30/05/2026
៖ តើមន្ត្រីរាជការសាធារណៈអាចដេញថ្លៃគម្រោងមូលនិធិឃុំសង្កាត់បានឬទេ?
ចម្លើយ÷មន្ត្រីរាជការសាធារណៈ មិនត្រូវបានអនុញ្ញាត ឱ្យដេញថ្លៃគម្រោងមូលនិធិឃុំ-សង្កាត់ឡើយ។ ការធ្វើបែបនេះត្រូវបានចាត់ទុកថាជាការបំពានក្រមសីលធម៌វិជ្ជាជីវៈ និងជារំលោភបំពានផលប្រយោជន៍ ព្រោះមន្ត្រីរាជការមានតួនាទីជាអ្នកត្រួតពិនិត្យ ឬជាអ្នករៀបចំលទ្ធកម្ម។
ក្រសួងមហាផ្ទៃ បានធ្វើការហាមឃាត់ និងព្រមានចាត់វិធានការច្បាប់យ៉ាងតឹងរ៉ឹងបំផុតចំពោះមន្ត្រីរាជការ ស្មៀនឃុំ/សង្កាត់ ឬសមាជិកក្រុមប្រឹក្សាឃុំ/សង្កាត់ ណាដែលពាក់ព័ន្ធនឹងអំពើពុករលួយ ការគប់គិតគ្នា ការក្លែងបន្លំ ឬចូលរួមដាក់សំណើដេញថ្លៃគម្រោងក្នុងឃុំ-សង្កាត់របស់ខ្លួន
ការដេញថ្លៃគម្រោងមូលនិធិឃុំ-សង្កាត់ គឺបើកចំហរជូនតែក្រុមហ៊ុនឯកជន ឬអ្នកទទួលការទាំងឡាយណាដែលមានអាជ្ញាបណ្ណ និងមានលក្ខណសម្បត្តិគ្រប់គ្រាន់ស្របតាមច្បាប់ប៉ុណ្ណោះ។
មហាជនរង់ចាំមើលថាតើបុគ្គលទាំងពីរនាក់ដែលជាម្ចាស់ក្រុមហ៊ុនដើរដេញថ្លែងគម្រោងមូនិធិឃុំសង្កាត់ នៅសង្កាត់សួង ក្រុងសួង គាត់ជាមន្ត្រីរាជការមាន វាសនាយ៉ាងណា ?
ដូច្នេះសូម ឯកឧត្តមអភិបាលខេត្ត ត្បូងឃ្មុំ ជាពិសេសឯកឧត្តមអភិសន្តិបណ្ឌិត សរ សុខា មេត្តាជួយពិនិត្យមើលបុគ្គលទាំងពីរនាក់នេះផង។
អង្គភាពយើងរង់ចាំការបកស្រាយបំភ្លឺពីសាមីពាក់ព័ន្ធគ្រប់ម៉ោងពេលធ្វើការ។
សូមអរគុណ
29/05/2026
#ខេត្តកំពង់ចាម ថ្ងៃទី 29 ខែឧសភាឆ្នាំ 2026 មហាជនកំពុងតែឆ្ងល់ ថាការដេញថ្លៃគម្រោងមូនិធិ ឃុំសង្កាត់ ជ្រៃវៀន ស្រុកព្រៃឈរ ខេត្តកំពង់ចាម ខុសពីឃុំនិងខេត្តផ្សេង ឃុំនិងខេត្តផ្សេងក្រុមហ៊ុនដេញចុះហូតទៅដល់ 50-60-70ទៅ80 %ក៏មាន តែខេត្តកំពង់ចាម នៅឃុំជ្រៃវៀន ការដេញថ្លៃ មូលនិធិឃុំសង្កាត់ ចុះតែបន្តិចបន្តួចប៉ុណ្ណោះ
កិច្ចសន្យាទី 1 សាងសង់ផ្លូវបេតុងអាមេ ប្រវែង0. 332គ.ម ខ្នង 5 ម៉ែត្រ កម្រាស់ 0.15 ម សាងសង់លូកាត់ផ្លូវមួយកន្លែងអង្កត់ផ្ចិត 0.60 ម
តម្លៃប៉ាន់ស្មាន 189 072 854រៀល
ដេញបានដោយក្រុមហ៊ុន (ហង្សគួយគួយហេង ខន់ត្រាក់សិន)ក្នុងតម្លៃ 184 000 000រៀល
ចុះប្រហែល 4 លានរៀលជាង
កិច្ចសន្យាទី 2 ជួសជុលផ្លូវក្រាលកម្ទេចថ្ម ប្រវែង 2.050 គ.ម ទទឹងខ្នង4ម៉ែត្រ តម្លៃប៉ាន់ស្មាន 144 492 749រៀល
ដេញបានដោយក្រុមហ៊ុន (កេត គឹមស្រស់)ក្នុងតម្លៃ 140 000 000 រៀល ចុះត្រឹមតែ 3 លានជាងរៀលប៉ុណ្ណោះ
កិច្ចសន្យាទី3 ជួសជុលផ្លូវបេតុងអាមេ ប្រវែង 0.400.គ.ម ទទឹងខ្នងបួនម៉ែត្រ តម្លៃប៉ាន់ស្មាន 132 010 584 រៀល ដេញបានដោយក្រុមហ៊ុន(ហង្សគួយហេង ខន់ត្រាក់សិន)ក្នុងតម្លៃ 127 000 000រៀល
ចុះប្រហែល 4 លានជាងរៀលប៉ុណ្ណោះ
តើនេះមានអាថ៌កំបាំងអ្វីដែរឬទេ?
តើនៅក្នុងការដេញថ្លៃនេះមានតម្លាភាពដែរឬទេ ?តើមានការឃុបឃិតសុីសំណូកសូកប៉ាន់គ្នាដែរទេ?
ដូច្នេះមហាជនសូមស្នើរសុំ ប្រធានគណៈកម្មការលទ្ធកម្ម លោកនាយកទីចាត់ការផែនការវិនិយោគខេត្ត ជាពិសេស ឯឧត្តមអភិបាលខេត្តកំពង់ចាម មេត្តាជួយពិនិត្យមើលផងទាន។
អង្គភាពសារព័ត៌មានយើងខ្ញុំរង់ចាំការបំភ្លឺពីគ្រប់ភាគីពាក់ព័ន្ធ សូមអរគុណ
