យគក / CYCPP - យុវជនគណបក្សប្រជាជនកម្ពុជាថ្នាក់កណ្តាល / Central Youth CPP

យុវជនគណបក្សប្រជាជនកម្ពុជាថ្នាក់កណ្តាល សូមប្រកាសគាំទ្រយ៉ាងពេញទំហឹង ចំពោះសេចក្តីថ្លែងការណ៍របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ផ្ញើជូនជនរួមជាតិកម្ពុជា នៅព្រឹកថ្ងៃទី២ ខែ មិថុនា ឆ្នាំ២០២៦ ស្តីពីដំណោះស្រាយរបស់រាជរដ្ឋាភិបាលពាក់ព័ន្ធនឹងការទាមទារដែនសមុទ្រត្រួតស៊ីគ្នា (Overlapping Claims Area-OCA) រវាងកម្ពុជា-ថៃ

អបអរសាទរ​ ខួបទី៧៧ ទិវាកុមារអន្តរជាតិ (១មិថុនា) ក្រោមប្រធានបទ៖ «សន្តិភាព ជាមូលដ្ឋានគ្រឹះនៃការគោរពនិងកិច្ចគាំពារសិទ្ធិកុមារ» និ​ង​ «ប្តេជ្ញាលុបបំបាត់ទម្រង់ធ្ងន់ធ្ងរនៃពលកម្មកុមារនៅគ្រប់ខ្សែច្រវាក់ផលិតកម្ម ដើម្បីកសាងភាពធន់និងការងារសមរម្យ»

១. គណបក្សប្រជាជនកម្ពុជា មិនជំពាក់គុណយើងទេ យើងទាំងអស់គ្នាទេ ដែលជំពាក់គុណគណបក្សប្រជាជនកម្ពុជា ។
២. សូមអោយយុវជនគណបក្សគ្រប់ៗរូប មានស្មារតីបក្សនៅក្នុងខ្លួនជាប់ជាប្រចាំ មិនមែនមានស្មារតីបក្ស តែនៅពេលដែលពាក់អាវគណបក្សនោះទេ ។

នាព្រឹកថ្ងៃទី៣១ ខែឧសភា ឆ្នាំ២០២៦ ឯកឧត្តមបណ្ឌិត ជ្រុន ថេរ៉ាវ៉ាត អនុប្រធានយុវជនគណបក្សថ្នាក់កណ្តាល (យ.គ.ក.) និងជាប្រធាន គណៈប្រចាំការ បានលើកឡើងបែបនេះ ក្នុងពេលដែល ឯកឧត្តមបណ្ឌិត អញ្ជើញជាអធិបតីភាពតំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល ក្នុង « វេទិកា​ពិភាក្សាជាមួយយុវជនគណបក្សខេត្តកណ្តាល » ក្នុងដំណើរបេសកកម្មគោលដៅទី ១៦ ដោយមានការអញ្ជើញចូលរួមពី ឯកឧត្តម គួច ចំរើន ប្រធានគណកម្មាធិការគណបក្សខេត្ត និងជាប្រធានយុវជនគណបក្សខេត្តកណ្តាល ឯកឧត្ដមអនុប្រធានគណៈប្រចាំការនៃ យ.គ.ក. ឯកឧត្តមប្រធានផ្នែកនិងតំណាងផ្នែកចំណុះនៃយ.គ.ក. ឯកឧត្តមអនុប្រធានគណៈកម្មាធិការកណបក្សខេត្ត ឯកឧត្តម លោកជំទាវសមាជិក សមាជិកាយុវជនគណបក្សថ្នាក់កណ្តាល មន្រ្តីជំនាញ លេខាធិការដ្ឋាន និងសមាជិក សមាជិកាគណបក្សជាយុវជនប្រមាណជាង ១៣០០ រូប។

បន្ទាប់ពីបានស្តាប់របាយការណ៍ស្វាគមន៍របស់ឯកឧត្តមប្រធានគណៈកម្មាធិការបក្សខេត្តរួចមក ឯកឧត្តមបណ្ឌិត ជ្រុន ថេរ៉ាវ៉ាត បានពាំនាំនូវប្រសាសន៍ផ្តាំផ្ញើសាកសួរសុខទុក្ខ និងពរជ័យ ពីសម្តេចមហាបវរធិបតី និងលោកជំទាវបណ្ឌិត ជម្រាបជូនដល់អង្គវេទិកាផងដែរ ។

អង្គវេទិកាពិភាក្សា បានប្រព្រឹត្តិទៅយ៉ាងផុលផុសរយៈពេល ៤ម៉ោង និង៤៥នាទី ដោយអ្នកចូលរួមបានលើកឡើងនូវសំណួរ និងសំណូមពរជាច្រើន (ទាំងផ្ទាល់មាត់ និងលាយលក្ខអក្សរ) ពាក់ព័ន្ធនឹងបញ្ហា៖ ជម្លោះព្រំដែន,វិបត្តិប្រេងពិភពលោក,បញ្ហាកសិកម្ម,បញ្ហាសង្គម,អត្តសញ្ញាណកម្ម,ការចូលរួមរបស់យុវជននៅក្នុងគណបក្ស ក្នុងសង្គម និងការអភិវឌ្ឍប្រទេស និងការកសាងបក្សជាដើម ។

ឆ្លើយបតទៅនឹងចំណុចទាំងអស់ខាងលើនេះ ឯកឧត្តមបណ្ឌិត ជ្រុន ថេរ៉ាវ៉ាត បានធ្វើការបកស្រាយយ៉ាងច្បាស់ម្តងមួយចំណុចៗ និងក៏មានការចូលរួមជាយោបល់បំពេញបន្ថែមពីសំណាក់ឯកឧត្តម គួច ចំរើន ប្រធានគណបក្សខេត្ត, ឯកឧត្តមបណ្ឌិត គឹម សន្តិភាព អនុប្រធានគណៈប្រចាំការ និងមន្រ្តីជំនាញអត្តសញ្ញាណកម្មក្រសួងមហាផ្ទៃ ផងដែរ ។

មុននឹងបញ្ចប់ ឯកឧត្តមបណ្ឌិត ជ្រុន ថេរ៉ាវ៉ាត បានផ្តល់អនុសាសន៍មួយចំនួនយុវជនគណបក្ស ដើម្បីអនុវត្តបន្ត ពាក់ព័ន្ធនឹងកិច្ចសហការជាមួយគណៈកម្មាធិការគណបក្សថ្នាក់ខ្លួន រៀបចំផែនការសកម្មភាពរបស់ខ្លួន ឆ្ពោះទៅកាន់ការបោះឆ្នោត, ការពង្រឹងរចនាសម្ព័ន្ធយុវជនគណបក្សគ្រប់បណ្តាថ្នាក់ និងការបំពាក់បំប៉ុននយោបាយ សតិអារម្មណ៍ និងចាត់តាំង,ការផ្សព្វផ្សាយពីកិច្ចខិតខំប្រឹងប្រែងរបស់រាជរដ្ឋាភិបាល ក្នុងការការពារអាយុជីវិតប្រជាជន និងការពារបូរណភាពទឹកដី, ការរួមកម្លាំងសាមគ្គីជាតិជាធ្លុងមួយ ការពារសន្តិភាព អធិបតេយ្យ បូរណភាពទឹកដី និងអត្តសញ្ញាណជាតិខ្មែរ ឲ្យស្ថិតស្ថេររឹងមាំ និងជំរុញការអភិវឌ្ឍប្រទេសជាតិឲ្យកាន់តែរីកចម្រើនបន្ថែមទៀត, ការបំផុសជំនឿជឿជាក់លើការដឹកនាំរបស់សម្តេចតេជោ និង សម្តេចធិបតី ក្នុងការដោះស្រាយបញ្ហាព្រំដែនកម្ពុជា-ថៃ និងបំផុសស្មារតីជាតិនិយម ពហិការចំពោះការប្រើប្រាស់ទំនិញថៃ និងលើកទឹកចិត្តការប្រើប្រាស់ផលិតផលក្នុងស្រុក, ការរួមគ្នាប្រឆាំងព័ត៌មានក្លែងក្លាយ និងការអនុវត្តនូវសេចក្តីសម្រេចរបស់គណបក្សលេខស្តីពី «ផែនការឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧» ។

ទិវាពិភពលោកគ្មានថ្នាំជក់ - World No To***co Day

ឯកឧត្តមបណ្ឌិត ជ្រុន ថេរ៉ាវ៉ាត អនុប្រធានយុវជនគណបក្សថ្នាក់កណ្តាល (យ.គ.ក.) អញ្ជើញជាអធិបតីភាពក្នុង « វេទិកា​ ពិភាក្សាជាមួយយុវជនគណបក្សខេត្តព្រៃវែង » ក្នុងដំណើរបន្តបេសកកម្ម គោលដៅទី ១៥។

ខេត្តព្រៃវែង៖ នាព្រឹក ថ្ងៃទី៣០ ខែឧសភា ឆ្នាំ២០២៦ ឯកឧត្តមបណ្ឌិត ជ្រុន ថេរ៉ាវ៉ាត អនុប្រធានយុវជនគណបក្សថ្នាក់កណ្តាល និងជាប្រធានគណៈប្រចាំការនៃគណៈអចិន្ត្រៃយ៍យុវជនគណបក្សថ្នាក់កណ្ដាល តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល អញ្ជើញជាអធិបតីភាពក្នុង « វេទិកាពិភាក្សាជាមួយយុវជនគណបក្សខេត្តព្រៃវែង » ដោយមានការអញ្ជើញចូលរួមពីឯកឧត្តម សួន សុម៉ាលីន ប្រធានយុវជនគណបក្សខេត្តព្រៃវែង, ឯកឧត្ដមអនុប្រធានគណៈប្រចាំការនៃ យ.គ.ក., ឯកឧត្តមប្រធានផ្នែក និងតំណាងផ្នែកចំណុះនៃ យ.គ.ក. ព្រមទាំង ឯកឧត្ដម លោកជំទាវ លោក លោកស្រី ជាថ្នាក់ដឹកនាំគ្រប់ថ្នាក់ គ្រប់ផែន​ចំណុះ នៃគណៈកម្មាធិការគណបក្សខេត្តព្រៃវែង សរុបអ្នកចូលរួមប្រមាណ ចំនួន ១៤៥១ រូប។

ការរៀបចំវេទិកាពិភាក្សានេះ គឺដើម្បីឈ្វេងយល់ និងក្តាប់អំពីសតិអារម្មណ៍របស់យុវជន ក៏ដូចជាចង់ស្តាប់នូវមតិយោបល់ឬសំណួរ ឬសំណូមពរពីបងប្អូនសមាជិក សមាជិកាយុវជនគណបក្សពាក់ព័ន្ធនឹងការឈ្លានពានទឹកដីកម្ពុជាពីសំណាក់យោធាថៃ។

ជាកិច្ចចាប់ផ្តើម ឯកឧត្តមបណ្ឌិតប្រធាន បានពាំនាំនូវប្រសាសន៍ផ្តាំផ្ញើសាកសួរសុខទុក្ខនិងក្តីនឹករលឹកពីសំណាក់ សម្តេចធិបតីនាយករដ្ឋមន្រ្តី និងលោកជំទាវបណ្ឌិត ជូនចំពោះអង្គពិធីទាំងមូល។

ឯកឧត្តមបណ្ឌិតប្រធាន ក៏បានរំលឹកពីភាពអង់អាចក្លាហានរបស់វារៈកងទ័ពក្នុងការប្តូរផ្តាច់ការពារចំពោះទឹកដីបូរណភាពខ្មែរ និងមហាសាមគ្គីភាពជាតិដ៏មហិមារបស់ប្រជាជនកម្ពុជា ដែលពុំធ្លាប់មានក្នុងប្រវត្តិសាស្រ្តកម្ពុជា។ បន្ថែមពីនេះក៏បានកោតសរសើរនូវការចូលរួមជួយឧបត្ថម្ភពីសំណាក់ប្រជាជននៅគ្រប់មជ្ឈដ្ឋានដល់វារៈកងទ័ពជួរមុខក្នុងស្មារតីស្នេហាជាតិដែលពុំធ្លាប់មានក្នុងប្រវត្តិសាស្រ្តខ្មែរ។

ក្នុងនោះដែរ ឯកឧត្តមបណ្ឌិតប្រធាន បានគូសបញ្ជាក់ពីគោលជំហរ និងការខិតខំប្រឹងប្រែងរបស់ប្រមុខដឹកនាំគណបក្ស និងថ្នាក់ដឹកនាំរាជរដ្ឋាភិបាលក្នុងបុព្វហេតុការពារបូរណភាពទឹកដី និងការពារអាយុជីវិតប្រជាជនស្លូតត្រង់។ ជាពិសេសការអនុវត្តបទឈប់បាញ់ និងការដោះស្រាយជម្លោះប្រកបដោយសន្តិវិធី​។ ជាពិសេស ក៏បាន អំពាវនាវដល់យុវជនគណបក្សទូទាំងប្រទេស ត្រូវបន្តភាពអត់ធ្មត់ និងការជឿទុកចិត្តចំពោះថ្នាក់ដឹកនាំក្នុងការរក្សាបាននូវសុខសន្តិភាព និងការដណ្តើមយកទឹកដីឈ្លានពានមកវិញ ដោយស្របតាមច្បាប់អន្តរជាតិ ដែលជាជោគជ័យប្រកបដោយនិរន្តភាពជូនជាតិមាតុភូមិ។

ឯកឧត្តមបណ្ឌិតប្រធាន ក៏បានលើកទឹកចិត្តក្នុងការបំផុសឱ្យអង្គវេទិកានោះ ជាពិសេសយុវជនគណបក្សដែលជាអ្នកបន្តវេនរបស់គណបក្ស និងជាកោសិការបស់ប្រទេសជាតិ សូមចូលរួមលើកជាមតិ សំណួរ សំណូមពរ និងក្តីចម្ងល់នានា ដោយប្រកាន់ខ្ជាប់នូវសីលធម៌ល្អ និងក្នុងស្មាតីនៃភាពស្និទ្ធស្នាលរវាងថ្នាក់ដឹកនាំគណបក្ស និងមន្រ្តីអនុវត្តផ្ទាល់ក្នុងថ្នាក់មូលដ្ឋាន ដែលជាខឿនមហាគ្រួសារដ៏រឹងមាំនៃជាតិខ្មែរជាធ្លុងមួយ។

វេទិកានោះបានប្រព្រឹត្តទៅយ៉ាងផុលផុស ដោយមានការចូលរួមមតិយោបល់, សំណួរ, និងសំណូមពរជាច្រើន ដោយផ្តោតជាសំខាន់រួមមាន៖ ការកសាងសមត្ថភាព និងប្រជាប្រិយភាពយុវជនគណបក្សសម្រាប់ការបោះឆ្នោតជ្រើសរើសឃុំ សង្កាត់ខាងមុននេះ, យន្តការសម្រាប់យុវជនគណបក្សចូលរួមជួយបន្សាបព័ត៌មានក្លែងក្លាយ និងមិនពិតនានានៅលើបណ្តាញសង្គមពីសំណាក់ពួកប្រឆាំង, យន្តការរបស់រាជរដ្ឋាភិបាលក្នុងការតស៊ូដណ្តើមយកទឹកដីមកវិញក្រោយការឈ្លានពានរបស់ថៃនិងការដោះស្រាយជម្លោះព្រំដែន, នីតិវិធីនៃការកែតម្រូវអត្រានុកូលដ្ឋាន, ស្នើសុំរៀបចំវគ្គបំប៉នសម្រាប់គ្រូឧទ្ទេសថ្នាក់ខេត្ត, ស្នើសុំរៀបចំវគ្គបណ្តុះបណ្តាលជំនាញកាត់តរូបភាពលើកំព្យូទ័រ និងជំនាញបណ្តាញសង្គម, និងបកស្រាយផលប៉ះពាល់នៃការបន្តឡើងថ្លៃប្រេងសាំង និងប្រេងម៉ាស៊ូតលើវិស័យកសិកម្ម។

ឯកឧត្តមបណ្ឌិត ជ្រុន ថេរ៉ាវ៉ាត ព្រមទាំងគណៈអធិបតី បានធ្វើការបកស្រាយបំភ្លឺយ៉ាងក្បោះក្បាយ និងបានសំណូមពរដល់បងប្អូនយុវជនទាំងអស់ កុំឲ្យចាញ់បោកការឃោសនា ឬឧបាយកលរបស់ពួកក្រុមប្រឆាំងជ្រុលនិយម ដែលតែងតែប្រើប្រាស់បណ្តាញផ្សព្វផ្សាយសង្គម ជាមធ្យោបាយវាយប្រហារ អុជអាល ញុះញង់ និងមួលបង្កាច់មកលើរាជរដ្ឋាភិបាល និងគណបក្ស ដើម្បីបង្កភាពវឹកវរ និងចលាចលនៅក្នុងសង្គម។

ស្ថិតក្នុងឱកាសដ៏មានសារៈសំខាន់នោះ ឯកឧត្តមបណ្ឌិតប្រធាន ក៏បានផ្តល់អនុសាសន៍សំខាន់ៗមួយចំនួន ដូចខាងក្រោម ៖

១. ស្នើសុំក្រុមការងារយុវជនគណបក្សខេត្ត សហការជាមួយគណៈកម្មាធិការគណបក្សខេត្តគ្រប់លំដាប់ថ្នាក់ ដើម្បីរៀបចំនូវផែនការសកម្មភាពរួមសម្រាប់ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧។

២. ថ្នាក់ដឹកនាំយុវជនគណបក្សនៅគ្រប់បណ្តាថ្នាក់ ត្រូវពង្រឹងរចនាសម្ព័ន្ធយុវជនគណបក្សនៅគ្រប់លំដាប់ថ្នាក់ និងធ្វើការបំពាក់បំប៉ននូវគោលជំហរ ទស្សនៈនយោបាយ សតិអារម្មណ៍ និងចាត់តាំង ឱ្យបានជាប់ជាប្រចាំ ដើម្បីធានាបានប្រៀបខ្លាំង និងប្រៀបឈ្នះ របស់គណបក្សនៅគ្រប់កាលៈទេសៈនៃការបោះឆ្នោតទាំងអស់។

៣. ថ្នាក់ដឹកនាំយុជនគណបក្សគ្រប់បណ្តាថ្នាក់ ត្រូវផ្សព្វផ្សាយឲ្យបានទូលំទូលាយ និងពន្យល់ដល់ប្រជាជននិងមហាជន ឱ្យយល់ច្បាស់ពីកិច្ចខិតខំប្រឹងប្រែងរបស់រាជរដ្ឋាភិបាល និងគោលនយោបាយរបស់រាជរដ្ឋាភិបាល ក្នុងការការពារអាយុជីវិតប្រជាជន និងការការពារបូរណភាពទឹកដី។

៤. ថ្នាក់ដឹកនាំយុជនគណបក្សគ្រប់បណ្តាថ្នាក់ត្រូវចូលរួមកម្លាំងសាមគ្គីជាតិជាឆ្លុងមួយ ដើម្បីការពារសន្តិភាព អធិបតេយ្យភាព បូរណភាពទឹកដី និងអត្តសញ្ញាណជាតិខ្មែរឲ្យស្ថិតស្ថេរគង់វង្ស និងជំរុញការអភិវឌ្ឍន៍ប្រទេសជាតិឲ្យកាន់តែរីកចម្រើនបន្ថែមទៀត។

៥. ថ្នាក់ដឹកនាំយុជនគណបក្សគ្រប់បណ្តាថ្នាក់ត្រូវចូលរួមក្នុងការបំផុសការជឿជាក់លើការដឹកនាំរបស់សម្តេចតេជោ និងសម្តេចធិបតី ក្នុងការដោះស្រាយបញ្ហាព្រំដែនកម្ពុជា-ថៃ និងបំផុសស្មារតីជាតិនិយម ការពហិការការប្រើប្រាស់ទំនិញថៃ និងលើកទឹកចិត្តប្រើប្រាស់ផលិតផលក្នុងស្រុកឱ្យបានច្រើនថែមទៀត។

៦. ថ្នាក់ដឹកនាំយុជនគណបក្សគ្រប់បណ្តាថ្នាក់ត្រូវចូលរួមបង្កើនការផ្សព្វផ្សាយសកម្មភាពឈ្លានពានរបស់យោធាថៃមកលើទឹកដីកម្ពុជា និងសមិទ្ធផលរបស់រដ្ឋាភិបាលឲ្យបានទូលំទូលាយតាមគ្រប់រូបភាព និងច្រើនភាសាតាមដែលអាចធ្វើទៅបាន។

៧. ថ្នាក់ដឹកនាំយុជនគណបក្សគ្រប់បណ្តាថ្នាក់ត្រូវក្តាប់ឲ្យបានពីសារៈសំខាន់នៃការបោះឆ្នោតជ្រើសរើស ឃុំ សង្កាត់អាណត្តិទី៦ ដោយខិតខំត្រៀមលក្ខណៈសម្បត្តិសំដៅធានាឲ្យបាននូវជោគជ័យនៃការបោះឆ្នោតនៅឆ្នាំ២០២៧ និង២០២៨ ខាងមុខនេះប្រកបដោយលក្ខណៈសេរី ត្រឹមត្រូវ និងយុត្តិធម៌ ជាពិសេសខិតខំអនុវត្តឱ្យមានប្រសិទ្ធភាពខ្ពស់នូវសេចក្តីសម្រេចរបស់គណបក្ស លេខ១៤៣/០៤២៦ សសគក ចុះថ្ងៃទី២៧ ខែមេសា ឆ្នាំ២០២៦ ស្តីពីផែនការឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្គាត់ អាណត្តិទី៦ ឆ្នាំ២០២៧ ខាងមុខនេះ៕

កិច្ចប្រជុំប្រចាំខែក្រុមអចិន្ត្រៃយ៍យុវជនគណបក្សប្រជាជនកម្ពុជា ក្រសួងសាធារណការ និងដឹកជញ្ជូន

នារសៀលថ្ងៃសុក្រ ទី២៩ ខែកញ្ញា ឆ្នាំ២០២៦ លោកជំទាវ កុយ សុដានី សមាជិកគណៈកម្មាធិការកណ្តាល និងជាប្រធានយុវជនគណបក្សក្រសួងសាធារណការ និងដឹកជញ្ជូន អញ្ជើញដឹកនាំកិច្ចប្រជុំក្រុមអចិន្ត្រៃយ៍យុវជនគណបក្សក្រសួងសាធារណការ និងដឹកជញ្ជូន ដោយមានការចូលរួមពី អនុប្រធាន សមាជិក សមាជិការក្រុមអចិន្ត្រៃយ៍ យុវជនគណបក្សប្រជាជនកម្ពុជា ក្រសួងសាធារណការ និងដឹកជញ្ជូនជាច្រើនរូប ។

កិច្ចប្រជុំបានប្រព្រឹត្តទៅ តាមរបៀបវារៈ រួមមាន៖ ១. ប្រកាសសេចក្តីសម្រេចរៀបចំផែនចំណុះយុវជនបក្សក្រសួង ២. ផ្សព្វផ្សាយឯកសារជំនួយស្មារតីរបស់គណបក្ស ៣. ផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ ៤. រាយការណ៍បច្ចុប្បន្នភាពការរៀបចំផែនការអភិវឌ្ឍន៍យុវជនបក្ស២០២៦-២០២៨ និង៥. បញ្ហាផ្សេងៗ។

ឯកឧត្តមបណ្ឌិត ជ្រុន ថេរ៉ាវ៉ាត បានអញ្ជើញដឹកនាំកិច្ចប្រជុំគណៈប្រចាំការ នៃគណៈអចិន្ត្រៃយ៍យុវជនគណបក្សថ្នាក់កណ្តាល

ភ្នំពេញ៖នៅរសៀល ថ្ងៃសុក្រ ទី២៩ ខែឧសភា ឆ្នាំ២០២៦ ឯកឧត្តមបណ្ឌិត ជ្រុន ថេរ៉ាវ៉ាត អនុប្រធានយុវជនគណបក្សថ្នាក់កណ្តាល និងជាប្រធានគណៈប្រចាំការនៃគណៈអចិន្ត្រៃយ៍យុវជនគណបក្សថ្នាក់កណ្ដាល បានអញ្ជើញដឹកនាំកិច្ចប្រជុំគណៈប្រចាំការ នៃគណៈអចិន្ត្រៃយ៍យុវជនគណបក្សថ្នាក់កណ្តាលលើកទី២១ ។

កិច្ចប្រជុំនេះដោយមានការចូលរួមពី ឯកឧត្តម អនុប្រធាន សមាជិក សមាជិកាគណៈប្រចាំការ នៃគណៈអចិន្ត្រៃយ៍យុវជនគណបក្សថា្នក់កណ្តាល ឯកឧត្តមប្រធានលេខាធិការដ្ឋាន និងផ្នែកចំណុះយ.គ.ក ឯកឧត្តមតំណាងប្រធានផ្នែកទាំង១៦ផ្នែក ព្រមទាំងមន្រ្តីគណបក្ស និងក្រុមជំនួយការលេខាធិការដ្ឋាន។

កិច្ចប្រជុំគណៈប្រចាំការនៃគណៈអចិន្ត្រៃយ៍យុវជនថ្នាក់កណ្ដាល បានពិនិត្យនិងអនុម័តលើរបៀបវារៈសំខាន់ៗមួយចំនួន សំដៅធានាប្រសិទ្ធភាព និងនិរន្តភាពការងារយុវជនគណបក្សប្រជាជនកម្ពុជា ក្រោមការដឹកនាំដ៏ស្វាហាប់ និងគតិបណ្ឌិតរបស់សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល ។