ក្រសួងផែនការ Ministry of Planning

Contact information, map and directions, contact form, opening hours, services, ratings, photos, videos and announcements from ក្រសួងផែនការ Ministry of Planning, Government Organization, #386 Monivong Boulevard, Phnom Penh.

The Ministry of Planning of the Royal Government of Cambodia is responsible for guiding and managing national socioeconomic development planning, including through the management of the statistical functions of the Government. It works in close cooperation with other Ministries and institutions in Cambodia to fulfill these planning and statistical roles (see Government links), at both the central and sub-national levels.

Photos from ប៊ិន ត្រឈៃ Bin Troachhey's post

04/06/2026

Photos from ក្រសួងផែនការ Ministry of Planning's post

03/06/2026

ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ អនុញ្ញាតឱ្យលោកស្រី Vladanka Andreeva អ្នកសម្របសម្រួលអង្គការសហប្រជាជាតិប្រចាំកម្ពុជា ចូលជួបពិភាក្សាការងារ

នាព្រឹកថ្ងៃទី៣ ខែមិថុនា ឆ្នាំ២០២៦ នៅទីស្តីការក្រសួងផែនការ ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ បានអនុញ្ញាតឱ្យលោកស្រី Vladanka Andreeva អ្នកសម្របសម្រួលអង្គការសហប្រជាជាតិប្រចាំព្រះរាជាណាចក្រកម្ពុជា និងសហការី ចូលជួបសម្តែងការគួរសម និងពិភាក្សាការងារ។

កិច្ចពិភាក្សាបានផ្តោតសំខាន់លើការងារអាទិភាពចំនួនពីរ រួមមាន៖ (១) ការត្រៀមរៀបចំរបាយការណ៍ត្រួតពិនិត្យថ្នាក់ជាតិដោយស្ម័គ្រចិត្ត ឆ្នាំ២០២៧ (Voluntary National Review: VNR) និង (២) ការរៀបចំយុទ្ធសាស្ត្រអន្តរកាលដោយរលូន (Smooth Transition Strategy: STS) ដើម្បីគាំទ្រដល់ការចាកចេញរបស់កម្ពុជាពីស្ថានភាពប្រទេសមានការអភិវឌ្ឍតិចតួច (LDC) នៅឆ្នាំ២០២៩។

ការងារអាទិភាពទាំងពីរខាងលើ គឺជាកិច្ចការគន្លឹះដែលមានសារៈសំខាន់ក្នុងការគាំទ្រដល់ដំណើរការអភិវឌ្ឍរបស់កម្ពុជា ស្របតាមរបៀបវារៈអភិវឌ្ឍន៍ប្រកបដោយចីរភាព ឆ្នាំ២០៣០ ដែលរាជរដ្ឋាភិបាលកម្ពុជាបានយកចិត្តទុកដាក់ខ្ពស់។ ក្នុងដំណើរការនេះ ក្រសួងផែនការ មានតួនាទីជាសេនាធិការ និងជាស្ថាប័នដឹកនាំសម្របសម្រួលក្នុងការរៀបចំកិច្ចការទាំងនេះ។

ពាក់ព័ន្ធនឹងការរៀបចំរបាយការណ៍ត្រួតពិនិត្យថ្នាក់ជាតិដោយស្ម័គ្រចិត្ត ឆ្នាំ២០២៧ ក្រសួងផែនការនឹងរៀបចំសំណើសុំគោលការណ៍ពីរាជរដ្ឋាភិបាល ដើម្បីដឹកនាំ សម្របសម្រួល និងរៀបចំរបាយការណ៍នេះ ដោយមានការចូលរួមពីភាគីពាក់ព័ន្ធរួមមានក្រសួង ស្ថាប័ន ដៃគូអភិវឌ្ឍ អង្គការសង្គមស៊ីវិល ស្ថាប័នសិក្សា និងវិស័យឯកជន។ កន្លងមក កម្ពុជាបានដាក់បង្ហាញរបាយការណ៍ VNR ចំនួន ២ លើករួចមកហើយ គឺនៅឆ្នាំ២០១៩ និងឆ្នាំ២០២៣។ ដោយឡែក ចំពោះការរៀបចំយុទ្ធសាស្ត្រអន្តរកាលដោយរលូន ដើម្បីគាំទ្រដល់ការចាកចេញរបស់កម្ពុជាពីស្ថានភាពប្រទេសមានការអភិវឌ្ឍតិចតួច នៅឆ្នាំ២០២៩ ក្រសួងផែនការគ្រោងនឹងរៀបចំសេចក្តីព្រាងឯកសារនេះឱ្យបានបញ្ចប់នៅចុងឆ្នាំ២០២៦។

ក្នុងឱកាសនោះ លោកស្រី Vladanka Andreeva បានបញ្ជាក់ថា ប្រព័ន្ធអង្គការសហប្រជាជាតិប្រចាំនៅកម្ពុជា បានត្រៀមខ្លួនរួចជាស្រេចក្នុងការផ្តល់ការតម្រង់ទិស និងការគាំទ្រដល់ក្រសួងផែនការ ដើម្បីសម្រេចឱ្យបាននូវកិច្ចការគន្លឹះទាំងពីរនេះជូនរាជរដ្ឋាភិបាលកម្ពុជា។ ជាការឆ្លើយតប ឯកឧត្តមរដ្ឋមន្ត្រី បានថ្លែងអំណរគុណចំពោះលោកស្រី និងប្រព័ន្ធអង្គការសហប្រជាជាតិប្រចាំនៅកម្ពុជា ដែលតែងតែយកចិត្តទុកដាក់ និងផ្តល់ការគាំទ្រដល់រាជរដ្ឋាភិបាលកម្ពុជា ជាពិសេសក្រសួងផែនការ ក្នុងការជំរុញការអភិវឌ្ឍប្រកបដោយចីរភាព និងការត្រៀមខ្លួនសម្រាប់ការចាកចេញពីស្ថានភាព LDC ដោយរលូន។

តេឡេក្រាម៖ https://go.gov.kh/mop/telegram
#ក្រសួងផែនការ
#ក្រុមការងារព័ត៌មាននិងបណ្តាញទំនាក់ទំនងសង្គមរបស់ក្រសួងផែនការ

03/06/2026

ញត្តិគាំទ្ររបស់ថ្នាក់ដឹកនាំនិងមន្ត្រីរាជការក្រសួងផែនការ សូមប្រកាសគាំទ្រយ៉ាងពេញទំហឹងចំពោះចំណាត់ការរបស់រាជរដ្ឋាភិបាលកម្ពុជាក្នុងការចាប់ផ្តើមដំណើរការយន្តការផ្សះផ្សាដោយបង្ខំ (Compulsory Conciliation) ដើម្បីទាមទារតំបន់សមុទ្រត្រួតស៊ីគ្នា ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ(UNCLOS)

តេឡេក្រាម៖ https://go.gov.kh/mop/telegram
#ក្រសួងផែនការ
#ក្រុមការងារព័ត៌មាននិងបណ្តាញទំនាក់ទំនងសង្គមរបស់ក្រសួងផែនការ

26/05/2026

ឯកឧត្តម ប៊ិន ត្រឈៃ រដ្ឋមន្រ្តីក្រសួងផែនការ និងជាប្រធានក្រុមប្រឹក្សាស្ថិតិ អញ្ជើញជាអធិបតីភាពដ៏ខ្ពង់ខ្ពស់ដឹកនាំកិច្ចប្រជុំលើកទី១៨ របស់ក្រុមប្រឹក្សាស្ថិតិ

ទីស្តីការក្រសួងផែនការ នាព្រឹកថ្ងៃទី២៦ ខែឧសភា ឆ្នាំ២០២៦ ក្រុមប្រឹក្សាស្ថិតិ បានបើកកិច្ចប្រជុំលើកទី១៨ ក្រោមអធិបតីភាពដ៏ខ្ពង់ខ្ពស់ឯកឧត្តម ប៊ិន ត្រឈៃ រដ្ឋមន្រ្តីក្រសួងផែនការ និងជាប្រធានក្រុមប្រឹក្សាស្ថិតិ ដើម្បីពិនិត្យពិភាក្សា និងផ្តល់យោបល់លើឯកសារសំខាន់ចំនួន២ រួមមាន៖ សេចក្តីព្រាងគោលនយោបាយស្ថិតិផ្លូវការឆ្នាំ២០២៥-២០៣៥ និងសេចក្តីព្រាងសារាចរណែនាំស្តីពីការដាក់ឱ្យប្រើប្រាស់តារាងប្រមូលទិន្នន័យស្ថិតិរដ្ឋបាលនៅក្រសួង ស្ថាប័ន និងរដ្ឋបាលថ្នាក់ក្រោមជាតិ។

សេចក្តីព្រាងគោលនយោបាយស្ថិតិផ្លូវការ ឆ្នាំ២០២៦-២០៣៥ ត្រូវបានរៀបចំទ្បើងអនុលោមតាមច្បាប់ស្តីពីស្ថិតិ ឆ្នាំ២០១៥ (មាត្រា១៤) និងបទបញ្ញប្បត្តិពាក់ព័ន្ធ។ សេចក្តីព្រាងគោលនយោបាយស្ថិតិផ្លូវការនេះ ត្រូវបានចូលរួមផ្តល់ធាតុចូល និងមតិយោបល់ពីភាគីពាក់ព័ន្ធដូចជា អង្គការ CAPRED ធនាគារពិភពលោក សមាជិកក្រុមប្រឹក្សាភិបាលនៃវិទ្យាស្ថានជាតិស្ថិតិ សមាជិកនៃក្រុមប្រឹក្សាស្ថិតិ ដោយបានពិនិត្យអនុម័តក្នុងកិច្ចប្រជុំក្រុមប្រឹក្សាភិបាលស្ថិតិលើកទី៦ កាលពីថ្ងៃ១៣ ខែវិច្ឆិកា ឆ្នាំ២០២៥ និងទទួលបានអនុសាសន៍បន្ថែមមួយចំនួនក្នុងកិច្ចប្រជុំក្រុមប្រឹក្សាស្ថិតិលើកទី១៦ កាលពីថ្ងៃទី២៩ ខែមករា ឆ្នាំ២០២៦។ បន្ទាប់ពីបានទទួលអនុសាសន៍ណែនាំពីអង្គប្រជុំក្រុមប្រឹក្សាស្ថិតិមក វិទ្យាស្ថានជាតិស្ថិតិនៃក្រសួងផែនការ បានបើកកិច្ចប្រជុំពិភាក្សាបច្ចេកទេសជាមួយតំណាងក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី៣០ ខែមេសា ឆ្នាំ២០២៦ លើខ្លឹមសារនៃសេចក្តីព្រាងគោលនយោបាយស្ថិតិផ្លូវការឆ្នាំ២០២៦-២០៣៥នេះ រហូតសម្រេចបានសេចក្តីព្រាងចុងក្រោយដើម្បីដាក់ឆ្លងក្នុងកិច្ចប្រជុំកិច្ចប្រជុំក្រុមប្រឹក្សាស្ថិតិលើកទី១៨ ថ្ងៃនេះ ដោយរួមមានទាំងសេចក្តីព្រាងសារាចរណែនាំស្តីពីការដាក់ឱ្យប្រើប្រាស់តារាងប្រមូលទិន្នន័យស្ថិតិរដ្ឋបាលនៅក្រសួង ស្ថាប័ន និងរដ្ឋបាលថ្នាក់ក្រោមជាតិផងដែរ។

កិច្ចប្រជុំលើកទី១៨នេះ មានការអញ្ជើញចូលរួមពីឯកឧត្តម រិន វីរៈ ទីប្រឹក្សាផ្ទាល់សម្តេចនាយករដ្ឋមន្ត្រី រដ្ឋលេខាធិការក្រសួងផែនការ និងជាប្រធានក្រុមប្រឹក្សាភិបាលវិទ្យាស្ថានជាតិស្ថិតិ ឯកឧត្តម លោកជំទាវ លោក លោកស្រីអនុប្រធាន សមាជិក សមាជិកា នៃក្រុមប្រឹក្សាស្ថិតិ ព្រមទាំងឯកឧត្តម លោក ជាសមាជិកក្រុមប្រឹក្សាភិបាលនៃវិទ្យាស្ថានជាតិស្ថិតិ អញ្ជើញចូលរួម។

តេឡេក្រាម៖ https://go.gov.kh/mop/telegram
#ក្រសួងផែនការ
#ក្រុមការងារព័ត៌មាននិងបណ្តាញទំនាក់ទំនងសង្គមរបស់ក្រសួងផែនការ

25/05/2026

សារលិខិតជូនពរ សម្តេចអគ្គមហាពញាចក្រី ហេង សំរិន ប្រធានកិត្តិយស នៃក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសពិធីចម្រើនអាយុវឌ្ឍនមង្គល សូមគោរពជូនពរពីយើងខ្ញុំទាំងអស់គ្នាជាថ្នាក់ដឹកនាំ និងមន្ត្រីរាជការក្រសួងផែនការ

តេឡេក្រាម៖ https://go.gov.kh/mop/telegram
#ក្រសួងផែនការ
#ក្រុមការងារព័ត៌មាននិងបណ្តាញទំនាក់ទំនងសង្គមរបស់ក្រសួងផែនការ

Photos from Samdech Thipadei Hun Manet, Prime Minister of Cambodia's post

22/05/2026

20/05/2026

សូមឧទ្ទិសបុណ្យកុសលជូនដល់វិញ្ញាណក្ខន្ធជនរងគ្រោះជាង៣លាននាក់ដែលបានស្លាប់បាត់បង់ជីវិត

ថ្ងៃទី២០ ខែឧសភា ជា «ទិវាជាតិនៃការចងចាំ» និងជាទិវាបុណ្យជាតិផ្លូវការដែលត្រូវបានកំណត់ដោយ រាជរដ្ឋាភិបាលកម្ពុជា តាមរយៈអនុក្រឹត្យលេខ១៩ អនក្រ.បក ចុះថ្ងៃទី១៤ ខែកុម្ភៈ ឆ្នាំ២០១៨ សម្រាប់ជាការរំឭក ដល់ជនរងគ្រោះនឹងការឈឺចាប់ពីឧក្រិដ្ឋកម្ម ដែលកើតមានក្នុងរបបកម្ពុជាប្រជាធិបតេយ្យ ចន្លោះពីថ្ងៃទី១៧ ខែមេសា ឆ្នាំ១៩៧៥ ដល់ថ្ងៃទី៦ ខែមករា ឆ្នាំ១៩៧៩។

ទិវាជាតិនៃការចងចាំ ២០ ឧសភា បង្កើតឡើងក្នុងគោលបំណងលើកតម្កើងការគោរព វិញ្ញាណក្ខន្ធ និងការធ្វើបុណ្យឧទ្ទិសដល់ជនរងគ្រោះបានស្លាប់ក្នុងរបបកម្ពុជាប្រជាធិបតេយ្យ, លើកតម្កើងការរំឭក ដល់ជនរងគ្រោះ ការស្តារកិត្តិយសនិងសេចក្តីថ្លៃថ្នូររបស់ជនរងគ្រោះ ទោះជានៅរស់រានមានជីវិតឬបានបាត់បង់ ជីវិតក៏ដោយ, ប៉ះប៉ូវការឈឺចាប់ខាងផ្លូវចិត្តនិងផ្នែកសង្គមរបស់ជនរងគ្រោះនិងក្រុមគ្រួសារ, ចូលរួមចំណែកដល់ ការផ្សះផ្សាជាតិនិងជំរុញឱ្យមានសុខដុមនីយកម្មក្នុងសង្គមកម្ពុជា, និង លើកកម្ពស់ការផ្សព្វផ្សាយនិងការយល់ដឹង អំពីអំពើឃោរឃៅដែលកើតមានក្នុងរបបកម្ពុជាប្រជាធិបតេយ្យកុំឱ្យកើតមានឡើងសាជាថ្មី។

#ហ៊ុនម៉ាណែត #កម្ពុជា #សន្តិភាពនៅកម្ពុជា

13/05/2026

សារលិខិតថ្វាយព្រះពរ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្នុងព្រះរាជឱកាស ព្រះរាជពិធីបុណ្យចម្រើនជន្មាយុ គម្រប់ ៧៣ យាងចូល ៧៤ ព្រះវស្សា សូមក្រាបបង្គំទូលថ្វាយពីយើងខ្ញុំជាថ្នាក់ដឹកនាំ និងមន្ត្រីរាជការនៃក្រសួងផែនការ

តេឡេក្រាម៖ https://go.gov.kh/mop/telegram
#ក្រសួងផែនការ
#ក្រុមការងារព័ត៌មាននិងបណ្តាញទំនាក់ទំនងសង្គមរបស់ក្រសួងផែនការ

06/05/2026

ឯកឧត្តម ប៊ិន ត្រឈៃ រដ្ឋមន្រ្តីក្រសួងផែនការ និងជាប្រធានក្រុមប្រឹក្សាស្ថិតិ អញ្ជើញជាអធិបតីភាពដ៏ខ្ពង់ខ្ពស់ដឹកនាំកិច្ចប្រជុំក្រុមប្រឹក្សាស្ថិតិលើកទី១៧ ដើម្បីពិនិត្យនិងពិភាក្សាលើឧបសម្ព័ន្ធនៃសេចក្តីព្រាងអនុក្រឹត្យស្តីពីស្ថិតិផ្លូវការដែលបានចាត់តាំង និងសេចក្តីព្រាងសារាចរណែនាំស្តីពីការដាក់ឱ្យប្រើប្រាស់តារាងប្រមូលទិន្នន័យស្ថិតិរដ្ឋបាលនៅក្រសួង ស្ថាប័ន និងរដ្ឋបាលថ្នាក់ក្រោមជាតិ ដោយមានការអញ្ជើញចូលរួមពីឯកឧត្តមអនុប្រធាន ឯកឧត្តម លោកជំទាវ សមាជិក សមាជិកា នៃក្រុមប្រឹក្សាស្ថិតិ ព្រមទាំងឯកឧត្តម លោកជំទាវ លោក លោកស្រី តំណាងអង្គភាពពាក់ព័ន្ធ អញ្ជើញចូលរួម។
------------------------------------------------------------------------
ទីស្តីការក្រសួងផែនការ ថ្ងៃទី៦ ខែឧសភា ឆ្នាំ២០២៦

តេឡេក្រាម៖ https://go.gov.kh/mop/telegram
#ក្រសួងផែនការ
#ក្រុមការងារព័ត៌មាននិងបណ្តាញទំនាក់ទំនងសង្គមរបស់ក្រសួងផែនការ

05/05/2026

អបអរសាទរ ព្រះរាជពិធីច្រត់ព្រះនង្គ័ល ថ្ងៃអង្គារ ៤រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦

#ហ៊ុនម៉ាណែត #កម្ពុជា #សន្តិភាពនៅកម្ពុជា

Claim ownership or report listing

Want your business to be the top-listed Government Service in Phnom Penh?

Click here to claim your Sponsored Listing.

Location

Phnom Penh

Contact the business

Click here to send a message to the business

Telephone

+85512683039

Website

http://mop.gov.kh/, http://t.me/mop_gov_kh

Address

#386 Monivong Boulevard
Phnom Penh
12302