រដ្ឋបាលខណ្ឌជ្រោយចង្វារ

🚨រដ្ឋបាលខណ្ឌជ្រោយចង្វារ បន្តចុះត្រួតពិនិត្យ និងបោសសម្អាតទីតាំងសង្ស័យពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា (Online Scams) ក្នុងភូមិសាស្ត្រខណ្ឌជ្រោយចង្វារ។

📍នាថ្ងៃទី៣ ខែមិថុនា ឆ្នាំ២០២៦ លោក លីម សុភា អភិបាលខណ្ឌជ្រោយចង្វារ ដឹកនាំគណៈបញ្ជាការឯកភាពរដ្ឋបាលខណ្ឌ ចុះត្រួតពិនិត្យទីតាំងខុនដូ Galaxy ស្ថិតនៅភូមិ៣ សង្កាត់ជ្រោយចង្វារ ដោយបានត្រួតពិនិត្យសរុប ៥៨បន្ទប់ និងពិនិត្យឯកសារជនបរទេសស្នាក់នៅចំនួន ១៨នាក់ មានឯកសារត្រឹមត្រូវ។

✍️ ជាលទ្ធផល៖ ពុំរកឃើញសម្ភារ ឬសកម្មភាពគួរឱ្យសង្ស័យពាក់ព័ន្ធបទល្មើសឡើយ។

#ជ្រោយចង្វារ #រដ្ឋបាលខណ្ឌជ្រោយចង្វារ

🚨 អនុវត្តតាមបទបញ្ជា និងការចង្អុលបង្ហាញដោយផ្ទាល់ពី ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ នារសៀលថ្ងៃទី២ ខែមិថុនា ឆ្នាំ២០២៦ គណៈបញ្ជាការឯកភាពខណ្ឌជ្រោយចង្វារ ដឹកនាំដោយលោក លីម សុភា អភិបាលខណ្ឌជ្រោយចង្វារ រួមជាមួយលោកអធិការខណ្ឌ មេបញ្ជាការកងរាជអាវុធហត្ថខណ្ឌ និងមន្ត្រីពាក់ព័ន្ធ បានចុះត្រួតពិនិត្យរដ្ឋបាល និងអនុវត្តប្រតិបត្តិការបោសសម្អាតទីតាំងសង្ស័យពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា (Online Scams) នៅ ខុនដូរ វិមាន Mekong ( Mekong Garden) ស្ថិតក្នុងសង្កាត់ជ្រោយចង្វារ ជាលទ្ធផល មានជនបរទេស ស្នាក់នៅ ៣២នាក់ ស្រី ១០នាក់ មានឯកសារត្រឹមត្រូវ ។

📍ប្រតិបត្តិការនេះ ធ្វើឡើងក្នុងគោលបំណងពង្រឹងសន្តិសុខ សណ្តាប់ធ្នាប់សាធារណៈ និងធានាសុវត្ថិភាពជូនប្រជាពលរដ្ឋ ស្របតាមវិធានការរឹតបន្តឹងរបស់រដ្ឋបាលរាជធានីភ្នំពេញ ក្នុងការបង្ការ និងបង្ក្រាបបទល្មើសបច្ចេកវិទ្យាខុសច្បាប់គ្រប់ប្រភេទ។ 🚨

📍រដ្ឋបាលខណ្ឌជ្រោយចង្វារ បន្តចុះត្រួតពិនិត្យរដ្ឋបាលការស្នាក់នៅរបស់ជនបរទេស តាមគោលដៅអគារ ខុនដូ អាផាតមិន និងទីតាំងស្នាក់នៅផ្សេងៗ ក្នុងភូមិសាស្ត្រខណ្ឌជ្រោយចង្វារ ដើម្បីបង្ការ និងបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams)។

ក្រោមការដឹកនាំផ្ទាល់របស់លោក លីម សុភា អភិបាលខណ្ឌជ្រោយចង្វារ កម្លាំងគណៈបញ្ជាការឯកភាពខណ្ឌ បានចុះត្រួតពិនិត្យទីតាំង ខុនដូ Morgan (អគារទី៧) និងពុំបានរកឃើញសកម្មភាព ឬសម្ភារគួរឱ្យសង្ស័យពាក់ព័ន្ធនឹងបទល្មើស Online Scams នោះឡើយ។ ✅

📍ប្រកាសអន្តរក្រសួង ស្តីពីការផ្តល់សេវារដ្ឋបាលរបស់រដ្ឋបាលក្រុង ស្រុក ខណ្ឌ គឺជាយន្តការសំខាន់ក្នុងការលើកកម្ពស់ប្រសិទ្ធភាពសេវាសាធារណៈ ធានាតម្លាភាព ភាពឆាប់រហ័ស និងការបម្រើប្រជាពលរដ្ឋឱ្យកាន់តែល្អប្រសើរ។

✅ ផ្តល់ភាពងាយស្រួល
✅ កាត់បន្ថយនីតិវិធីស្មុគស្មាញ
✅ បង្កើនទំនុកចិត្តរបស់ប្រជាពលរដ្ឋលើការបម្រើសេវារដ្ឋបាល

#សេវាសាធារណៈ #រដ្ឋបាលក្រុងស្រុកខណ្ឌ #បម្រើប្រជាពលរដ្ឋ

📍ក្រោមការដឹកនាំផ្ទាល់របស់លោក លីម សុភា អភិបាលខណ្ឌជ្រោយចង្វារ គណៈបញ្ជាការឯកភាពរដ្ឋបាលខណ្ឌជ្រោយចង្វារ បានចុះប្រតិបត្តិការបោសសម្អាតទីតាំងសង្ស័យពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា (Online Scams) នៅ Condo Morgan ស្ថិតក្នុងសង្កាត់ជ្រោយចង្វារ រាជធានីភ្នំពេញ។

ក្នុងប្រតិបត្តិការនេះ សមត្ថកិច្ចបានត្រួតពិនិត្យទីតាំងសង្ស័យ និងរកឃើញជនបរទេសស្នាក់នៅ ព្រមទាំងដកហូតសម្ភារវត្ថុតាងមួយចំនួន រួមមាន កុំព្យូទ័រ Laptop, កុំព្យូទ័រ All in One, ទូរស័ព្ទដៃ និងសម្ភារពាក់ព័ន្ធផ្សេងៗទៀត ដែលសង្ស័យជាប់ពាក់ព័ន្ធនឹងសកម្មភាពឆបោកតាមប្រព័ន្ធអនឡាញ។

បច្ចុប្បន្ន សមត្ថកិច្ចជំនាញកំពុងបន្តស្រាវជ្រាវ និងអនុវត្តនីតិវិធីច្បាប់យ៉ាងម៉ឺងម៉ាត់ ដើម្បីរក្សាសន្តិសុខ សណ្តាប់ធ្នាប់ និងការពារប្រជាពលរដ្ឋពីបទល្មើសបច្ចេកវិទ្យា។

#រដ្ឋបាលខណ្ឌជ្រោយចង្វារ #លោកលីមសុភា

📍លោក លីម សុភា អភិបាលខណ្ឌជ្រោយចង្វារ ដឹកនាំគណៈបញ្ជាការឯកភាពរដ្ឋបាលខណ្ឌជ្រោយចង្វារ រួមជាមួយលោកអធិការខណ្ឌ មេបញ្ជាការកងរាជអាវុធហត្ថខណ្ឌ និងមន្ត្រីពាក់ព័ន្ធ ចុះត្រួតពិនិត្យរដ្ឋបាល និងអនុវត្តប្រតិបត្តិការបោសសម្អាតទីតាំងសង្ស័យពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា (Online Scams) នៅ Condo Morgan ស្ថិតក្នុងសង្កាត់ជ្រោយចង្វារ ដើម្បីពង្រឹងសន្តិសុខ សណ្តាប់ធ្នាប់ និងសុវត្ថិភាពសង្គម។ 🚨

✍️ ជាលទ្ធផលបឋម : ក្រុមការងារបានរកឃើញជនបរទេសស្នាក់នៅពុំមានលិខិតឆ្លងដែន សរុបចំនួន ១១នាក់ រួមមាន៖
• ជនជាតិវៀតណាម ចំនួន ០៨នាក់
• ជនជាតិឡាវ ចំនួន ០១នាក់
• ជនជាតិឥណ្ឌា ចំនួន ០២នាក់

បច្ចុប្បន្នកំពុងអនុវត្តនីតិវិធីបន្តតាមផ្លូវច្បាប់។

#រដ្ឋបាលខណ្ឌជ្រោយចង្វារ #សន្តិសុខសង្គម

📌 នារសៀលថ្ងៃទី២៩ ខែឧសភា ឆ្នាំ២០២៦ ក្រុមប្រឹក្សាខណ្ឌជ្រោយចង្វារ អាណត្តិទី៤ បានបើកកិច្ចប្រជុំសាមញ្ញលើកទី២៤ ក្រោមអធិបតីភាព លោក ប្រាក់ ចាន់ណា ប្រធានក្រុមប្រឹក្សាខណ្ឌជ្រោយចង្វារ ដោយមានការចូលរួមពីលោក ឃន សុជាតិ អភិបាលរង នៃគណៈអភិបាលខណ្ឌជ្រោយចង្វារ តំណាងលោក លីម សុភា អភិបាល នៃគណៈអភិបាលខណ្ឌជ្រោយចង្វារ មន្ត្រីពាក់ព័ន្ធ និងសមាជិក-សមាជិកាសរុបចំនួន ៦៣នាក់។

📍សកម្មភាពមនុស្សធម៌ និងការយកចិត្តទុកដាក់ដល់គ្រួសារកងទ័ព និងជនភៀសសឹក ❤️

នាព្រឹកថ្ងៃទី២៩ ខែឧសភា ឆ្នាំ២០២៦ រដ្ឋបាលខណ្ឌជ្រោយចង្វារ លោក ប្រាក់ ចាន់ណា ប្រធានក្រុមប្រឹក្សាខណ្ឌ និងលោក លីម សុភា អភិបាលខណ្ឌ បានអមដំណើរ ឯកឧត្តម ឡាយ សំកុល អគ្គលេខាធិការ នៃអគ្គលេខាធិការដ្ឋានព្រឹទ្ធសភា ចុះសំណេះសំណាល និងនាំយកអំណោយ និងថវិកា ចែកជូនដល់គ្រួសារកងទ័ព និងគ្រួសារជនភៀសសឹក ចំនួន ៩៥គ្រួសារ ដើម្បីជាការលើកទឹកចិត្ត និងចែករំលែកក្តីស្រឡាញ់ក្នុងសង្គម។ អំណោយដែលបានផ្តល់ជូនក្នុងមួយគ្រួសារ រួមមាន៖
▪️ថវិកា ១០០,០០០រៀល
▪️អង្ករ ៥០គីឡូក្រាម
▪️ត្រីខ ២យួរ
▪️ទឹកត្រី ១យួរ
▪️ទឹកស៊ីអ៊ីវ ១យួរ
▪️ឃីតអាហារ និងសម្ភារៈប្រើប្រាស់ ១ឃីត
(រួមមាន Pocari Sweat ៦ដប នំ ១០កញ្ចប់ និងសាប៊ូដុសខ្លួន ២ដប)

#រដ្ឋបាលខណ្ឌជ្រោយចង្វារ #សកម្មភាពមនុស្សធម៌ #ចែករំលែកក្តីស្រឡាញ់

📌 រដ្ឋបាលខណ្ឌជ្រោយចង្វារ បានបើកកិច្ចប្រជុំពិភាក្សាលទ្ធផលនៃការដោះស្រាយបញ្ហា សំណើ និងសំណូមពររបស់ប្រជាពលរដ្ឋ ដែលបានលើកឡើងក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខណ្ឌ និងរាជធានីភ្នំពេញ អាណត្តិទី៤ ឆ្នាំ២០២៥ ក្រោមអធិបតីភាព លោក លីម សុភា អភិបាល នៃគណៈអភិបាលខណ្ឌជ្រោយចង្វារ ដើម្បីពង្រឹងប្រសិទ្ធភាពការងារ និងបន្តឆ្លើយតបតម្រូវការរបស់ប្រជាពលរដ្ឋឱ្យកាន់តែទាន់ពេលវេលា និងមានប្រសិទ្ធភាព។ 🤝✨