រដ្ឋបាលព្រៃឈើ Forestry Administration, Cambodia

ថ្នាក់ដឹកនាំ និងមន្រ្ដីនៃអគ្គនាយកដ្ឋានព្រៃឈើនិងសត្វព្រៃ សូមគោរពជូនពរ ឯកឧត្តមរដ្ឋមន្រ្ដីក្រសួងកសិកម្ម រុក្ខាប្រមាញ់ និងនេសាទ និងលោកជំទាវ ព្រមទាំងបុត្រ សូមមានសុខភាពល្អបរិបូរណ៍ កម្លាំងខ្លាំងក្លា ប្រាជ្ញាឈ្លាសវៃ ជន្មាយុយឺនយូរ និងប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សេចក្ដីជូនដំណឺងស្ដីពីការផ្លាស់ប្ដូរឈ្មោះរដ្ឋបាលព្រៃឈើមកជាអគ្គនាយកដ្ឋានព្រៃឈើនិងសត្វព្រៃ និងការប្រើប្រាស់ត្រាថ្មី

កាលពីថ្ងៃទី៣០ និង៣១ ខែមីនា ឆ្នាំ២០២៦ អគ្គនាយកដ្ឋានព្រៃឈើនិងសត្វព្រៃ បានរៀបចំសិក្ខាសាលាពិគ្រោះយោបល់លើ “សេចក្តីព្រាងផែនការ យុទ្ធសាស្ដ្រសម្រាប់បង្ការ និងគ្រប់គ្រងភ្លើងឆេះព្រៃ” ក្រោមអធិបតីភាព លោក ច័ន្ទ ប៉ុណ្ណិកា អគ្គនាយករងនៃ អគ្គនាយកដ្ឋានព្រៃឈើនិងសត្វព្រៃ និង លោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប ព្រមទាំងមាន ការចូលរួមពី មន្រ្តីជំនាញពាក់ព័ន្ធ នៃអគ្គនាយកដ្ឋានព្រៃឈើនិងសត្វព្រៃ អគ្គនាយកដ្ឋានជលផល ខណ្ឌរដ្ឋបាលព្រៃឈើ ខណ្ឌរដ្ឋបាលជលផល សាកលវិទ្យាល័យភូមិន្ទកសិកម្ម អគ្គនាយកដ្ឋានក្សេត្រសាស្រ្ត នាយកដ្ឋានផែនការនិងស្ថិតិ តំណាងអាជ្ញាធរស្រុក អ្នកជំនាញការបង្ការ និងពន្លត់ភ្លើងឆេះព្រៃ តំណាងអង្គការដៃគូ (FAO, RECOFTC និង NTFP-EP) ក្រុមហ៊ុនដាំឈើ ព្រមទាំងគម្រោងពាក់ព័ន្ធ សរុបចំនួន ៤៦រូប នៅសណ្ឋាគារអង្គរ ប៉ារ៉ាឌី ខេត្តសៀមរាប។
សិក្ខាសាលានេះមានគោលបំណងដើម្បី ចែករំលែកលទ្ធផល នៃការអនុវត្តគម្រោងស្តីពី "បច្ចកវិទ្យាទូរគមនាគមន៍សម្រាប់ បន្សាំទៅនឹង ការប្រែប្រួលអាកាសធាតុ និងការគ្រប់គ្រងភ្លើងឆេះព្រៃនៅ តំបន់ទន្លេមេគង្គ (AFoCO/037/2023)" ជាពិសេសសេចក្តីព្រាងផែនការយុទ្ធសាស្ដ្រ សម្រាប់បង្ការ និងគ្រប់គ្រងភ្លើងឆេះព្រៃ ដែលបានរៀបចំឡើងដោយក្រុមការងារ បច្ចេកទេស គ្រប់គ្រងភ្លើងឆេះព្រៃនៃអគ្គនាយកដ្ឋានព្រៃឈើនិងសត្វព្រៃ ព្រមទាំងពិនិត្យ និងប្រមូលធាតុចូលបន្ថែមទៀតពីអ្នកពាក់ព័ន្ធ ដើម្បីធ្វើឱ្យផែនការយុទ្ធសាស្ដ្រនេះ មានភាពពាក់ព័ន្ធដល់គ្រប់អង្គភាពជំនាញ និងអាចអនុវត្តបានប្រកបដោយប្រសិទ្ធិភាព ។

សេចក្ដីបំភ្លឺជុំវិញករណីការផ្សព្វផ្សាយដោយលោក តាន់ គឹមសួរ កាលពីថ្ងៃទី២៦ ខែមីនា ឆ្នាំ២០២៦ ពាក់ព័ន្ធនឹងការសង្ស័យបទល្មើសព្រៃឈើ ដែលបានកើតមាននៅថ្ងៃទី១៦ ខែមីនា ឆ្នាំ២០២៦

សកម្មភាពអនុវត្តការងារបស់អធិការដ្ឋានរដ្ឋបាលព្រៃឈើឈូងសមុទ្រ និងខាងត្បូងបឹងទន្លេសាប និងខណ្ឌរដ្ឋបាលព្រៃឈើតំបន់ឈូងសមុទ្រ និងខាងត្បូងបឹងទន្លេសាប
=======================
ចាប់ពីថ្ងៃទី២១ ដល់ថ្ងៃទី២៨ ខែមីនា ឆ្នាំ២០២៦ អធិការដ្ឋាន និងខណ្ឌរដ្ឋបាលព្រៃឈើតំបន់ឈូងសមុទ្រ និងខាងត្បូងបឹងទន្លេសាបនៃរដ្ឋបាលព្រៃឈើបានចុះអនុវត្តការងារក្នុងដែនសមត្ថកិច្ច ដោយបាន៖
-​ ចុះល្បាតបទល្មើសព្រៃឈើ ដីព្រៃ និងសត្វព្រៃ
-​ បានសហការជាមួយបណ្ដាខណ្ឌរដ្ឋបាលព្រៃឈើចុះត្រួតពិនិត្យអាជ្ញាបណ្ណ ការ​ស្នើសុំអាជ្ញាបណ្ណ ការ​បន្តសុពលភាព ការ​ពន្យារសុពលភាពរោងម៉ាស៊ីនអារកែច្នៃ ការ​ដាក់ឈើចុះនៅរោងសន្និធិ ការកត់ត្រាចរាចរ ផល អនុផលព្រៃឈើ និងសិប្បកម្មកែច្នៃប្រភេទតូច
-​ បានធ្វើការប្រជុំផ្សព្វផ្សាយស្តីពីការចូលរួមទប់ស្កាត់ការពារភ្លើងឆេះព្រៃ ព្រៃលិចទឹក ចម្ការឈើដាំ ចម្ការកៅ​ស៊ូ និងចម្ការដំណាំគ្រប់ប្រភេទ​ ព្រម​ទាំង​​បានចុះពិនិត្យដីសហគមន៍ព្រៃឈើដោយមានការចូលរួមពីអាជ្ញាធរស្រុក ភូមិបាលស្រុក ឃុំ ភូមិពាក់ព័ន្ធ និងគណ:កម្មការ​សហគមន៍ព្រៃឈើ។

ជាមួយនេះដែរ​ មន្រ្តីជំនាញបានផ្តល់កូនឈើជូនអាជ្ញាធរមូលដ្ឋានចំនួន ៥៣០ដើម ដាំជាម្លប់បៃតង បង្កើនធនធានសេនេទិចឈើ ធ្វើឲ្យប្រជាពលរដ្ឋស្គាល់ឈ្មោះឈើ ប្រភេទឈើក្នុងស្រុក ក្រៅស្រុក ដើម្បីងាយស្រួលឲ្យសិស្ស និស្សិត សិក្សាស្រាវជ្រាវបន្ដ​ ព្រម​ទាំង​បានរៀបចំដីសម្រាប់បណ្តុះនិងថែទាំកូនឈើក្នុងថ្នាល បណ្តុះសម្រាប់ដាំនិងចែកចាយ​ និង​ចុះត្រួតពិនិត្យការលូតលាស់ថែទាំដើមឈើតាមសួនសាធារណៈដើម្បីបង្កើតជាម្លប់បៃតង និងសោភ័ណភាព និងអនុវត្តសកម្មភាពផ្សេងៗជាច្រើនកន្លែងទៀតដោយ​អនុលោម​តាម​ច្បាប់​ស្ដីពី​ព្រៃឈើ​ជា​ធរមាន​ ៕

សកម្មភាពអនុវត្តការងារបស់អធិការដ្ឋានរដ្ឋបាលព្រៃឈើឈូងសមុទ្រ និងខាងត្បូងបឹងទន្លេសាប និងខណ្ឌរដ្ឋបាលព្រៃឈើតំបន់ឈូងសមុទ្រ និងខាងត្បូងបឹងទន្លេសាប
=======================
ចាប់ពីថ្ងៃទី១៤ ដល់ថ្ងៃទី២០ ខែមីនា ឆ្នាំ២០២៦ អធិការដ្ឋាន និងខណ្ឌរដ្ឋបាលព្រៃឈើតំបន់ឈូងសមុទ្រ និងខាងត្បូងបឹងទន្លេសាបនៃរដ្ឋបាលព្រៃឈើបានចុះអនុវត្តការងារក្នុងដែនសមត្ថកិច្ច ដោយបាន៖
-​ ចុះត្រួតពិនិត្យអាជ្ញាបណ្ណ ស្នើសុំអាជ្ញាបណ្ណ ការដាក់ឈើចុះនៅរោងសន្និធិ ការកត់ត្រាចរាចរផល អនុផលព្រៃឈើ និងសិប្បកម្មកែច្នៃប្រភេទតូច​
-​ ចុះ​ល្បាតបទល្មើសព្រៃឈើ ដីព្រៃ និងសត្វព្រៃ ពិនិត្យទីតាំងកាប់រានព្រៃ ឈូសឆាយដីព្រៃ ហ៊ុមព័ទ្ធកាន់កាប់ដីព្រៃសហគមន៍ព្រៃឈើគោកព្រេច
-​ ពិនិ​ត្យផ្ទៀងផ្ទាត់លើការអនុវត្តការងាររបស់កសិដ្ឋានចិញ្ចឹម និងបង្កាត់ពូជសត្វស្វាក្តាម​ និងសំបុកទឹកមាត់ត្រចៀកកាំដែលមិនទាន់បានសម្អាត
-​ ផ្តល់កូនឈើជូនអាជ្ញាធរមូលដ្ឋានចំនួន ៦៦០ដើម ដើម្បីយកទៅដាំជាម្លប់បៃតង បង្កើនធនធានសេនេទិចឈើ ប្រជាពលរដ្ឋបានស្គាល់ឈ្មោះឈើ ប្រភេទឈើក្នុងស្រុក ក្រៅស្រុក ដើម្បីងាយស្រួលឱ្យសិស្ស និស្សិតបានធ្វើការស្រាវជ្រាវបន្ដ​
-​ សហការជាមួយអាជ្ញាធរមូលដ្ឋានដាំដើមឈើតាមផ្លូវសាធារណៈ
-​ រៀបចំដីសម្រាប់បណ្តុះ​ និងថែទាំកូនឈើក្នុងថ្នាលបណ្តុះសម្រាប់ដាំ និងចែកចាយ​ ព្រម​ទាំង​បាន​ចុះ​ត្រួត​ពិនិត្យការ​​លូតលាស់​ ​ថែ​ទាំ​កូន​ឈើ​តាម​សួន​សាធារណៈ​ដេីម្បី​បង្កើតជាម្លប់បៃតង និងសោភ័ណភាព និង​អនុវត្តសកម្មភាពផ្សេងៗជាច្រើនកន្លែងទៀត ៕

ឯកឧត្តម ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ៖ "ថ្មីៗនេះ មានការចុះផ្សាយព័ត៌មានថា កម្ពុជាបាននាំចូលជីនិងថ្នាំកសិកម្មក្នុងទំហំទឹកប្រាក់ ៦៣៦លានដុល្លារ ក្នុងឆ្នាំ២០២៥ ដែលបានធ្វើឱ្យសាធារណៈជនមួយចំនួនមានការភ្ញាក់ផ្អើលចំពោះតួលេខនេះ។

"ផលសេដ្ឋកិច្ចទទួលបានពីការប្រើប្រាស់ធាតុចូលកសិកម្មទាំងនេះ បង្កើតជាតម្លៃសេដ្ឋកិច្ចរហូតដល់ ៩៧៧០ លានដុល្លារ នៅក្នុងឆ្នាំ២០២៥ ដោយមិនត្រឹមតែបានធានាសន្តិសុខស្បៀងប៉ុណ្ណោះទេ តែថែមទាំងអនុញ្ញាតឱ្យកម្ពុជាទាញយកចំណូលពីការនាំចេញកសិផលរហូតដល់ទៅ ៥៦២៤ លានដុល្លារ ផងដែរ។

"រូបភាពបង្ហាញខាងក្រោមនេះនឹងជួយពន្យល់ពីភាពចាំបាច់ដែលកម្ពុជាត្រូវការនាំចូលធាតុចូលកសិកម្ម ដើម្បីធានាបាននូវទិន្នផលខ្ពស់ និងការពារដំណាំពីសត្វល្អិតចង្រៃឬជំងឺផ្សេងៗ បន្ថែមពីលើអ្វីដែលយើងមានសមត្ថភាពផលិតបាននៅក្នុងស្រុកដោយខ្លួនឯង"៕

សកម្មភាពអនុវត្តការងារបស់អធិការដ្ឋានរដ្ឋបាលព្រៃឈើឈូងសមុទ្រ និងខាងត្បូងបឹងទន្លេសាប និងខណ្ឌរដ្ឋបាលព្រៃឈើតំបន់ឈូងសមុទ្រ និងខាងត្បូងបឹងទន្លេសាប
=======================
ចាប់ពីថ្ងៃទី៧ ដល់ទី១៣ ខែមីនា ឆ្នាំ២០២៦ អធិការដ្ឋាន និងខណ្ឌរដ្ឋបាលព្រៃឈើតំបន់ឈូងសមុទ្រ និងខាងត្បូងបឹងទន្លេសាបនៃរដ្ឋបាលព្រៃឈើបានចុះអនុវត្តការងារក្នុងដែនសមត្ថកិច្ចរបស់ខ្លួន​ដោយបានចុះល្បាតបទល្មើសព្រៃឈើ ដីព្រៃ និងសត្វព្រៃ ចុះត្រួតពិនិត្យអាជ្ញាបណ្ណ ស្នើសុំអាជ្ញាបណ្ណ ស្នើសុំបន្តសុពលភាព ការដាក់ឈើចុះនៅរោងសន្និធិ ការកត់ត្រាចរាចរផល អនុផលព្រៃឈើ និងសិប្បកម្មកែច្នៃប្រភេទតូច​ ដោយ​អនុវត្ត​តាម​ច្បាប់​ស្ដីពី​ព្រៃឈើ​ជា​ធរមាន​។

មន្រ្តីជំនាញបាន​​ត្រួត​ពិនិត្យ​ និង​ធ្វើ​កំណត់ហេតុបិទអាជីវកម្មផ្ទះចល័តដែលគ្មានលិខិតអនុញ្ញាតពីរដ្ឋបាលព្រៃឈើ និងផ្អាករាល់សកម្មភាពកាប់ ឈូសឆាយ ដឹកជញ្ជូនឈើអាកាស្យារបស់ក្រុមហ៊ុនដែលក្រសួងសម្រេចផ្អាកសកម្មភាពដោយសារផុតសុពលភាព​ ព្រម​ទាំង​បានចុះពិនិត្យសំណើសុំការត្រួតពិនិត្យវាយតម្លៃដើម្បីទទួលបានការចុះបញ្ជីកន្លែងកែច្នៃបឋមសំបុកត្រចៀកកាំ និងបានចុះពិនិត្យផ្ទៀងផ្ទាត់ទីតាំងព្រំប្រទល់ដីចម្ការឈើម្សៅក្រដាស​ ហ៊ុន​ សែន​ មា​ នក​ និងចម្ការរុក្ខទិវាថ្នាក់ជាតិ ដើម្បីសុំចុះបញ្ជីដីរដ្ឋ។

លេីស​ពី​នេះ​ទៀត​ មន្ត្រី​ជំនាញ​បាន​ចូលរួមជាមួយក្រុមការងាររបស់ក្រសួងរៀបចំដែនដីនគរូបនីយកម្ម និងសំណង់ ចុះពិនិត្យផ្ទៀងផ្ទាត់ និងដោះស្រាយបញ្ហាពាក់ព័ន្ធនឹងដីគម្របព្រៃឈើឆ្នាំ២០០២​ ព្រម​ទាំង​បាន​រៀបចំដីសម្រាប់បណ្តុះកូនឈើ និងថែទាំកូនឈើក្នុងថ្នាលបណ្តុះសម្រាប់ដាំ និងចែកចាយ និងចុះត្រួតពិនិត្យការលូតលាស់ថែទាំដើមឈើតាមសួនសាធារណៈដើម្បីបង្កើតជាម្លប់បៃតងប្រ​កប​ដោយ​ភាតរ​បរិស្ថាន​ និងសោភ័ណភាព ព្រមទាំងអនុវត្តសកម្មភាពផ្សេងៗជាច្រើនកន្លែងទៀត ៕