Phnom Penh Gendarmerie

30/10/2026

🏃‍♂️💨 ការគាំទ្រយ៉ាងកុះករ! សំបុត្រចូលរួមរត់ចម្ងាយ 6KM ក្នុងទិវាសន្តិភាពនៅកម្ពុជា បានលក់អស់ 40% ហើយ។
👉 កុំឱ្យឱកាសនេះកន្លងផុតទៅ សូមស្កេន QR Code លើរូបភាព ដើម្បីចុះឈ្មោះ និងត្រៀមខ្លួនទទួលយកមេដាយអនុស្សាវរីយ៍ដ៏ស្រស់ស្អាតទាំងអស់គ្នា!

🎉 រង្វាន់ និងវត្ថុអនុស្សាវរីយ៍ពិសេសៗរួមមាន (RUN KIT) ៖
* 👕 អាវយឺតរត់ប្រណាំងរចនាយ៉ាងស្រស់ស្អាត (Finisher T-Shirt)
* 🏅 មេដាយអនុស្សាវរីយ៍ទិវាសន្តិភាពរចនាយ៉ាងប្រណីតពេលរត់បញ្ចប់ទី (Finisher Medal🏅)
* 🔢 ស្លាកលេខរត់ (BIB)
* 🧸 ពិសេសបំផុត! ទទួលបានតុក្កតាឃ្មុំកងរាជអាវុធហត្ថភ្នំពេញដ៏ស្រស់ស្អាតភ្លាមៗ សម្រាប់អ្នកចុះឈ្មោះ ៦០០នាក់ដំបូង តែប៉ុណ្ណោះ!

📌 ព័ត៌មានលម្អិតនៃព្រឹត្តិការណ៍៖
* 📅 កាលបរិច្ឆេទរត់៖ ថ្ងៃទី ២០ ខែធ្នូ ឆ្នាំ ២០២៦
* ⏰ ពេលវេលា៖ ម៉ោង ៥:០០ ព្រឹក
* 📍 ទីតាំង៖ ទីក្រុងកោះនរា (Koh Norea City)
* 💵 តម្លៃចុះឈ្មោះ៖ $18 / នាក់
* ⏳ ផុតកំណត់ចុះឈ្មោះ៖ ថ្ងៃទី ១០ ខែវិច្ឆិកា ឆ្នាំ ២០២៦
🏃សម្រាប់ការរត់និមិត្ត (Virtual Run) ចាប់ផ្តើមរត់ពីថ្ងៃទី១ ខែធ្នូ ២០២៦ ដល់ថ្ងៃទី២៥ ខែធ្នូ ២០២៦ ( 1 Dec - 25 Dec 2026)
📲 រួសរាន់ឡើង! ស្កេន QR Code លើរូបភាព ឬចុចលីងដើម្បីចុះឈ្មោះចូលរួមឥឡូវនេះ កុំឱ្យឱកាសពិសេសនេះកន្លងផុតទៅ!
🔗 លីងចុះឈ្មោះ : https://docs.google.com/forms/d/1dM0CD9u4vnSrnY4WG2gLpo3QjknK6uxUkBPtWxsajO8/viewform?usp=sf_link

-រៀបចំដោយ: កងរាជអាវុធហត្ថរាជធានីភ្នំពេញ
-សហការរៀបចំដោយ: GRKPP RUN CLUB , KIRI KIRI RUN CLUB , SQUAD RUN
-ឧបត្ថម្ភធំដោយ: V-Active
-សហការឧបត្ថម្ភដោយ: JUECO COFFEE , Starbalm Cambodia, Midas , Mealea Spa , Norea City

#កីឡាជាមួយកងរាជអាវុធហត្ថរាជធានីភ្នំពេញ

29/10/2026

សូមថ្វាយព្រះពរព្រះរាជពិធីខួបលើកទី ២២ នៃការគ្រងព្រះបរមសិរីរាជសម្បត្តិគម្រប់ ថ្វាយ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពងខ្ពស់បំផុត សូមមានព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាវាងវៃ និងព្រះជន្មាយុយឺនយូរ ដើម្បីគង់ប្រថាប់ជាម្លប់ដ៏ត្រជាក់ត្រជំ សម្រាប់ប្រជានុរាស្ត្រខ្មែរយូរអង្វែងតរៀងទៅ

២៩ តុលា ២០០៤ - ២៩ តុលា ២០២៦

29/10/2026

📢 សេចក្តីជូនដំណឹង របស់គណៈកម្មាធិការជាតិកាតព្វកិច្ចយោធា ស្តីពីការអញ្ជើញមកពិនិត្យកាយសម្បទា និងសុខភាព ដើម្បីចូលបំពេញកាតព្វកិច្ចយោធា

សូមអានព័ត៌មានលម្អិតក្នុងសេចក្តីជូនដំណឹងភ្ជាប់មកជាមួយ។ 🇰🇭

28/10/2026

សូមជម្រាបជូនប្អូនៗ ដែលបានស្ម័គ្រចិត្តដាក់ពាក្យចូលបម្រើកាតព្វកិច្ចយោធា ក្នុងភូមិសាស្ត្ររាជធានីភ្នំពេញ មេត្តារង់ចាំតាមដានការប្រកាសបញ្ជីឈ្មោះទាំងអស់គ្នា។
ក្រុមការងារនឹងធ្វើការផ្សព្វផ្សាយជូនក្នុងពេលឆាប់ៗខាងមុខនេះ 🫡👮🏻‍♂️

28/10/2026

អាវុធហត្ថរាជធានីភ្នំពេញ បញ្ជូនជនសង្ស័យ០៤នាក់ ទៅតុលាការពាក់ព័ន្ធករណីលួច ២ករណីផ្សេងគ្នា!

នៅថ្ងៃទី២៦ ខែតុលា ឆ្នាំ២០២៦ កម្លាំងការិយាល័យជំនាញ កងរាជអាវុធហត្ថរាជធានីភ្នំពេញ បានបញ្ជូនជនសង្ស័យចំនួន ០៤នាក់ (ជនជាតិចិន០២នាក់) ទៅសាលាដំបូងរាជធានីភ្នំពេញ ដើម្បីផ្តន្ទាទោសតាមនីតិវិធីច្បាប់ ពាក់ព័ន្ធករណីលួច២ករណីផ្សេងគ្នា បន្ទាប់ពីត្រូវបានឃាត់ខ្លួនជាបន្តបន្ទាប់ ក្នុងនោះរួមមាន៖

ករណីទី១៖ តាមរយៈលេខទូរស័ព្ទបន្ទាន់ ១២៩១ អាវុធហត្ថរាជធានីភ្នំពេញ នៅវេលាម៉ោង ០២និង៣០នាទី ថ្ងៃទី២៤ ខែតុលា ឆ្នាំ២០២៦ មានប្រជាពលរដ្ឋប្តឹងថាមានករណីលួចកាត់ខ្សែភ្លើង បង្កឡើងដោយក្រុមជនសង្ស័យមេក្រុមបានធ្វើសកម្មភាពកាត់ខ្សែភ្លើងរបស់ប្រជាពលរដ្ឋនៅចំណុច KTV មហាតាន់ ស្ថិតនៅផ្លូវ សប៊ិត ភូមិ14 សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ ក្រោយពេលទទួលព័ត៌មាន កម្លាំងជំនាញអាវុធហត្ថរាជធានីភ្នំពេញ ក្នុងមូលដ្ឋានខណ្ឌចំការមន បានចុះទៅដល់កន្លែងកើតហេតុសហការជាមួយប្រជាពលរដ្ឋធ្វើការឃាត់ខ្លួនជនសង្ស័យជាជនជាតិចិនចំនួន ០២នាក់ ភ្លាមៗ រួមមាន៖ 1/ឈ្មោះ HU XING BING ភេទប្រុស ជនជាតិចិន, 2/ឈ្មោះ SIANG XIA DAN ភេទប្រុស ជនជាតិចិន ព្រមទាំងចាប់យកវត្ថុតាមមួយចំនួនទៀត បញ្ជូនទៅអាវុធហត្ថរាជធានីភ្នំពេញ ដើម្បីចាត់ការតាមនីតិវិធី។

ករណីទី២ ៖ កាលពីវេលាម៉ោង ០៨និង០០នាទី ថ្ងៃទី២៣ ខែតុលា ឆ្នាំ២០២៦ មានមេការស្ថានីយ៍ឥន្ធនៈបានប្តឹងទៅលើបុគ្គលិកដឹកហ្គាសដាក់ឲ្យអតិថិជនបានធ្វើការលួច (ហ្គាស) នៅចំណុច ស្ថានីយ៍ប្រេងឥន្ធនៈ យីហោ លឹម ឡុង ផ្លូវជាតិលេខ៥ ភូមិគ្រួស សង្កាត់សំរោង ខណ្ឌព្រែកព្នៅ រាជធានីភ្នំពេញ។ ក្រោយពេលទទួលបានបណ្តឹង កម្លាំងជំនាញអាវុធហត្ថរាជធានីភ្នំពេញ ក្នុងមូលដ្ឋានខណ្ឌព្រែកព្នៅ បានចុះទៅដល់កន្លែងកើតហេតុសហការជាមួយមេការស្ថានីយ៍ឥន្ធនៈខាងលើធ្វើការឃាត់ខ្លួនជនសង្ស័យឈ្មោះ សូ សៀងហន់ ភេទប្រុស អាយុ៣៤ឆ្នាំ។ បន្ទាប់មក កម្លាំងមូលដ្ឋានអាវុធហត្ថខណ្ឌព្រែកព្នៅ បានបន្តទៅឃាត់ខ្លួនជនសង្ស័យ ឈ្មោះ ឆាយ លីហេង ភេទប្រុស អាយុ២០ឆ្នាំ នៅចំណុច ផ្លូវបេតុង ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ដែលជាប់ពាក់ព័ន្ធប្រព្រឹត្តអំពើទទួលផល ចោរកម្ម ដោយបានទទួលទិញហ្គាសពីជនសង្ស័យ សូ សៀងហន់ បញ្ជូនទៅអាវុធហត្ថរាជធានីភ្នំពេញ ដើម្បីចាត់ការតាមនីតិវិធី។

27/10/2026

27/10/2026

ឯកឧត្តម រ័ត្ន ស្រ៊ាង ព្រមជាមួយក្រុមអតីតមិត្តភក្តិរួមជំនាន់សាលាបាក់ទូកនាទសវត្សឆ្នាំ១៩៨០ រួមគ្នាជួយរៀបចំពិធីជួបជុំសម្តែងកតញ្ញូតាធម៌ចំពោះអតីតលោកគ្រូ-អ្នកគ្រូ យ៉ាងកក់ក្តៅ!

ស្មារតីដឹងគុណ និងកតញ្ញូតាធម៌ ដែលជាតម្លៃវប្បធម៌ដ៏ប្រពៃថ្លៃថ្លារបស់ជនជាតិខ្មែរ ត្រូវបានស្តែងចេញយ៉ាងច្បាស់នៅក្នុងពិធីជួបជុំដ៏មានអត្ថន័យមួយ រវាងអតីតសិស្សានុសិស្ស និងលោកគ្រូ អ្នកគ្រូ នៃវិទ្យាល័យបាក់ទូក (ជំនាន់ឆ្នាំ ១៩៨០-១៩៨៨)។ ពិធីជួបជុំពិសាអាហារដ៏កក់ក្តៅនេះ បានប្រព្រឹត្តទៅនាពេលព្រឹក ថ្ងៃអាទិត្យ ទី២៥ ខែតុលា ឆ្នាំ២០២៦ នេះ នៅសណ្ឋាគារ Shangri-La រាជធានីភ្នំពេញ ក្រោមការរៀបចំរបស់ ឯកឧត្តម រ័ត្ន ស្រ៊ាង ព្រមជាមួយក្រុមអតីតមិត្តភក្តិរួមជំនាន់សាលាបាក់ទូកនាទសវត្សឆ្នាំ១៩៨០ បានគោរពអញ្ជើញអតីតលោកគ្រូ អ្នកគ្រូ ដ៏មានព្រហ្មវិហារធម៌ចំនួន ៣០នាក់ និងមានការចូលរួមពី ឯកឧត្តម គី តិច, ឯកឧត្តម ដួង អេលីត, ឯកឧត្តម ទូច ស៊ុនណារី, ឯកឧត្តម ឃាង សេង ព្រមទាំងមិត្តភក្តិអតីតសិស្សរួមជំនាន់យ៉ាងច្រើនកុះករមកចូលរួមប្រកបដោយភាពស្និទ្ធស្នាល និងរីករាយ។

ការជួបជុំគ្នានៅថ្ងៃនេះ មិនត្រឹមតែជាការរំលឹកឡើងវិញនូវអនុស្សាវរីយ៍ និងចំណងមិត្តភាពដ៏ល្អបរិសុទ្ធកាលពីវ័យកុមារនៅក្នុងបរិវេណវិទ្យាល័យបាក់ទូកប៉ុណ្ណោះទេ ប៉ុន្តែថែមទាំងជាឱកាសដ៏មានតម្លៃក្នុងការបង្ហាញពីទឹកចិត្តគោរព ដឹងគុណ និងកតញ្ញូតាធម៌យ៉ាងជ្រាលជ្រៅបំផុត ចំពោះគុណូបការៈដ៏ធំធេងរបស់លោកគ្រូ អ្នកគ្រូ ដែលធ្លាប់បានខិតខំប្រឹងប្រែងលះបង់ អប់រំទូន្មាន និងបង្ហាត់បង្ហាញចំណេះវិជ្ជាដល់សិស្សានុសិស្ស រហូតទទួលបានជោគជ័យក្នុងជីវិត និងការងាររៀងៗខ្លួននាពេលបច្ចុប្បន្ន។

ក្នុងរយៈកាលកន្លងមក គេតែងសង្កេតឃើញអតីតមិត្តរួមជំនាន់នៃសាលាបាក់ទូកមួយក្រុម ដែលផ្តួចផ្តើមចងក្រងឡើងដោយ ឯកឧត្តម រ័ត្ន ស្រ៊ាង តែងបង្ហាញនូវសកម្មភាពទំនាក់ទំនងគ្នាយ៉ាងជិតស្និទ្ធ និងចែករំលែកធនធានជួយទុក្ខធុរៈ អតីតលោកគ្រូអ្នកគ្រូ មិនដែលមានខាន ព្រមទាំងជួយដល់មិត្តដែលជួបការលំបាកនិងខ្វះលទ្ធភាពគ្រប់ៗគ្នា។ សកម្មភាពយកចិត្តទុកដាក់ និងចែករំលែកធនធានជួយដល់អតីតលោកគ្រូអ្នកគ្រូ និងមិត្តដែលមានអាសន្នទាំងនេះ គឺជាមនោសញ្ចេតនា និងជាគោលការណ៍ក្នុងក្រុម ស្របតាមពាក្យស្លោកដែលពួកគាត់បានរួមគ្នាបង្កើតឡើងថា "សាមគ្គីមិត្តភាព បង្កើតចិត្តរមនា ចែករំលែកជួយគ្នា គ្រប់គ្រាលំបាក "៕

25/10/2026

កម្លាំងកងរាជអាវុធហត្ថរាជធានីភ្នំពេញ ចូលរួមល្បាត ការពារ​សន្តិសុខ​ សុវត្ថិភាព​ រក្សាសណ្ដាប់​ធ្នាប់​ និងសង្គ្រោះបន្ទាន់ ​ជូន​បងប្អូន​ប្រជាពលរដ្ឋ​ ធ្វើដំណើរកំសាន្ត នៅតាមដងផ្លូវថ្មើរជើង (Walk Street) ថ្ងៃទី២៤-២៥ ខែតុលា ឆ្នាំ២០២៦។

25/10/2026