ខាន់ ខុន អនុរដ្ឋលេខាធិការ ក.ធ.ស

ឯកឧត្តម ខាន់ ខុន អនុរដ្ឋលេខាធិការ ក្រសួងធម្មការនិងសាសនា
បានអញ្ជើញចូលរួម កិច្ចប្រជុំពិភាក្សាការងារអំពីវិស័យសាសនា ។

ថ្ងៃពុធ ១២រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែឧសភា ឆ្នាំ២០២៦

ឯកឧត្តម ខាន់ ខុន អនុរដ្ឋលេខាធិការក្រសួងធម្មការនិងសាសនា
បានអញ្ជើញចូលរួម ពិធីផ្សព្វផ្សាយខ្លឹមសារអំពីគោលនយោបាយ «ភូមិ-ឃុំ-សង្កាត់ មានសុវត្ថិភាព» ដោយមានការអញ្ជើញចូលរួមជាអធិបតីរបស់ ឯកឧត្តម អ៊ួច ភា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅទីស្តីការក្រសួងធម្មការនិងសាសនា។

ថ្ងៃពុធ ១២រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែឧសភា ឆ្នាំ២០២៦

ឯកឧត្តម ខាន់ ខុន អនុរដ្ឋលេខាធិការក្រសួងធម្មការនិងសាសនា បានអញ្ជើញចូលរួម ព្រះរាជពិធីបុណ្យចម្រើនព្រះជន្មវស្សា​ និងមហាសង្ឃទានបច្ច័យបួន​ ថ្វាយ​ សម្ដេចព្រះអគ្គមហាសង្ឃរាជ​ នៃព្រះរាជាណាចក្រកម្ពុជា​ ក្នុងព្រះជន្ម​ ១០២​ ព្រះវស្សា​ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត នៅមហាកុដិវត្តបទុមវតីរាជវរារាម រាជធានីភ្នំពេញ។

ថ្ងៃសុក្រ ៨កើត ខែពិសាខ ឆ្នាំមមី​ អដ្ឋស័ក ព.ស.២៥៦៩​ ត្រូវនឹងថ្ងៃទី២៤ ខែមេសា ឆ្នាំ២០២៦

ឯកឧត្តម ចាយ បូរិន រដ្ឋមន្ត្រីក្រសួងធម្មការនិងសាសនា អញ្ជើញដឹកនាំកិច្ចប្រជុំ ស្តីពី ការតាមដានវឌ្ឍនភាពនៃការរៀបចំសេចក្តីព្រាងអង្គការលេខរចនាសម្ព័ន្ធរបស់ក្រសួងធម្មការនិងសាសនា។
👉✝️👈
ថ្ងៃអង្គារ ៥កើត ខែវិសាខ ឆ្នាំមមី អដ្ឋស័ក ព.ស.២៥៦៩
ត្រូវនឹងថ្ងៃទី២១ ខែមេសា ឆ្នាំ២០២៦

សេចក្តីថ្លែងការណ៍

ក្រសួងធម្មការនិងសាសនា នៃព្រះរាជាណាចក្រកម្ពុជា សូមធ្វើការតវ៉ាយ៉ាងខ្លាំងក្លាបំផុត ចំពោះវត្តមានរបស់អាជ្ញាធរនិងប្រជាជនថៃ ដែលបន្តបង្កសកម្មភាពខុសច្បាប់ធ្វើពិធីបួងសួងបែបជំនឿសាសនា នៅប្រាសាទតាក្របីនិងតំបន់ជុំវិញ ដែលជាទីតាំងស្ថិតនៅក្នុងដែនអធិបតេយ្យភាពរបស់កម្ពុជា។

STATEMENT

The Ministry of Cult and Religion of the Kingdom of Cambodia strongly protests the presence of Thai authorities and people who continue to illegally conduct religious prayer activities at Ta Krabey Temple and the surrounding areas, which is located within the sovereign territory of Cambodia.

ឯកឧត្តម ចាយ បូរិន រដ្ឋមន្ត្រីក្រសួងធម្មការនិងសាសនា អញ្ជើញដឹកនាំប្រកាសសមាសភាពគណៈកម្មការ និងអនុគណៈកម្មការ រៀបចំព្រះរាជពិធីបុណ្យចម្រើនព្រះជន្មវស្សា និងមហាសង្ឃទានបច្ច័យបួន ថ្វាយ សម្ដេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត នន្ទ ង៉ែត សម្ដេចព្រះមហាសង្ឃរាជ នៃព្រះរាជាណាចក្រកម្ពុជា និងជាសម្ដេចព្រះចៅអធិការវត្តបទុមវតីរាជវរារាម ក្នុងព្រះជន្ម ១០២ ព្រះវស្សា។
កិច្ចប្រជុំនេះមានការនិមន្តពីសំណាក់ សម្ដេចព្រះពុទ្ធជ័យមុនីបណ្ឌិត ឃឹម សន សម្ដេចព្រះសង្ឃនាយករងទី៣ ព្រះរាជតំណាងដ៏ខ្ពង់ខ្ពស់ សម្តេចព្រះមហាសុមេធាធិបតី កិត្តិបណ្ឌិត អំ លីមហេង សម្ដេចព្រះសង្ឃនាយក គណៈមហានិកាយនៃព្រះរាជាណាចក្រកម្ពុជា សម្តេច ព្រះរាជាគណៈ ព្រះមន្ត្រីសង្ឃ ក្នុងនោះក៏មានការអញ្ជើញរបស់ ឯកឧត្ដម សន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី ឯកឧត្តម លោកជំទាវ រដ្ឋលេខាធិការ ឯកឧត្តម លោកជំទាវ អនុរដ្ឋលេខាធិការ ឯកឧត្តម លោកជំទាវ លោក លោកស្រី និងមន្ត្រីរាជការក្រសួងស្ថាប័នពាក់ព័ន្ធ កិច្ចប្រជុំនេះ នៅទីស្តីការក្រសួងធម្មការនិងសាសនា។
👉✝️👈
ថ្ងៃចន្ទ ៤កើត ខែពិសាខ ឆ្នាំមមី អដ្ឋស័ក ព.ស.២៥៦៩
ត្រូវនឹងថ្ងៃទី២០ ខែមេសា ឆ្នាំ២០២៦

#គោរពជូនពរ ប្រសិទ្ធពរជ័យ សិរីមង្គល បវរមហាប្រសើរ

ឯកឧត្តម ខាន់ ខុន អនុរដ្ឋលេខាធិការ​ក្រសួងធម្មការ និងសាសនា បានអញ្ជើញចូលរួម ទស្សនារបាំត្រុដិ របាំអប្សរា និងលេងល្បែងប្រជាប្រិយខ្មែរ ក្នុងឱកាសជួបជុំមន្ត្រីថ្នាក់ដឹកនាំ នៃក្រសួងធម្មការ និងសាសនា មុនពិធីបុណ្យចូលឆ្នាំថ្មីប្រពៃណីជាតិខ្មែរ ខាងមុខនេះ។

ពិធីនេះ មានការអញ្ជើញចូលរួមពី ឯកឧត្តម ចាយ បូរិន រដ្ឋមន្ត្រីក្រសួងធម្មការ និងសាសនា ព្រមទាំង ឯកឧត្តម លោកជំទាវ លោក លោកស្រី ជាថ្នាក់ដឹកនាំជាច្រើនរូប ដោយបង្កើតបរិយាកាសសប្បាយរីករាយ និងពោរពេញដោយអត្តសញ្ញាណវប្បធម៌ជាតិ។

ថ្ងៃព្រហស្បតិ៍ ៧រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៩ ខែមេសា ឆ្នាំ២០២៦

ឯកឧត្តម ខាន់ ខុន អនុរដ្ឋលេខាធិការ នៃក្រសួងធម្មការ និងសាសនា បានអញ្ជើញចូលរួមក្នុងពិធីអបអរសាទរ ទិវាព្រះពុទ្ធសាសនាអន្តរជាតិ រៀបចំដោយ ឯកឧត្តម ចាយ បូរិន រដ្ឋមន្រ្តីក្រសួងធម្មការ និងសាសនា អញ្ជើញក្រោមអធិបតីភាព ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី ជាតំណាងដ៏ខ្ពង់ខ្ពស់របស់ ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅសាលសន្និសីទ ចតុម្មុខ ។

ថ្ងៃពុធ ៦រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៨ ខែមេសា ឆ្នាំ២០២៦

ឯកឧត្តម ខាន់ ខុន អនុរដ្ឋលេខាធិការក្រសួងធម្មការនិងសាសនា
តំណាងដ៏ខ្ពង់ខ្ពស់ ឯកឧត្តម ចាយ បូរិន រដ្ឋមន្ត្រីក្រសួងធម្មការនិងសាសនា បានចុះប្រគល់ ផ្ទះចំនួន ៣ ខ្នង ជូនស្ត្រីមេម៉ាយ ដែលខ្វះលទ្ធភាពក្នុងការសង់ផ្ទះរស់នៅឱ្យបានសមរម្យ។

ផ្ទះនីមួយៗមានទំហំ 4m x 5m និងសំយាបមុខផ្ទះ 3m ព្រមទាំងផ្តល់ជូនសម្ភារៈប្រើប្រាស់ដូចជា៖
ពូក, ខ្នើយកើយ, ខ្នើយឱប, ភួយ, ទូដាក់សម្លៀកបំពាក់, ស្មាអាវ, គ្រែ និងមុងគេង។

មានទីតាំងស្ថិតនៅ៖
1. ភូមិអណ្ដូងច្រុះ ឃុំរលាប្អៀរ ស្រុករលាប្អៀរ ខេត្តកំពង់ឆ្នាំង
2. ភូមិដំណាក់កី ឃុំជើងត្រាវ ស្រុករលាប្អៀរ ខេត្តកំពង់ឆ្នាំង
3. ភូមិទូលសំរោង ឃុំក្រាំងស្ពារ ស្រុកទឹកផុស ខេត្តកំពង់ឆ្នាំង

ថ្ងៃសុក្រ ១រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៣ ខែមេសា ឆ្នាំ២០២៦