បេឡាជាតិសន្តិសុខសង្គមសម្រាប់មន្រ្តីរាជការស៊ីវិល - បជស

សូមអបអរសាទរចំពោះអតីតមន្ត្រីរាជការស៊ីវិល និងអតីតយុទ្ធជន

សូមគោរពជម្រាបជូនដំណឹងដល់ អ៊ំៗ លោកពូ អ្នកមីង ជានិវត្តជនមេត្តាជ្រាបថា ប.ជ.ស. ជាផេកចាស់ (រាល់ការឆាត ឬខមិនមកមិនឃើញការឆ្លើយតប) សូម អ៊ំៗ លោកពូ អ្នកមីង កុំខឹង ឬអាក់អន់ស្រពន់ចិត្ត ព្រោះបន្តទៅនេះ ពាក់ព័ន្ធនឹងព័ត៌មាននិវត្តជន (ប្រាក់សោធន ធ្វើបច្ចុប្បន្នភាព លុយសព លុយសល់ក្នុងគណនី ឬលុយបន្ទុកសព) និងផ្សេងៗ សូម អ៊ំៗ លោកពូ អ្នកមីង ចូលទៅពិនិត្យមើល និងខមិន ឬឆាតសួរនាំព័ត៌មានក្នុងផេក ម.ជ.ជ. ដែលជាផេកថ្មី និងផ្លូវការ។ ខាងក្រោមនេះជាការជូនដំណឹងដាក់ឱ្យដំណើរការជាផ្លូវការនៃ ម.ជ.ជ. សូមអរគុណ!

មូលនិធិជាតិជំនួយសង្គមបេីកផ្តល់​ប្រាក់របបសន្តិសុខសង្គម​ និងលុយបន្ទុក​សព ជូនគ្រួសារសព​ និងបន្ទុកសព​របស់អតីតមន្ត្រីរាជការស៊ីវិល
——————————————————
នាថ្ងៃទី០៦ ខែមករា ឆ្នាំ២០២៣នេះ ជំនួសមុខអោយឯកឧត្តមប្រតិភូរាជរដ្ឋាភិបាលទទួលបន្ទុកជាអគ្គនាយកនៃមូលនិធិជាតិជំនួយសង្គម ក្រុមការងារ​ ម.ជ.ជ. ថ្នាក់កណ្តាល បានបម្រើសេវាបេីកផ្តល់​ប្រាក់របបសន្តិសុខសង្គម​ និងលុយបន្ទុក​ ជូនគ្រួសារសព​ និងអ្នកនៅក្នុងបន្ទុក​ នៅស្នាក់ការកណ្តាល​នៃមូលនិធិជាតិជំនួយសង្គម (បឹងត្របែក)។

មូលនិធិជាតិជំនួយសង្គមបេីកផ្តល់​ប្រាក់របបសន្តិសុខសង្គម​ និងលុយបន្ទុក​សព ជូនគ្រួសារសព​ និងបន្ទុកសព​របស់អតីតមន្ត្រីរាជការស៊ីវិល
——————————————————
នាថ្ងៃទី២៨ ខែធ្នូ ឆ្នាំ២០២២នេះ ជំនួសមុខអោយឯកឧត្តមប្រតិភូរាជរដ្ឋាភិបាលទទួលបន្ទុកជាអគ្គនាយកនៃមូលនិធិជាតិជំនួយសង្គម និងជានាយកស្តីទី ប.ជ.ស. ក្រុមការងារ​ ប.ជ.ស.​ ថ្នាក់កណ្តាល បានបម្រើសេវាបេីកផ្តល់​ប្រាក់របបសន្តិសុខសង្គម​ លុយសល់ក្នុងគណនី​ និងលុយបន្ទុក​ ជូនគ្រួសារសព​ និងអ្នកនៅក្នុងបន្ទុក​ នៅស្នាក់ការកណ្តាល​នៃមូលនិធិជាតិជំនួយសង្គម (បឹងត្របែក)។

សេចក្តីជូនដំណឹងរបស់មូលនិធិជាតិជំនួយសង្គម ស្តីពីការបម្រើសេវាបើកផ្តល់ប្រាក់គោលនយោបាយរបបសន្តិសុខសង្គមសម្រាប់ពីរសប្តាហ៍​ លេីកទី២ ក្នុងខែធ្នូ ឆ្នាំ២០២២​ ដើម្បីបើកផ្តល់ជូននិវត្តជន និងជនបាត់បង់សម្បទាវិជ្ជាជីវៈ ដែលជាអតីតមន្រ្តីរាជការស៉ីវិល។
​ សូមអរគុណ​ !