ក្រុមការងារទទួលបន្ទុកយេនឌ័រ និងយន្តការគាំទ្រ នៃដជគ

កិច្ចប្រជុំប្រចាំឆមាសទី១ ឆ្នាំ២០២៦ ដើម្បីពិនិត្យវឌ្ឍនភាពការងារស្ត្រី បញ្ហាប្រឈម សំណូមពរ និងទិសដៅការងារបន្ត
----------------------------------
នៅព្រឹកថ្ងៃចន្ទ ១៥កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៩​ ខែមិថុនា ឆ្នាំ២០២៦ វេលាម៉ោង ៩:០០នាទីព្រឹក លោកស្រី ម៉ែន ច័ន្ទសុកុល ប្រធាននាយកដ្ឋានដឹកជញ្ជូនផ្លូវគោក និងជាប្រធានក្រុមការងារយេនឌ័រ និងយន្តការគាំទ្រ នៃអគ្គនាយកដ្ឋានដឹកជញ្ជូនផ្លូវគោក បានអញ្ជើញដឹកនាំកិច្ចប្រជុំដោយផ្ទាល់ និងតាមរយៈប្រព័ន្ធវីដេអូពីចម្ងាយ (ZOOM Meeting) ស្ដីពីកិច្ចប្រជុំប្រចាំឆមាសទី១ ឆ្នាំ២០២៦ ដើម្បីពិនិត្យវឌ្ឍនភាពការងារស្ត្រី បញ្ហាប្រឈម សំណូមពរ និងទិសដៅការងារបន្ត របស់​ក្រុមការងារ​ទទួលបន្ទុក​យេនឌ័រ និង​យន្តការគាំទ្រ នៃអគ្គនាយកដ្ឋាន​ដឹកជញ្ជូនផ្លូវគោក។ ​កិច្ចប្រជុំនេះមានការអញ្ជើញ​ចូលរួមពី លោកស្រីប្រធានការិយាល័យ លោកស្រីអនុប្រធានការិយាល័យ ព្រមទាំងសមាជិកក្រុមការងារទាំងអស់ នៃ​ក្រុមការងារ​ទទួលបន្ទុក​យេនឌ័រ និង​យន្តការគាំទ្រអគ្គនាយកដ្ឋានដឹកជញ្ជូនផ្លូវគោក។

សូមអរគុណ!

នៅថ្ងៃពុធ ៦រោច ខែចេត្រ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៨ ខែមេសា ឆ្នាំ២០២៦ ក្រុមការងារស្ត្រីនាយកដ្ឋានដឹកជញ្ជូនសាធារណៈក្រុង របស់ក្រុមការងារទទួលបន្ទុកយេនឌ័រ និងយន្ដការគាំទ្រ នៃអគ្គនាយកដ្ឋានដឹកជញ្ជូនផ្លូវគោក បានចូលរួមអបអរសាទរ​ទិវាព្រះពុទ្ធសាសនាអន្តរជាតិឆ្នាំ២០២៦ ក្រោមប្រធានបទ​ "ពង្រឹង​សាមគ្គីធម៌ ជំរុញ​សន្តិភាព​តាម​រយៈ​មាគ៌ាព្រះពុទ្ធសាសនា" នៅសាលសន្និសីទចតុម្មុខ រាជធានីភ្នំពេញ។

សូមអរគុណ!

នៅព្រឹកថ្ងៃព្រហស្បតិ៍ ១កើត ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៩ ខែមីនា ឆ្នាំ២០២៦ លោកស្រី តាំង លេងហ៊ាង សមាជិកា នៃក្រុមការងារទទួលបន្ទុកយេនឌ័រ និងយន្តការគាំទ្រ នៃអគ្គ.ដជគ និងជាមន្ត្រីជំនាញ​នាយកដ្ឋានដឹកជញ្ជូនផ្លូវគោក នៃអគ្គនាយកដ្ឋានដឹកជញ្ជូនផ្លូវគោក បានចូលរួមសិក្ខាសាលាកសាងសមត្ថភាព ស្តីពីការអនុវត្តផែនទីបង្ហាញផ្លូវស្តង់ដារបទប្បញ្ញត្តិបច្ចេកទេស និងនីតិវិធីវាយតម្លៃភាពអនុលោម។ គោលបំណងសំខាន់ៗក្នុងសិក្ខាសាលានេះ រួមមាន៖
-ពង្រឹងសមត្ថភាពបច្ចេកទេសរបស់មន្ត្រីរាជរដ្ឋាភិបាល ក្នុងការអនុវត្ត STRACAP
-បង្កើនការយល់ដឹងអំពីការអនុវត្តស្តង់ដារល្អ (GSP)
-ពង្រឹងការអនុវត្ត ការគ្រប់គ្រងបទប្បញ្ញត្តិល្អ (GRP)
-ណែនាំ និងអនុវត្ត ការវាយតម្លៃផលប៉ះពាល់បទប្បញ្ញត្តិ (RIA) សម្រាប់ការសម្រេចចិត្តគោលនយោបាយ
លើកកម្ពស់ការចូលរួមរបស់ភាគីពាក់ព័ន្ធ ក្នុងដំណើរការស្តង់ដារ និងបទប្បញ្ញត្តិ
-គាំទ្រការសម្រួលពាណិជ្ជកម្ម តាមរយៈប្រព័ន្ធគុណភាពជាតិ (NQI/STRACAP)
-បញ្ចូលឌីជីថលូបនីយកម្ម ទៅក្នុងប្រព័ន្ធស្តង់ដារ និងការវាយតម្លៃអនុលោមភាព
-លើកកម្ពស់ការចូលរួមប្រកបដោយបរិយាបន្ន (GEDSI) រួមមានស្ត្រី យុវជន និងក្រុមងាយរងគ្រោះ
-ណែនាំអំពីការរចនាដែលងាយប្រើប្រាស់ (Accessible Design) ក្នុងប្រព័ន្ធស្តង់ដារ
-ពង្រឹងការអប់រំ និងការផ្សព្វផ្សាយអំពីស្តង់ដារ
-បង្កើត និងពង្រឹងយន្តការសម្របសម្រួលពហុភាគី រាជរដ្ឋាភិបាល វិស័យឯកជន និងអង្គការក្រៅរាជរដ្ឋាភិបាល។

សូមអរគុណ!

ព្រឹត្តិការណ៍ដើរដើម្បីសន្តិភាពយូរអង្វែងសម្រាប់យើងទាំងអស់គ្នាក្រោមប្រធានបទ "សន្តិភាព និងសន្តិសុខសម្រាប់ស្ត្រី និងគ្រួសារ"
----------------------------------
នៅព្រឹកថ្ងៃព្រហស្បតិ៍ ៩ រោច ខែផល្គុន ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី ១២ ខែមីនា ឆ្នាំ២០២៦ ក្រុមការងារស្ត្រីនាយកដ្ឋានសុវត្ថិភាពចរាចរណ៍ផ្លូវគោក របស់ក្រុមការងារទទួលបន្ទុកយេនឌ័រ និងយន្ដការគាំទ្រ នៃអគ្គនាយកដ្ឋានដឹកជញ្ជូនផ្លូវគោក បានចូលរួមក្នុងព្រឹត្តិការណ៍ដើរដើម្បីសន្តិភាពយូរអង្វែងសម្រាប់យើងទាំងអស់គ្នាក្រោមប្រធានបទ "សន្តិភាព និងសន្តិសុខសម្រាប់ស្ត្រី និងគ្រួសារ" ក្រោមអធិបតីភាពដ៏ខ្ពង់ខ្ពស់ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត នៅបរិវេណវត្តបទុមវត្តីរាជវរារាម ឆ្ពោះទៅកាន់វត្តភ្នំដូនពេញ រាជធានីភ្នំពេញ។

សូមអរគុណ!

នៅព្រឹកថ្ងៃពហស្បតិ៍ ២រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៥ ខែមីនា ឆ្នាំ២០២៦ វេលាម៉ោង ១០:០០នាទីព្រឹក សាលប្រជុំជាន់ទី២ អគ្គនាយកដ្ឋានដឹកជញ្ជូនផ្លូវគោក លោកស្រី ម៉ែន ច័ន្ទសុកុល ប្រធានក្រុមការងារទទួលបន្ទុកយេនឌ័រ និងយន្តការគាំទ្រ នៃអគ្គ.ដជគ និងជាប្រធាននាយកដ្ឋាន នៃនាយកដ្ឋានដឹកជញ្ជូនផ្លូវគោក បានអញ្ជើញចូលរួមក្នុងកម្មវិធីសំណេះសំណាលរវាងថ្នាក់ដឹកនាំ ជាមួយមន្ត្រីរាជការនារី នៃអគ្គនាយកដ្ឋានដឹកជញ្ជូនផ្លូវគោក និងចូលរួមអបអរសាទរខួបលើកទី១១៥ ទិវាអន្តរជាតិនារី ៨មីនា ឆ្នាំ២០២៦ ស្ថិតក្រោមអធិបតីភាព ឯកឧត្តម ឈួន វ៉ន់ អគ្គនាយក នៃអគ្គនាយកដ្ឋានដឹកជញ្ជូនផ្លូវគោក ព្រមទាំងមានការអញ្ជើញចូលរួម ពីសំណាក់លោកអគ្គនាយករង លោកប្រធាននាយកដ្ឋាន លោក លោកស្រីអនុប្រធាននាយកដ្ឋាន និងសមាជិកា នៃក្រុមការងារទទួលបន្ទុកយេនឌ័រ និងយន្តការគាំទ្រ នៃអគ្គ ដជគ។

កម្មវិធីនេះរៀបចំឡើងក្នុងគោលបំណងជួបសំណេះសំណាល​ដើម្បីបង្កើតភាពស្និទស្នាលរវាងថ្នាក់ដឹកនាំ ជាមួយមន្ត្រីរាជការជានារី និងចូលរួមអបអរសាទរខួបលើកទី១១៥ ទិវាអន្តរជាតិនារី ៨មីនា ឆ្នាំ២០២៦ ដែលជាការលើកទឹកចិត្តដល់កិច្ចខិតខំប្រឹងប្រែងបំពេញការងាររបស់មន្រ្តីរាជការនារី និងលើកកម្ពស់សមភាពយេនឌ័រ នៃអគ្គនាយកដ្ឋានដឹកជញ្ជូនផ្លូវគោក។

សូមគោរពអរគុណ!

កិច្ចប្រជុំប្រចាំខែមករា ឆ្នាំ២០២៦ ដើម្បីពិនិត្យវឌ្ឍនភាពការងារស្ត្រី ប្រចាំឆ្នាំ២០២៥ និងទិសដៅការងារបន្ត
----------------------------------
នៅព្រឹកថ្ងៃចន្ទ ៧កើត ខែផល្គុន ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី២៣ ខែកុម្ភៈ ឆ្នាំ២០២៦ វេលាម៉ោង ៩:០០នាទីព្រឹក លោកស្រី ម៉ែន ច័ន្ទសុកុល ប្រធាននាយកដ្ឋានដឹកជញ្ជូនផ្លូវគោក និងជាប្រធានក្រុមការងារយេនឌ័រ និងយន្តការគាំទ្រ នៃអគ្គនាយកដ្ឋានដឹកជញ្ជូនផ្លូវគោក បានអញ្ជើញដឹកនាំកិច្ចប្រជុំដោយផ្ទាល់ និងតាមរយៈប្រព័ន្ធវីដេអូពីចម្ងាយ (ZOOM Meeting) ស្ដីពីកិច្ចប្រជុំប្រចាំខែមករា ឆ្នាំ២០២៦ ដើម្បីពិនិត្យវឌ្ឍនភាពការងារស្ត្រី ប្រចាំឆ្នាំ២០២៥ និងទិសដៅការងារបន្ត របស់​ក្រុមការងារ​ទទួលបន្ទុក​យេនឌ័រ និង​យន្តការគាំទ្រ នៃអគ្គនាយកដ្ឋាន​ដឹកជញ្ជូនផ្លូវគោក។ ​កិច្ចប្រជុំនេះមានការអញ្ជើញ​ចូលរួមពី លោកស្រីប្រធានការិយាល័យ លោកស្រីអនុប្រធានការិយាល័យ ព្រមទាំងសមាជិកក្រុមការងារទាំងអស់ នៃអគ្គនាយកដ្ឋានដឹកជញ្ជូនផ្លូវគោក។

សូមអរគុណ!

នៅព្រឹកថ្ងៃសុក្រ ១១កើត ខែអស្សុជ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៣ ខែតុលា ឆ្នាំ២០២៥ វេលាម៉ោង ៩:០០នាទីព្រឹក លោកស្រី ម៉ែន ច័ន្ទសុកុល ប្រធាននាយកដ្ឋានដឹកជញ្ជូនផ្លូវគោក និងជាប្រធានក្រុមការងារយេនឌ័រ និងយន្តការគាំទ្រ នៃអគ្គនាយកដ្ឋានដឹកជញ្ជូនផ្លូវគោក បានអញ្ជើញដឹកនាំកិច្ចប្រជុំដោយផ្ទាល់ និងតាមរយៈប្រព័ន្ធវីដេអូពីចម្ងាយ (ZOOM Meeting) ស្ដីពីកិច្ចប្រជុំស្ដីពី​ការពិនិត្យ​លើ​ផែន​ការ​សកម្មភាព​ឆ្នាំ២០២៦ របស់ក្រុមការងារ​ទទួលបន្ទុក​យេនឌ័រ និងយន្តការគាំទ្រ។ ​កិច្ចប្រជុំនេះមានការអញ្ជើញ​ចូលរួមពី លោកស្រីប្រធានការិយាល័យ លោកស្រីអនុប្រធានការិយាល័យ ព្រមទាំងសមាជិកក្រុមការងារទាំងអស់ នៃអគ្គនាយកដ្ឋានដឹកជញ្ជូនផ្លូវគោក។
សូមអរគុណ!