Pisnoka International Corporation

[English below]
ក្រុមការងារសំណង់ចាស់ទ្រុឌទ្រោម និងក្រុមហ៊ុនសាជីវកម្មពិស្ណុការអន្តរជាតិ បានចុះទៅសិក្សារអំពីវិធីសាស្រ្ត ក្នុងការវាយកម្ទេច អគារអតីតសាលាបឋមសិក្សាបដិវត្តន៍ ស្ថិតនៅផ្លូវលេខ១៤៤ កែង៤៩ ភូមិ៩ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ ដើម្បីបង្ការ និងបញ្ចៀសគ្រោះថ្នាក់ដល់អាយុជីវិតរាងកាយប្រជាពលរដ្ឋ នាព្រឹកថ្ងៃទី៩ ខែមីនា ឆ្នាំ២០២៦។

The MLMUPC teams and Pisnoka International Corporation visited to study the methods of demolishing the former Revolutionary Primary School building located at Street 144, Corner 49, Village 9, Sangkat Phsar Thmey 3, Khan Daun Penh, Phnom Penh, to prevent and avoid danger to the lives of citizens on the morning of March 9, 2026.

អបអរសាទរទិវាអន្តរជាតិនារី ៨ មីនា! សូមជូនពរស្រ្តីគ្រប់រូបជួបតែសំណាងល្អ និងសូមអបអរសាទរភាពរឹងមាំ ការយកចិត្តទុកដាក់ និងការបំផុសគំនិតរបស់ស្ត្រីគ្រប់រូបនៅទូទាំងពិភពលោក។ ✨🎉🫶

[English below]
ក្រុមហ៊ុនសាជីវកម្ម​ពិស្ណុការអន្តរជាតិ បានតម្លើងផ្លាក "សេចក្តីប្រកាសព័ត៌មានស្តីពីការចាត់វិធានការបញ្ជៀសគ្រោះថ្នាក់ចំពោះសំណង់អគារអតីតសាលាបឋមសិក្សាខេមរបុត្រ ស្ថិតនៅផ្លូវលេខ៩៣ កែងផ្លូវលេខ២៨២ ភូមិ៣ សង្កាត់បឹងកេងកង១ ខណ្ឌបឹងកេងកង" របស់ក្រសួងរៀបចំដែនដី នគរូបនីយកម្ម និងសំណង់ ដើម្បីបង្ការនិងបញ្ចៀសគ្រោះថ្នាក់ដល់អាយុជីវិតរាងកាយរបស់ប្រជាពលរដ្ឋកំពុងរស់នៅ ប្រើប្រាស់ អាស្រ័យផលក្នុងអគារនិងដីកម្មសិទ្ធរបស់អគារអតីតសាលាបឋមសិក្សាខេមរបុត្រ ដែលជាសំណង់មានសភាពគ្រោះថ្នាក់អាចកើតឡើងភ្លាមៗ។

Pisnoka International Corporation has installed a sign "Information Announcement on Taking Measures to Prevent Dangers to the Construction of the former Khemarak both Primary School" from the Ministry of Land Management, Urban Planning and Construction to prevent and avoid dangers to the lives and physical health of citizens living, using, and benefiting from the buildings and land owned by the former Khemarak both Primary School, which is a dangerous construction that can occur immediately.

សារចូលរួមរំលែកទុក្ខ!

តាងនាមថ្នាក់ដឹកនាំ គណៈគ្រប់គ្រង និងបុគ្គលិកទាំងអស់ នៃក្រុមហ៊ុនសាជីវកម្មពិស្ណុការអន្តរជាតិសូមសម្តែងនូវទុក្ខយ៉ាងក្រៀមក្រំជាទីបំផុត ចំពោះមរណភាពឧបាសិកា ពេជ សារឹម ដែលជាម្តាយបង្កើត លោកអគ្គនាយក សុខ សុធីរ៉ានាថ្ងៃព្រហស្បតិ៍៣រោច ខែមាឃ ឆ្នាំម្សាញ់ សប្តស័ក ព.ស ២៥៦៩ត្រូវនឹងថ្ងៃទី០៥ ខែកុម្ពៈ ឆ្នាំ២០២៦ វេលាម៉ោង៥៖៣០នាទីព្រឹក ក្នុងជន្មាយុ៨២ឆ្នាំដោយរោគគាពាធ។

ក្នុងឱកាសប្រកបដោយសមានទុក្ខដ៏ក្រៀមក្រំក្រៃលែងនេះ សូមចូលរួមរំលែកទុក្ខនិងការស្តាយស្រណោះ អាឡោះអាល័យជាទីបំផុត ចំពោះការបាត់បង់ ឧបាសិកា ពេជ សារឹមដែលជាការបាត់បង់នូវម្តាយ និងជីដូន ដែលប្រកបដោយព្រហ្មវិហារធម៌សង្គហធម៌គម្រូមួយរូប ចំពោះក្រុមគ្រួសារ។

[English below]
ក្រុមហ៊ុនសាជីវកម្ម​ពិស្ណុការអន្តរជាតិ បានតម្លើងផ្លាក "សេចក្តីប្រកាសព័ត៌មានស្តីពីការចាត់វិធានការបញ្ជៀសគ្រោះថ្នាក់ចំពោះសំណង់អគារបឋមសិក្សាបដិវត្តន៍" របស់ក្រសួងរៀបចំដែនដី នគរូបនីយកម្ម និងសំណង់ ដើម្បីបង្ការនិងបញ្ចៀសគ្រោះថ្នាក់ដល់អាយុជីវិតរាងកាយរបស់ប្រជាពលរដ្ឋកំពុងរស់នៅ ប្រើប្រាស់ អាស្រ័យផលក្នុងអគារនិងដីកម្មសិទ្ធរបស់អគារអតីតសាលាបឋមសិក្សាបដិវត្តន៍ដែលជាសំណង់មានសភាពគ្រោះថ្នាក់អាចកើតឡើងភ្លាមៗ។

Pisnoka International Corporation has installed a sign "Information Announcement on Taking Measures to Prevent Dangers to the Construction of the Revolutionary Primary School" from the Ministry of Land Management, Urban Planning and Construction to prevent and avoid dangers to the lives and physical health of citizens living, using, and benefiting from the buildings and land owned by the former Revolutionary Primary School, which is a dangerous construction that can occur immediately.

អបអរសាទរខួបលើកទី៤៧ នៃទិវាជ័យជម្នះ ៧ មករា ( ១៩៧៩ - ២០២៦) ជាថ្ងៃរំដោះ និងសង្រ្គោះប្រទេសជាតិបានរួចផុតពីរបបប្រល័យពូជសាសន៍ ប៉ុល ពត។ ៧ មករា គឺជាកំណើតទី២ នៃពលរដ្ឋខ្មែរ និងជាដើមកំណើតនៃសន្តិភាពពិតប្រាកដសម្រាប់កម្ពុជាទាំងមូល។ 🇰🇭

រួមគ្នាថែរក្សា ការពារសន្តិភាព សម្រាប់ប្រទេសជាតិយើង។ អរគុណសន្តិភាព !

ក្រុមហ៊ុនសាជីវកម្មពិស្ណុការអន្តរជាតិ​ សូមស្វាគមន៍ យុទ្ធជន ទាំង១៨រូប ដែលបាននិវត្តន៍មកកាន់មាតុប្រទេសវិញប្រកបដោយសុខសុវត្ថិភាពនាថ្ងៃទី៣១ ខែធ្នូ ឆ្នាំ២០២៥។​​ វីរភាពរបស់កងទ័ព និងនគរបាល ក្នុងបុព្វហេតុការពារជាតិការពារទឹកដី គឺបានស្ថិតនៅក្នុងការចង់ចាំរបស់ប្រជាជនខ្មែរគ្រប់ៗរូប និងបានទទួលស្គាល់ពីការលះបង់ និងការប្តេជ្ញាចិត្តក្នុងការការពារបូរណភាពទឹកដីរបស់យើង។ 🇰🇭

អបអរសាទរទិវាសន្តិភាពនៅកម្ពុជា ឆ្នាំ២០២៥ និងខួប៧ឆ្នាំនៃការបង្កើតវិមានឈ្នះឈ្នះ 🇰🇭🕊️

Congratulations on Cambodian Peace Day 2025 and the 7th anniversary of the establishment of the Win-Win Monument 🇰🇭🕊️

សំឡេងឆន្ទៈរបស់ប្រជាជាតិខ្មែរកំពុងបន្លឺឡើង🇰🇭

ព្យុហយាត្រា «ដើរដើម្បីសន្តិភាព» របស់មហាគ្រួសារខ្មែរ បានចាប់ផ្ដើមចេញដំណើរពីបរិវេណផ្សាររាត្រីមាត់ទន្លេ ឆ្ពោះទៅកាន់សួនច្បារវិមានឯករាជ្យ ក្នុងបរិយាកាសពោរពេញដោយក្ដីសង្ឃឹម ក្ដីជឿជាក់ និងស្មារតីសាមគ្គីភាពជាតិ។

ជំហានរបស់យើង គឺជាជំហានដ៏មានអត្ថន័យជ្រាលជ្រៅ ក្នុងការផ្ញើសារសន្តិភាពចេញពីបេះដូងប្រជាពលជនខ្មែរ ទៅកាន់សង្គមជាតិ និងសហគមន៍អន្តរជាតិថា យើងមិនចង់ឃើញការបំផ្លិចបំផ្លាញ វិនាសកម្ម និងការបាត់បង់អាយុជីវិតណាមួយឡើយ ទោះជាក្នុងកាលៈទេសៈ ឬបរិបទណាក៏ដោយ។

សំឡេងរបស់យើង គឺជាសំឡេងឆន្ទៈរួមរបស់ប្រជាពលរដ្ឋខ្មែរ ដែលឱ្យតម្លៃលើសន្តិភាព និងប្រាថ្នាការរួមរស់ដោយសន្តិសហវិជ្ជមានជាមួយគ្រប់ប្រជាជាតិទាំងអស់។
#ដើរដើម្បីសន្តិភាព