LDP Sharing

លោកតា!
ឫសគល់នៃជំនឿគឺ:
_ឃ្លាន (ឡើងឋានសួគ៌)
_ខ្លាច (ធ្លាក់នរក)
_ខ្លៅ (មិនដឹងហើយនៅធ្វើ)។

លោកតា🙏🙏🙏
បើភាពជាខ្ញុំស្រូបអ្នកមិនបានទេ ដាច់ខាតខ្ញុំមិនបន្ថែមអ្វីដែលគ្រាន់តែជារបស់ខ្ញុំពីលើភាពជាខ្ញុំដើម្បីអោយអ្នកមកនោះឡើយ។

តើក្មួយៗគិតយល់ទេ? បើជីវិតផ្តើមដោយការភាន់ច្រលំ កំលាំងសោះច្រលំថាខ្លួនជាសត្វ តើការបញ្ចប់សាច់រឿងដ៏ត្រឹមត្រូវគឺបញ្ចប់ដោយយ៉ាងម៉េចទៅ បានត្រូវ? ទោះសត្វមិនបានដឹងថាអ្នកណាឆ្វាក់ខ្សែកំលាំងអោយទៅឆ្អឹងកងកើតជាសត្វក៏ដោយ ប៉ុន្តែរឿងសំខាន់សត្វមិនត្រូវរកមុខអ្នកឆ្វាក់ខ្សែកំលាំងអោយកើតជាសត្វនោះទេ ព្រោះខ្លួនកំពុងតែមានបញ្ហាហើយ ដូច្នេះត្រូវស្គាល់រឿងពិតរបស់ខ្លួន ហើយបន្ទាប់មកត្រូវដោះស្រាយបញ្ហាពិតរបស់ខ្លួន បានវាត្រឹមត្រូវ។ បញ្ហាពិត គឺខ្សែកំលាំងសោះ ហើយសត្វមានអារម្មណ៍ច្រលំថាខ្លួនជាសត្វ ដូច្នេះចំណុចចាប់ផ្តើមគឺចាប់ផ្តើមដោយការភាន់ច្រលំ គឺអវិជ្ជា ដូច្នេះសាច់រឿងត្រូវបញ្ចប់ដោយត្រឹមត្រូវគឺដឹងខ្លួនត្រឹមត្រូវ លែងដឹងច្រលំថាកំលាំងជាខ្លួនសត្វ នោះគឺព្រះអរហន្ត៕🙏សំណេរ លោកតា🙏

បងប្រុសមណ្ឌល🙏🙏

#ឯកោមិនមែនឯកអង្គ(ខ្លួនមួយ) គឺជាអារម្មណ៍ដែលគ្មានអ្នកយល់។"
បើទោះជានៅកណ្តាលហ្វូងមនុស្ស តែគ្មានអ្នកយល់ចិត្ត នោះឯកោហើយ។ "ឯកោ"ជាពាក្យគូសបញ្ជាក់ពីសភាពចិត្តដែលគ្មានអ្នកយល់។
--------------------------------
[...]មានតែការយល់គ្នាទេ ទើបអាចឱ្យសត្វមានភាពកក់ក្ដៅខ្លះក្នុងដំណើរដ៏វែងឆ្ងាយនេះ...។

អារម្មណ៍ភេទជាធម្មជាតិរាងកាយវាទាមទារ បានជាទៅរុញដល់ចិត្តអោយទាមទារដែរ មិនមែនជាប្រភេទអាសវៈដែលស្អិតនឹងចិត្តជាអ្នករុញច្រានអោយចង់ដូចចង់បានកិត្តិយស មុខមាត់ពាក្យសរសើរ ចង់បានរបស់ល្អ ឬចង់បានកូនជាដើមទេ។អារម្មណ៍ភេទ ជារឿងមិនអាចប្រឆាំងបានទេ មានគូរជារឿងសមគួរបើរកបានមនុស្សសមនឹងចិត្តយើង មិនមែនជារឿងអាក្រក់អីទេ។ តែជាមនុស្ស មនោសញ្ចេតនា វាជារឿងដែលត្រូវយកមកគិតក្នុងរឿងទំនាក់ទំនងជាគូជីវិត ជាជាងនាំមុខដោយអារម្មណ៍ភេទ។បើក្មួយកើតចិត្តស្រឡាញ់ព្រោះតំលៃ ពេលឃើញអស់តំលៃចិត្តស្រឡាញ់ធ្លាក់ចុះភ្លាមៗ ទោះមិនទាន់អស់ចិត្តក៏បន្តទៅទៀតមិនរួចដែរ ព្រោះអារម្មណ៍រង្គាសត្រង់ដែលកាលស្រឡាញ់ គឺស្រលាញ់ត្រង់តំលៃហ្នុង ពេលមនុស្សដែលយើងស្រឡាញ់ធ្វើខ្លួនអោយបាត់តំលៃដែលយើងធ្លាប់អោយនោះ យើងពិបាកលើកដៃអោបណាស់ ចិត្តនៅរង្គៀសជាប់ ដូចតែស្នហាភេទ កាលស្រឡាញ់ព្រោះស្អាតកើតអាម្មណ៍ភេទ ពេលសំរស់ស្អាតធ្លាក់ចុះ អារម្មណ៍ភេទក៏ធ្លាក់ចុះអីចឹងដែរ។ស្នេហាភេទ មានសភាពខ្លាំងខ្លាណាស់ តែដូចភ្លើងចំបើងមិនឆេះយូរទេ បើងាប់គឺងាប់ពេលមានវិបត្តិហ្នុងហើយ តែបើបានដកឃ្លាបានហើយគឺស្បើយៗទៅៗហើយ ហើយងាយនឹងរកអ្នកថ្មីមកជំនួសបានណាស់។ ម្យ៉ាងទៀតពេលបានគ្នាជាប្តីប្រពន្ធក៏អារម្មណ៍ស្រឡាញ់ដោយភេទនោះក៏ធ្លាក់ចុះដែរ តែស្នេហ៍ដោយមនោសញ្ចេតនាឬដោយតំលៃ ពេលបាត់ទៅពិបាករកអ្នកណាមកជំនួសបានណាស់ រស់នៅនឹងគ្នាកាន់តែយូរ កាន់តែស្រឡាញ់ ពេលបាត់ទៅគឺស្ងាត់អស់ពិភពលោក រស់គ្មានន័យ ក្រៀមក្រំអស់មួយជីវិត។
#លោកពូ​🙏🙏🙏💙

ក្នុងចំណោមគុណទាំងអស់ៈ គុណ គុណធម៌ គុណប្រយោជន៍ គុណសម្បត្តិ និងគុណតំលៃ ចិត្តកត្តញ្ញូស្គាល់យ៉ាងច្បាស់នូវគុណនីមួយៗ ហើយគុណដែលចិត្តសត្វថ្នាក់ទាបស្ទើរតែគិតមិនដល់ តែចិត្តថ្នាក់ខ្អស់គិតដល់ខ្លាំងគិតគ្រប់ដង្ហើមចេញចូលនោះ គឺគុណតំលៃ។ ការងារនេះមានគុណតំលៃឬអត់? ជីវិតរស់គិតតែស្រួលសប្បាយអីចឹង មានគុណតំលៃឬអត់? រស់នៅប្តីប្រពន្ធជាមួយមនុស្សធុនហ្នឹងវាមានគុណតំលៃឬអត់? ជួយឬអនុគ្រោះអោយមនុស្សធុនហ្នឹង វាមានគុណតំលៃឬអត់? ស្អីជាគុណតំលៃពេញលេញក្នុងជីវិតមនុស្ស? គេរៀបចំប្រទេសគ្រប់ផ្នែកបែបហ្នឹង តើគេមានបានគិតពីគុណតំលៃដែរឬទេហ្ន? តាំងពីរឿងតូចតាច ឡើងដល់រឿងធំទាំងអស់ ចិត្តនឹកដល់តែរឿងគុណតំលៃ គុណតំលៃៗៗៗៗៗៗៗៗៗៗមនសិការទន្ទេញជាប់ជានិច្ច នឹកដល់ជានិច្ច រំលឹកចិត្តយើងជាប់ជានិច្ច ចិត្តយើងត្រូវការវាជាប់ខ្វះមិនបានក្នុងជីវិត វាជារសនៃជីវិតរបស់ចិត្តយើង។ នេះហើយជាចិត្តកត្តញូ ចិត្តស្គាល់គុណស្គាល់ទោស ជាធម៌នៃចិត្តសត្វថ្នាក់ខ្ពស់ ជាធម៌មេហ្វូងនៃកុសលធម៌ទាំងឡាយនោះ។
#លោកពូ🙏🙏🙏💙

លោកពូ🙏🙏🙏

ពូស្ទើរគ្មានចន្លោះពេលនៃដង្ហើមចេញចូលរបស់ពូគឺរកនឹកគន្លឹះពន្យល់ចិត្តសត្វដើម្បីអោយចិត្តសត្វក្លាយជាចិត្តកត្តញ្ញូមានដំណើរសុខសាន្តក្នុងវាលវដ្ដសង្សារណាក្មួយ។
_______________________________
សំណេរដេីម:
https://www.facebook.com/1456352431276702/posts/3230047763907151/?

បងប្រុស៖ Bunthoeurn Chhoeuy🙏🙏🙏💞
ស្តាយឱកាសណាស់ អាចយល់បានតែក្នុងឱកាសនៅមានជីវិតហើយមានកំពូលកតញ្ញូជនមកបំភ្លឺទេ បើផុតហើយគឺផុតហើយ។ មួយថ្ងៃៗ ទាំងយើងទាំងគេ ខិតខំណាស់ដើម្បីរកបច្ច័យបួន ចំណាយពេល8ម៉ោង 10ម៉ោង 12ម៉ោង ដើម្បីលុយព្រោះយល់ថានេះជាប្រយោជន៍ពិតប្រាកដសម្រាប់ខ្លួនក្នុងរយៈពេល70-80ឆ្នាំនេះ តែនោះមិនមែនជាប្រយោជន៍ពិតប្រាកដនិងយូរអង្វែងដែលយើងអាចយកទៅបានក្រោយពេលស្លាប់ឡើយ តែការខិតខំឱ្យយល់ធម៌បានកាលនៅរស់នេះ គឺបានជាប្រយោជន៍ដល់ចិត្តយើងដែលជាតួយើងពិតប្រាកដទៅសោយសុខក្នុងសុគតិភពពីមួយកំណើតទៅមួយកំណើតរហូតដល់គោលដៅទីបំផុតគឺព្រះអរហន្ត តើមានតម្លៃសមនឹងឱ្យយើងខិតខំមួយទំហឹងកាលកំពុងនៅរស់ដើម្បីយល់ធម៌ឱ្យបានទេ???

មិត្តល្អ មានតម្លៃខ្លាំងណាស់ ដូច្នេះពិតណាស់មិនមែនជារបស់រកបានដោយងាយទេ។ ត្រូវចំណាយពេលយូរ និងការលះបង់ច្រើនហើយមិនច្បាស់ថានឹងត្រូវតែអាចរកបានមិត្តល្អនោះទេ។ អ្នកបានធ្វើចំពោះមនុស្សច្រើននាក់ ហើយពួកគេស្ទើរតែទាំងអស់មិនឱ្យតម្លៃលើការស្មោះត្រង់របស់អ្នកបែបនេះហើយដែលគេហៅថាចំណាយដើមទុនដើម្បីរកមិត្តល្អនោះ។ ពេលអ្នកបានជួបមិត្តល្អក្នុងជីវិតហើយ កុំភ្លេចនិយាយប្រាប់គេថាអ្នកបានចំណាយច្រើនណាស់ ដើម្បីបានមកជួបមិត្ត តើអ្នកយល់ទេថាតើអ្នកមានតម្លៃប៉ុណ្ណាសំរាប់ខ្ញុំ។ តាមរយៈការចំណាយរបស់ខ្ញុំដើម្បីឱ្យបានជួបអ្នកនោះហើយ ដែលជួយអោយអ្នកបានយល់ពីតម្លៃនិងសារៈសំខាន់របស់អ្នកចំពោះខ្ញុំ។ ខ្ញុំបានឱ្យតម្លៃមិត្តហើយ ពេលនេះនៅសល់តែមិត្តទេដែលត្រូវ ធ្វើខ្លួនអោយមានតម្លៃ។ តម្លៃរបស់មិត្តមិនស្ថិតលើខ្ញុំឱ្យនោះទេ ប៉ុន្តែវាស្ថិតនៅលើការងាររបស់មិត្តផ្ទាល់ទៅវិញទេ។ ខ្ញុំមិនអាចលើកតំលៃចំពោះរបស់ដែលគ្មានតំលៃបានទេទោះបីជាខ្ញុំចង់ក៏ដោយ៕
#លោកពូ🙏💙

បងប្រុស❤️❤️❤️
________________________
មិនដឹងជាគេយល់អារម្មណ៍កូនក្មេងអត់? សភាពចិត្តកូនក្មេងគឺចង់សប្បាយ តែក្មេងវាមិនដឹងពីសភាពសប្បាយដែលត្រូវទេ គឺវាដឹងតែសប្បាយទេ ដូច្នេះសូម្បីតែរឿងសប្បាយក៏មនុស្សចាស់ត្រូវគិតគូរអោយវាដែរ គឺអោយវាសប្បាយតែក្នុងរឿងត្រឹមត្រូវហើយមិនធ្វើអោយវិញ្ញាណវាវង្វេង ហើយយើងជាមនុស្សចាស់ត្រូវឆាប់ចាប់អារម្មណ៍ជានិច្ចព្រោះក្រែងក្មេងវាភ្លេចខ្លួន ព្រោះក្មេងងាយនឹងភ្លេចខ្លួនណាស់ ព្រោះវិញ្ញាណវាមិនទាន់ចាស់ក្លាទេ។ ដូច្នេះពេលនាំវាទៅសប្បាយគឺឆ្លៀតបង្រៀនវាអោយរៀនចាប់អារម្មណ៍គិតពីចិត្តក្មេងដទៃដែលគ្នាចង់សប្បាយដែរ តែគ្នាមិនមានឱកាសសប្បាយ ដើម្បីអោយវាកើតចិត្តអាណិតអ្នកដទៃ ហើយរស់នៅមិនអាត្មានិយម ហើយរស់បានជាទីពឹងសម្រាប់អ្នកដទៃ។ នេះហើយជាការរស់នៅសន្សំបុណ្យ ឬសេចក្ដីល្អនោះហើយ។

លក្ខណ:5យ៉ាងនៃចិត្តក្នុងអត្ថិភាពជាមនុស្ស៖

ក្មួយតបទៅគេវិញថាៈ វាមិនសំខាន់សំរាប់អ្នកអានសំណេរពូទេ រឿងពូហោះហើរបានឬមិនបាន ព្រហ្មឬមិនមែនព្រហ្មអីនោះណាក្មួយ តែសំខាន់ក្មួយអាចទទួលបានប្រយោជន៍ពីការអានសំណេរពូឬអត់? សំណេរពូ ក្មួយអានទៅទទួលបានប្រយោជន៍ឬអត់ទេដែលជារឿងសំខាន់ត្រូវអានឬមិនអាននោះណាក្មួយ។ រឿងហោះហើរបានដែលពូនិយាយហើយ បើពូកុហកពួកក្មួយ វាតំលៃពូទេតើក្មួយ តែបើពូសន្និដ្ឋានខុសនោះ ក៏ វាទាក់ទងនឹងសមត្ថភាពបញ្ញាដែលជាការប្រមើលរបស់ពូទេតើ មិនទាក់ទងនឹងការសំរេចថាទទួលអានឬមិនអានសំណេរពូ របស់អ្នកដទៃនោះទេ ពូថាអីចឹងក្មួយស្តាប់ហើយគិតទៅមើល ខុសឬត្រូវ? ឬក្មួយគិតថាទេ បើពូគ្មានសមត្ថភាពចូលឈានសម្តែងអោយគេមើល ក្មួយនឹងមិនព្រមអានសំណេរពូទេ នោះជាការសំរេចរបស់ក្មួយទេតើ តែពូនៅតែយល់ថាក្មួយខាតហើយ ប៉ុន្តែគ្រប់យ៉ាងសំរេចលើក្មួយទេតើក្មួយ ចង់អានឬមិនអានសំរេចលើក្មួយទេ ពូទៅមានសិទ្ធអីសំរេចជួសក្មួយទៅក្មួយ? អស្ចារ្យណាស់សត្វមនុស្សនេះ បំផ្លាញតែខ្លួនឯងហ្នឹង អ្នកណាអើយ ទៅជួយមនុស្សប្រភេទនេះបានទៅ?🙏សំណេរលោកតា🙏