គណបក្សប្រជាធិបតេយ្យមូលដ្ឋាន

តើប្រជាធិបតេយ្យជាតិរស់រវើកចាប់ផ្ដើមពីទីណា? ជាការពិតណាស់ ការកសាងប្រជាធិបតេយ្យ មិនខុសពីការសាងសង់ផ្ទះមួយខ្នងនោះទេ គឺទាមទារឲ្យបុកសសរគ្រឹះឱ្យបានរឹងមាំជាមុនសិន។

បើគណបក្សនយោបាយគឺជា «សសរគ្រឹះ» ហើយ «សសរគ្រឹះ» នេះមានភាពទន់ជ្រាយ នោះផ្ទះទាំងមូលនឹងមានភាពរង្គោះរង្គើហើយ។

អាស្រ័យហេតុនេះ ការកសាងប្រជាធិបតេយ្យ ត្រូវចាប់ផ្ដើមពីការកសាងគណបក្សនយោបាយឱ្យបានចំនួនច្រើន មានភាពសកម្ម មានប្រសិទ្ធភាពការងារ និងមានអាយុវែង តាមរយៈការអនុវត្តប្រជាធិបតេយ្យផ្ទៃក្នុង គឺផ្លាស់ប្តូរទម្លាប់ពីបុគ្គលនិយម មកប្រើប្រាស់ប្រព័ន្ធ, គោលការណ៍, និងគុណតម្លៃប្រជាធិបតេយ្យវិញ។

«ប្រជាធិបតេយ្យផ្ទៃក្នុងបក្សរឹងមាំ នាំមកនូវប្រជាធិបតេយ្យជាតិរស់រវើក»

#គណបក្សប្រជាធិបតេយ្យមូលដ្ឋាន #គបម #សាមគ្គីភាព #យុត្តិធម៌ #អហិង្សា #សៀវភៅបៃតង #កម្ពុជា

នៅថ្ងៃទី៣១ ខែឧសភា ឆ្នាំ២០២៦ គណៈកម្មាធិការនាយក ដែលជាអង្គការកំពូលទី២របស់គណបក្ស បានរៀបចំកិច្ចប្រជុំរបស់ខ្លួន ដោយមានការចូលរួមពីប្រតិភូតំណាងសមាជិកមកពីថ្នាក់ក្រោមជាតិ ក្រុមយុវជន និងក្រុមប្រឹក្សាគោលនយោបាយរបស់គណបក្ស។

កិច្ចប្រជុំបានផ្តោតលើការវិវត្តន៍នៃស្ថានភាពនយោបាយកម្ពុជា បទបង្ហាញអំពីរបាយការណ៍ការងារ និងពិភាក្សាអំពីទិសដៅរបស់គណបក្សឆ្ពោះទៅកាន់ការបោះឆ្នោតខាងមុខនេះ។

#គណបក្សប្រជាធិបតេយ្យមូលដ្ឋាន
#គបម

២៦ ឧសភា ២០២៦ - សេចក្តីថ្លែងការណ៍ ស្តីពី ការស្វាគមន៍ចំពោះការលើកលែងទោស លោក កឹម សុខា និងការអំពាវនាវឱ្យមានការសន្ទនានយោបាយដើម្បីឯកភាពជាតិ។

#គណបក្សប្រជាធិបតេយ្យមូលដ្ឋាន #គបម #សាមគ្គីភាព #យុត្តិធម៌ #អហិង្សា #សៀវភៅបៃតង #កម្ពុជា

ខេត្តពោធិ៍សាត់៖ នៅថ្ងៃទី២៣ ខែឧសភា ឆ្នាំ២០២៦ ថ្នាក់ដឹកនាំនៃគណបក្សប្រជាធិបតេយ្យមូលដ្ឋាន រួមមានលោក សេក សុខា ប្រធានគណបក្ស, លោក ធួក បូណា ប្រធានគណៈកម្មាធិការដោះស្រាយវិវាទ និងវិន័យ, លោក លីម ប៊ុងគា អគ្គលេខាធិការ ព្រមទាំងថ្នាក់ដឹកនាំគណបក្សខេត្តពោធិ៍សាត់ និងសកម្មជននៃសាខាគណបក្សមូលដ្ឋាន បានអញ្ជើញចូលរួមគោរពវិញ្ញាណក្ខន្ធ និងរៀបចំពិធីបុណ្យសព លោក សោ ឡាង សកម្មជន គបម ឃុំរំលេច ស្រុកបាកាន ដែលទទួលមរណភាពដោយរោគាពាធ។

​ក្នុងឱកាសនោះដែរ លោក សេក សុខា តំណាងឱ្យគណបក្សប្រជាធិបតេយ្យមូលដ្ឋាន បាននាំយកថវិកាសាមគ្គីមូលដ្ឋាន ទៅចូលរួមបុណ្យសព លោក សោ ឡាង ដើម្បីជួយសម្រាលបន្ទុកចំណាយផ្សេងៗរបស់ក្រុមគ្រួសារសព។

#គណបក្សប្រជាធិបតេយ្យមូលដ្ឋាន #គបម #សាមគ្គីភាព #យុត្តិធម៌ #អហិង្សា #សៀវភៅបៃតង #កម្ពុជា

លទ្ធផលសមាជ! គណបក្សប្រជាធិបតេយ្យមូលដ្ឋានមានសេចក្តីរីករាយ សូមជម្រាបជូនសមាជិកគណបក្ស និងសាធារណជនមេត្តាជ្រាបថា ក្រសួងមហាផ្ទៃបានទទួលស្គាល់លទ្ធផលសមាជវិសាមញ្ញាថ្នាក់ជាតិរបស់ «គបម» ដែលបានប្រារព្ធធ្វើ កាលពីថ្ងៃទី២២ ខែមីនា ឆ្នាំ២០២៦កន្លងទៅនេះ។ សូមអានលិខិតខាងក្រោម សម្រាប់ខ្លឹមសារលំអិត។

គណបក្សប្រជាធិបតេយ្យមូលដ្ឋានប្តេជ្ញាចិត្ត អនុវត្តគោលការណ៍ប្រជាធិបតេយ្យផ្ទៃក្នុងពីក្រោមមកលើ សមាជិកមានភាពជាម្ចាស់ និងបណ្តុះបណ្ដាលអ្នកដឹកនាំបែបប្រជាធិបតេយ្យជាច្រើននៅតាមមូលដ្ឋាន និងតាមវិស័យ ក្នុងគោលបំណងរួមចំណែកកសាងសង្គមប្រជាធិបតេយ្យដ៏ពិតប្រាកដ និងល្អប្រពៃមួយ ដែលប្រជាពលរដ្ឋរស់នៅមានជីវិតថ្លៃថ្នូរ និងប្រទេសជាតិមានអធិបតេយ្យពេញលេញ។

#គណបក្សប្រជាធិបតេយ្យមូលដ្ឋាន #គបម #សាមគ្គីភាព #យុត្តិធម៌ #អហិង្សា #សៀវភៅបៃតង #កម្ពុជា

#កម្មវិធីនយោបាយ «គបម» ៖ រៀបចំឱ្យមានការពិភាក្សាប្រកួតប្រជែងនូវទស្សនៈនយោបាយ ជាពិសេសក្នុងចំណោមយុវជន តាមរយៈវេទិកាសាធារណៈ វិទ្យុ ទូរទស្សន៍ ឬបណ្តាញទំនាក់ទំនងផ្សព្វផ្សាយព័ត៌មានសង្គម។ល។ អ្នកដែលមានការគាំទ្រច្រើន នឹងមានឱកាសទៅចូលរួមប្រកួតវេទិកាជាតិស្តីពី «ទស្សនៈនយោបាយជាតិ» ដែលរៀបចំយ៉ាងតិច១ឆ្នាំម្ដង ហើយអ្នកដែលទទួលបានការគាំទ្រច្រើនជាងគេនៅថ្នាក់ជាតិនឹងទទួលបានពានរង្វាន់ពីសភាជាតិ និងមានឱកាសទទួលបានការងារធ្វើនៅក្នុងក្រុមប្រឹក្សាគោលនយោបាយជាតិ របស់រាជរដ្ឋាភិបាល គណៈកម្មាធិការសភា ឬ ព្រឹទ្ធសភា ឬ ជាសមាជិកជាន់ខ្ពស់របស់គណបក្សនយោបាយណាមួយ។

📗ប្រភព៖ #សៀវភៅបៃតង - យុទ្ធសាស្ត្រ និងកម្មវិធីនយោបាយ ១២៥ចំណុច

#គណបក្សប្រជាធិបតេយ្យមូលដ្ឋាន #គបម #សាមគ្គីភាព #យុត្តិធម៌ #អហិង្សា #សៀវភៅបៃតង #កម្ពុជា

យើងខ្ញុំអនុវត្តគោលការណ៍ប្រជាធិបតេយ្យផ្ទៃក្នុងពីក្រោមមកលើ សមាជិកមានភាពជាម្ចាស់ និងបណ្តុះបណ្ដាលអ្នកដឹកនាំតាមបែបប្រជាធិបតេយ្យជាច្រើននៅតាមមូលដ្ឋាន និងតាមវិស័យ ក្នុងគោលបំណងរួមចំណែកកសាងសង្គមប្រជាធិបតេយ្យដ៏រស់រវើក និងល្អប្រពៃមួយ ដែលប្រជាពលរដ្ឋរស់នៅមានជីវិតថ្លៃថ្នូរ និងប្រទេសជាតិមានអធិបតេយ្យពេញលេញ។

កាលពីថ្ងៃទី១៧ ខែឧសភា ឆ្នាំ២០២៦ ក្រុមការងារ គបម ខេត្តពោធិ៍សាត់ បានលើកស្លាកចំនួន២ ក្នុងភូមិច្រប់ និងភូមិព្រាល ឃុំស្វាយដូនកែវ ស្រុកបាកាន។

#គណបក្សប្រជាធិបតេយ្យមូលដ្ឋាន #គបម #សាមគ្គីភាព #យុត្តិធម៌ #អហិង្សា #សៀវភៅបៃតង #កម្ពុជា

#កម្មវិធីនយោបាយ «គបម» ៖ ធានានូវកំណើនសេដ្ឋកិច្ច ជាមធ្យមឱ្យបានលើសពី៧%ក្នុង១ឆ្នាំ ជាពិសេស តាមរយៈការជំរុញវិស័យកសិកម្ម ដោយផ្សារភ្ជាប់ជាមួយការអភិវឌ្ឍវិស័យឧស្សាហកម្ម សិប្បកម្មកែច្នៃ និងទេសចរណ៍ ក៏ដូចជាបង្កបរិយាកាសអំណោយផលបន្ថែមទៀតដល់ការវិនិយោគទុនបរទេស។ គាំទ្រប្រកបដោយប្រសិទ្ធភាព ដល់ការអភិវឌ្ឍកសិកម្មជាលក្ខណៈគ្រួសារ សហគ្រាស និងអាជីវកម្មខ្នាតតូច និងមធ្យម ចំនួន១លាន ដើម្បីក្លាយជាកម្លាំងចលកររបស់សេដ្ឋកិច្ចជាតិ និងចូលរួមចំណែកបង្កើតការងារសរុបចំនួន ៧លាននាក់ ដោយចំនួនការងារបង្កើតថ្មីបន្ថែមមាន១លានកន្លែង។

📗ប្រភព៖ #សៀវភៅបៃតង - យុទ្ធសាស្ត្រ និងកម្មវិធីនយោបាយ ១២៥ចំណុច

#គណបក្សប្រជាធិបតេយ្យមូលដ្ឋាន #គបម #សាមគ្គីភាព #យុត្តិធម៌ #អហិង្សា #សៀវភៅបៃតង #កម្ពុជា

ប៉ុស្តិ៍ផ្សព្វផ្សាយព័ត៌មាន និងទំនាក់ទំនងសាធារណៈ របស់គណបក្សលើតេឡេក្រាម ៖ https://t.me/+KfKVMEB1iLU2MTc1