ក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ - ECOSOCC

នៅថ្ងៃពុធ ៦កើត ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៦ ខែវិច្ឆិកា ឆ្នាំ២០២៥ វេលាម៉ោង ៩:០០នាទីព្រឹក បន្ទប់ប្រជុំ ២០៤ (អគារមិត្តភាព) នៃទីស្តីការគណៈរដ្ឋមន្រ្តី មានកិច្ចប្រជុំផ្ទៃក្នុងដើម្បីបន្តពិនិត្យនិងពិភាក្សាលើ សេចក្ដីព្រាងផែនការសកម្មភាពជាតិស្តីពីការទប់ស្កាត់អំពើហិង្សាលើស្រ្តីឆ្នាំ២០២៥-២០៣០ ដឹកនាំដោយ ឯកឧត្តម ញឹម បូង៉ាន ទីប្រឹក្សាជាន់ខ្ពស់ ក.ស.វ. តំណាង ឯកឧត្តម ចែម ផល្លា អនុប្រធានក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ ព្រមទាំងមានការអញ្ជើញចូលរួមពីសំណាក់ សមាជិកអចិន្ត្រៃយ៍ និងក្រុមសេនាធិការទី៣។

នៅព្រឹកថ្ងៃអង្គារ ៥កើត ខែមិគសិរ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៥ ខែវិច្ឆិកា ឆ្នាំ២០២៥ វេលាម៉ោង ០៨:៣០នាទី បន្ទប់ប្រជុំ សាលD ជាន់ទី៣ (អគារមិត្តភាព) នៃទីស្តីការគណៈរដ្ឋមន្រ្តី មានកិច្ចប្រជុំ ស្តីពីការវិភាគស្ថានភាពសេដ្ឋកិច្ច សង្គមកិច្ច វប្បធម៌ និងបរិស្ថាន ប្រចាំ៩ខែ ឆ្នាំ២០២៥ ក្រោមអធិបតីភាពដ៏ខ្ពង់ខ្ពស់ឯកឧត្តមទេសរដ្ឋមន្រ្តី ឆែម គាតរិទ្ធី ប្រធានក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ ព្រមទាំងមានការអញ្ជើញចូលរួមពីសំណាក់ឯកឧត្តម លោកជំទាវ លោក លោកស្រី ជាអនុប្រធាន សមាជិក សមាជិកាអចិន្ត្រៃយ សមាជិក សមាជិកាមិនអចិន្ត្រៃយ៍ ទីប្រឹក្សាជាន់ខ្ពស់ ទីប្រឹក្សាបច្ចេកទេស អគ្គលេខាធិការ អគ្គលេខាធិការរង ប្រធានផ្នែកនៃក.ស.វ. អគ្គនាយកនៃទីស្តីការគណៈរដ្ឋមន្ត្រីមួយចំនួននិងតំណាងក្រសួង-ស្ថាប័ននានា។