អគ្គនាយកដ្ឋានព័ត៌មាន និងសោតទស្សន៍

នៅព្រឹកថ្ងៃទី៣ ខែមិថុនា ឆ្នាំ២០២៦ ឯកឧត្តម ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម Shaharuddin bin Onn ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសម៉ាឡេស៊ី ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ នៅទីស្តីការក្រសួង។

ក្នុងឱកាសនោះ ឯកឧត្តមឧបនាយករដ្ឋមន្ត្រី បានថ្លែងអំណរគុណម៉ាឡេស៊ីយ៉ាងជ្រាលជ្រៅចំពោះកិច្ចខិតខំប្រឹងប្រែងក្នុងការសម្របសម្រួលស្វែងរកដំណោះស្រាយបញ្ហាព្រំដែនកម្ពុជា-ថៃ ក្នុងនាមជាប្រធានអាស៊ាននាពេលកន្លងមក។

ឯកឧត្តមឯកអគ្គរដ្ឋទូតម៉ាឡេស៊ី បានសម្តែងការនូវអំណរអរគុណចំពោះឯកឧត្តមឧបនាយករដ្ឋមន្រ្តី និងសហការីនៃក្រសួងការបរទេស និងសហប្រតិបត្តិការអន្តរជាតិ ទាំងអស់ដែលបានផ្តល់កិច្ចសហការយ៉ាងជិតស្និទ្ធ និងគាំទ្រដល់ស្ថានទូតម៉ាឡេស៊ី ក្នុងការបំពេញបេសកកម្មរបស់ខ្លួនក្នុងប្រទេសកម្ពុជា។

On the morning of 3 June 2026, His Excellency PRAK Sokhonn, Deputy Prime Minister and Minister of Foreign Affairs and International Cooperation of the Kingdom of Cambodia, received a courtesy call from His Excellency Shaharuddin bin Onn, Ambassador Extraordinary and Plenipotentiary of Malaysia to the Kingdom of Cambodia, at the Ministry.

During the meeting, His Excellency​​ the Deputy Prime Minister expressed his sincere appreciation to Malaysia, in its capacity as Chair of ASEAN, for its efforts in facilitating finding a solution to the Cambodia-Thailand border dispute.

His Excellency the Ambassador conveyed his gratitude to His Excellency the Deputy Prime Minister and officials of the Ministry of Foreign Affairs and International Cooperation for their close cooperation and support to the Embassy of Malaysia in carrying out its mission in Cambodia.

អនុក្រឹត្យ​ ស្ដីពីសេវាអត្តសញ្ញាណកម្ម ដែលមិនតម្រូវឱ្យបង់កម្រៃសេវា​ និងតម្រូវឱ្យបង់កម្រៃសេវា

ក្រសួងមហាផ្ទៃ ប្រកាសប្រឡងប្រជែងជ្រើសរើសក្របខណ្ឌមន្រ្តីនគរបាលជាតិ បំពេញបន្ថែមឱ្យចូលបម្រើការងារនៅវរសេនាតូចនគរបាលការពារព្រំដែនគោក និងវរសេនាតូចនគរបាលអន្តរាគមន៍ ចំណុះនាយកដ្ឋាននគរបាលការពារព្រំដែនគោក នៃអគ្គស្នងការដ្ឋាននគរបាលជាតិ

នៅព្រឹកថ្ងៃទី០៣ ខែមិថុនា ឆ្នាំ២០២៦ ឯកឧត្តម គង់ ភោគ រដ្ឋលេខាធិការ និងជាឧត្តមមន្ត្រីអាស៊ានរបស់កម្ពុជា បានជួបពិភាក្សាទ្វេភាគីជាមួយ ឯកឧត្តម Michael George DeSombre ឧបការីរដ្ឋមន្ត្រីការបរទេសទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក និងជាឧត្តមមន្ត្រីសហរដ្ឋអាម៉េរិក នាឱកាសនៃកិច្ចប្រជុំឧត្តមមន្ត្រីអាស៊ាន-សហរដ្ឋអាម៉េរិក លើកទី៣៨ នៅទីក្រុងហ្សាការតា ប្រទេសឥណ្ឌូនេស៊ី។

នៅក្នុងជំនួបនេះ ភាគីទាំងពីរបានពិភាក្សាអំពីវិស័យកិច្ចសហប្រតិបត្តិការដែលជាអាទិភាព និងយុទ្ធសាស្ត្រក្រោមក្របខណ្ឌភាពជាដៃគូយុទ្ធសាស្ត្រគ្រប់ជ្រុងជ្រោយអាស៊ាន-សហរដ្ឋអាម៉េរិក និងការអបអរខួបលើកទី៥០ នៃទំនាក់ទំនងដៃគូសន្ទនាអាស៊ាន-សហរដ្ឋអាម៉េរិក នៅឆ្នាំ២០២៧។ ភាគីទាំងពីរក៏បានពិភាក្សាអំពីការពង្រឹងកិច្ចសហប្រតិបត្តិការទ្វេភាគី ​និងផ្លាស់ប្តូរទស្សនៈជុំវិញបញ្ហាតំបន់ និងអន្តរជាតិដែលជាកង្វល់រួមផងដែរ។

On the morning of 3 June 2026, H.E. Kung Phoak, Secretary of State and ASEAN SOM Leader of Cambodia, held a bilateral meeting with H.E. Michael George DeSombre, Assistant Secretary of State for East Asian and Pacific Affairs and SOM Leader of the United States, on the sidelines of the 38th ASEAN-U.S. Dialogue in Jakarta, Indonesia.

During the Meeting, both sides discussed priority and strategic cooperation areas under the ASEAN-U.S. Comprehensive Strategic Partnership, as well as the commemoration of the 50th Anniversary of ASEAN-U.S. Dialogue Relations in 2027. Both sides also discussed the strengthening of bilateral cooperation and exchanged views on regional and international issues of common concern.

ឯកឧត្តមសន្តិបណ្ឌិត ឆៃ ស៊ីណារិទ្ធ ទេសរដ្ឋមន្រ្តីទទួលបន្ទុកបេសកកម្មពិសេស បានទទួលជួបសម្តែងការគួរសម និងពិភាក្សាការងារ ជាមួយឯកឧត្តម ឯកអគ្គរដ្ឋទូតកូរ៉េ ប្រចាំព្រះរាជាណាចក្រកម្ពុជា

នៅព្រឹកថ្ងៃទី៣ ខែមិថុនា ឆ្នាំ២០២៦ ឯកឧត្តមសន្តិបណ្ឌិត ឆៃ ស៊ីណារិទ្ធ ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានលេខាធិការដ្ឋានគណៈកម្មការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.) បានអនុញ្ញាតឱ្យ ឯកឧត្តម Kim Chang Yong ឯកអគ្គរដ្ឋទូតនៃសាធារណរដ្ឋកូរ៉េប្រចាំកម្ពុជា ចូលជួបសម្តែងការគួរសម និងពិភាក្សាការងារ។

ក្នុងជំនួបនោះ ឯកឧត្តមសន្តិបណ្ឌិត បានវាយតម្លៃខ្ពស់ចំពោះកិច្ចសហប្រតិបត្តិការរវាងប្រទេសកម្ពុជា និងសាធារណរដ្ឋកូរ៉េ លើគ្រប់វិស័យ ចាប់តាំងពីការភ្ជាប់ទំនាក់ទំនងការទូតឡើងវិញរវាងប្រទេសទាំងពីរ រយៈពេលជិត៣០ឆ្នាំ។ ទន្ទឹមនេះដែរ កិច្ចសហប្រតិបត្តិការក្នុងវិស័យសន្តិសុខ និងការប្រយុទ្ធប្រឆាំងឧក្រិដ្ឋកម្មឆ្លងដែន រួមទាំងឧក្រិដ្ឋកម្មឆបោកតាមប្រព័ន្ធបច្ចេកវិទ្យាទទួលបានលទ្ធផលផ្លែផ្កា ជាបន្តបន្ទាប់។ ឯកឧត្តមសន្តិបណ្ឌិតបានគូសបញ្ជាក់ថា រាជរដ្ឋាភិបាលកម្ពុជា មានឆន្ទៈនយោបាយ និងការប្តេជ្ញាចិត្ត ម៉ឺងម៉ាត់ក្នុងការដាក់ចេញនូវវិធានការបង្ក្រាប និងបោសសម្អាតក្រុមបណ្តាញចាត់តាំងឧក្រិដ្ឋជនឆបោកតាមប្រព័ន្ធបច្ចេកវិទ្យា ដោយអនុលោមតាមច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា។ ឯកឧត្តមសន្តិបណ្ឌិត បានរំលេចអំពីលទ្ធផលស្នាដៃជាច្រើនរបស់អាជ្ញាធរមានសមត្ថកិច្ចកម្ពុជា ក្រោមការសម្របសម្រួល និងជំរុញពី គ.ប.ឆ.ប. ដែលដឹកនាំផ្ទាល់ដោយសម្តេចធិបតី នាយករដ្ឋមន្ត្រី និងដែលសម្រេចបានកន្លងមក លើការងារបោសសម្អាតបទល្មើសឆបោកតាមប្រព័ន្ធបច្ចេកវិទ្យា។ ឯកឧត្តមសន្តិបណ្ឌិតបានជម្រាបជូនថា កម្ពុជានឹងធ្វើជាម្ចាស់ផ្ទះរៀបចំសន្និសីទអន្តរជាតិស្តីពី ការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា នាពេលខាងមុខ និងអញ្ជើញបណ្តាប្រទេស និងអង្គការអន្តរជាតិនានា ចូលរួម ផ្លាស់ប្តូរ និងចែករំលែកបទពិសោធន៍។

ជាកិច្ចឆ្លើយតប ឯកឧត្តម ឯកអគ្គរដ្ឋទូត បានថ្លែងអំណរគុណដល់រាជរដ្ឋាភិបាល ក៏ដូចជាសមត្ថកិច្ចកម្ពុជា ដែលបានផ្តល់កិច្ចសហការល្អលើការងារប្រយុទ្ធប្រឆាំងឧក្រិដ្ឋកម្មឆ្លងដែន រួមទាំង បទល្មើសឆបោកតាមប្រព័ន្ធបច្ចេកវិទ្យា តាមរយៈក្រុមការងាររួមកម្ពុជា-កូរ៉េ។ ឯកឧត្តម ឯកអគ្គរដ្ឋទូត បានបង្ហាញការពេញចិត្ត និងការកោតសរសើរចំពោះកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការបោសសម្អាតបទល្មើសឆបោកតាមប្រព័ន្ធបច្ចេកវិទ្យាដែលស្តែងចេញតាមលទ្ធផលបង្រ្កាបជាក់ស្តែង និងការប្រកាសដាក់ឱ្យប្រើប្រាស់នូវច្បាប់ស្តីពី ការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា។ ឯកឧត្តម បានកត់សម្គាល់ថា ប្រតិបត្តិការបោសសម្អាតការឆបោកតាមប្រព័ន្ធបច្ចេកវិទ្យារបស់ កម្ពុជាអាចធ្វើ ជាគំរូ សម្រាប់ប្រទេសដទៃទៀត ។ ឯកឧត្តម បានទទួលស្គាល់ថា ការឆបោកតាមប្រព័ន្ធបច្ចេកវិទ្យាជាប្រភេទឧក្រិដ្ឋកម្មឆ្លងដែន ដែលតម្រូវឱ្យមានកិច្ចសហប្រតិបត្តិការអន្តរជាតិ ។ ឯកឧត្តម ក៏បានកោតសរសើរ សមត្ថកិច្ច និងតុលាការកម្ពុជា ដែលបានផ្តល់យុត្តិធម៌ដល់និស្សិតរងគ្រោះកូរ៉េ ដោយបានដាក់ទោសធ្ងន់ធ្ងរចំពោះឧក្រិដ្ឋជន ដោយចំណាត់ការនេះទទួលបានការសាទរយ៉ាងខ្លាំងពីពលរដ្ឋកូរ៉េ ។ ឯកឧត្តម មានជំនឿជឿជាក់លើការប្តេជ្ញាចិត្ត របស់កម្ពុជា ក្នុងការបន្តបោសសម្អាតបទល្មើសឆបោកតាមប្រព័ន្ធបច្ចេកវិទ្យាប្រកបដោយប្រសិទ្ធភាព និងគូសបញ្ជាក់ចំណាប់អារម្មណ៍ចូលរួមរបស់ ភាគី កូរ៉េ ចំពោះសន្និសីទអន្តរជាតិ ដែលកម្ពុជានឹងធ្វើជាម្ចាស់ផ្ទះរៀបចំ នាពេលខាងមុខនេះ។

មុននឹងបញ្ចប់ ភាគីទាំងពីរបានពិភាក្សា និងផ្លាស់ប្តូរទស្សនៈពាក់ព័ន្ធបច្ចុប្បន្នភាព ក៏ដូចជាជំហានបន្ទាប់ក្នុងកិច្ចសហប្រតិបត្តិការប្រយុទ្ធប្រឆាំងឧក្រិដ្ឋកម្មតាមប្រព័ន្ធបច្ចេកវិទ្យា ការផ្លាស់ប្តូរព័ត៌មាន និងការរួមសហការលើការងារបណ្តុះបណ្តាល និងកសាងសមត្ថភាពដល់មន្រ្តីអនុវត្តច្បាប់៕

ប្រភព៖លេខាធិការដ្ឋានគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.)

ឯកឧត្តម ប្រាក់ ដាវីដ ៖ វេទិកា និងពិព័រណ៍កសិកម្មកម្ពុជា (CAFE26) គឺជាព្រឹត្តិការណ៍កសិកម្មដ៏ធំបំផុតលើកទី២ ក្នុងគោលដៅលើកកម្ពស់​ពាណិជ្ជកម្ម ទាក់ទាញការវិនិយោគ ជំរុញការច្នៃប្រឌិត និងការកែច្នៃ​កសិផល ក្នុងវិស័យកសិស្បៀងអាហារនៅកម្ពុជា

នៅថ្ងៃទី២ ខែមិថុនា ឆ្នាំ២០២៦ ឯកឧត្តម ប្រាក់ ដាវីដ រដ្ឋលេខាធិការ​ក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំកិច្ច​ប្រជុំ​ពិភាក្សារៀបចំកម្មវិធី «ផ្សព្វផ្សាយវេទិកា និងពិព័រណ៍កសិកម្មកម្ពុជា (CAFE26)» ដោយមានការចូលរួមពី អង្គការស្បៀង និងកសិកម្មនៃ​សហ​ប្រជាជាតិប្រចាំកម្ពុជា(FAO) អង្គការសង្គមស៊ីវិល តំណាងក្រុម​ហ៊ុន​ឯកជន ដៃគូអភិវឌ្ឍន៍ និងអ្នកពាក់ព័ន្ធប្រមាណជិត១០០នាក់ នៅទីស្តីការក្រសួងកសិកម្ម រុក្ខាប្រមាញ់ និងនេសាទ។

ឯកឧត្តមរដ្ឋលេខាធិការ បានគូសបញ្ជាក់ថា កិច្ចប្រជុំនេះរៀបចំឡើង​ក្នុងគោលបំណង ផ្សព្វផ្សាយវេទិកា និងពិព័រណ៍កសិកម្មកម្ពុជា (CAFE26) ដែលនឹងផ្តល់ឱកាសឱ្យអ្នកចូលរួម

ញត្តិគាំទ្រ របស់គណៈកម្មាធិការបក្សមូលដ្ឋាន អគ្គនាយកដ្ឋានព័ត៌មាន និងសោតទស្សន៍ចំពោះចំណាត់ការរបស់រាជរដ្ឋាភិបាលកម្ពុជា ក្នុងការដោះស្រាយបញ្ហាការទាមទារ ដែនសមុទ្រ ដោយសន្តិវិធី និងស្របតាមច្បាប់អន្តរជាតិ

សេចក្ដីប្រកាសព័ត៌មាន ស្ដីពីស្ថានភាពពលរដ្ឋភៀសសឹក និងផលប៉ះពាល់លើតំបន់ស៊ីវិល គិតត្រឹមព្រឹកថ្ងៃទី៣ ខែមិថុនា ឆ្នាំ២០២៦

Press Release on the Situation of Displaced Persons and Impact on Civilian Areas as of the Morning of 3 June 2026

ញត្តិគាំទ្រ របស់ថ្នាក់ដឹកនាំ និងមន្ត្រីរាជការទាំងអស់ នៃក្រសួងសេដ្ឋកិច្ច និងហិរញ្ញវត្ថុ និងឧត្តមក្រុមប្រឹក្សាសេដ្ឋកិច្ចជាតិ សូមប្រកាសគាំទ្រយ៉ាងពេញទំហឹងចំពោះសេចក្តីថ្លែងការណ៍របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ផ្ញើជូនជនរួមជាតិ នាថ្ងៃទី២ ខែមិថុនា ឆ្នាំ២០២៦ ស្តីពីការសម្រេចចិត្តរបស់រាជរដ្ឋាភិបាលពាក់ព័ន្ធនឹងការទាមទារដែនសមុទ្រត្រួតគ្នា (Overlapping Claims Area- OCA) រវាងកម្ពុជា-ថៃ