ក្រសួងដនស-មន្ទីរដនសសរាជធានីភ្នំពេញ

សេចក្តីប្រកាសព័ត៌មាន​៖
សូមអញ្ជេីញប្រជាពលរដ្ឋជាអតិឋិជនដែលបានទិញបុរី​មួយចំនួនដូចក្នុងបញ្ជីខាងក្រោមមកទទួលបណ្ណ័កម្មសិទ្ធិ​ តាមពេលវេលានិងកាលបរិច្ឆេទតាមសេចក្តីប្រកាសព័ត៌មាន​នេះ​ សូមអរគុណ!

នាព្រឹកថ្ងៃសុក្រទី១៧ ខែតុលា ឆ្នាំ២០២៥ មន្ទីរ​ ដនសស​ រាជធានីភ្នំពេញ​ បានបេីកសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារបន្តឆ្នាំ២០២៦ នៅសាលសន្និបាតភោជនីយដ្ឋានទន្លេបាសាក់​ ក្រោមអធិបតីភាព​ឯកឧត្តម ឃ្លាំង ហួត អភិបាលរង នៃគណៈអភិបាលរាជធានីភ្នំពេញ តំណាងរបស់ឯឧត្តម​ ឃួង​ ស្រេង​ អភិបាលនៃគណះអភិបាលរាជធាីភ្នំពេញ​ ក្នុងពិធីបើកអង្គសន្និបាត​ និងក្រោមអធិបតីភាពរបស់ឯកឧត្តម ទា ច័ន្ទលីដា អនុរដ្ឋលេខាធិការ តំណាងដ៏ខ្ពង់ខ្ពស់ របស់ឯកឧត្តម​​ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ក្នុងពិធីបិទអង្គសន្និបាត​ មានការអញ្ជើញ​ចូលរួមពី​តំណាង​មន្ទីរអង្គភាពពាក់ពន្ធ័ជុំវិញរាជធានីភ្នំពេញ​ តំណាងអភិបាលនៃគណៈអភិបាលខណ្ឌទាំង១៤ ប្រធាននិងមន្ត្រីការិយាល័យរៀបចំដែនដី នគរូបនីយកម្ម សំណង់ និងភូមិបាលខណ្ឌទាំង១៤ មន្រ្តីរាជការ មន្រ្តីជាប់កិច្ចសន្យា​នៃមន្ទីរដនសសរាជធានីភ្នំពេញទាំងអស់ សរុបចំនួន ៣៥៥នាក់។

អង្គសន្និបាតបានដំណេីរការឆ្លុះបញ្ចាំងតាមរយះបទអន្តរាគមន៍លេីគ្រប់វិស័យការងាររបស់មន្ទីរ​ ដែលរួមមាន​ ការផ្តល់សេវាសាធារណះ​ តាមគោលការណ័ ការងារដោះស្រាយវិវាទដីធ្លី​ ការងារចុះបញ្ជីបន្តក្នុងវិស័យសុរិយោដី​ ការងាររដ្ឋបាលដីធ្លីឬការចុះបញ្ជីដីធ្លីមានលក្ខណះជាប្រពន្ធ័​ឆ្ពោះទៅកាន់គោលដៅ​ . ការងារគ្រប់គ្រងវិស័យសំណង់​ និងការងាររៀបចំដែនដី​ នគរូបនីយកម្ម​ និងលំនៅដ្ឋាន​។ ជាលទ្ធផលគឺមន្ទីរដនសស​ រាជធានីភ្នំពេញសម្រេចបានលទ្ធផលលេីគ្រប់មុខព្រួញការងារទាំងអស់យ៉ាងធំធេង(ដូចមានក្នុងរបាយការណ៍លំអិតរបស់មន្ទីរ) ក្នុងភារកិច្ចនិងសមត្ថកិច្ចរបស់ខ្លួន។

តាមរយះអង្គសន្និបាតគណះអធិបតីទាំងពេលបេីកនិងពេលបិទអង្គសន្និបាតបានកោតសរសេីរវាយតម្លៃខ្ពស់ចំពោះសមិទ្ធិផលការងាររបស់មន្ទីរ​ និងបានផ្តល់នូវអនុសាសន៍ណែនាំបន្ថែមមួយចំនួនដេីម្បីមន្ទីរបន្តអនុវត្តការងាររបស់ខ្លួនទទួលបានជោគជ័យបន្ថែមទៀតក្នុងឆ្នាំខាងមុខ។

ក្នុងនាមមន្ទីរដនសស​ រាជធានីភ្នំពេញ​ មានកិត្តិយស​ សូមធ្វេីការបំភ្លឺជូនលោក​Khan Chan Sophal ​ផ្ទាល់ខ្លួន​ និងជូនសាធារណះជន​ លេីករណីសំណេីនិងការមកទទួលសេវានៅមន្ទីររៀបចំដែនដីរបស់លោក Khan Chan Sophal ដែលលោកបានរៀបរាប់លេីទំព័រ​ Facebook​ របស់លោក​ ដែលបានរៀបរាប់ថាលោកបានចំណាយពេលរហូត​ ៤លេីក​ មកកាន់មន្ទីរសុរិយោដី​ គឺជាក់ស្តែងមានដំណេីររឿងដូចខាងក្រោមនេះ៖

- អំពីប្រភេទឯកសារស្នេីសុំសេវាគឺជាឯកសារស្នើសុំបំពេញបទបង់ពន្ធប្រថាប់ត្រា លើទម្រង់បែបបទប្រមូលទិន្នន័យក្បាលដីដេីម្បីបេីកបណ្ណ័កម្មសិទ្ធិ​ របស់លោកស្រី តាំង គិមឆេង មានក្បាលដីលេខៈ ១២០៥០១០៣-២៥៦១ ស្ថិតនៅសង្កាត់ដង្កោ ខណ្ឌដង្កោ រាជធានីភ្នំពេញ។

-លេីកទី១​ នៅថ្ងៃទី២​៧​-០៥-២៥៖​ លោកបានយកឯកសារថតចម្លងមកសាកសួរព័ត៌មាននៅកន្លែងផ្តល់ព័ត៌មាននៃការិយាល័យរដ្ឋបាលរបស់មន្ទីរ​ អំពីគោលបំណងនៃតម្រូវការស្នេីសុំសេវារបស់លោក។
-លេីកទី២​ នៅថ្ងៃទី២៨-០៥-២៥​៖​ លោកKhan Chan Sophal និងលោកស្រី​ ​តាំង គិមឆេង បានមកកាន់មន្ទីរសាជាថ្មី​ ដោយបានយកឯកសារមកដាក់ជូនមន្ត្រីទទួលពាក្យស្នេីសុំនៅកន្លែងទទួលពាក្យនៃច្រកចេញ-ចូលតែមួយ របស់មន្ទីរហេីយមន្ត្រីទទួលពាក្យបានពិនិត្យឃើញថា៖ ឯកសាររបស់លោក​ នៅមានខ្វះខាតឯកសារមួយចំនួន គឺ
១.គ្មានបង្កាន់ដៃចុះបញ្ជីដីធ្លីមានលក្ខណៈជាប្រព័ន្ធច្បាប់ដើម (បង្កាន់ដៃ LMAP) ២.គ្មានលិខិតផ្ទេរសិទ្ធិកាន់កាប់ដីធ្លីច្បាប់ដើម​ ដោយជាប់បញ្ចាំនៅធនាគារ​ ករណីនេះមន្ត្រីបានណែនាំជូនគាត់ត្រូវជូនដំណឹងទៅធនាគារហេីយ​ស្នេីសុំលិខិតបញ្ជាក់ពីធនាគារមកកាន់មន្ទីរដេីម្បីអាចអោយមន្ទីរចរន្តការលេីសំណេីររបស់លោកបាន។ សូមបញ្ជា់ថាឯកសារទាំងពីរនេះជាឯកសារគោលដែលត្រូវភ្ជាប់ដេីម្បីមន្ត្រីទទួលពាក្យអាចទទួលសំណុំឯកសារបញ្ជូនបន្តចរន្តការទៅមុខពិនិត្យនិងអនុញ្ញាតលេីសំណេីសុំបំពេញបែបបទបង់ពន្ធប្រថាប់ត្រាដេីម្បីបេីកបណ្ណ័កម្មសិទ្ធិ។ ប៉ុន្តែដោយលោកKhan Chan Sophal បានស្នេីសុំទទូចអោយមន្ត្រីជួយសម្រួលទទួលយកសំណុំឯកសាររបស់លោកសិនទៅ​ លោកនឹងស្វែងរកឯកសារទាំងពីរជូនតាមក្រោយ​ មន្ទីរក៏បានយោគយល់ទទួលយកឯកសារសំណេីរបស់លោក​ដេីម្បីពិនិត្យចរន្តការជូន។
-លេីទី៣​ នៅថ្ងៃទី០៤​-០៦-២៥៖​ លោកKhan Chan Sophal បានមកកាន់មន្ទីរម្តងទៀតដោយបានយកឯកសារដែលខ្វះខាតមកប្រគល់ជូនមន្ត្រីទទួលពាក្យសុំ​ ឯកសារដែលលោកបានយកមកមាន​ ១.លិខិតធានាអះអាងបាត់បង្កាន់ដៃ LMAP និង​ ២.លិខិតស្នើសុំរបស់គាត់ទៅធនាគារស្តីពីសំណើរសុំលិខិតផ្ទេរសិទ្ធិប្រើប្រាស់ដីធ្លី និងផ្ទះសម្បែងច្បាប់ដេីម​ ប៉ុន្តែពុំទាន់ទទួលបានលិខិតបញ្ជាក់របស់ធនាគារជាផ្លូវការនោះទេ។​
*ទោះឯកសាររបស់លោកKhan Chan Sophal ពុំទាន់គ្រប់គ្រាន់ត្រឹមត្រូវតាមតម្រូវការ​ មន្ទីរមិនបានបង្អង់ការចរន្តការលេីសំណុំឯកសារនៃសំណេីរសុំរបស់លោកទេ​ គឺបានពិនិត្យតាមនីតិវិធីជូនលោកចប់រួចរាល់​ ហេីយនៅថ្ងៃទី១៩ -០៦-២៥​ មន្ត្រីរបស់មន្ទីរបានទំនាក់ទំនងជូនដំណឹងទៅលោកKhan Chan Sophal ដេីម្បីមកទទួលយកសំណុំឯកសាររបស់លោកទៅកាន់អគ្គនាយកដ្ឋានពន្ធដាដេីម្បីបង់ពន្ធប្រថាប់ត្រា​ ប៉ុន្តែលោកបានប្រាប់ថាលោកជាប់រវល់នៅខេត្ត​ ។
-លេីកទី៤​៖​ រហូតមកដល់ថ្ងៃទី០៣-០៧-២៥​ ទើបលោកKhan Chan Sophal បានមកទទួលយកឯកសារពីមន្ទីរ​ ដេីម្បីបញ្ជូនទៅអគ្គនាយកដ្ឋានពន្ធដាដេីម្បីបង់ពន្ធប្រថាប់ត្រា។

មន្ទីរសូមជម្រាបជូន​ លោកKhan Chan Sophal បន្ថែមថា៖ក្រោយពីបានបំពេញកាតព្វកិច្ចបង់ពន្ធប្រថាប់ត្រាហេីយរួចរាល់នៅអគ្គនាយដ្ឋានពន្ធដា​ សូមលោកទទួលយកឯកសារត្រឡប់មកមន្ទីរវិញដោយភ្ជាប់មកជាមួយនូវឯកសារដែលពុំទាន់បានផ្តល់មកអោយមន្ទីរដែលរួមមាន៖​ ១.លិខិតផ្ទេរសិទ្ធិច្បាប់ដើម ២.ប័ណ្ណសំគាល់សិទ្ធិ(បណ្ណ័កម្មសិទ្ធិចាស់)​ច្បាប់ដើមលេខៈ ភព ២៦៨០៤ (ឆI ១០៦០) ជាចាំបាច់ទេីបមន្ទីរអាបញ្ចប់សំណេីររបស់លោកនិងបេីកបណ្ណ័កម្មសិទ្ធិថ្មីជូនលោកបាន។
សូមសាធារណះជន​ និងលោកKhan Chan Sophal មេត្តាជ្រាបជាព័ត៌មាន។

នាព្រឹក ថ្ងៃពុធ ទី៣០ ខែមេសា ឆ្នាំ២០២៥ តាមការចង្អុលបង្ហាញពី​ លោក សារិន វណ្ណា ប្រធានមន្ទីរ ដនសស រាជធានីភ្នំពេញ លោក ប៉ែន សុភា អនុប្រធានមន្ទីរនិងជាប្រធានលេខាធិការដ្ឋានគណៈកម្មការសុរិយោដីរាជធានីភ្នំពេញ បានដឹកនាំអង្គប្រជុំដោះស្រាយបញ្ចប់ដោយជោគជ័យលើករណីបណ្តឹងស្នើសុំអន្ដរាគមន៍ ដើម្បីដោះស្រាយនិងសម្រុះសម្រួលវិវាទដីធ្លីមានទីតាំងស្ថិតនៅភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ លេីករណីបណ្ដឹងសុំបើកផ្លូវសេវភាព​ ដែលជារណីវិវាទត្រូវបានដោះស្រាយអស់រយៈពេលជាច្រេីនឆ្នាំមកហើយ ដោយអាជ្ញាធរគ្រប់លំដាប់ថ្នាក់រហូតដល់ស្ថាប័នតុលាការ រួមមានសំណុំរឿងរដ្ឋប្បវេណី​ និងព្រហ្មទណ្ឌផងដែរ ប៉ុន្ដែពុំអាចដោះស្រាយបញ្ចប់បាន។

ក្រោមការដឹកនាំសម្រុះសម្រួលរបស់មន្ទីរ​ ឈរលើស្មារតីតម្លាភាព និង យុត្តិធម៌ បានធ្វេីអោយគូរភាគីឈានដល់កិច្ចព្រមព្រៀងបញ្ចប់វិវាទជាស្ថាពរ អង្គប្រជុំដោះស្រាយមានការចូលរួមពីសមាសភាពរបស់ តំណាងអាជ្ញាធរខណ្ឌជ្រោយចង្វា​ ចៅសង្កាត់ព្រែកលៀប​ មេភូមិ និងការិយាល័យ ដនសភ ខណ្ឌជ្រោយចង្វារផងដែរ។

#បរិយាកាសគ្មានវិវាទដីធ្លី​ #សេវាគាប់ចិត្ត
#ក្រសួងដែនដីនគរូបនីយកម្មនិងសំណង់
#មន្ទរដនសសរាជធានីភ្នំពេញ