រដ្ឋាករទឹកស្វយ័តក្រុងភ្នំពេញ Phnom Penh Water Supply Authority

សេចក្ដី​ជូនដំណឹង​
ស្តីពីការ​សុំកិច្ចសហការផ្តល់ព័ត៌មានដល់ប្រជាពលរដ្ឋ ដែលមានលំនៅដ្ឋាន នៅក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ អំពីការផ្អាកផ្គត់ផ្គង់ទឹក នៅយប់ថ្ងៃ សុក្រ ទី២២ ខែឧសភា ឆ្នាំ២០២៦។

សេចក្ដី​ជូនដំណឹង​
ស្តីពីការ​សុំកិច្ចសហការផ្តល់ព័ត៌មានដល់ប្រជាពលរដ្ឋ ដែលមានលំនៅដ្ឋាន នៅក្នុងសង្កាត់កន្ទោក ខណ្ឌកំបូល រាជធានីភ្នំពេញ អំពីការផ្អាកផ្គត់ផ្គង់ទឹកនៅយប់ថ្ងៃ ពុធ ទី២០ ខែឧសភា ឆ្នាំ២០២៦

សេចក្តីជូនដំណឹងស្តីពី "មហាសន្និបាតភាគហ៊ុនិក លើកទី១៤ របស់ រដ្ឋាករទឹកស្វយ័តក្រុងភ្នំពេញ" ដែលនឹងប្រព្រឹត្តទៅនាថ្ងៃទី២៩ ខែឧសភា ឆ្នាំ២០២៦ នៅទីស្នាក់ការ រ.ទ.ស.ភ និងតាមរយៈប្រព័ន្ធអនឡាញ Zoom ដូចមានព័ត៌មានលម្អិតភ្ជាប់ជូន។

សេចក្ដី​ជូនដំណឹង​
ស្តីពីការ​ផ្អាកផ្គត់ផ្គង់ទឹកបណ្តោះអាសន្ន៖
- មូលហេតុ៖ ការដ្ឋានកាយដាក់លូបានកាយប៉ះបំពង់ចែកចាយទឹកទំហំ225x160មម
- ផ្ទៃសេវាផ្អាកផ្គត់ផ្គង់ទឹកបណ្តោះអាសន្ន៖ នៅលើផ្លូវ 99Raកែង36R
- រយៈពេល៖ ចាប់ពីម៉ោង09:10នាទី រហូតដល់ជួសជុលរួច។
+ សូមភ្ជាប់ប្លង់ជូនខាងក្រោម។
សូម​អតិថិជន​ករុណា​មេត្តា​អធ្យាស្រ័យ​ដោយ​ក្តី​អនុគ្រោះ​
សូមអរគុណ🙏

ឯកឧត្តម ហែម វណ្ណឌី អញ្ជើញចុះពិនិត្យវឌ្ឍនភាពការដ្ឋានសាងសង់រោងចក្រផលិតទឹកស្អាតបាក់ខែង ជំហានទី៣

នៅព្រឹកថ្ងៃសុក្រ ១៤រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែឧសភា ឆ្នាំ២០២៦ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានអញ្ជើញដឹកនាំគណៈប្រតិភូចុះពិនិត្យវឌ្ឍនភាពការដ្ឋានសាងសង់ រោងចក្រផលិតទឹកស្អាតបាក់ខែង ជំហានទី៣ របស់រដ្ឋាករទឹកស្វយ័តក្រុងភ្នំពេញ និងមានការអញ្ជើញអមដំណើរដោយ ឯកឧត្តម ឯក សុនចាន់ រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានក្រុមប្រឹក្សាភិបាល នៃរដ្ឋាករទឹកស្វយ័តក្រុងភ្នំពេញ និង ឯកឧត្តម អ៊ិន សាកាន ប្រតិភូរាជរដ្ឋាភិបាលនិងជាអគ្គនាយក នៃរដ្ឋាករទឹកស្វយ័តក្រុងភ្នំពេញ ព្រមទាំងថ្នាក់ដឹកនាំ មន្ត្រីជំនាញ និងភាគីពាក់ព័ន្ធ។

រោងចក្រផលិតទឹកស្អាតបាក់ខែង ជំហានទី៣ មានសមត្ថភាពផលិតទឹកស្អាតបន្ថែមចំនួន ១៩៥.០០០ ម៉ែត្រគូបក្នុងមួយថ្ងៃ។ បន្ទាប់ពីបញ្ចប់ការសាងសង់ រោងចក្រផលិតទឹកស្អាតបាក់ខែង នឹងមានសមត្ថភាពផលិតសរុបកើនដល់ ៥៨៥.០០០ ម៉ែត្រគូបក្នុងមួយថ្ងៃ និងជួយបង្កើនសមត្ថភាពផលិតសរុបរបស់រដ្ឋាករទឹកស្វយ័តក្រុងភ្នំពេញ ដល់ប្រមាណ ១,២ លានម៉ែត្រគូបក្នុងមួយថ្ងៃ។

គិតមកទល់ពេលនេះ ការសាងសង់គម្រោងសម្រេចបានប្រមាណ ៧០% ហើយ និងគ្រោងដាក់ឱ្យដំណើរការសាកល្បងនៅក្នុង ខែមេសា ឆ្នាំ២០២៧ ខាងមុខ។

សារលិខិតថ្វាយព្រះពររបស់រដ្ឋាករទឹកស្វយ័តក្រុងភ្នំពេញ ថ្វាយ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នៅក្នុងព្រះរាជឱកាសនៃព្រះរាជពិធីបុណ្យចម្រើនព្រះជន្មវស្សា គម្រប់៧៣ព្រះវស្សា យាងចូល៧៤ព្រះវស្សា

សេចក្ដី​ជូនដំណឹង​
ស្តីពីការ​ផ្អាកផ្គត់ផ្គង់ទឹកបណ្តោះអាសន្ន៖
- មូលហេតុ៖ ធ្លាយប្រេះបែកទុយោ ទំហំ 110មម នៅលើផ្លូវ456L163
- ផ្ទៃសេវាផ្អាកផ្គត់ផ្គង់ទឹកបណ្តោះអាសន្ន៖ នៅលើផ្លូវ163 (450-460)សង្កាត់ ទួលទំពូង១ ខណ្ឌ ចំការមន
- រយៈពេល៖ ចាប់ពីម៉ោង13:20នាទី ថ្ងៃអង្គារ ទី១២ ខែឧសភា រហូតដល់ជួសជុលរួច។
+ សូមភ្ជាប់ប្លង់ជូនខាងក្រោម។
សូម​អតិថិជន​ករុណា​មេត្តា​អធ្យាស្រ័យ​ដោយ​ក្តី​អនុគ្រោះ​
សូមអរគុណ🙏

នៅព្រឹកថ្ងៃពុធ ៥រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែឧសភា ឆ្នាំ២០២៦ ឯកឧត្តម អ៊ិន សាកាន ប្រតិភូរាជរដ្ឋាភិបាល និងជាអគ្គនាយករដ្ឋាករទឹកស្វយ័តក្រុងភ្នំពេញ បានអញ្ជើញចូលរួមពិធីអបអរសាទរខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។
ពិធីនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អនុប្រធានអចិន្ត្រៃយ៍កាកបាទក្រហមកម្ពុជា តំណាងដ៏ខ្ពង់ខ្ពស់របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅស្នាក់ការកណ្តាលកាកបាទក្រហមកម្ពុជា។

អបអរសាទរ ព្រះរាជពិធីច្រត់ព្រះនង្គ័ល ថ្ងៃអង្គារ ៤រោច​ ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦៕