រដ្ឋបាលឃុំរកាពប្រាំ

ថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ព.ស ២៥៧០
ត្រូវនឹងថ្ងៃទី២៩ ខែឧសភា ឆ្នាំ២០២៦
កញ្ញា ចាន់ ស្រីហួច មន្ត្រីកសិកម្មឃុំរកាពប្រាំ បានចុះបណ្តុះបណ្តាល បច្ចេកទេសថែទាំចន្ទីក្រោយប្រមូលផល បច្ចេកទេសចិញ្ចឹមសត្វគោ និងគោលការណ៍ស្រែល្អ ដល់ប្រជាពលរដ្ឋនៅក្នុងភូមិគោល ចុងអូរ រកាពប្រាំ១ និងភូមិតាប៉ាវបំពេញទេស។
លេខទូរស័ព្ទ មន្ត្រីកសិកម្មឃុំ 097 6481083 ,067 440731 #មន្ត្រីកសិកម្មឃុំ

ថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០
ត្រូវនឹងថ្ងៃទី២៥ ខែឧសភា ឆ្នាំ២០២៦
កិច្ចប្រជុំសាមញ្ញក្រុមប្រឹក្សាឃុំលើកទី៤៨ ឆ្នាំទី៤ អាណត្តិទី៥ របស់ក្រុមប្រឹក្សាឃុំរកាពប្រាំ៕

ថ្ងៃសុក្រ ៦កើត ខែជេស្ឋ ឆ្នាំមមី អដ្ឋស័ក ព.ស ២៥៧០
ត្រូវនិងថ្ងៃទី២២ ខែឧសភា ឆ្នាំ២០២៦
លោក ធី សំបូរ សមាជិកក្រុមប្រឹក្សាឃុំ តំណាងលោក យ៉ឹម ចិន្តា មេឃុំរកាពប្រាំ បានដឹកនាំប្រជុំកែសម្រួលបញ្ជីគ្រួសារងាយរងគ្រោះ តាមបណ្តាភូមិ ក្នុងឃុំ ដោយមានការចូលរួមពី លោក លោកស្រីមេភូមិ គ្រប់ភូមិ។

នាព្រឹក ថ្ងៃទី២០ ខែឧសភា ឆ្នាំ២០២៦
លោកស្រី ម៉ាត់ សុប្រិយ សមាជិកក្រុមប្រឹក្សាឃុំរកាពប្រាំ បាននាំយកគ្រឿងឧបភោគបរិភោគចំនួន ២ គ្រួសារនៅភូមិវាលវង់ និងភូមិតាប៉ាវបំពេញទេស ដែលមានឈ្មោះដូចខាងក្រោម:
១.ឈ្មោះ ចាន់ សុផល ភេទប្រុស អាយុ៦០ ឆ្នាំ នៅភូមិវាលវង់ ដែលមានពិការភាព និងចិញ្ចឹមចៅ២ នាក់ ហើយមានជីវភាពលំបាក
២.ឈ្មោះ មឿក គឿន ភេទស្រី អាយុ ៧១ ឆ្នាំនៅភូមិតាប៉ាវបំពេញទេស ពិការភ្នែក និងចិញ្ចឹមចៅតូចម្នាក់ ហើយផ្ទះត្រូវខ្យល់ព្យុះ ប៉ើងដំបូល ទាំងស្រុង
គ្រឿងឧបភោគបរិភោគក្នុង១គ្រួសារមាន:
១.អង្ករ ១០ គីឡូ
២.មី ១កេះ
៣.ត្រីខ ១យួរ
៤.ទឹកត្រី ១យួរ
៥.ទឹកស៊ីអ៊ីវ ១យួរ
៦.កាហ្វេ១កញ្ចប់
និងថវិកា ក្នុងមួយគ្រួសារ ៥ ម៉ឺនរៀល។
ដោយមានអ្នកចូលរួមៈ
១.លោកស្រី ខុន ស្រីនាង ជំនួយការហិរញ្ញវត្ថុឃុំ
២.លោក លេវ ប្រណិត ជំនួយការរដ្ឋបាលឃុំ
៣.លោក ប៊ី ធី មេភូមិវាលវង់
៤.លោក ទ្រេស ម៉ាត់ សមាជិកភូមិតាប៉ាវបំពេញទេស

ព្រឹក ថ្ងៃទី១៨ ខែឧសភា ឆ្នាំ២០២៦
លោកស្រី ម៉ាត់ សុប្រិយ សមាជិកក្រុមប្រឹក្សាឃុំ បានចុះសួរសុខទុក្ខ ឈ្មោះ អ៊ែល ស្រីហ្វាស ដែលទើបនិងសម្រាលកូន នៅមណ្ឌលសុខភាពរកាពប្រាំ១ ដោយគាត់មានជីវភាពលំបាក និងបាននាំយកថវិកា គ.ក.ន.ក ឃុំរកាពប្រាំ ចំនួន៥ម៉ឺន រៀល និងសារុង១ ជូនដល់គាត់ដែលទើបនិងសម្រាលកូន។

កាលពីថ្ងៃទី២៥ ខែមេសា ឆ្នាំ២០២៦
រដ្ឋបាលឃុំរកាពប្រាំ បានចុះធ្វើសំបុត្រអាពាហ៍ពិពាហ៍ ដល់រោងការ តាមការស្នើសុំរបស់គូរស្វាមីភរិយា ថ្មី កូនកំលោះ អ៊ុក សមពុទ្ធិការ និងកូនក្រមុំ ណាង សូនី ស្ថិតនៅភូមិចុងអូរ ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ៕
សូមជូនពរគូរស្វាមីភរិយាថ្មីមានសុភមង្គល និងជោគជ័យក្នុងជីវិត។

📢យុទ្ធនាការចុះធ្វើអត្តសញ្ញាណប័ណ្ណគំរូថ្មី ជូនប្រជាពលរដ្ឋ និងព្រះសង្ឃដែលទើបគ្រប់អាយុ និងអស់សុពលភាព ក្នុងឃុំរកាពប្រាំ ចាប់ពីថ្ងៃទី០១ ដល់ថ្ងៃទី១០ ខែឧសភា ឆ្នាំ២០២៦
👉 #សូមបងប្អូនអញ្ជើញមកធ្វើអោយបានគ្រប់ៗគ្នា
👉 #ទីតាំង ប៉ុស្តិ៍នគរបាលរដ្ឋបាលរកាពប្រាំ ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ ។ សូមអរគុណ

ថ្ងៃសុក្រ ៨កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩
ត្រូវនឹងថ្ងៃទី២៤ ខែមេសា ឆ្នាំ២០២៦
កិច្ចប្រជុំសាមញ្ញក្រុមប្រឹក្សាឃុំលើកទី៤៧ ឆ្នាំទី៤ អាណត្តិទី៥ របស់ក្រុមប្រឹក្សាឃុំរកាពប្រាំ៕

ថ្ងៃសុក្រ ៨រោច ខែចេត្រ ឆ្នាំម្សាញ់ សប្តស័ក ព.ស ២៥៦៩
ត្រូវនឹងថ្ងៃទី១០ ខែមេសា ឆ្នាំ២០២៦
រដ្ឋបាលឃុំរកាពប្រាំ សូមថ្លែងអំណរគុណ ដល់ធនាគារស្ថាបនា សាខាភូមិត្រពាំងឫស្សី ឃុំរកាពប្រាំ ដែលបានជូនទឹកបរិសុទ្ធវីតាល់ចំនួន៣កេះ និងភេសជ្ជៈកូកា ចំនួន២កេះ ដល់សាលាឃុំ ក្នុងឱកាសពិធីបុណ្យចូលឆ្នាំប្រពៃណីជាតិខ្មែរ ឆ្នាំ២០២៦
សូមជូនពរជ័យ វិបុលសុខគ្រប់ប្រការ កើតមានដល់ធនាគារ និងមន្ត្រីគ្រប់ជាន់ថ្នាក់ ជួបតែសេចក្តីសុខចម្រើន❤️🙏❤️💐

ថ្ងៃពុធ ៧កើត ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩
ត្រូវនឹងថ្ងៃទី២៥ ខែមីនា ឆ្នាំ២០២៦
កិច្ចប្រជុំសាមញ្ញក្រុមប្រឹក្សាឃុំលើកទី៤៦ ឆ្នាំទី៤ អាណត្តិទី៥ របស់ក្រុមប្រឹក្សាឃុំរកាពប្រាំ៕