ចលនាយុវជនកម្ពុជា ក១៥៧ - សូទ្រនិគម Cambodia Youth Movement 157-Sothnikum

#ស្រុកសូទ្រនិគម
ខេត្តសៀមរាប៖
ថ្ងៃសៅរ៍ ១១រោច ខែកត្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៩ ខែវិចិ្ឆកា ឆ្នាំ២០២២
លោក ញ៉ែម សំណាង អនុប្រធានសមាគមចលនាយុវជនកម្ពុជា(ក្រុម១៥៧)សាខាខេត្តសៀមរាប តំណាងលោក ហ៊ុន ប៉ូគា ប្រធានសមាគមចលនាយុវជនកម្ពុជា (ក្រុម១៥៧)សាខាខេត្តសៀមរាប បានដឹកនាំក្រុមការងារ ថ្នាក់ខេត្តដោយមានការចូលរួមអមដំណើរពីលោក ឈិត ប៊ុនធឿន លេខាធិការង និងជាប្រធានក្រុមជំនួយការ និងលោក ជា ម៉េងហុង ប្រធាន ច.យ.ក (ក្រុម១៥៧) ស្រុកសូទ្រនិគម ព្រមទាំងសមាជិក សមាជិកា សកម្ម បាននាំយកអំណោយជាគ្រឿង ឧបភោគបរិភោគ ចែកជូនគ្រួសារដែលមានជីវភាពខ្វះខាតចំនួន២០គ្រួសារ (ក្នុងនោះមានការចូលរួមពី ច.យ.ក១៥៧​ ស្រុកសូទ្រនិគមចំនួន១០គ្រួសារ)ដែលស្ថិតនៅភូមិកំពង់ឃ្លាំង ឃុំកំពង់ឃ្លាំង ស្រុកសូទ្រនិគម ខេត្តសៀមរាប។

ក្នុងឱកាសនោះ​ ក៏មានការអញ្ជេីញចូលរួមជាកិត្តិយសពី លោក ម៉ក់ ប្រុស អភិបាលនៃគណៈអភិបាលស្រុកសូទ្រនិគម និងមន្រ្តីរដ្ឋបាលឃុំកំពង់ឃ្លាំង ផងដែរ។

+ គ្រឿង ឧបភោគបរិភោគនិងថវិការ ក្នុងមួយគ្រួសារទទួលបាន៖
១.អង្ករ ២០គ.ក
២.មី ១កេស
៣.ត្រីខ ១យួរ
៤.ទឹកត្រី ១យួរ
៥.ទឹកស៊ីអ៊ីវ ១យួរ
៦.ស្ករស ១គ.ក
៧.ប៊ីចេង ១ថង់ (៥០០g)
៨.អំបិល ១គ.ក
៩.ជែលលាងដៃ៤៥ដប
១០.ថវិការ ២០,០០០រៀល
+ជូនក្រុមការងារប្រជាការពារចំនួន ១០០,០០០ រៀល

+ចំណាយសរុបអស់ចំនួន ៣,៤៦០,០០០រៀល (បីលាន សែសិបប្រាំមួយម៉ឺនរៀល)

ឆ្លៀតក្នុងឱកាសនោះ លោក ញ៉ែម សំណាង បានមានមតិផ្ដាំផ្ញើរ សូមមេត្តាយកចិត្តទុកដាក់អោយបានខ្ពស់នូវអនាម័យ ហើយជាពិសេស សូមចូលរួមអនុវត្តតាមប្រសាសន៍ណែនាំរបស់ សម្តេចតេជោ ដើម្បីចៀសផុតពីមេរោគ COVID-19 ដ៏កាចសាហាវ។

លោក ម៉ក់ ប្រុស អភិបាលនៃគណៈអភិបាលស្រុកសូទ្រនិគម បានមានមតិស្វាគមន៍ និងគោរពថ្លែងអំណរគុណយ៉ាងជ្រាលជ្រៅចំពោះសមាគមចលនាយុវជនកម្ពុជា(ក្រុម១៥៧) សាខាខេត្តសៀមរាប ដែលនេះគឺជាទឹកចិត្តដ៏ធំធេងមិនអាចកាត់ថ្លៃបាន បញ្ជាក់អំពីការយកចិត្តទុកដាក់ជួយប្រជាជនដែលមានជីវភាពខ្វះខាត។
លោកក៏បានគោរពជូនពរដល់សមាគមចលនាយុវជនកម្ពុជា(ក្រុម១៥៧)សាខាខេត្តសៀមរាប សូមប្រកបនូវពុទ្ធពរទាំង ៤ប្រការ គឺអាយុ វណ្ណៈ សុខៈ ពលៈ កុំបីឃ្លាងឃ្លាតឡើយ។