KH Empire

ប្រមុខរដ្ឋស្តីទី សម្តេចតេជោ ហ៊ុន សែន នៅថ្ងៃទី២៥ ខែឧសភា ឆ្នាំ២០២៦នេះ បានចេញព្រះរាជក្រឹត្យលើកលែងទោសឲ្យលោក កឹម សុខា ដែលត្រូវបានតុលាការសម្រេចផ្តន្ទាទោសដាក់ពន្ធនាគារកំណត់២៧ឆ្នាំ !

ការលើកលែងទោសនេះអនុវត្តចំពោះតែទោសដាក់ពន្ធនាគារដែលជាមូលទោសប៉ុណ្ណោះ៕

ការពង្រឹងមូលដ្ឋានជាយុទ្ធសាស្ត្រស្នូល! ឯកឧត្តម ង៉ូវ បូរីណា ដឹកនាំកិច្ចប្រជុំដាក់ចេញទិសដៅថ្មី ដើម្បីពង្រីកនិងកសាងកម្លាំងយុវជនគណបក្សឱ្យកាន់តែរឹងមាំនៅស្រុកអូររាំងឪ

(ត្បូងឃ្មុំ)៖ «ការពង្រឹង និងកសាងកម្លាំងនៅថ្នាក់មូលដ្ឋានជាប្រចាំ គឺជាយុទ្ធសាស្ត្រស្នូលឆ្ពោះទៅរកភាពជោគជ័យ»។ នេះជាការគូសបញ្ជាក់យ៉ាងច្បាស់របស់ ឯកឧត្ដម ង៉ូវ បូរីណា ប្រធានយុវជនគណបក្សក្រសួងបរិស្ថាន និងជាអនុប្រធានទី២ ក្រុមការងារគណបក្សចុះមូលដ្ឋានស្រុកអូររាំងឪ ក្នុងឱកាសដែលឯកឧត្តមបានអញ្ជើញដឹកនាំកិច្ចប្រជុំដ៏សំខាន់មួយ ដើម្បីដាក់ចេញនូវទិសដៅថ្មី និងបន្តផែនការសកម្មភាពក្នុងការកសាងកម្លាំងបន្ថែមនៅថ្នាក់មូលដ្ឋាន នាថ្ងៃទី២៤ ខែឧសភា ឆ្នាំ២០២៦ នេះ នៅទីស្នាក់ការគណបក្សស្រុកអូររាំងឪ ខេត្តត្បូងឃ្មុំ។

កិច្ចប្រជុំដ៏មានសារៈសំខាន់នេះ ក៏មានការអញ្ជើញចូលរួមពីសំណាក់ ឯកឧត្តម លោកជំទាវ អនុប្រធានក្រុមការងារ សមាជិកសមាជិកាក្រុមការងារចុះមូលដ្ឋានស្រុក ឃុំ ព្រមទាំងថ្នាក់ដឹកនាំនិងសមាជិក-សមាជិកាយុវជនគណបក្សយ៉ាងច្រើនកុះករ ក្រោមស្មារតីឆ្លុះបញ្ចាំងពីការប្តេជ្ញាចិត្តខ្ពស់ ក្នុងការបន្តផែនការសកម្មភាពពង្រីកកម្លាំងឱ្យកាន់តែមានចលនាសកម្ម និងមានប្រសិទ្ធភាពខ្ពស់។

មានប្រសាសន៍ដឹកនាំក្នុងកិច្ចប្រជុំនោះ ឯកឧត្ដម ង៉ូវ បូរីណា បានពាំនាំនូវការសាកសួរសុខទុក្ខ និងការណែនាំដ៏ខ្ពង់ខ្ពស់ពីសំណាក់ ឯកឧត្ដមបណ្ឌិត អ៊ាង សុផល្លែត ប្រធានក្រុមការងារគណបក្សចុះមូលដ្ឋានស្រុកអូររាំងឪ ដែលជានិច្ចកាលតែងតែយកចិត្តទុកដាក់ខ្ពស់លើការអប់រំ បណ្តុះបណ្តាល និងពង្រឹងសមត្ថភាពកម្លាំងយុវជននៅថ្នាក់មូលដ្ឋាន។ ឯកឧត្តមបានសង្កត់ធ្ងន់ថា ការពង្រឹងនិងពង្រីកកម្លាំងជាប្រចាំ គឺជាកត្តាចាំបាច់បំផុតដើម្បីធានាបាននូវនិរន្តរភាព ស្ថិរភាព និងប្រសិទ្ធភាពនៃការអនុវត្តការងារបម្រើប្រជាពលរដ្ឋ។

តាមរយៈកិច្ចប្រជុំនេះ ថ្នាក់ដឹកនាំ និងសមាជិកទាំងអស់បានរួមគ្នាពិភាក្សាយ៉ាងផុសផុល និងបានសម្រេចដាក់ចេញនូវទិសដៅយុទ្ធសាស្ត្រសំខាន់ៗមួយចំនួន រួមមាន៖
១. បន្តចុះជាប់ជាមួយប្រជាពលរដ្ឋនៅតាមមូលដ្ឋាន ដើម្បីក្តាប់ឱ្យជាប់នូវរាល់តម្រូវការ និងបញ្ហាប្រឈមនានា។
២. ជំរុញការកសាង និងពង្រីកសមាជិកយុវជនគណបក្សបន្ថែមនៅតាមភូមិ-ឃុំ ឱ្យមានរចនាសម្ព័ន្ធច្បាស់លាស់។
៣. បង្កើនការអប់រំផ្សព្វផ្សាយនូវគោលនយោបាយ និងសមិទ្ធផលនានារបស់គណបក្សប្រជាជនកម្ពុជា ជូនដល់ស្រទាប់យុវវ័យ។

ជាទីបញ្ចប់ ថ្នាក់ដឹកនាំនិងសមាជិកទាំងអស់ បានប្តេជ្ញាចិត្តរួមគ្នាយ៉ាងម៉ឺងម៉ាត់ ក្នុងការជំរុញសកម្មភាពនៅមូលដ្ឋានស្រុកអូររាំងឪ ឱ្យកាន់តែមានភាពរស់រវើក រឹងមាំ និងសាមគ្គីភាពផ្ទៃក្នុងខ្ពស់ ប្រកបដោយស្មារតីទទួលខុសត្រូវ ក្នុងការចូលរួមបម្រើប្រជាជន និងអភិវឌ្ឍសង្គមជាតិ ឱ្យស្របទៅតាមបន្ទាត់នយោបាយដ៏ត្រឹមត្រូវរបស់គណបក្ស។

ឯកឧត្តម ង៉ូវ បូរីណា សមាជិក​យុវជន​គណបក្ស​ថ្នាក់​កណ្ដាល​ បាន​អញ្ជេីញចុះសួរសុខទុក្ខគ្រួសាររងគ្រោះដោយខ្យល់កន្ត្រាក់ ៨គ្រួសារ នៅស្រុកអូររាំងឪ ដោយបង្ហាញពីស្មារតី «ទីណាមានទុក្ខលំបាក ទីនោះមានគណបក្សប្រជាជនកម្ពុជា»

(ត្បូងឃ្មុំ)៖ ឯកឧត្តម ង៉ូវ បូរីណា សមាជិកយុវជនគណបក្សថ្នាក់កណ្ដាល ប្រធានយុវជនគណបក្សក្រសួងបរិស្ថាន និងជាអនុប្រធានទី២ ក្រុមការងារគណបក្សចុះមូលដ្ឋានស្រុកអូររាំងឪ តំណាងដ៏ខ្ពង់ខ្ពស់ ឯកឧត្ដមបណ្ឌិត អ៊ាង សុផល្លែត ប្រធានក្រុមការងារគណបក្សចុះមូលដ្ឋានស្រុកអូររាំងឪ បានអញ្ជើញចុះពិនិត្យស្ថានភាពផ្ទាល់ និងសួរសុខទុក្ខបងប្អូនប្រជាពលរដ្ឋដែលរងគ្រោះដោយសារគ្រោះធម្មជាតិខ្យល់កន្រ្តាក់ បណ្តាលឱ្យខូចខាតផ្ទះសម្បែងកម្រិតធ្ងន់ មធ្យម និងស្រាល ចំនួន ០៨គ្រួសារ ដែលរស់នៅក្នុងឃុំគងជ័យ និងឃុំទួលសូភី (ក្នុងនោះរួមមានឃុំទួលសូភី ចំនួន ០៣គ្រួសារ)។

ក្នុងឱកាសដ៏មានអត្ថន័យនោះ ឯកឧត្តម ង៉ូវ បូរីណា បានពាំនាំនូវការសាកសួរសុខទុក្ខ ព្រមទាំងការគិតគូរខ្វាយខ្វល់យ៉ាងខ្លាំងពីសំណាក់ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា សម្តេចធិបតី ហ៊ុន ម៉ាណែត អនុប្រធានគណបក្ស និងជាសម្តេចនាយករដ្ឋមន្ត្រី និងជាពិសេសពីសំណាក់ ឯកឧត្ដមបណ្ឌិត អ៊ាង សុផល្លែត ជូនចំពោះគ្រួសាររងគ្រោះទាំងអស់។

ឯកឧត្តម បានគូសបញ្ជាក់ថា ក្រោមការដឹកនាំរបស់គណបក្សប្រជាជនកម្ពុជា គឺតែងតែប្រកាន់ខ្ជាប់នូវវប្បធម៌ចែករំលែក និងគិតគូរពីសុខទុក្ខរបស់ប្រជាពលរដ្ឋជាចម្បង ដោយមិនទុកឱ្យប្រជាពលរដ្ឋណាម្នាក់រងគ្រោះ ឬដាច់បាយដោយមិនបានដឹង និងមិនបានជួយដោះស្រាយនោះឡើយ។ សកម្មភាពចុះជួយសង្គ្រោះបន្ទាន់នាពេលនេះ គឺជារូបភាពស្តែងឱ្យឃើញពីស្មារតី «ទីណាមានទុក្ខលំបាក ទីនោះមានគណបក្សប្រជាជនកម្ពុជា» និងបង្ហាញពីសាមគ្គីភាពយ៉ាងរឹងមាំរវាងក្រុមការងារគណបក្ស និងប្រជាពលរដ្ឋនៅមូលដ្ឋាន។

ដើម្បីជួយសម្រាលការលំបាកចំពោះមុខ ឯកឧត្តម និងក្រុមការងារក៏បាននាំយកនូវគ្រឿងឧបភោគបរិភោគ ព្រមទាំងថវិកាមួយចំនួន ដែលជាអំណោយដ៏ថ្លៃថ្លារបស់ ឯកឧត្ដមបណ្ឌិត អ៊ាង សុផល្លែត និងលោកជំទាវ ឧបត្ថម្ភជូនដល់គ្រួសាររងគ្រោះទាំង ០៨គ្រួសារ ទៅតាមកម្រិតនៃការខូចខាតជាក់ស្តែងរបស់ផ្ទះនីមួយៗ ដើម្បីយកទៅជួសជុលផ្ទះសម្បែង និងលំនឹងជីវភាពឡើងវិញ។

ជាកិច្ចឆ្លើយតប ប្រជាពលរដ្ឋដែលរងគ្រោះទាំង ០៨គ្រួសារ បានសម្តែងនូវក្តីរំភើបរីករាយជាអនេក និងបានថ្លែងអំណរគុណយ៉ាងជ្រាលជ្រៅជាទីបំផុតចំពោះថ្នាក់ដឹកនាំគណបក្សប្រជាជនកម្ពុជាគ្រប់លំដាប់ថ្នាក់ ដែលជានិច្ចកាលតែងតែនៅកៀកកិត និងជួយសង្គ្រោះប្រជាពលរដ្ឋបានទាន់ពេលវេលា ទោះក្នុងកាលៈទេសៈណាក៏ដោយ។

ឯកឧត្តមបណ្ឌិត​ អ៊ាង​ សុផល្លែត​ ទទួលជួបសម្តែងការគួរសម និងពិភាក្សាការងារជាមួយ ឯកឧត្តម Wang Wenbin ឯកអគ្គរដ្ឋទូតនៃសាធារណរដ្ឋប្រជាមានិតចិន​

ភ្នំពេញ​៖​ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានទទួលជួបសម្តែងការគួរសម និងពិភាក្សាការងារជាមួយ ឯកឧត្តម Wang Wenbin ឯកអគ្គរដ្ឋទូតនៃសាធារណរដ្ឋប្រជាមានិតចិន​ ស្ថិតនៅទីស្តីការក្រសួងបរិស្ថាន នាល្ងាចថ្ងៃសុក្រ ៦កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី ២២ ខែឧសភា ឆ្នាំ២០២៦

ជំនួបសម្តែងការគួរសម បានពិភាក្សាលើកិច្ចសហប្រតិបត្តិការដែលជាការរួមបញ្ចូលគ្នារវាងការរៀបចំគោលនយោបាយ ផែនការ ការស្រាវជ្រាវបែបវិទ្យាសាស្ត្រ ការចងក្រងទិន្នន័យ និងការអនុវត្តផ្ទាល់នៅលើដី ដើម្បីធានាបាននូវនិរន្តរភាពនៃប្រព័ន្ធអេកូឡូស៊ីឆ្នេរ និងសមុទ្រកម្ពុជា ក្រោមកិច្ចសហប្រតិបត្តិការអស់រយៈពេលជាង១៣ឆ្នាំ ក្នុងភាពដៃគូជាមួយមជ្ឈមណ្ឌលបច្ចេកវិទ្យាសាគរសាស្រ្តជាតិនៃសាធារណរដ្ឋប្រជាមានិតចិន។

ឯកឧត្ដម ង៉ូវ បូរីណា សមាជិកយុវជនគណបក្សប្រជាជនកម្ពុជាថ្នាក់កណ្ដាល បានអញ្ជើញចូលរួមក្នុងពិធីសំណេះសំណាលជាមួយក្រុមប្រឹក្សាឃុំ សាខាបក្សភូមិ មន្រ្តីគណបក្សទូទាំងស្រុកអូររាំងឪ និងទស្សនកិច្ចកសិដ្ឋានចេក ឈិន ជីនាង

ត្បូងឃ្មុំ ៖ ក្នុងស្មារតីបម្រើប្រជាជន និងពង្រឹងភាពរឹងមាំនៃរចនាសម្ព័ន្ធគណបក្សប្រជាជនកម្ពុជានៅមូលដ្ឋាន នាព្រឹកថ្ងៃទី២០ ខែឧសភា ឆ្នាំ២០២៦ ឯកឧត្ដម ង៉ូវ បូរីណា សមាជិកយុវជគណបក្សថ្នាក់កណ្ដាល ប្រធានយុវជនគណបក្សក្រសួងបរិស្ថាន និងជាអនុប្រធានទី២ក្រុមការងារគណបក្សចុះមូលដ្ឋានស្រុកអូររាំងឪ បានអញ្ជើញចូលរួមក្នុងពិធីសំណេះសំណាលដ៏មានសារៈសំខាន់ជាមួយក្រុមប្រឹក្សាឃុំ សាខាបក្សភូមិ មន្រ្តីគណបក្សទូទាំងស្រុកអូររាំងឪ ក្រោមអធិបតីភាពដ៏ខ្ពង់ខ្ពស់ ឯកឧត្តម វង សូត អនុប្រធានទី១ក្រុមការងារគណបក្សចុះមូលដ្ឋានខេត្តត្បូងឃ្មុំ នៅទីស្នាក់ការគណបក្សស្រុកអូររាំងឪ ខេត្តត្បូងឃ្មុំ។

ក្នុងឱកាសសំណេះសំណាលនោះ ថ្នាក់ដឹកនាំក្រុមការងារបានពាំនាំនូវការសាកសួរសុខទុក្ខយ៉ាងជ្រាលជ្រៅពីសំណាក់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងប្រធានយុវជនគណបក្សថ្នាក់កណ្ដាល ជូនដល់ក្រុមប្រឹក្សាឃុំ សាខាបក្សឃុំ និងបងប្អូន ពុកម៉ែ មាមីង លោកតាលោកយាយប្រជាពលរដ្ឋទាំងអស់ក្នុងស្រុក។ ជំនួបនេះឆ្លុះបញ្ចាំងពីការយកចិត្តទុកដាក់ខ្ពស់របស់គណបក្សប្រជាជនកម្ពុជាក្នុងការក្តាប់ជាប់រាល់វឌ្ឍនភាព និងបញ្ហាប្រឈមនៅមូលដ្ឋាន ដើម្បីធានាថាគោលនយោបាយអភិវឌ្ឍន៍របស់រាជរដ្ឋាភិបាលនីតិកាលទី៧ និងបន្តបន្ទាប់ ត្រូវបានអនុវត្តដោយជោគជ័យ និងឆ្លើយតបចំតម្រូវការជាក់ស្តែងរបស់ពលរដ្ឋឱ្យទាន់ពេលវេលា។

ទន្ទឹមនឹងការចុះពង្រឹងរចនាសម្ព័ន្ធនយោបាយបក្ស ឯកឧត្តមប្រធាន ក៏បានបង្ហាញពីការយកចិត្តទុកដាក់លើវិស័យសេដ្ឋកិច្ចជាក់ស្តែង ដោយបានបន្តដំណើរអញ្ជើញទៅទស្សនកិច្ចដែនដីកសិកម្មនៅកសិដ្ឋានចេក «ឈិន ជីនាង»។

ការចុះពិនិត្យកសិដ្ឋានខ្នាតធំនេះ គឺជាសក្ខីកម្មនៃការជំរុញយុទ្ធសាស្ត្របញ្ចកោណរបស់រាជរដ្ឋាភិបាល ដែលផ្តោតលើការធ្វើទំនើបកម្មកសិកម្ម ការបង្កើតការងារ និងការលើកកម្ពស់ជីវភាពរស់នៅរបស់ប្រជាពលរដ្ឋនៅតាមជនបទ។ តាមរយៈសកម្មភាពនេះ គណបក្សប្រជាជនកម្ពុជាបានបង្ហាញយ៉ាងច្បាស់ថា នយោបាយ និងការអភិវឌ្ឍសេដ្ឋកិច្ចត្រូវដើរទន្ទឹមគ្នា ដើម្បីរក្សាបាននូវស្ថិរភាពសង្គម ភាពរីកចម្រើន និងភាពសុខសាន្តរបស់ប្រជាពលរដ្ឋទូទាំងខេត្តត្បូងឃ្មុំ៕

ឯកឧត្តមបណ្ឌិត​ អ៊ាង សុផល្លែត រដ្ឋមន្ត្រីក្រសួងបរិស្ថាន​ និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តត្បូងឃ្មុំ​ អញ្ជើញជាគណៈសំណេះសំណាលជាមួយអាជ្ញាធរភូមិ ឃុំ ទូទាំងស្រុកអូររាំងឪ និងទស្សនកិច្ចទៅកាន់កសិដ្ឋានចេក ឈិន ជីនាង ក្រោមអធិបតីភាពឯកឧត្តម វង សូត អនុប្រធានទី២រដ្ឋសភា​ នៅព្រឹកថ្ងៃទី២០ ខែឧសភា ឆ្នាំ២០២៦។