ការគ្របដណ្តប់សុខភាពជាសកល - UHC in Cambodia

រាជរដ្ឋាភិបាល មិនមានផែនការកាត់ចំណាយក្នុងវិស័យអប់រំ និងសុខាភិបាល ទៅបំពេញឱ្យតម្រូវការវិស័យការពារជាតិទេ។ ផ្ទុយទៅវិញគម្រោងចំណាយរបស់រាជរដ្ឋាភិបាលក្នុងវិស័យសង្គមកិច្ច ដែលរួមមានវិស័យអប់រំ និងសុខាភិបាលមានតែបន្តកើនឡើងក្នុងរយៈពេលមធ្យម និងរយៈពេលវែង ព្រោះការវិនិយោគដើម្បីពង្រឹងធនធានមនុស្សនៅតែជាអាទិភាពទីមួយរបស់រាជរដ្ឋាភិបាល។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងក្នុងពិធី​សម្ពោធដាក់ឱ្យប្រើប្រាស់ជាផ្លូវការអគារកម្ពស់ ៣ជាន់, សមិទ្ធផលនានា និងប្រគល់សញ្ញាបត្រគ្រូ​បង្រៀនកម្រិតមូលដ្ឋាន និងសញ្ញាបត្របរិញ្ញាបត្រអប់រំ ឯកទេសអប់រំកាយ ជូនដល់គរុសិស្ស គរុនិស្សិត នៅវិទ្យាស្ថានជាតិអប់រំកាយ និងកីឡា នាព្រឹកថ្ងៃពុធ ទី៣ ខែមិថុនា ឆ្នាំ២០២៦ ថា
ក្នុងបរិការណ៍សកលពោរពេញដោយហានិភ័យ និង ភាពមិនប្រាកដប្រជាខ្ពស់, កម្ពុជា​ត្រូវតែពន្លឿនការកែទម្រង់ឱ្យកាន់តែស៊ីជម្រៅក្នុងវិស័យសេដ្ឋកិច្ច និង វិស័យការពារជាតិ ស្របតាម​ពាក្យស្លោក «មុជឱ្យជ្រៅ ទៅឱ្យឆ្ងាយ» តាមរយៈ ការបន្តពូនជ្រុំមូលធនមនុស្សស្របតាមទិសដៅ​នៃយុទ្ធសាស្រ្តអភិវឌ្ឍជាតិ, និង ការបន្តលើកកម្ពស់ចំណេះដឹង, ចំណេះធ្វើ, សីលធម៌ និង វិន័យ របស់ប្រជាពលរដ្ឋខ្មែរ ដើម្បីឆ្លើយតបបានកាន់តែប្រសើរ និង ទាន់ពេល ទៅនឹងសេចក្តីត្រូវ​ការ​នៃការអភិវឌ្ឍសង្គមសេដ្ឋកិច្ច និង កិច្ចការពារជាតិមាតុភូមិ ។

ព្រមជាមួយគ្នានេះ, សម្តេចធិបតីនាយករដ្ឋមន្ត្រី បានធ្វើការគូសបញ្ជាក់អំពីផែនការចំណាយរបស់​រាជរដ្ឋាភិបាលចំពោះវិស័យអប់រំ សុខាភិបាល និងសង្គមកិច្ច​ ថារាជរដ្ឋាភិបាលមិនមាន​ការ​កាត់ចំណាយលើវិស័យទាំងនេះ ដើម្បីទៅបង្កើនថវិកាសម្រាប់វិស័យ​ការពារជាតិនោះទេ។ ផែនការចំណាយរបស់វិស័យអប់រំ និងសុខាភិបាល បន្តកើនឡើងនៅឆ្នាំ២០២៦ និង​នៅឆ្នាំ២០២៧ ព្រមទាំងឆ្នាំ២០២៨, រាជរដ្ឋាភិបាលមានថវិកាគ្រប់គ្រាន់សម្រាប់បង្កើនលើវិស័យ​ការពារជាតិ ដែលមិនប៉ះពាល់ដល់វិស័យអប់រំ និងសុខាភិបាលនោះទេ ព្រោះរាជរដ្ឋាភិបាល​នៅ​តែចាត់ទុកធនធានមនុស្ស គឺជាអាទិភាពនៃគោលនយោបាយជាតិ។​ ចំណាយលើវិស័យការពារជាតិ នឹងកើនឡើង​ ដោយរាជរដ្ឋាភិបាលនៅមានកញ្ចប់ថវិកាគ្រប់គ្រាន់ មិន​ទាន់​មានភាព​ចាំបាច់​ក្នុងការដកកញ្ចប់ថវិកាពីវិស័យអប់រំ​ សុខាភិបាល និងសង្គមកិច្ចនោះទេ។ វិស័យការ​ពារជាតិ មិនមែន​ការពារត្រឹមមួយថ្ងៃនោះទេ​ ការការពារជាតិត្រូវប្រើប្រាស់រយៈពេលយូរអង្វែង ដរាបណា​ប្រទេស​កម្ពុជា​ នៅតែជាប្រទេស, ការការពារជាតិត្រូវតែធ្វើ, ការការពារបូរណភាពទឹកដី, ការរក្សាសន្តិសុខ​សណ្តាប់ធ្នាប់​សង្គម​ ត្រូវតែធ្វើជាប្រចាំ។ ដូចនេះការកសាង និងការការពារជាតិរឹងមាំអាស្រ័យលើមនុស្ស​រឹងមាំ ហើយ​ធនធានមនុស្សរឹងមាំ អាស្រ័យលើការវិនិយោគទាំងក្នុងវិស័យអប់រំ សុខាភិបាល និងសង្គម​កិច្ច។

មុននឹងបញ្ចប់, សម្តេចធិបតីនាយករដ្ឋមន្ត្រី បានលើកឡើងអំពីសារៈសំខាន់នៃការកែប្រែ​សហគមន៍ទេសចរណ៍លម្អបៃតងខ្នងផ្សារ ឱ្យមានលទ្ធភាពប្រកបមុខរបរបម្រើសេវាកម្មទេសចរណ៍ធម្មជាតិ ដើម្បីទទួលបានសក្កានុពលទេសចរណ៍ដែលនឹងត្រូវធ្វើជាម្ចាស់ក្នុង ចូលរួមថែរក្សា អភិវឌ្ឍ និង​ផ្តល់បដិសណ្ឋារកិច្ចដល់ភ្ញៀវទេសចរ។ គោលដៅយ៉ាងសាមញ្ញារបស់រាជរដ្ឋាភិបាល គឺ​ការបង្រៀនសហគមន៍ទេសចរណ៍នៅមូលដ្ឋានឱ្យបំពេញសេវាកម្ម និងមុខរបររបស់ខ្លួន​ ​ដោយខ្លួនឯង ហើយនឹងក្លាយជាអ្នកទទួលផលពីសហគមន៍ផង និង​ ថែរក្សាផង ព្រមទាំងនឹង​រួម​ចំណែកអភិវឌ្ឍនៅមូលដ្ឋានផង សំដៅធានានិរន្តរភាព និងស្ថិរភាពបៃតង។

សម្តេចធិបតីនាយករដ្ឋមន្ត្រី បានថ្លែងថារាជរដ្ឋាភិបាលបានចាត់ទុកវិស័យអប់រំកាយ និងកីឡា ជា​ការងារគន្លឹះមួយក្នុងការអភិវឌ្ឍធនធានមនុស្សនៅកម្ពុជា ពីព្រោះដើម្បីក្លាយជាមូលធនធាន​មនុស្ស​ពិតប្រាកដ, ពលរដ្ឋត្រូវមានទាំងចំណេះដឹង ជំនាញ បទពិសោធ និងសុខភាព ដែលមិនអាចកាត់​ផ្តាច់ពីសកម្មភាពអប់រំកាយ និងកីឡា។ ជាលទ្ធផល, វិស័យអប់រំកាយ និងកីឡា បានក្លាយជា​វិស័យ​ឈានមុខមួយ និងទទួលបានការសាទរពីសាធារណជន ឆ្លុះបញ្ចាំងតាមរយៈការទទួលបានជ័យ​ជម្នះពីការប្រកួតជើងឯកពិភពលោក ជើងឯកអាស៊ី និងជើងឯកអាស៊ីអាគ្នេយ៍ ព្រមទាំងការប្រកួត​កីឡាផ្សេងៗ ជាច្រើនទៀត។

#ហ៊ុនម៉ាណែត #កម្ពុជា #សន្តិភាពនៅកម្ពុជា

ញត្តិគាំទ្ររបស់ថ្នាក់ដឹកនាំនិងមន្ត្រីរាជការ នៃក្រសួងសេដ្ឋកិច្ចនិងហិរញ្ញវត្ថុ និងឧត្តមក្រុមប្រឹក្សាសេដ្ឋកិច្ចជាតិ សូមប្រកាសគាំទ្រយ៉ាងពេញទំហឹងចំពោះសេចក្តីថ្លែងការណ៍របស់សម្តេចមហាបវរធិបតីហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ផ្ញើជូនជនរួមជាតិកម្ពុជា នាថ្ងៃទី២ ខែមិថុនា គ.ស.២០២៦ ស្តីពីដំណោះស្រាយរបស់រាជរដ្ឋាភិបាលពាក់ព័ន្ធនឹងការទាមទារដែនសមុទ្រត្រួតគ្នា (Overlapping Claims Area- OCA) រវាងកម្ពុជា-ថៃ ក្នុងការប្រើប្រាស់យន្តការផ្សះផ្សាដោយចាប់បង្ខំ(Compulsory Conciliation) ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ(UNCLOS) ដើម្បីដោះស្រាយដោយសន្តិវិធី។

សម្ដេចបវរធិបតី ហ៊ុន ម៉ាណែត៖ ការកសាង និងការការពារជាតិរឹងមាំ គឺអាស្រ័យទៅលើ​«​មនុស្សរឹងមាំ», «​មនុស្សរឹងមាំ» គឺអាស្រ័យទៅលើការវិនិយោគទៅលើធនធានមនុស្ស នៅក្នុងសង្គមកិច្ច ទាំងវិស័យអប់រំ និងវិស័យសុខាភិបាល។

តាមដានព័ត៌មានថ្មីសំខាន់ៗ https://t.me/ministryofinformation

អបអរសាទរ ទិវាកុមារអន្តរជាតិ ខួបលើកទី៧៧ (International Children's Day) ១ មិថុនា​ ២០២៦ ក្រោមប្រធានបទ៖ «សន្តិភាព ជាមូលដ្ឋានគ្រឹះនៃការគោរពនិងកិច្ចគាំពារសិទ្ធិកុមារ»

#ការគ្របដណ្តប់សុខភាពជាសកល #ទវាកុមារអន្តរជាតិ​

អបអរសាទរ ទិវាពិភពលោកគ្មានថ្នាំជក់ ខួបលើកទី៣៧ ក្រោមប្រធានបទ "ទម្លាយល្បិចបង្កើតភាពទាក់ទាញ ប្រឆាំងការញៀននីកូទីន និងថ្នាំជក់” ដល់កុមារ និងយុវជន ៣១ ឧសភា ១៩៨៧ - ៣១ ឧសភា ២០២៦

#ការគ្របដណ្តប់សុខភាពជាសកល #ទិវាភពលោកគ្មានថ្នាំជក់

«ទិវាជាតិនៃការចងចាំ ២០ ឧសភា»
សូមឧទ្ទិសបុណ្យកុសលជូនដល់ដួងវិញ្ញាណក្ខន្ធជនរងគ្រោះជាង៣លាននាក់ ដែលបានបាត់បង់ជីវិត ក្នុងរបបកម្ពុជាប្រជាធិបតេយ្យ (១៧ មេសា ១៩៧៥ - ៦ មករា ១៩៧៩)

[English Below]
ឯកឧត្តមបណ្ឌិត ចន ណារិទ្ធ បានដឹកនាំក្រុមការងារទទួលជួបសម្ដែងការគួរសម និងពិភាក្សាការងារជាមួយ លោកស្រីបណ្ឌិត Rianna L. Mohammed ដែលបានតែងតាំងជាអ្នកជំនាញសុខាភិបាលជាន់ខ្ពស់របស់ធនាគារពិភពលោក (World Bank) ប្រចាំកម្ពុជា
===
ទីស្ដីការក្រសួងសេដ្ឋកិច្ច និងហិរញ្ញវត្ថុ, ថ្ងៃទី១៥ ខែឧសភា ឆ្នាំ ២០២៦៖ ឯកឧត្តមបណ្ឌិត ចន ណារិទ្ធ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងប្រធានអនុគណៈកម្មាធិការទទួលបន្ទុកការគ្របដណ្ដប់សុខភាពជាសកលនៅកម្ពុជា (អ.គ.ស.ស.) បានដឹកនាំក្រុមការងារទទួលជួបសម្ដែងការគួរសម និងពិភាក្សាការងារជាមួយក្រុមការងារតំណាងធនាគារពិភពលោកប្រចាំកម្ពុជា ដែលដឹកនាំដោយ លោកស្រីបណ្ឌិត Rianna L. Mohammed មន្ត្រីឯកទេសជាន់ខ្ពស់ផ្នែកសុខភាពនៃគម្រោងស្តីពីសុខភាព អាហារូបត្ថម្ភ និងប្រជាជន ដែលត្រូវបានតែងតាំងជាអ្នកជំនាញសុខាភិបាលជាន់ខ្ពស់របស់ធនាគារពិភពលោក (World Bank) ប្រចាំកម្ពុជា។ នៅក្នុងជំនួបនេះ ឯកឧត្ដមរដ្ឋលេខាធិការ បានស្វាគមន៍យ៉ាងកក់ក្ដៅ និងអបអរសាទរចំពោះលោកស្រីបណ្ឌិត Rianna L. Mohammed ដែលត្រូវបានតែងតាំងជាអ្នកជំនាញសុខាភិបាលជាន់ខ្ពស់របស់ធនាគារពិភពលោក (World Bank) ប្រចាំកម្ពុជា និងបានពិភាក្សាការងារ ដោយផ្តោតជាពិសេសលើវឌ្ឍនភាពនៃការអនុវត្តជំនួយបច្ចេកទេស ដែលលេខាធិការដ្ឋាន គ.ស.ស. ទទួលបានក្រោមក្របខណ្ឌគម្រោងលើកកម្ពស់គុណភាព និងសមធម៌សុខាភិបាលដំណាក់កាលទី២ (H-EQIP-II) សម្រាប់គាំទ្រការអនុវត្តផែនទីបង្ហាញផ្លូវឆ្ពោះទៅការគ្របដណ្ដប់សុខភាពជាសកលនៅកម្ពុជា ឆ្នាំ២០២៤-២០៣៥។

H.E. Dr. Chan Narith, Secretary of State of the Ministry of Economy and Finance and Chairman of the Sub-Committee for the Universal Health Coverage in Cambodia, received a courtesy call and meeting with Dr. Rianna L. Mohammed, the newly appointed Senior Health Specialist of the World Bank in Cambodia.
===
Ministry of Economy and Finance, May 15, 2026

H.E. Dr. Chan Narith, Secretary of State of the Ministry of Economy and Finance and Chairman of the Sub-Committee for the Universal Health Coverage in Cambodia, received a courtesy call and meeting with Dr. Rianna L. Mohammed, Senior Health Specialist for Health, Nutrition, and Population, who has been appointed as the Senior Health Specialist of the World Bank in Cambodia. In this meeting, H.E. Dr. Chan Narith extended a warm welcome and congratulations to Dr. Rianna L. Mohammed on her appointment. The meeting also discussed on the progress of the cooperation, focusing primarily on the progress of the technical supports provided to the UHC Secretariat through the Health Equity and Quality Improvement Project Phase 2 (HEQIP-II) in supporting the implementation of the Roadmap towards Universal Health Coverage (UHC) in Cambodia 2024-2035.