មន្ទីរពេទ្យមិត្តភាពកម្ពុជា-ចិន ព្រះកុសុមៈ - CCFKH Preah Kossamak Hospital

ខេត្តព្រៃវែង ថ្ងៃអាទិត្យ ១៥កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣១ ខែឧសភា ឆ្នាំ២០២៦ ឯកឧត្តម តាន់ សុគុន នាយកមន្ទីរពេទ្យមិត្តភាពកម្ពុជា-ចិន ព្រះកុសុមៈ រួមជាមួយគណៈប្រតិភូ និងមន្ត្រីជំនាញពាក់ព័ន្ធ បានអញ្ជើញអមដំណើរ សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ និងឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីក្នុងការចុះពិនិត្យវឌ្ឍនភាពនៃការសាងសង់អគារមន្ទីរពេទ្យ និងការរៀបចំទីតាំងមន្ទីរពេទ្យបង្អែកខេត្តព្រៃវែងថ្មី ដោយមានការចូលរួមពីថ្នាក់ដឹកនាំ មន្ត្រីជំនាញ និងភាគីពាក់ព័ន្ធ។

ការចុះពិនិត្យនេះ មានគោលបំណងតាមដាន និងវាយតម្លៃលើដំណើរការអនុវត្តគម្រោងសាងសង់ ស្ថានភាពជាក់ស្តែងនៃការរៀបចំហេដ្ឋារចនាសម្ព័ន្ធ បច្ចេកទេសសំណង់ និងការរៀបចំលំហូរផ្តល់សេវាសុខាភិបាល ដើម្បីធានាឱ្យការអនុវត្តគម្រោងប្រព្រឹត្តទៅស្របតាមផែនការដែលបានកំណត់ ស្តង់ដារបច្ចេកទេស និងគោលការណ៍គ្រប់គ្រងគុណភាពប្រកបដោយប្រសិទ្ធភាព។

ក្នុងឱកាសនោះ ថ្នាក់ដឹកនាំបានស្តាប់របាយការណ៍ស្តីពីវឌ្ឍនភាពនៃការសាងសង់ ពិនិត្យទីតាំងជាក់ស្តែង និងពិភាក្សាលើការងារបច្ចេកទេសពាក់ព័ន្ធ ដោយផ្តោតសំខាន់លើការរៀបចំហេដ្ឋារចនាសម្ព័ន្ធ ប្រព័ន្ធគាំទ្របច្ចេកទេស និងបរិស្ថានការងារ ដើម្បីធានាឱ្យមន្ទីរពេទ្យថ្មីមានសមត្ថភាពផ្តល់សេវាថែទាំ និងព្យាបាលប្រកបដោយគុណភាព សុវត្ថិភាព និងឆ្លើយតបនឹងតម្រូវការជាក់ស្តែងរបស់ប្រជាពលរដ្ឋ។

ជាមួយគ្នានេះ សម្តេចក្រឡាហោម និងឯកឧត្តមអភិសន្តិបណ្ឌិត បានផ្តល់អនុសាសន៍ដល់ក្រុមការងារ និងភាគីពាក់ព័ន្ធឱ្យបន្តពង្រឹងការសម្របសម្រួល ការត្រួតពិនិត្យគុណភាពសំណង់ និងការគ្រប់គ្រងការអនុវត្តគម្រោងឱ្យបានម៉ឺងម៉ាត់ ដោយត្រូវគោរពតាមបទដ្ឋានបច្ចេកទេស និងបទប្បញ្ញត្តិជាធរមាន សំដៅធានាឱ្យគម្រោងសម្រេចបានតាមគោលដៅ និងអាចដាក់ឱ្យប្រើប្រាស់ប្រកបដោយប្រសិទ្ធភាពនាពេលខាងមុខ។

ការចុះពិនិត្យនេះ បានឆ្លុះបញ្ចាំងពីការយកចិត្តទុកដាក់ខ្ពស់របស់ថ្នាក់ដឹកនាំ ក្នុងការជំរុញការអភិវឌ្ឍហេដ្ឋារចនាសម្ព័ន្ធសុខាភិបាល និងការលើកកម្ពស់គុណភាពសេវាសុខាភិបាល ដើម្បីបម្រើផលប្រយោជន៍សាធារណៈ និងលើកកម្ពស់សុខុមាលភាពប្រជាពលរដ្ឋឱ្យកាន់តែប្រសើរឡើង។

#មន្ទីរពេទ្យមិត្តភាពកម្ពុជាចិនព្រះកុសុមៈ​
#មន្ទីរពេទ្យបង្អែកខេត្តព្រៃវែង​
#ក្រសួងសុខាភិបាល

ខេត្តពោធិ៍សាត់ ថ្ងៃសៅរ៍ ១៤កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣០ ខែឧសភា ឆ្នាំ២០២៦ ឯកឧត្តម តាន់ សុគុន នាយកមន្ទីរពេទ្យមិត្តភាពកម្ពុជា-ចិន ព្រះកុសុមៈ រួមជាមួយក្រុមការងារបច្ចេកទេស បានអញ្ជើញចុះសិក្សា និងពិនិត្យទីតាំងគម្រោងសាងសង់អគារវះកាត់ និងសង្គ្រោះបន្ទាន់ នៅមន្ទីរពេទ្យបង្អែក ខេត្តពោធិ៍សាត់។

ក្នុងឱកាសនេះ ក្រុមការងារបានពិភាក្សា ផ្លាស់ប្តូរយោបល់ និងប្រមូលធាតុចូលពាក់ព័ន្ធ ដោយមានការចូលរួមពីថ្នាក់ដឹកនាំមន្ទីរសុខាភិបាល មន្ទីរពេទ្យ និងមន្ត្រីជំនាញ ដើម្បីកំណត់ទិសដៅ និងរៀបចំផែនការអនុវត្តគម្រោងឱ្យមានភាពជាក់លាក់ ស្របតាមបទដ្ឋានបច្ចេកទេស និងគោលនយោបាយអភិវឌ្ឍវិស័យសុខាភិបាល។

ការចុះសិក្សានេះ មានគោលបំណងពិនិត្យវាយតម្លៃស្ថានភាពជាក់ស្តែង សិក្សាលើតម្រូវការហេដ្ឋារចនាសម្ព័ន្ធ បច្ចេកទេសសំណង់ ការរៀបចំលំហូសេវា និងលទ្ធភាពនៃការអភិវឌ្ឍអគារឱ្យស្របតាមស្តង់ដារបច្ចេកទេស និងតម្រូវការផ្តល់សេវាសុខាភិបាលប្រកបដោយគុណភាព សុវត្ថិភាព និងប្រសិទ្ធភាព។

គម្រោងសាងសង់អគារវះកាត់ និងសង្គ្រោះនេះ ត្រូវបានរំពឹងថានឹងចូលរួមចំណែកយ៉ាងសំខាន់ក្នុងការពង្រឹងសមត្ថភាពផ្តល់សេវាវះកាត់ និងសង្គ្រោះបន្ទាន់ បង្កើនភាពងាយស្រួលក្នុងការទទួលសេវារបស់ប្រជាពលរដ្ឋ និងលើកកម្ពស់គុណភាពសេវាសុខាភិបាលឱ្យកាន់តែមានប្រសិទ្ធភាព និងទំនុកចិត្តខ្ពស់។

#មន្ទីរពេទ្យមិត្តភាពកម្ពុជាចិនព្រះកុសុមៈ
#មន្ទីរពេទ្យបង្អែកខេត្តពោធិ៍សាត់
#ក្រសួងសុខាភិបាល

ខេត្តព្រៃវែង ថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦ ឯកឧត្តម តាន់ សុគុន នាយកមន្ទីរពេទ្យមិត្តភាពកម្ពុជា-ចិន ព្រះកុសុមៈ និងក្រុមការងារ បានដឹកនាំក្រុមគ្រូពេទ្យជំនាញចិន ចុះពិនិត្យ និងផ្តល់សេវាព្យាបាលជូនប្រជាពលរដ្ឋ តាមបែបវេជ្ជសាស្ត្របុរាណចិន និងមជ្ជុលវិទ្យាសាស្ត្រ នៅមន្ទីរពេទ្យបង្អែកខេត្តព្រៃវែង ដោយមានអ្នកជំងឺសរុបប្រមាណ ៤០០នាក់។

ក្នុងឱកាសនេះ ឯកឧត្តមនាយក និងក្រុមការងារ ក៏បានចុះពិនិត្យវឌ្ឍនភាពនៃការដ្ឋានសាងសង់អគារសង្គ្រោះបន្ទាន់ នៅមន្ទីរពេទ្យបង្អែកខេត្តព្រៃវែង ដើម្បីតាមដានដំណើរការអនុវត្តការងារសាងសង់ ឱ្យប្រព្រឹត្តទៅស្របតាមផែនការ បទដ្ឋានបច្ចេកទេស និងគោលការណ៍គ្រប់គ្រងគម្រោងដែលបានកំណត់។

ជាមួយគ្នាផងដែរ បង្ហាញពីកិច្ចសហប្រតិបត្តិការ និងការចងសម្ព័ន្ធមេត្រីភាព រវាងមន្ទីរពេទ្យមិត្តភាពកម្ពុជា-ចិន ព្រះកុសុមៈ និងមន្ទីរពេទ្យបង្អែក ខេត្តព្រៃវែង តាមការបង្អុលបង្ហាញរបស់ឯកឧត្តមសាស្ត្រាចារ្យ រដ្ឋមន្ត្រី ក្រសួងសុខាភិបាល ដោយផ្តោតលើការពង្រឹងទំនាក់ទំនងស្ថាប័ន ការផ្លាស់ប្តូរបទពិសោធន៍ និងការគាំទ្រផ្នែកបច្ចេកទេស។


#មន្ទីរពេទ្យមិត្តភាពកម្ពុជាចិនព្រះកុសុមៈ
#មន្ទីរពេទ្យបង្អែកខេត្តព្រៃវែង
#ក្រសួងសុខាភិបាល

ថ្នាក់ដឹកនាំ មន្រ្តីរាជការ ព្រមទាំងបុគ្គលិកនៃមន្ទីរពេទ្យមិត្តភាពកម្ពុជា-ចិន ព្រះកុសុមៈផ្ញើសារលិខិតរំលែកទុក្ខ ជូនចំពោះឯកឧត្តមវេជ្ជបណ្ឌិត លី សូវ៉ាន់ និងលោកជំទាវ ព្រមទាំងក្រុមគ្រួសារ ចំពោះមរណភាព ឧបាសក លី សែត ដែលត្រូវជាឪពុកបង្កើត បានទទួលមរណភាព នៅថ្ងៃសៅរ៍ ទី២៤ ខែឧសភា ឆ្នាំ២០២៦ វេលាម៉ោង ១១:១១នាទី ក្នុងជន្មាយុ ៨៨ឆ្នាំ។

ខេត្តព្រៃវែង ថ្ងៃសៅរ៍ ៧កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៣ ខែឧសភា ឆ្នាំ២០២៦ ឯកឧត្តម តាន់ សុគុន នាយកមន្ទីរពេទ្យមិត្តភាពកម្ពុជា-ចិន ព្រះកុសុមៈ និងសហការី ចុះពិនិត្យលើដំណើរការសាងសង់ និងកែលម្អហេដ្ឋារចនាសម្ព័ន្ធ អគារផ្នែកសង្គ្រោះបន្ទាន់ ២៤ម៉ោង និងផ្នែកប្រពោធនកម្ម (ICU) នៅមន្ទីរពេទ្យបង្អែកខេត្តព្រៃវែង។

រសៀលថ្ងៃដដែល ឯកឧត្តម និងសហការី បានជួបពិភាក្សាជាមួយ ឯកឧត្តមបណ្ឌិត សេង បញ្ញារិទ្ធិ ប្រធានមន្ទីរសុខាភិបាលនៃរដ្ឋបាលខេត្តព្រៃវែង ដើម្បីសិក្សាស្វែងយល់ និងរកដំណោះស្រាយបន្ថែម លើការងាររៀបចំហេដ្ឋារចនាសម្ព័ន្ធរបស់មន្ទីរពេទ្យ ក្នុងនាមជាមន្ទីរពេទ្យជាតិ ចងសម្ព័ន្ធមេត្រីភាពជាមួយមន្ទីរបង្អែកខេត្តព្រៃវែង។

ការចុះពិនិត្យ និងសិក្សាស្វែងយល់នេះ ក្នុងគោលបំណងពង្រឹងនិងលើកកម្ពស់គុណភាពសេវាសង្គ្រោះបន្ទាន់ និងការថែទាំព្យាបាលឱ្យកាន់តែមានប្រសិទ្ធភាពដើម្បីឆ្លើយតបទៅនឹងតម្រូវការជាក់ស្តែង និងសុខមាលភាពរបស់បងប្អូនប្រជាពលរដ្ឋនៅក្នុងតំបន់ឱ្យកាន់តែប្រសើរឡើងបន្ថែមទៀត។


#មន្ទីរពេទ្យមិត្តភាពកម្ពុជាចិនព្រះកុសុមៈ
#មន្ទីរពេទ្យបង្អែកខេត្តព្រៃវែង
#ក្រសួងសុខាភិបាល

ខេត្តព្រៃវែង ថ្ងៃសុក្រ ១៤រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៥ ខែឧសភា ឆ្នាំ២០២៦ ឯកឧត្តម តាន់ សុគុន នាយកមន្ទីរពេទ្យមិត្តភាពកម្ពុជា-ចិន ព្រះកុសុមៈ រួមជាមួយគណៈប្រតិភូ និងមន្ត្រីជំនាញពាក់ព័ន្ធ បានអញ្ជើញអមដំណើរ សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ លោកជំទាវ ញ៉ែម សាខន ស ខេង និងឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ចុះពិនិត្យការងារ និងវឌ្ឍនភាពហេដ្ឋារចនាសម្ព័ន្ធសុខាភិបាលក្នុងខេត្តព្រៃវែង។

ក្នុងឱកាសនោះ គណៈប្រតិភូបានចុះពិនិត្យ និងតាមដានវឌ្ឍនភាពការងារនៅទីតាំងសំខាន់ៗ រួមមាន៖
១. សំណង់អគារវះកាត់ នៅមន្ទីរពេទ្យបង្អែកកំចាយមារ
២. គិលានសង្គ្រោះសម្រាប់ផ្តល់សេវាសុខាភិបាល នៅសាកលវិទ្យាល័យជាតិ ជា ស៊ីម កំចាយមារ
៣. សំណង់អគារវះកាត់ និងសង្គ្រោះបន្ទាន់ នៅមន្ទីរពេទ្យបង្អែកខេត្តព្រៃវែង

ការចុះពិនិត្យនេះ ធ្វើឡើងក្នុងគោលបំណងតាមដានវឌ្ឍនភាពការងារ ពិនិត្យលក្ខណៈបច្ចេកទេស គុណភាពសំណង់ និងការរៀបចំទីតាំងផ្តល់សេវាសុខាភិបាល ដើម្បីធានាប្រសិទ្ធភាព សុវត្ថិភាព និងគុណភាពក្នុងការបម្រើសេវាជូនប្រជាពលរដ្ឋ និងនិស្សិត។

ក្នុងឱកាសនោះផងដែរ សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ បានផ្តល់អនុសាសន៍ដល់ក្រុមការងារ និងភាគីពាក់ព័ន្ធ ឱ្យបន្តអនុវត្តការងារប្រកបដោយការទទួលខុសត្រូវខ្ពស់ គោរពតាមបទដ្ឋានបច្ចេកទេស និងពន្លឿនការសាងសង់ឱ្យបានតាមផែនការកំណត់ សំដៅលើកកម្ពស់គុណភាពវិស័យសុខាភិបាល និងការផ្តល់សេវាសាធារណៈឱ្យកាន់តែមានប្រសិទ្ធភាព។


#មន្ទីរពេទ្យមិត្តភាពកម្ពុជាចិនព្រះកុសុមៈ
#មន្ទីរពេទ្យបង្អែកកំចាយមារ
#មន្ទីរពេទ្យបង្អែកខេត្តព្រៃវែង
#ក្រសួងសុខាភិបាល

អបអរសាទរ ព្រះរាជពិធីបុណ្យចម្រើនព្រះជន្ម ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នាឱកាសដ៏មហាមង្គលាភិរម្យឧត្តុង្គឧត្តម បវរសួស្តី សិរីមង្គល វិបុលសុខមហាប្រសើរនៃព្រះរាជពិធីបុណ្យចម្រើនព្រះជន្ម ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត គម្រប់៧៣ យាងចូល៧៤ ព្រះវស្សា នាថ្ងៃទី១៤ ខែឧសភា ឆ្នាំ២០២៦។

#ព្រះរាជពិធីបុណ្យចម្រើនព្រះជន្ម
#ព្រះមហាក្សត្រ
#ព្រះបរមនាថ
#នរោត្តមសីហមុនី

រាជធានីភ្នំពេញ ព្រឹកថ្ងៃពុធ ១២រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែឧសភា ឆ្នាំ២០២៦ ឯកឧត្តម តាន់ សុគុន នាយកមន្ទីរពេទ្យមិត្តភាពកម្ពុជា-ចិន ព្រះកុសុមៈ បានរៀបចំពិធីសំណេះសំណាលជាមួយប្រតិភូមន្ទីរពេទ្យបង្អែកសម្ព័ន្ធមេត្រីភាព និងប្រគល់ម៉ាស៊ីន Radiography mobile, ម៉ាស៊ី DR ដល់មន្ទីរពេទ្យបង្អែក ខេត្តព្រៃវែង ព្រមទាំងប្រគល់ម៉ាស៊ីន Coelioscopy ជូនដល់មន្ទីរពេទ្យបង្អែក ខេត្តកំពង់ឆ្នាំង។
ក្នុងឱកាសនេះ ឯកឧត្តមនាយក បានលើកឡើងពីគោលបំណងពង្រឹងកិច្ចសហប្រតិបត្តិការ ការសម្របសម្រួលការងារ និងការលើកកម្ពស់ប្រសិទ្ធភាពនៃការផ្តល់សេវាសុខាភិបាលសាធារណៈ ស្របតាមគោលនយោបាយកំណែទម្រង់វិស័យសុខាភិបាល និងទិសដៅយុទ្ធសាស្ត្ររបស់រាជរដ្ឋាភិបាលកម្ពុជា ក្នុងការបង្កើនគុណភាព ប្រសិទ្ធភាព សមធម៌ និងភាពងាយស្រួលក្នុងការទទួលបានសេវាសុខាភិបាលរបស់ប្រជាពលរដ្ឋ។
ពិធីសំណេះសំណាល និងប្រគល់បរិក្ខារវេជ្ជសាស្ត្រនេះ ត្រូវបានរៀបចំឡើងក្នុងគោលបំណង៖
១.អនុវត្តតាមគោលនយោបាយ និងទិសដៅយុទ្ធសាស្ត្ររបស់រាជរដ្ឋាភិបាល និងក្រសួងសុខាភិបាល ក្នុងការអភិវឌ្ឍប្រព័ន្ធសុខាភិបាលសាធារណៈ និងពង្រឹងសមត្ថភាពសេវាសុខាភិបាលនៅថ្នាក់ក្រោមជាតិ។
២.លើកកម្ពស់កិច្ចសហប្រតិបត្តិការ និងការគាំទ្រផ្នែកបច្ចេកទេសរវាង មន្ទីរពេទ្យមិត្តភាពកម្ពុជា-ចិន ព្រះកុសុមៈ និងមន្ទីរពេទ្យបង្អែកខេត្តព្រៃវែង ព្រមទាំងមន្ទីរពេទ្យបង្អែកខេត្តកំពង់ឆ្នាំង សំដៅបង្កើនប្រសិទ្ធភាពនៃការគ្រប់គ្រង និងការប្រើប្រាស់បរិក្ខារវេជ្ជសាស្ត្រ ស្របតាមបទដ្ឋានបច្ចេកទេស និងលិខិតបទដ្ឋានគតិយុត្តជាធរមាន។
៣.រួមចំណែកពង្រឹងសមត្ថភាពផ្នែករោគវិនិច្ឆ័យ និងការព្យាបាលតាមបច្ចេកវិទ្យាវេជ្ជសាស្ត្រទំនើប ដើម្បីឆ្លើយតបទៅនឹងតម្រូវការសុខាភិបាលរបស់ប្រជាពលរដ្ឋឱ្យកាន់តែមានគុណភាព សុវត្ថិភាព និងទាន់ពេលវេលា។

#មន្ទីរពេទ្យមិត្តភាពកម្ពុជាចិនព្រះកុសុមៈ
#មន្ទីរពេទ្យបង្អែកខេត្តព្រៃវែង
#មន្ទីរពេទ្យបង្អែកខេត្តកំពង់ឆ្នាំង
#ក្រសួងសុខាភិបាល

🎊 អបអរសាទរខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ 🎉🥰

កាកបាទក្រហមមានគោលការណ៍ជាមូលដ្ឋានមាន ៧ចំណុចគឺ ៖ ភាពមនុស្សធម៌ ភាពមិនលម្អៀង អព្យាក្រឹតភាព ឯករាជ្យភាព ការបម្រើដោយស្ម័គ្រចិត្ត ឯកភាព និងសកលភាព។

#យុវជនស្ម័គ្រចិត្ត
#កាកបាទក្រហមកម្ពុជា

អបអរសាទរ ព្រះរាជពិធីបុណ្យច្រត់ព្រះនង្គ័ល ថ្ងៃអង្គារ ៤រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹង ថ្ងៃទី៥ ខែឧសភា ឆ្នាំ២០២៦
ព្រះរាជពិធីច្រត់ព្រះនង្គ័ល គឺត្រូវបានប្រារព្ធឡេីងជារៀងរាល់ឆ្នាំ ក្នុងគោលបំណងផ្សងមើលប្រផ្នូលរបស់ស្រុកទេស ទៅតាមការបរិភោគរបស់ គោឧសភរាជ។ ព្រះរាជពិធីបុណ្យនេះ ក៏ជាការដាស់តឿនក្រើនរម្លឹក ដល់ប្រជាពលរដ្ឋខ្មែរត្រៀមខ្លួនចំពោះរដូវធ្វើស្រែចម្ការ ដែលផលិតផលកសិកម្មទាំងនោះជាវត្ថុធាតុដេីមសម្រាប់ផ្គត់ផ្គង់ដល់ភ្ញៀវទេសចរជាតិ និងអន្តរជាតិ ស្របតាមកម្មវត្ថុ ការនាំចេញនៅនឹងកន្លែង។


#ព្រះរាជពិធីបុណ្យច្រត់ព្រះនង្គ័ល