រដ្ឋបាលខណ្ឌបឹងកេងកង

នាព្រឹកថ្ងៃព្រហស្បតិ៍ ៧កើត ខែពិសាខ ឆ្នាំមមី អដ្ឋស័ក ព.ស ២៥៦៩ ត្រូវនឹងថ្ងៃទី២៣ ខែមេសា ឆ្នាំ២០២៦ វេលាម៉ោង ០៨:៣០នាទី លោក សុខ សម្បត្តិ អភិបាល នៃគណៈអភិបាលខណ្ឌបឹងកេងកង បានអញ្ជើញជាអធិបតីក្នុងពីធីការស្តារ និងសម្អាតលូ ប្រឡាយ ក្នុងភូមិសាស្ត្រខខណ្ឌបឹងកេងកង ព្រមទាំងមានការអញ្ជើញចូលរួមពី៖
-លោក-លោកស្រីអភិបាលរងខណ្ឌ
-លោកនាយក-នាយករងរដ្ឋបាលខណ្ឌ
-លោក-លោកស្រីប្រធានការិយាល័យទាំង១១
-លោកចៅសង្កាត់ទាំង៧
-ភ្នាក់ងារអនាម័យសង្កាត់ទាំង៧ និងក្រុមហ៊ុនស៊ិនទ្រី ។

ការរៀបចំពិធីនេះក្នុងគោលបំណងការស្តារតំបន់កកស្ទះនិងធ្លាប់លិចកន្លងមកព្រមជាមួយការទាញអារម្មណ៍និងស្មារតីចូលរួមពីប្រជាពលរដ្ឋនៅគ្រប់មជ្ឈដ្ឋានទាំងអស់ឱ្យមានការថែរក្សាបរិស្ថានផង និងទុកដាក់សម្រាមឱ្យបានល្អកុំបោះចោលតាមប្រឡាយ-លូដែលនាំឱ្យស្ទះនូវប្រព័ន្ធបង្ហូរទឹកបណ្តាលឱ្យជន់លិចទីក្រុង។

សារលិខិតថ្វាយព្រះពរ​ សូមក្រាបបង្គំទូលថ្វាយព្រះករុណា​ ព្រះបាទសម្ដេចព្រះបរមនាថ​ នរោត្តម​ សីហមុនី​ ព្រះមហាក្សត្រ​ នៃព្រះរាជាណាចក្រកម្ពុជា​ ជាទីគោរពសក្ការៈដ៏ខ្ពង់ខ្ពស់បំផុត​🙏🙏🙏

ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ ២៥៧០ គ.ស ២០២៦ លោក សុខ សម្បត្តិ អភិបាល នៃគណៈអភិបាលខណ្ឌបឹងកេងកង បានចែកជូននូវសម្ភារៈ និងថវិការមួយចំនួនជូនដល់កងកម្លាំងអធិការនគរបាលខណ្ឌ ,បញ្ជាការដ្ឋានកងរាជអាវុធហត្ថខណ្ឌ និងសណ្តាប់ធ្នាប់ខណ្ឌ ។ ក្នុងឱកាសនោះដែរ លោក អភិបាលខណ្ឌ ណែនាំដល់កងកម្លាំងទាំង៣ប្រភេទត្រូវយកចិត្តទុកដាក់អោយបានខ្ពស់បំផុត ដើម្បីរក្សាបាននូវសន្តិសុខ សុវត្ថិភាព ជូនប្រជាពលរដ្ឋក្នុងមូលដ្ឋានខណ្ឌក្នុងឱកាសព្រះរាជពិធីបុណ្យចូលឆ្នាំប្រពៃណីយជាតិ និងនគរសង្ក្រាន្តរយះពេល៦ថ្ងៃផងដែរ។

នារសៀលថ្ងៃព្រហស្បតិ៍ ៧រោច ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៩ ខែមេសា ឆ្នាំ២០២៦ រដ្ឋបាលខណ្ឌបឹងកេងកង បានរៀបចំពិធីសូត្រមន្ត ចម្រើនព្រះបរិត្ត ប្រសិទ្ធិពរជ័យសិរីសួស្តី ជ័យមង្គល វិបុលសុខ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំមមី អដ្ឋស័ក ព.ស ២៥៧០ គ.ស ២០២៦ ។

ពិធីសូត្រមន្តនេះ បានប្រព្រឹត្តធ្វើឡើងក្រោមអធិបតីភាព លោក គឹម ឈុនអ៊ូ ប្រធានក្រុមប្រឹក្សាខណ្ឌ និង លោក សុខ សម្បត្តិ អភិបាល នៃគណៈអភិបាលខណ្ឌបឹងកេងកង ដោយមានការអញ្ជើញចូលរួម ពីលោក-លោកស្រី សមាជិកក្រុមប្រឹក្សាខណ្ឌ, គណៈអភិបាលខណ្ឌ លោកនាយក-នាយករងរដ្ឋបាលខណ្ឌ លោក-លោកស្រី ប្រធានការិយាល័យទាំង១១ និងលោក-លោកស្រី ព្រមទាំថមន្ត្រីរាជការនៃរដ្ឋបាលខណ្ឌ។

សេចក្តី​ជូន​ដំណឹង​ របស់រដ្ឋបាលរាជធានីភ្នំពេញ ស្ដីពី​ការ​រៀបចំ​ព្រឹត្តិការណ៍​ "នគរសង្រ្កាន្ត"​ នៅ​រាជធានី​ភ្នំពេញ​រយៈ​ពេល​ ៦ថ្ងៃ​ ចាប់​ពី​ថ្ងៃទី​១៤​ ដល់​១៩​ ខែមេសា​ ឆ្នាំ​២០២៦។

សេចក្ដីណែនាំ​ របស់រដ្ឋបាលរាជធានីភ្នំពេញ ស្ដីពីការរក្សាសន្តិសុខ​ សុវត្ថិភាព​ សណ្ដាប់ធ្នាប់​ និងរបៀបរៀបរយសាធារណៈ​ក្នុងរាជធានីភ្នំពេញ​ នាឱកាសបុណ្យចូលឆ្នាំថ្មីប្រពៃណីជាតិ​ ឆ្នាំមមី​ អដ្ឋស័ក​ ព.ស.២៥៧០​ គ.ស.២០២៦

នារសៀលថ្ងៃពុធ ១៥រោច ខែផល្គុន ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១៨ ខែមីនា ឆ្នាំ២០២៦ វេលាម៉ោង ១៥:០០នាទី រដ្ឋបាលខណ្ឌបឹងកេងកង បានបើកកិច្ចប្រជុំផ្សព្វផ្សាយអនុក្រឹត្យលេខ០៣អនក្រ ចុះថ្ងៃទី៥ ខែមករា ឆ្នាំ២០២៦ស្តីពីការគ្រប់គ្រងជនបរទេស និងការបោសសម្អាតOnlineScams ព្រមទាំងការអនុវត្តតួនាទីភារកិច្ចថ្នាក់ដឹកនាំភូមិដល់លោក-លោកស្រីប្រធាន-អនុប្រធានភូមិ ក្នុងមូលដ្ឋានខណ្ឌបឹងកេងកង រាជធានីភ្នំពេញ ចំនួន១០២នាក់ ក្នុងការសហការឱ្យកាន់តែមានប្រសិទ្ធភាព ក្រោមអធិបតីភាពលោក សុខ សម្បត្តិ អភិបាល នៃគណៈអភិបាលខណ្ឌបឹងកេងកង ព្រមទាំងមានការអញ្ជើញចូលរួមពី៖
-លោក-លោកស្រីអភិបាលរងខណ្ឌ
-លោកនាយក-នាយករងរដ្ឋបាលខណ្ឌ
- លោកប្រធានផ្នែកសណ្តាប់ធ្នាប់ខណ្ឌ
-លោកចៅសង្កាត់ទាំង០៧។

នៅព្រឹកថ្ងៃចន្ទ ១៤កើត ខែផល្គុន ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២ ខែមីនា ឆ្នាំ២០២៦ រដ្ឋបាលខណ្ឌបឹងកេងកង បានបើកកិច្ច​ប្រជុំ​តាមដានការអនុវត្តការងារ​គ្រប់​គ្រង​សន្តិសុខ​សុវត្ថិភាព​តាម​ទីតាំង​រស់នៅ​ប្រមូលផ្ដុំ​ និង​ការងារ​បោសសម្អាតការឆបោកតាមប្រព័ន្ធបច្ចេកវិទ្យា​ (Online Scams) នៅក្នុងមូលដ្ឋានខណ្ឌបឹងកេងកង រាជធានីភ្នំពេញ​ ក្រោមអធិបតីភាពលោក សុខ សម្បត្តិ អភិបាល នៃគណៈអភិបាលខណ្ឌបឹងកេងកង ព្រមទាំងមានការអញ្ជើញចូលរួមពី:
-លោកអភិបាលរងខណ្ឌ
-លោកនាយក-នាយករងរដ្ឋបាលខណ្ឌ
-លោកអធិការនគរបាលខណ្ឌ
-លោកមេបញ្ជាការកងរាជអាវុធហត្ថខណ្ឌ
-លោក-លោកស្រីប្រធាការិយាល័យពាក់ព័ន្ធ
-លោកចៅសង្កាត់ទាំង៧។

នារសៀលថ្ងៃចន្ទ ៧រោច ខែមាឃ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី៩ ខែកុម្ភៈ ឆ្នាំ២០២៦ វេលាម៉ោង ១៥:០០នាទីរសៀល រដ្ឋបាលខណ្ឌបឹងកេងកង បានបើកកិច្ចប្រជុំស្តីពី:
១/ការពង្រឹងអនុវត្តអនុក្រឹត្យលេខ០៣ ចុះថ្ងៃទី៥ខែមករាឆ្នាំ២០២៦ របស់រាជរដ្ឋាភិបាលស្តីពីការគ្រប់គ្រងការស្នាក់នៅជនបរទេសតាមផ្ទះសំណាក់ ខុនដូរ អាផាតមិន និងសណ្ឋាគារ។
២/ការចូលរួមបោសសំអាតOnlin Scamក្នុងមូលដ្ឋានខណ្ឌបឹងកេងកង ។
ក្រោមអធិបតីភាពលោក សុខ សម្បត្តិ អភិបាល នៃគណៈអភិបាលខណ្ឌបឹងកេងកង ព្រមទាំងមានការអញ្ជើញចូលរួមពី:
-លោកអភិបាលរងខណ្ឌ
-លោកនាយករងរដ្ឋបាលខណ្ឌ
-លោកអធិការនគរបាលខណ្ឌ
-លោកមេបញ្ជាការកងរាជអាវុធហត្ថខណ្ឌ
-លោកចៅសង្កាត់ពាក់ព័ន្ធ
-លោកនាយប៉ុស្តិ៍នគបាលសង្កាត់ពាក់ពន្ឋព្រមទាំម្ចាស់អាជីវកម្ម និងតំណាងចំនួន១១៨ទីតាំង។

នៅព្រឹកថ្ងៃចន្ទ ៧រោច ខែមាឃ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី៩ ខែកុម្ភៈ ឆ្នាំ២០២៦ វេលាម៉ោង ០៩:០០នាទីព្រឹក រដ្ឋបាលខណ្ឌបឹងកេងកង បានបើក «កិច្ចប្រជុំគណៈបញ្ជាឯកភាពរដ្ឋបាលខណ្ឌបឹងកេងកង ប្រចាំខែកុម្ភៈ ឆ្នាំ២០២៦ » ក្រោមអធិបតីភាពលោក សុខ សម្បត្តិ អភិបាល នៃគណៈអភិបាលខណ្ឌបឹងកេងកង និងជាប្រធានគណៈបញ្ជាការឯកភាពរដ្ឋបាលខណ្ឌបឹងកេងកង ព្រមទាំងមានការអញ្ជើញចូលរួមពី ៖
-លោក-លោកស្រីអភិបាលរងខណ្ឌ
-លោកនាយក-នាយករងរដ្ឋបាលខណ្ឌ
-លោកអធិការនគរបាលខណ្ឌ
-លោកមេបញ្ជាការកងរាជអាវុធហត្ថខណ្ឌ
-លោក-លោកស្រីប្រធានការិយាល័យទាំង១១
-លោកចៅសង្កាត់ទាំង០៧
-លោកនាយប៉ុស្តិ៍នគរបាលសង្កាត់ទាំង០៧
- លោកប្រធានផ្សារទាំង០២។

*របៀបវារៈកិច្ចប្រជុំរួមមាន ៖
១.មតិស្វាគមន៍របស់លោក សុខ សម្បត្តិ អភិបាល នៃគណៈអភិបាលខណ្ឌបឹងកេងកង
២.វឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា(Online Scame) ក្នុងមូលដ្ឋានខណ្ឌ
៣.បញ្ហាផ្សេងៗ
៤.មតិបូកសរុបរបស់លោក អភិបាល នៃគណៈអភិបាលខណ្ឌបឹងកេងកង។

ចាប់ពីយប់ថ្ងៃទី១៨រហូតដល់ថ្ងៃទី២៦ ខែមករា ឆ្នាំ២០២៦ រយៈពេល៩យប់៩ថ្ងៃហើយ ដែលលោក សុខ សម្បត្តិ អភិបាល នៃគណៈអភិបាលខណ្ឌបឹងកេងកង និងជាប្រធានគណៈបញ្ជាការឯកភាពខណ្ឌបឹងកេងកង បានបន្តដឹកនាំកម្លាំងគណៈបញ្ជាការឯកភាពខណ្ឌ ឈរជើងទប់ស្កាត់ការនាំចូលបន្លែគ្រប់ប្រភេទមកដាក់លក់នៅលើចិញ្ចើមផ្លូវ និងទ្រូងផ្លូវមហាវិថីព្រះមុនីរ៉េត ចាប់ពីមហាវិថីម៉ៅសេទុងរហូតដល់មហាវិថីព្រះសីហនុ និងផ្លូវជុំវិញផ្លូវរណបស្ថិតក្នុងសង្កាត់ទួលស្វាយព្រៃទី២ មាន១៣គោលដៅ÷ ដូចជាផ្លូវ៣៨៨ ផ្លូវ៣៨៥ ផ្លូវ៣៧៤ ផ្លូវ៣៦៤ ផ្លូវ៣៥៦ ផ្លូវ៣៤៨ ផ្លូវ៣៣៨ ផ្លូវ៣២៨ ផ្លូវ៣៤១៨ ផ្លូវ៣១០ ផ្លូវ២៩៦ ផ្លូវ២៩០ ផ្លូវ២៨៦ និងតាមបណ្តោយផ្លូវ១៩៩ ផ្លូវ២០៥ និងសង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។ ដោយមានគោលការណ៍ដឹកនាំរបស់ឯកឧត្តមអភិបាលរាជធានីភ្នំពេញ និងការខិតខំប្រឹងប្រែងរបស់គណៈបញ្ជាការឯកភាពខណ្ឌ-សង្កាត់ ព្រមទាំងមានការសហការល្អរបស់បងប្អូនប្រជាពលរដ្ឋ ទីតាំងនេះពិតនឹងទទួលបានលទ្ធផលល្អដូចការរំពឹងទុក។