គណបក្សប្រជាធិបតេយ្យមូលដ្ឋាន ខេត្តស្វាយរៀង

៣២ ឆ្នាំក្រោយពីរដ្ឋធម្មនុញ្ញនៃព្រះរាជាណាចក្រកម្ពុជា ត្រូវបានអនុម័ត, វិស័យកសិកម្មនៅតែមានបញ្ហា ហើយបញ្ហាកើតឡើងនោះដដែលៗ។ (មាត្រា៥៦, ៦០, ៦១, ៦២, ៦៣)

ថ្ងៃទី០២ ខែវិច្ឆិកា ឆ្នាំ២០២៥ - សេចក្តីអំពាវនាវ ទៅកាន់រាជរដ្ឋាភិបាលកម្ពុជា ស្តីអំពី «អន្តរាគមន៍បន្ទាន់លើតម្លៃស្រូវក្នុងរដូវប្រមូលផល» ដោយគណបក្សប្រជាធិបតេយ្យមូលដ្ឋាន។

#គណបក្សប្រជាធិបតេយ្យមូលដ្ឋាន

#គបម
#កម្ពុជា

#សមាជវិសមញ្ញ

ថ្ងៃអាទិត្យ ៥កើត ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៦ ខែតុលា ឆ្នាំ២០២៥​ គណបក្សប្រជាធិបតេយ្យមូលដ្ឋាន បានរៀបចំសមាជវិសមញ្ញរបស់ខ្លួនក្នុងគោលបំណងធ្វេីវិសោធនកម្មលក្ខន្តិកៈគណបក្ស៣ប្រការ ដើម្បីសម្រួលដល់ការងារប្រតុបត្តិនាពេលអនាគត។

អង្គសមាជវិសាមញ្ញនពមានការចូលរួមពីប្រជាពលរដ្ឋ​ តំណាងគណបក្សក្រៅរដ្ឋាភិបាល​ និងអ្នកសារព័ត៌មាន និងបានប្រព្រឹត្តទៅជាទីពេញចិត្ត។

ស្ថិតនៅភូមិវាលថ្នល់ ឃុំសាគ្រាម ស្រុកប្រាសាទបល្ល័ង្ក ខេត្តកំពង់ធំ។

#សាមគ្គីភាព #យុត្តិធម៌ #អហិង្សា ( #សេរីភាព #សុចរិតភាព)

បុគ្គលណាក៏ដោយតែងតែធ្លាប់បានសាងនូវគុណសម្បត្តិ និងកំហុសឆ្គង ហើយសូម្បីតែទេវតា ឬព្រះ ក៏មានខុសដែរ។ ដូច្នេះយើងមិនចាំបាច់ខ្លាចកំហុសឆ្គងខ្លាំងពេកទេ សំខាន់ឱ្យតែកិច្ចការដែលយើងធ្វើនោះមានគោលដៅច្បាស់លាស់ និងនាំទៅរកការអភិវឌ្ឍរីកចម្រើន។

អ្នកឧកញ៉ា វេជ្ជបណ្ឌិត គួច ម៉េងលី
https://www.mjqquote.com/quotes/11622
mjqquote.com

សារលិខិតអបអរសាទរ - ក្នុងឱកាសដ៏មហានក្ខត្តឫក្ស នៃព្រះរាជពិធីគ្រងព្រះបរមរាជសម្បត្តិ គម្រប់ខួបលើកទី២១ របស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា តាំងនាមថ្នាក់ដឹកនាំ សមាជិក សមាជិកា និងអ្នកគាំទ្រគណបក្សប្រជាធិបតេយ្យមូលដ្ឋាន ទូទាំងប្រទេស យើងខ្ញុំសូមព្រះបរមរាជានុញ្ញាត ក្រាបបង្គំទូលថ្វាយនូវអំណរសាទរដ៏ស្មោះស្ម័គ្របំផុត។

រជ្ជកាលរបស់ព្រះករុណាថ្លៃវិសេស បានបន្តជាម្លប់ដ៏ត្រជាក់ត្រជុំនៃ ឯកភាពជាតិ និងជាបង្គោលដ៏រឹងមាំនៃ របបរាជាធិបតេយ្យ អាស្រ័យរដ្ឋធម្មនុញ្ញ។ ព្រះរាជវត្តមានរបស់ព្រះអង្គ គឺជានិមិត្តរូបនៃការបង្រួបបង្រួមជាតិ និងស្ថិរភាព ដែលប្រជារាស្ត្រខ្មែរគ្រប់និន្នាការគោរពស្រឡាញ់។

យើងខ្ញុំសូមលើកហត្ថប្រណម្យ បួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិក្នុងលោក សូមប្រោសប្រទានព្រះពរជ័យមង្គល បវរសួស្តី សិរីមង្គល វិបុលសុខ មហាប្រសើរ ថ្វាយចំពោះ ព្រះករុណាជាអម្ចាស់ជីវិតតម្កល់លើត្បូង សូមព្រះអង្គមានព្រះរាជសុខភាពល្អបរិបូរណ៍ ព្រះជន្មាយុយឺនយូរ ព្រះបញ្ញាញាណភ្លឺថ្លា ដើម្បីគង់ប្រថាប់ជាម្លប់ដ៏សុខសាន្តសម្រាប់ប្រជារាស្ត្រខ្មែរ ជានិច្ចនិរន្តរ៍តរៀងទៅ។

សូមព្រះរាជាណាចក្រកម្ពុជា ស្ថិតស្ថេរក្រោមម្លប់នៃឯកភាពជាតិ និងនីតិរដ្ឋ!

#គណបក្សប្រជាធិបតេយ្យមូលដ្ឋាន

#គបម
#កម្ពុជា

គណបក្សប្រជាធិបតេយ្យមូលដ្ឋាន បានរៀបចំសមាជវិសាមញ្ញ ថ្នាក់ជាតិ នៅថ្ងៃទី២៦ ខែតុលា ឆ្នាំ២០២៥ ស្ថិតក្នុងឃុំសាគ្រាម ស្រុកប្រសាទបល័្លង្ក ខេត្តកំពង់ធំ។ កម្មវិធីនេះមានប្រតិភូចូលរួមប្រមាណ ៥០០ នាក់ ដែលជាតំណាងសមាជិកមកពីថ្នាក់ក្រោមជាតិ សមាជិកជំហរ និងសមាជិកគណៈកម្មាធិការថ្នាក់ជាតិទាំងបីស្ថាប័ន ព្រមទាំងមានភ្ញៀវកិត្តិយសដែលជាតំណាងមកពីគណបក្សនយោបាយចំនួនប្រាំចូលរួមជាអ្នកសង្កេតការណ៍។

ជាលទ្ធផល សមាជបានសម្រេចគាំទ្រសេចក្តីស្នើវិសោធនកម្មលក្ខន្និកៈគណបក្ស ដូចការគ្រោងទុក។ គណបក្សប្រជាធិបតេយ្យមូលដ្ឋាន បន្តប្តេជ្ញាចិត្តបំពេញបេសកកម្មបណ្តុះអ្នកដឹកនាំល្អ និងកសាងមូលដ្ឋានគ្រឹះប្រជាធិបតេយ្យទូទាំងប្រទេសកម្ពុជា។

គណបក្សប្រជាធិបតេយ្យមូលដ្ឋាន សូមថ្លែងអំណរគុណដល់ថ្នាក់ដឹកនាំ និងសមាជិកគណបក្សគ្រប់ជាន់ថ្នាក់ ដែលបានចូលរួមចំណែកឲ្យព្រឹត្តិការណ៍នៃការរៀបចំសមាជនេះ ប្រព្រឹត្តទៅប្រកបដោយភាតរភាពរួមចំណែកលើកកម្ពស់គុណតម្លៃប្រជាធិបតេយ្យ៕

#គណបក្សប្រជាធិបតេយ្យមូលដ្ឋាន

#គបម
#កម្ពុជា

គណបក្សប្រជាធិបតេយ្យមូលដ្ឋាន សូមក្រាបបង្គំរំឭកខួបគម្រប់ ១៣ឆ្នាំ នៃការយាងសោយព្រះទិវង្គតរបស់ ព្រះករុណា ព្រះវររាជបិតាជាតិខ្មែរ ព្រះបរមរតនកោដ្ឋ។

ប្រជារាស្ត្រខ្មែរគ្រប់រូប ចងចាំជានិច្ចនូវ គំរូវីរភាព និងព្រះរាជបូជនីយកិច្ចរបស់ព្រះអង្គចំពោះជាតិមាតុភូមិ។

សូមព្រះវិញ្ញាណក្ខន្ធរបស់ព្រះអង្គ ទ្រង់យាងសោយសុខក្នុងព្រះបរមសុគតិភពជានិច្ចនិរន្តរ៍។

អបអរសាទរ #ទិវាគ្រូបង្រៀន! ទស្សនៈមួយលើកឡើងថា៖ «ការវិនិយោគលើគ្រូបង្រៀន គឺជាការវិនិយោគសម្រាប់អនាគតរបស់ជាតិយើង»។

នៅក្នុងឱកាសនេះ ការពិភាក្សាអំពីបញ្ហា និងដំណោះស្រាយ សំដៅពង្រឹងគុណភាពគ្រូបង្រៀន គឺមានភាពចាំបាច់បំផុតសម្រាប់អនាគតនៃវិស័យអប់រំនៅកម្ពុជា។ គ្រូបង្រៀន ជាអ្នកត្រួសត្រាយផ្លូវ និងជាអ្នកមានឥទ្ធិពលដោយផ្ទាល់ ទៅលើធនធានមនុស្សរបស់ជាតិ។

តើអ្វីជាបញ្ហាអាទិភាព និងសំណើដំណោះស្រាយដែលលោកអ្នកមានក្នុងប្រធានបទនេះ?

#គណបក្សប្រជាធិបតេយ្យមូលដ្ឋាន

#គបម
#កម្ពុជា

សេចក្តីថ្លែងការណ៍របស់គណបក្សប្រជាធិបតេយ្យមូលដ្ឋានស្ដីពី «ការថ្កោលទោសអំពើរំលោភបំពានរបស់ទាហានថៃលើកិច្ចព្រមព្រៀងបទឈប់បាញ់»

#គណបក្សប្រជាធិបតេយ្យមូលដ្ឋាន #គបម
#កម្ពុជា