ARDB Library-Center of Knowledge

06/10/2026

06/10/2026

សៀវភៅណែនាំ៖ គម្រោងអាជីវកម្មនៃការដាំដុះឈូកយកគ្រាប់
═ ═ ═ ═ ═

ឈូកគឺជាប្រភេទរុក្ខជាតិដុះក្នុងទឹកដែលមានអាយុច្រើនឆ្នាំ ដែលអាចដុះលូតលាស់ល្អនៅទីទំនាបលិចទឹក ដែលមានជម្រៅទឹកជាមធ្យម ០.២ ទៅ ១ ម៉ែត្រ និងត្រូវការសីតុណ្ហភាពចន្លោះពី ១៣-៣៣ អង្សារ។ សម្រាប់លក្ខខណ្ឌអាកាសធាតុនៅប្រទេសកម្ពុជា ដំណាំឈូកអាចដុះលូតលាស់ល្អ ងាយស្រួលក្នុងការថែទាំ និងមានទីផ្សារល្អទាំងនៅក្នុង និងក្រៅស្រុក។ ការដាំដុះដំណាំឈូកនេះ អាចទទួលបានចំណូលត្រឡប់មកវិញលឿន ចាប់ពីអាយុ ៤-៦ ខែ រហូតដល់ ៣ ឆ្នាំ ឬលើសនេះ ប្រសិនបើមានការថែទាំដិតដល់ និងមានបច្ចេកទេសត្រឹមត្រូវ។

ចំពោះកសិករដែលប្រកបមុខរបរដាំដុះឈូកយកគ្រាប់ គួរមានចំណេះដឹងបច្ចេកទេសមួយចំនួន ដូចខាងក្រោម៖

១. ការជ្រើសរើសទីតាំង ប្រភេទដី និងការរៀបចំដី៖ ទីតាំងត្រូវមានពន្លឺព្រះអាទិត្យគ្រប់គ្រាន់ យ៉ាងហោចណាស់ ៦-៨ ម៉ោងក្នុងមួយថ្ងៃ ព្រោះដំណាំឈូកត្រូវការពន្លឺ ដើម្បីលូតលាស់បានល្អ។ ទីតាំងស្រែឈូកជាដីទំនាប បាតរាបស្មើ ជាដីប្រភេទល្បាយឥដ្ឋ ដីអាចរក្សាទឹកបានជាប្រចាំ និងនៅជិតប្រភពទឹក។ កសិករត្រូវភ្ជួរដីឱ្យម៉ដ្ឋយ៉ាងតិចពីរលើក ដើម្បីឱ្យដីធូរ ដោយលើកទី១ ដើម្បីកម្ចាត់ស្មៅ និងលុបរុក្ខជាតិផ្សេងៗទៅក្នុងដី និងលើកទី២ ភ្ជួរឱ្យដីផុសល្អ។

២. ការជ្រើសរើសពូជ៖ ពូជឈូកគ្រាប់ គឺជាពូជឈូកមួយប្រភេទដែលមានដើមខ្ពស់ ស្លឹកធំ ផ្កាធំ និងគ្រាប់ធំ។ ឈូកយកគ្រាប់ដែលកសិករខ្មែរនិយមដាំ មានឈ្មោះ ឈូកបាយ។ កសិករត្រូវជ្រើសពូជដែលមានគ្រាប់ច្រើន ទំហំគ្រាប់ធំ ការលូតលាស់លឿន ធន់នឹងជំងឺ និងសត្វល្អិត ពូជដែលមានប្រភពច្បាស់លាស់ និងទទួលស្គាល់ដោយស្ថាប័នមានសមត្ថកិច្ច។

៣. ពេលវេលាដាំដុះ៖ ពេលវេលាល្អបំផុតសម្រាប់ការដាំ គឺនៅដើមរដូវវស្សា ចន្លោះខែឧសភាដល់ខែសីហា ព្រោះសីតុណ្ហភាព និងសំណើមបរិយាកាសមានលក្ខខណ្ឌសមស្របសម្រាប់ការលូតលាស់។

៤. ការដាំដុះ៖ កសិករអាចជ្រើសរើសការដាំដោយប្រើប្រាស់មើម គ្រាប់ទុំល្អ និងកូនឈូក ហើយមានចន្លោះគម្លាតដាំ ១ x ១.៥ ម៉ែត្រ។ កសិករអាចដាំកូនឈូកបានចំនួន ៦៦៦៧ ដើម/ហិកតា។

៥. ការរក្សាជម្រៅទឹក៖ នៅពេលកូនឈូកចាប់ផ្តើមលូតលាស់ពេញលេញ (ស្លឹកដុះផុតពីទឹក) ត្រូវរក្សាជម្រៅទឹកប្រហែល ២០-៦០ ស.ម.។ កសិករត្រូវរក្សាជម្រៅទឹកមិនឱ្យលើសពី ១ ម៉ែត្រ និងត្រូវធានាថាស្រែដាំឈូកមានទឹកគ្រប់គ្រាន់ មិនរីងស្ងួត។

៦. ការដាក់ជីជាតិ៖ ដំណាំឈូកត្រូវការជីជាតិច្រើន ដើម្បីបែកគុម្ព បង្កើតស្លឹក ផ្កា-ផ្លែ និងដាក់គ្រាប់ក្នុងផ្លែ។ ការបាចជីកំប៉ុសទ្រាប់បាត ជួយបង្កើនគុណភាពដី កំបោរកសិកម្មជួយកែសម្រួល pH ដី និងបង្ការជំងឺផ្សេងៗ ជីគីមីជួយជំរុញការលូតលាស់លឿន ការចេញផ្កា-ផ្លែ និងដាក់គ្រាប់បានល្អ ដូចជា អ៊ុយរ៉េ និងជីប៉ូតាស្យូម។ បរិមាណជីដែលត្រូវបាច អាស្រ័យលើគុណភាពដី តាមវគ្គលូតលាស់ និងវគ្គផ្កា-ផ្លែរបស់ដំណាំឈូក។

៧. ការគ្រប់គ្រងស្មៅ៖ ប្រភេទស្មៅដែលប្រជែងនឹងដំណាំឈូកមានដូចជា ស្រងែ។ ស្មៅនេះអាចដុះលឿន និងរីករាលដាលខ្លាំង ប្រសិនបើមិនបានគ្រប់គ្រងបានល្អ វានឹងប្រកួតប្រជែងជាមួយឈូក។ ហើយដើម្បីការពារស្មៅទឹកនេះ កសិករអាចសម្អាតដោយបោចនឹងដៃ ប្រើឧបករណ៍កាត់ផ្សេងៗ និងប្រើប្រាស់ថ្នាំពុលគីមីកសិកម្ម ដោយពិភាក្សាជាមួយអ្នកជំនាញ មុននឹងជ្រើសរើសថ្នាំណាមួយយកមកប្រើប្រាស់។

៨. ការគ្រប់គ្រងស្លែទឹក៖ ស្លែប្រភេទនេះលូតលាស់លឿន នៅពេលទឹកក្នុងស្រែរាក់ ទឹកថ្លាល្អ និងមានពន្លឺព្រះអាទិត្យគ្រប់គ្រាន់ ដោយរីករាលដាលគ្របដណ្ដប់លើផ្ទៃទឹក និងរំខានដល់ការលូតលាស់របស់ឈូក។ ហើយវិធានការការពារ កសិករត្រូវរក្សាកម្រិតទឹកក្នុងស្រែឱ្យខ្ពស់ ដើម្បីកាត់បន្ថយពន្លឺព្រះអាទិត្យដែលចាំងដល់បាតស្រែ ដែលជាកន្លែងស្លែទឹកចាប់ផ្តើមដុះ ឬចិញ្ចឹមត្រីប្រភេទស៊ីស្លែ ដូចជាត្រីឆ្ពិន ត្រីកាបស៊ីស្មៅ អាចជួយស៊ីស្លែទឹកបានយ៉ាងមានប្រសិទ្ធភាព ឬយកស្លែទឹកចេញដោយដៃ ឬប្រើឧបករណ៍សមស្របជាប្រចាំ ដើម្បីកុំឱ្យស្លែរីករាលដាលខ្លាំង។

៩. ការគ្រប់គ្រងសត្វល្អិត៖ ប្រភេទសត្វល្អិតលើដំណាំឈូកមានដូចជា អាហ៊ីដ ទ្រីប ខ្យងទឹក ដង្កូវកន្ទិចអារ និងប្រភេទដង្កូវ ហើយវិធានការការពារ កសិករអាចកាត់ស្លឹក ឬផ្កាដែលមានចៃបំផ្លាញចោល ដើម្បីបង្ការការឆ្លងទៅដើមផ្សេងៗទៀត។ ក្នុងករណីមានការបំផ្លាញច្រើន អាចប្រើថ្នាំគីមីដោយមានការណែនាំពីអ្នកជំនាញ ដូចជា Imidacloprid។ ចំពោះវិធានការការពារទ្រីបវិញ កសិករអាចប្រើថ្នាំផ្សំពីធម្មជាតិ ដើម្បីបណ្តេញ ក្នុងករណីមានការបំផ្លាញតិច។ បើមានការបំផ្លាញច្រើន អាចប្រើថ្នាំគីមីដោយមានការណែនាំពីអ្នកជំនាញ ដូចជា Thiamethoxam។

១០. ការគ្រប់គ្រងជំងឺ៖ កាត់ស្លឹកណាដែលងាប់ ខូចខាត ឬមានរោគសញ្ញាជំងឺចេញជាប្រចាំ ដើម្បីកាត់បន្ថយការរីករាលដាល។ ជំងឺលើដំណាំឈូកមិនមានច្រើននោះទេ ហើយភាគច្រើនបណ្តាលមកពីការគ្រប់គ្រងទឹក និងជីជាតិមិនបានល្អ ឬការឆ្លងមេរោគ។

១១. ការប្រមូលផល៖ ដំណាំឈូកអាចផ្តល់ទិន្នផលគ្រាប់ស្ងួតជាមធ្យមពី ១៥០០-២០០០ គ.ក./ហិកតា/ឆ្នាំ និងបន្តប្រមូលផលរហូតដល់អាយុ ៣ ឆ្នាំ ឬច្រើនជាងនេះ អាស្រ័យលើការថែទាំ។ ការប្រមូលបានត្រឹមត្រូវជួយរក្សាគុណភាពគ្រាប់ និងបន្ថយអត្រាបាត់បង់ទិន្នផលគ្រាប់ឈូក។

១២. វិធីសាស្ត្រប្រមូលផល គ្រាប់ទុំ និងការវាយជម្រុះគ្រាប់៖ ដំណាំឈូកចាប់ផ្តើមចេញផ្កានៅខែទី ២-៣ ក្រោយដាំ ហើយអាចប្រមូលផលគ្រាប់ទុំបាននៅខែទី ៤-៥។ បើគិតចាប់ពីចេញផ្ការហូតដល់គ្រាប់ផ្លែទុំ មានរយៈពេល ៤៥-៦០ ថ្ងៃ។ លក្ខណៈសម្គាល់នៃគ្រាប់ឈូកទុំល្អ គឺរន្ធគ្រាប់ និងសំបកគ្រាប់មានពណ៌ខ្មៅ ក្បាលគ្រាប់រឹងនៅពេលសាកល្បងសង្កត់ដោយម្រាមដៃ ហើយគ្រាប់ចាប់ផ្តើមរលុងនៅក្នុងផ្លែ។

១៣. ការសម្ងួត និងរក្សាទុកគ្រាប់ទុំ៖ បើចង់លក់ជាគ្រាប់ស្ងួត កសិករត្រូវសម្ងួតវាឱ្យបានត្រឹមត្រូវ រហូតដល់កម្រិតសំណើមចុះមកត្រឹមចន្លោះពី ១០-១២% ដើម្បីរក្សាគុណភាពបានយូរ និងជៀសវាងការដុះផ្សិត។ ការហាលសម្ងួតដោយកម្តៅថ្ងៃអាចចំណាយពេលពី ៣-៥ ថ្ងៃ ទើបគ្រាប់ឈូកស្ងួតល្អ។

សម្រាប់បងប្អូនប្រជាកសិករ មិត្តអ្នកអាន និងអ្នកសិក្សាស្រាវជ្រាវ ដែលមានចំណាប់អារម្មណ៍ចង់ស្វែងយល់បន្ថែមអំពីបច្ចេកទេសនៃការដាំដុះឈូកយកគ្រាប់ សូមអញ្ជើញមកអាន ឬខ្ចីសៀវភៅនេះនៅ ARDB Library – Center of Knowledge។

សម្រាប់ព័ត៌មានបន្ថែមអំពីបណ្ណាល័យ ARDB Library – Center of Knowledge៖

Facebook: www.facebook.com/ARDBLibrary
Instagram: www.instagram.com/ardblibrary
TikTok: www.tiktok.com/.library
YouTube: www.youtube.com/
Website: https://library.ardb.com.kh/home

05/10/2026

សហគ្រិនអចលទ្រព្យជំនាន់ថ្មី
═ ═ ═ ═ ═

គោលការណ៍រកស៊ីពិតជាមានសារៈសំខាន់ សម្រាប់សហគ្រិនអចលនទ្រព្យដើរទៅដល់វិធីជោគជ័យ ពួកគេតាក់តែងគោលការណ៍រកស៊ីផ្ទាល់ខ្លួន។ បើគ្មានគោលការណ៍រកស៊ីច្បាស់ទេ យើងមិនអាចក្លាយជាសហគ្រិនខ្លាំពូកែ និងរឹងមាំ ដើម្បីប្រឈមនឹងឧបសគ្គ រងព្យុះភ្លៀងបោកបក់បាននោះទេ។
ហេតុអ្វីបានជាសហគ្រិនបរាជ័យច្រើនជាងជោគជ័យ ឬសគល់សំខាន់ ពួកគេ គ្មានគោលការណ៍រកស៊ីច្បាស់លាស់ ងាយងាករេគោលដៅ និងឆាប់បោះបង់ចោលបេសកកម្មរកស៊ីពេលជួបឧបសគ្គនានា ផ្ទុយពីអ្នករកស៊ីមានគោលការណ៍ដែលក្រាញននៀលលូនក្រាបតតាំងដោះស្រាយបញ្ហាតូច ធំទាំងទ្បាយ ដើម្បីឆ្ពោះទៅគោលដៅដែលបានកំណត់យ៉ាងច្បាស់លាស់។

ដូច្នេះ សហគ្រិនអចលនទ្រយព្យជំនាកន់ថ្មីកម្ពុជា ត្រូវតែបង្កើតគោលការណ៍រកស៊ីខ្លួនឯងដោយខានមិនបាន បើចង់ជោគជ័យលើវិថីអចលនទ្យព្យយូរអង្វែង។

សម្រាប់បងប្អូនប្រជាកសិករ មិត្តអ្នកអាន និងអ្នកសិក្សាស្រាវជ្រាវ ដែលមានចំណាប់អារម្មណ៍លើការចិញ្ចឹមទា និងចង់ស្វែងយល់បន្ថែមអំពីចំណុចសំខាន់ៗដូចបានរៀបរាប់ខាងលើ សូមអញ្ជើញមកអាន ឬខ្ចីសៀវភៅយកទៅអានបាននៅ ARDB Library – Center of Knowledge។

សម្រាប់ព័ត៌មានបន្ថែមអំពីបណ្ណាល័យ ARDB Library – Center of Knowledge៖

Facebook: www.facebook.com/ARDBLibrary
Instagram: www.instagram.com/ardblibrary
TikTok: www.tiktok.com/.library
YouTube: www.youtube.com/
Website: https://library.ardb.com.kh/home

04/10/2026

02/10/2026

𝑊𝑒𝑒𝑘𝑙𝑦 𝐿𝑒𝑎𝑑𝑒𝑟𝑠ℎ𝑖𝑝 𝐼𝑛𝑠𝑖𝑔ℎ𝑡𝑠 💡

TAKE AN INTEREST IN PEOPLE
═ ═ ═ ═ ═

This may sound too simple, but it really all starts here. You have to show people that you care about them by taking an interest in them. Many leaders are so action oriented and agenda driven that they don't make people a high enough priority. If that describes you, then you need to turn that around.

I don't mean to sound crass, but it helps if you like people. If you're not a people person, that may be the first step you need to take. Look for value in every person. Put yourself in others' shoes. Find reasons to like them. You won't take an interest in people if deep down you care nothing about them. And if you care nothing about them, that flaw will always be a hindrance to your ability to lead people.

If this is an area of challenge for you, then you may want to take a look at 25 Ways to Win with People: How to Make Others Feel Like a Million Bucks, which I coauthored with Les Parrott; or read the classic How to Win Friends and Influence People by Dale Carnegie. However, you go about developing people skills, just remember that people always move toward someone who increases them and away from anyone who decreases them.

—The 360° Leader

Take interest in others before they take interest in you!

Happy Friday! Wishing you a wonderful and connected weekend 😊

Stay connected with us:

Facebook: www.facebook.com/ARDBLibrary

Instagram: www.instagram.com/ardblibrary

TikTok: www.tiktok.com/.library

YouTube: www.youtube.com/

Website: https://library.ardb.com.kh/home

02/10/2026

អនុមោទនាពិធីកាន់បិណ្ឌ
បិណ្ឌ៦

01/10/2026

សៀវភៅណែនាំ៖ គម្រោងចិញ្ចឹមពពែ
═ ═ ═ ═ ═

ការចិញ្ចឹមពពែអាចរួមចំណែកយ៉ាងសំខាន់ក្នុងការបង្កើនចំណូល និងជីវភាពសេដ្ឋកិច្ចគ្រួសាររបស់កសិករ ព្រោះពពែអាចបំលែងប្រភពចំណីដែលមានតម្លៃទាបទៅជាផលិតផលដែលមានតម្លៃខ្ពស់ ដូចជា សាច់ ទឹកដោះ និងស្បែក។

ពពែមានលក្ខណៈសមស្របក្នុងការប្រើប្រាស់ប្រភពចំណីធម្មជាតិជាងសត្វទំពារអៀងមួយចំនួនផ្សេងទៀត ដូចជា ដើមគុម្ពោតព្រៃ និងស្លឹករុក្ខជាតិផ្សេងៗ ដែលសត្វទំពារអៀងប្រភេទផ្សេងទៀតមិនសូវស៊ី។ ពពែអាចស៊ីរុក្ខជាតិជាច្រើនប្រភេទជាអាហារ ដោយសារមូលហេតុសំខាន់មួយ គឺពពែអាចទ្រាំទ្រនឹងរសជាតិល្វីងរបស់រុក្ខជាតិទាំងនោះបានល្អជាងសត្វទំពារអៀងផ្សេងទៀត។

ចំពោះកសិករដែលប្រកបមុខរបរចិញ្ចឹមពពែ គួរមានចំណេះដឹងបច្ចេកទេសមួយចំនួន ដូចខាងក្រោម៖

១. មជ្ឈដ្ឋានសមស្របសម្រាប់ការលូតលាស់ និងការធំធាត់៖ ពពែជាសត្វដែលត្រូវការកន្លែងរស់នៅស្អាត ចំណីគ្រប់គ្រាន់ ទឹកស្អាត និងខ្យល់អាកាសល្អសមរម្យ។ កត្តាទាំងនេះជួយឱ្យពពែលូតលាស់បានល្អ ឆាប់ធំ និងជួយការពារជំងឺ។ ពពែក៏អាចងាយទទួលរងនូវជំងឺផ្សេងៗផងដែរ ជាពិសេសជំងឺដែលបង្កឡើងដោយពពួកប៉ារ៉ាស៊ីត។

២. ការជ្រើសរើសបាពូជ៖ ត្រូវជ្រើសរើសពពែដែលមានមាឌធំ សុខភាពល្អ និងជាពពែដែលមានសភាពរឹងមាំក្នុងហ្វូង មានគ្រោងឆ្អឹង និងជើងទាំង៤ រឹងមាំ ក្រចកជើងជិត ខ្នងរាងត្រង់ និងទូលាយ ប្រដាប់បន្តពូជល្អ ពងស្វាយទាំងគូស្មើគ្នា ស្លូត មិនជល់ជាមួយពពែផ្សេង និងមិនរើសចំណី។ ពពែដែលមានអាយុ ៨ ខែ គួរមានទម្ងន់ចាប់ពី ៥៥ គីឡូក្រាមឡើងទៅ។

៣. ការជ្រើសរើសមេពូជ៖ ត្រូវជ្រើសរើសពពែដែលមានរាងមាំ និងសុខភាពល្អ ផ្តល់កូនទៀងទាត់ពី ៧ ទៅ ៩ ខែម្តង ស្លូត និងចេះថែរក្សាកូន ផ្តល់កូនភ្លោះញឹកញាប់ និងផលិតទឹកដោះគ្រប់គ្រាន់សម្រាប់ចិញ្ចឹមកូនភ្លោះ។ មេពូជគួរមានដោះធំទូលាយ មានចុងដោះស្មើ និងត្រង់ទៅមុខ មិនរើសចំណី ហើយមានទម្ងន់ចាប់ពី ៤០ គីឡូក្រាមឡើងទៅ។

៤. ការបន្តពូជ៖ មេពពែអាចផ្តល់កូនពី ២ ទៅ ៣ ក្បាល និងអាចរហូតដល់ ៤ ក្បាលម្តងម្កាល ប៉ុន្តែជាញឹកញាប់ផ្តល់កូនភ្លោះ ២ ក្បាល។ មេពពែអាចផ្តល់កូនរៀងរាល់ ៧ ទៅ ៩ ខែម្តង អាស្រ័យលើសុខភាព និងបច្ចេកទេសថែទាំ។ ការដាក់ឈ្មោលឱ្យបានជោគជ័យ មានរយៈពេលខ្លីប្រហែល ៦ ទៅ ១២ ម៉ោង បន្ទាប់ពីមេពពែបង្ហាញសញ្ញារកឈ្មោល។ ដូច្នេះ ត្រូវយកចិត្តទុកដាក់តាមដានមេពពែឱ្យបានត្រឹមត្រូវ។

៥. របៀបចិញ្ចឹម៖ ការចិញ្ចឹមពពែមាន ៣ របៀប ដូចជា

ក. ការចិញ្ចឹមដោយដាក់ក្នុងទ្រុង៖ ភាគច្រើនកសិករប្រើវិធីនេះនៅក្នុងតំបន់សើម និងតំបន់ដែលមិនសូវអំណោយផលដល់ការឃ្វាលពពែ។
ខ. ការចិញ្ចឹមដោយចងឱ្យស៊ីស្មៅលើវាល៖ វិធីនេះប្រើនៅតំបន់ទីចំណោត ទីជម្រាល ឬតំបន់ដែលសម្បូរទៅដោយដំណាំស្រូវ បន្លែ និងដំណាំផ្សេងៗ។

គ. ការចិញ្ចឹមដោយលែងឱ្យស៊ីស្មៅនៅលើវាលស្មៅ៖ វិធីនេះច្រើនឃើញកសិករចិញ្ចឹមពពែនៅតាមតំបន់ខ្ពង់រាប និងតំបន់ដែលមិនសម្បូរដំណាំ។

៦. កម្មវិធីផ្តល់វ៉ាក់សាំង៖ ការប្រើប្រាស់វ៉ាក់សាំង និងថ្នាំការពារជំងឺលើពពែ អាស្រ័យលើទីតាំងភូមិសាស្ត្រ និងតំបន់ដែលធ្លាប់មានការផ្ទុះជំងឺពីមុន ឬមានការផ្ទុះជាប្រចាំ ដែលត្រូវអនុវត្តការចាក់វ៉ាក់សាំង និងប្រើប្រាស់ថ្នាំការពារ។ សម្រាប់ជំងឺដែលមិនធ្លាប់មានការផ្ទុះ កសិករមិនចាំបាច់ចាក់វ៉ាក់សាំង ឬប្រើថ្នាំការពារទេ ដើម្បីសន្សំសំចៃការចំណាយលើផលិតកម្ម។

៧. វដ្តនៃការផ្តល់កូន៖ មេពពែមានរយៈពេលផើមប្រហែល ៥ ខែ ទើបសម្រាលកូន។ បន្ទាប់ពីសម្រាលកូនបាន ២ ខែ អាចដាក់ឈ្មោលបន្ត។ ជាមធ្យម មេពពែមួយក្បាលអាចផ្តល់កូនបាន ២ ក្បាល។ រយៈពេលផើមប្រហែល ១៥០ ថ្ងៃ ស្មើនឹង ៥ ខែ ហើយបន្ទាប់ពីបំបៅដោះកូនបាន ២ ខែ អាចដាក់ឈ្មោលម្តងទៀត។ កូនពពែអាចផ្តាច់ដោះនៅពេលមានអាយុ ៣ ខែ និងមានទម្ងន់ជាមធ្យមពី ១៨ ទៅ ២០ គីឡូក្រាម។ ការចិញ្ចឹមមេពពែយកកូន ជាទូទៅ ប្រសិនបើមានការថែទាំបានល្អ អាចទទួលបានកូនរហូតដល់អាយុ ៧ ឆ្នាំ។ ប៉ុន្តែសម្រាប់ការផ្តល់កូនបានច្រើន ការបន្តពូជមានប្រសិទ្ធភាព និងការផលិតទឹកដោះបានល្អ អាយុសមស្របគឺប្រហែល ៥ ឆ្នាំ ដែលអាចផ្តល់កូនបានជាមធ្យមប្រហែល ៨ ដង។

សម្រាប់មេដំបូង ការផ្តល់កូនលើកទី១ ជាមធ្យមបាន ១ ក្បាល ខណៈការផ្តល់កូនលើកទី២ ជាមធ្យមបាន ២ ក្បាល។ ចាប់ពីលើកទី៣ ទី៤ និងលើកបន្តបន្ទាប់ទៀត សម្រាប់ពូជពពែប័រ អាចផ្តល់កូនបានច្រើនបំផុតដល់ ៣ ទៅ ៤ ក្បាលម្តងម្កាល។

សម្រាប់បងប្អូនប្រជាកសិករ មិត្តអ្នកអាន និងអ្នកសិក្សាស្រាវជ្រាវ ដែលមានចំណាប់អារម្មណ៍ចង់ស្វែងយល់បន្ថែមអំពីបច្ចេកទេស និងវិធីសាស្ត្រចិញ្ចឹមពពែ សូមអញ្ជើញមកអាន ឬខ្ចីសៀវភៅនេះនៅ ARDB Library – Center of Knowledge។

Facebook: www.facebook.com/ARDBLibrary
Instagram: www.instagram.com/ardblibrary
TikTok: www.tiktok.com/.library
YouTube: www.youtube.com/
Website: https://library.ardb.com.kh/home

30/09/2026