក្រុមកីឡាវាយសីនៃអគ្គនាយកដ្ឋានអត្តសញ្ញាណកម្ម បានបង្ហាញសមត្ថភាព និងការខិតខំប្រឹងប្រែងយ៉ាងសកម្ម រហូតដណ្តើមបាន ចំណាត់ថ្នាក់លេខ១ និងចំណាត់ថ្នាក់លេខ៣ ក្នុងវិញ្ញាសាវាយសី ដែលជាសមិទ្ធផលឆ្លុះបញ្ចាំងពីស្មារតីអង់អាច ការហ្វឹកហាត់ជាប់លាប់ និងការយកចិត្តទុកដាក់លើការអភិវឌ្ឍវិស័យកីឡាក្នុងអង្គភាព។ សមិទ្ធផលនេះគឺជាកិត្តិយសមួយសម្រាប់អគ្គនាយកដ្ឋានអត្តសញ្ញាណកម្ម និងបានចូលរួមលើកកម្ពស់វិស័យកីឡារបស់ក្រសួងមហាផ្ទៃ នៅក្នុងក្របខ័ណ្ឌតំបន់ ស្របតាមគោលនយោបាយរបស់រាជរដ្ឋាភិបាលក្នុងការលើកកម្ពស់វិស័យកីឡា សុខភាព និងសាមគ្គីភាពជាតិ។

ក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម ចុះស្រាវជ្រាវសំបុត្រអត្រានុកូលដ្ឋានមិនប្រក្រតី។

ខេត្តតាកែវ៖ នាថ្ងៃសុក្រ ១៣កើត ខែពិសាខ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦ ក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានសហការជាមួយរដ្ឋបាលខេត្តតាកែវ ចុះស្រាវជ្រាវសំបុត្រអត្រានុកូលដ្ឋានមិនប្រក្រតី នៅស្រុកត្រាំកក់ ខេត្តតាកែវ ដោយមានការអញ្ជើញចូលរួមពី លោក លោកស្រី នាយករងរដ្ឋបាលខេត្ត ប្រធានការិយាល័យអត្រានុកូលដ្ឋានខេត្ត អភិបាលរងស្រុកត្រាំកក់ លោកអធិការរង នៃអធិការដ្ឋាននគរបាលស្រុកត្រាំកក់ ប្រធានការិយាល័យរដ្ឋបាលស្រុកត្រាំកក់ មេឃុំ ព្រមទាំងស្មៀន នៃឃុំញ៉ែងញ៉ង និងលោកនាយប៉ុស្ដិ៍នគរបាលរដ្ឋបាលផងដែរ។