រដ្ឋបាលខណ្ឌចំការមន

នៅថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦​

ក្រោមការចង្អុលបង្ហាញរបស់ឯកឧត្តម​ ឃួង​ ស្រេង​ អភិបាល​ នៃគណះអភិបាលរាជធានីភ្នំពេញ​ គណៈបញ្ជាការឯកភាពរដ្ឋបាលខណ្ឌចំការមន ដឹកនាំដោយលោក កៀង ល័ក្ស អភិបាល នៃគណៈអភិបាលខណ្ឌចំការមន និងជាប្រធានគណៈបញ្ជាការឯកភាពខណ្ឌចំការមន ដោយបានការសម្របសម្រួលផ្លូវច្បាប់ពីលោកស្រី ភី ស៊ីថង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចុះត្រួតពិនិត្យរដ្ឋបាលលើទីតាំងចំនួន៣ គឺ៖

1️⃣-អគារ ហ្គ្រេន អេលីវ៉េសិន ហូថេល ស្ថិតនៅអគារលេខ១២៨ G6-G7-G8 ផ្លូវសុធារស ភូមិ១ សង្កាត់ទន្លេបាសាក់
ជាលទ្ធផល មានជនបរទេសស្នាក់នៅសរុបចំនួន ៣៥នាក់ ស្រី ២២នាក់មាន ៩សញ្ជាតិ មានលិខិតឆ្លងដែន និងទិដ្ឋាការស្នាក់នៅត្រឹមត្រូវ ។

2️⃣-អគារ ជូហ្ស៊ី សាងយី ហ្គ័នលី ឯ.ក ស្ថិតនៅអគារលេខ៦៣ ផ្លូវសុធារស ភូមិ៥ សង្កាត់ទន្លេបាសាក់
ជាលទ្ធផល មានជនបរទេសស្នាក់នៅសរុបចំនួន ១៧នាក់ ស្រី ០៥នាក់មាន ៣សញ្ជាតិ ក្នុងនោះមានជនបរទេសស្នាក់នៅខុសច្បាប់ (ពុំមានលិខិតឆ្លងដែន) សរុបចំនួន ០២នាក់ (ប្រុស) ជនជាតិចិន ក្រុមការងារបានផាកពិន័យប្រាក់លើម្ចាស់ទីតាំងទៅតាមច្បាប់។

3️⃣-ទីតាំងអគារយីហោ XY ដែលស្ថិតនៅផ្ទះលេខ១៥២ ផ្លូវរដ្ឋសភា ភូមិ១៤ សង្កាត់ទន្លេបាសាក់ ទីតាំងនេះមានការចុះផ្សាយពីសារព័ត៌មានមួយចំនួននៅលើបណ្ដាញសង្គមបានផ្សព្វផ្សាយថាមានបង្កប់ល្បែងស៊ីសងខុសច្បាប់។ ក្រុមការងារបានចុះដល់ទីតាំងជាក់ស្ដែងពិនិត្យឃើញថាទីតាំងកំពុងប្រកបអាជីវកម្ម ជាប្រភេទខារ៉ាអូខេ មានកម្ពស់ ០១ជាន់ មានចំនួន ១៣បន្ទប់ និងមានមនុស្សបម្រើការងារសរុបចំនួន ៣៦នាក់ ស្រី ១៦នាក់ មានចំនួន ០២សញ្ជាតិ មានលិខិតឆ្លងដែន និងទិដ្ឋាការស្នាក់នៅត្រឹមត្រូវ រកពុំឃើញមានសម្ភារសម្រាប់លេងល្បែងស៊ីសងនោះទេ។

❇️សរុបរួម ទីតាំងទាំង៣ខាងលើ មានអ្នកស្នាក់នៅសរុប ៨៦នាក់ ស្រី ៤៣នាក់ ក្នុងនោះរកឃើញមានជនបរទេសរស់នៅខុសច្បាប់ ចំនួន ២នាក់ ហើយពុំមានរកឃើញសម្ភារពាក់ព័ន្ធសង្ស័យបម្រើការឱ្យបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ឫសម្ភារបម្រើឱ្យការលេងល្បែងស៊ីសង នោះទេ។

ញត្តិគាំទ្រ 🙏 សេចក្តីថ្លែងការណ៍ពិសេស នៅរសៀល ថ្ងៃទី២ ខែមិថុនា ឆ្នាំ២០២៦ ស្តីពី “ដំណោះស្រាយរបស់រាជរដ្ឋាភិបាលពាក់ព័ន្ធនឹងការទាមទារដែនសមុទ្រត្រួតស៊ីគ្នាជាមួយប្រទេសថៃ” របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា🇰🇭

នៅថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២ ខែមិថុនា ឆ្នាំ២០២៦

គណៈបញ្ជាការឯកភាពរដ្ឋបាលខណ្ឌចំការមន ដឹកនាំដោយលោក កៀង ល័ក្ស អភិបាល នៃគណៈអភិបាលខណ្ឌចំការមន និងជាប្រធានគណៈបញ្ជាការឯកភាពខណ្ឌចំការមន ដោយបានការសម្រប​សម្រួលផ្លូវច្បាប់ពីលោកស្រី ភី ស៊ីថង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចុះត្រួតពិនិត្យទីតាំងអគារ Real Hope Condo ស្ថិតនៅអគារលេខ៧៨ ផ្លូវលេខ៩៥ ភូមិ៣ សង្កាត់បឹងត្របែក ខណ្ឌចំការមន រាជធានីភ្នំពេញ។

ជាលទ្ធផល ក្រុមការងារចម្រុះត្រួតពិនិត្យបានចំនួន (០១គោលដៅ ស្មើនឹង ២៣០បន្ទប់) រកឃើញអ្នកស្នាក់នៅសរុបចំនួន ១០៣នាក់ ស្រី ២៩នាក់ មាន ០៩សញ្ជាតិ (ក្នុងនោះមនុស្ស ចំនួន ០២នាក់ប្រុស ជនជាតិចិន (ពុំមានលិខិតឆ្លងដែន និងហួសទិដ្ឋាការស្នាក់នៅ) បញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធី ចំពោះទីតាំងខាងលើ ពុំបានរកសម្ភារពាក់ព័ន្ធសង្ស័យបម្រើការឱ្យបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS)។

នៅព្រឹកថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២ ខែមិថុនា ឆ្នាំ​២០២៦

លោក កៀង ល័ក្ស អភិបាល នៃគណៈអភិបាលខណ្ឌចំការមន បានអញ្ជើញចូលរួមក្នុងកិច្ច​ប្រជុំ ស្ដីពីការតាមដានវឌ្ឍនភាពលេីការងារបង្ក្រាបបទល្មេីសឆបោកតាមប្រព័ន្ធបច្ចេកវិទ្យា​ (Online Scams) នៅ​ក្នុងភូមិសាស្ត្រ​រាជធានីភ្នំពេញ​ ក្រោមអធិបតីភាពដ៏ខ្ពង់ខ្ពស់​ ឯកឧត្តមអភិសន្តិបណ្ឌិត ស សុខា​ ឧបនាយករដ្ឋមន្រ្តី​ រដ្ឋមន្រ្តីក្រសួងមហាផ្ទៃ។

នៅថ្ងៃទី០១ ខែមិថុនា ឆ្នាំ២០២៦
(ការត្រួតពិនិត្យរដ្ឋបាល រកបទល្មើសឆបោកតាមប្រព័ន្ធបច្ចេកវិទ្យា ONLINE SCAMS)

ដោយមានការចង្អុលបង្ហាញពីឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ កម្លាំងគណៈបញ្ជាការឯកភាពរដ្ឋបាលខណ្ឌចំការមន ដឹកនាំដោយលោក កៀង ល័ក្ស អភិបាល នៃគណៈអភិបាលខណ្ឌចំការមន និងជាប្រធានគណៈបញ្ជាការឯកភាពរដ្ឋបាលខណ្ឌចំការមន ដោយបានការសម្រប​សម្រួលផ្លូវច្បាប់ពីលោកស្រី ភី ស៊ីថង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចុះត្រួតពិនិត្យទីតាំងអគារ DIAMOND ONE​ ស្ថិតនៅទីក្រុងកោះពេជ្រ ផ្លូវញ៉ូតុន ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយមានសមាសភាពចូលរួមពីមន្ត្រីពាក់ព័ន្ធ។

👉 ជាលទ្ធផល
ក្រុមការងារសមត្ថកិច្ចចម្រុះបានពិនិត្យជាក់ស្តែងឃើញថាទីតាំងជាប្រភេទអគារស្នាក់នៅរួមមានកម្ពស់ ១៩ជាន់ ស្មើនឹង ៤៤៨បន្ទប់ មានមនុស្សស្នាក់នៅសរុបចំនួន ២៨៨នាក់ ស្រី ៩២នាក់ មាន ១០សញ្ជាតិ ក្នុងនោះមានជនបរទេសស្នាក់នៅខុសច្បាប់ (ពុំមានលិខិតឆ្លងដែន និងហួសទិដ្ឋាការស្នាក់នៅ) សរុបចំនួន ០៧នាក់ ស្រី ០៣នាក់ មាន ០៣សញ្ជាតិ ហើយធ្វើការផាកពិន័យម្ចាស់ទីតាំងស្របទៅច្បាប់ និងបានបញ្ជូនជនបរទេសស្នាក់នៅខុសច្បាប់ ទៅស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធី។ ចំពោះទីតាំងខាងលើ ពុំបានរកសម្ភារពាក់ព័ន្ធសង្ស័យបម្រើការឱ្យបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ៕

នៅថ្ងៃអាទិត្យ ទី៣១ ខែឧសភា ឆ្នាំ២០២៦
ដោយមានការចង្អុលបង្ហាញពីឯកឧត្តម​ ឃួង​ ស្រេង​ អភិបាល នៃគណៈអភិបាលរាជធានីភ្នំពេញ​ លោក កៀង ល័ក្ស អភិបាល នៃគណៈអភិបាលខណ្ឌចំការមន និងជាប្រធានគណៈបញ្ជាការឯកភាពខណ្ឌចំការមន បានដឹកនាំក្រុមការងារចម្រុះ​ ចូលរួមដោយលោក ម៉ៅ បូណែត អភិបាលរង នៃគណៈអភិបាលខណ្ឌចំការមន ដោយបានការសម្របសម្រួលផ្លូវច្បាប់ពីលោក ញ៉ាន បូរី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះត្រួតពិនិត្យរដ្ឋបាលទីតាំងសណ្ឋាគារ ក្នុងគោលដៅប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ក្នុងភូមិសាស្ដ្រខណ្ឌចំការមន រាជធានីភ្នំពេញ។
▶️នៅទីតាំងសណ្ឋាគារ ST. Moritz Business Hotel ស្ថិតនៅអគារលេខ១២៨ ផ្លូវសុធារស ភូមិ១ សង្កាត់ទន្លេបាសាក់។
➡️ សរុបលទ្ធផល៖
- ត្រួតពិនិត្យបាន ៥៥បន្ទប់
- រកឃើញមនុស្សស្នាក់នៅសរុបចំនួន ១២នាក់(ប្រុស) មាន ០១សញ្ជាតិ មានលិខិតឆ្លងដែន និងទិដ្ឋាការត្រឹមត្រូវ
- បទល្មើស (ONLINE SCAMS)គ្មាន។

🙏🙏🙏

នៅថ្ងៃទី៣០ ខែឧសភា ឆ្នាំ២០២៦
++++++++++++++++++++
គណៈបញ្ជាការឯកភាពរដ្ឋបាលខណ្ឌចំការមន ដឹកនាំដោយ លោក កៀង ល័ក្ស អភិបាល នៃគណៈអភិបាលខណ្ឌចំការមន និងជាប្រធានគណៈបញ្ជាការឯកភាពរដ្ឋបាលខណ្ឌចំការមន ដោយមានការសម្របសម្រួលនីតិវិធីផ្លូវច្បាប់ពី លោក ញ៉ាន បូរី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចុះត្រួតពិនិត្យរដ្ឋបាលចំនួន ០២ទីតាំង ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយមានសមាសភាពចូលរួមពីមន្ត្រីពាក់ព័ន្ធ។

🔵 ជាលទ្ធផល
ក្រុមការងារចម្រុះរកឃើញអ្នកស្នាក់នៅសរុបចំនួន ៤៣នាក់ ស្រី ១៥នាក់ មាន ០៥សញ្ជាតិ (ក្នុងនោះជនជាតិឥណ្ឌូនេស៊ី ចំនួន ០៨នាក់ប្រុស (ពុំមានលិខិតឆ្លងដែន និងហួសទិដ្ឋាការស្នាក់នៅ) បញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធី ចំពោះទីតាំងទាំង០២ខាងលើ ពុំបានរកសម្ភារពាក់ព័ន្ធសង្ស័យបម្រើការឱ្យបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS)។

នៅព្រឹកថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦

ដោយបានការអនុញ្ញាតពីលោក កៀង ល័ក្ស អភិបាល នៃគណៈអភិបាលខណ្ឌចំការមន និងជាប្រធានគណៈបញ្ជាការឯកភាពរដ្ឋបាលខណ្ឌចំការមន និងមានការសម្របសម្រួលផ្លូវច្បាប់ពីលោក ញ៉ាន បូរី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ

ក្រុមការងារចម្រុះរដ្ឋបាលខណ្ឌចំការមន ដឹកនាំដោយលោក ម៉ៅ បូណែត អភិបាលរង នៃគណៈអភិបាលខណ្ឌចំការមន បានបន្តចុះត្រួតពិនិត្យរដ្ឋបាលទីតាំងអគារខុនដូរ អាផាតមិន បុរី ផ្ទះសំណាក់ និងសណ្ឋាគារមួយចំនួន ក្នុងគោលដៅប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ក្នុងភូមិសាស្ដ្រខណ្ឌចំការមន ចំនួន ០២ទីតាំង នៅក្នុងសង្កាត់ទន្លេបាសាក់ និងសង្កាត់ផ្សារដើមថ្កូវ។

ជាលទ្ធផល ក្រុមការងារបានពិនិត្យឃើញថា ទាំង០២គោលដៅ មានចំនួន ១២៩បន្ទប់ និងមានមនុស្សស្នាក់នៅសរុប ចំនួន ៥៧នាក់ ស្រី ២៩នាក់ មាន ០៤សញ្ជាតិ មានលិខិតឆ្លងដែន និងទិដ្ឋាការត្រឹមត្រូវ ហើយចំពោះទីតាំងខាងលើនេះ មិនបានរកឃើញសម្ភារៈដែលពាក់ព័ន្ធជាមួយនឹងការប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS)។

នៅព្រឹកថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦
លោក ហ៊ត វ៉ាន់ធី អភិបាលរង នៃគណៈអភិបាលខណ្ឌចំការមន តំណាងលោក កៀង ល័ក្ស អភិបាល នៃគណៈអភិបាលខណ្ឌចំការមន រួមជាមួយលោកនាយករងរដ្ឋបាលខណ្ឌ, ប្រធានការិយាល័យរដ្ឋបាល និងបុគ្គលិកខណ្ឌ និងស្មៀនសង្កាត់ទាំង៥ បានចូលរួមកិច្ចប្រជុំផ្សព្វផ្សាយរបាយការណ៍បូកសរុបសកម្មភាព និងលទ្ធផលការងារចុះមូលដ្ឋានប្រចាំឆ្នាំ២០២៥ និងទិសដៅការងារបន្តឆ្នាំ២០២៦ របស់ក្រុមការងាររាជរដ្ឋាភិបាលចុះមូលដ្ឋាន ក្រោមអធិបតីភាព ឯកឧត្តម សក់ សេដ្ឋា ទេសរដ្ឋមន្ត្រីទទួលបន្ទុកបេសកម្មពិសេស និងជាប្រធានលេខាធិការដ្ឋាន ក.រ.ម តាមប្រព័ន្ធវីដេអូ(zoom)។