សាលាបឋមសិក្សា សម្ដេចឪ សម្ដេចម៉ែ អន្លង់ធំ

យោង៖ លិខិតលេខ ៥៤៨១អយក.បស ចុះថ្ងៃព្រហស្បតិ៍ ៩រោច ខែអស្សុជ ឆ្នាំម្សាញ់ សប្តស័ក ព.ស២៥៦៩ ត្រូវនឹងថ្ងៃទី១៦ ខែតុលា ឆ្នាំ២០២៥ របស់ក្រសួងអប់រំ យុវជន និងកីឡា។
-------------------------------
បុគ្គលិកអប់រំ ដូចមានរាយនាមខាងក្រោម ត្រូវបានចាត់តាំងឱ្យចូលរួមវគ្គបំប៉នស្តីពីវិធីសាស្ត្របង្រៀននិងការប្រើ ប្រាស់កញ្ចប់សម្ភារៈគណិតវិទ្យាថ្នាក់ដំបូង (ថ្នាក់ទី១ដល់ថ្នាក់ទី៣) ឆមាសទី២ដល់គ្រូបង្រៀនថ្នាក់ទី១ទី២ទី៣ដែលនឹង ប្រព្រឹត្តទៅនៅថ្ងៃសុក្រ ១៥ កើត ខែពិសាខ ដល់ថ្ងៃអង្គារ ៤រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៧០ ត្រូវ នឹងថ្ងៃទី០១ ដល់០៥ ខែឧសភា ឆ្នាំ២០២៦ នៅតាមកម្រងសាលាបឋមសិក្សា ក្នុងស្រុកស្វាយលើ ខេត្តសៀមរាប៖
-------------------------------
កម្រងព្រះអង្គធំ (បណ្តុំបឋមសិក្សាសម្ដេចឪ សម្ដេចម៉ែ អន្លង់ធំ) មានលោកគ្រូអ្នកគ្រូអញ្ជើញមកពីប្រាំពីរសាលា សរុប១៩នាក់ ស្រី១១នាក់ មកចូលរួមវគ្គបំប៉ននេះ។

ថ្ងៃសៅរ៍ ២រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៤ ខែមេសា ឆ្នាំ២០២៦។
-------------------------------
នៅ សាលាបឋមសិក្សា សម្ដេចឪ សម្ដេចម៉ែ អន្លង់ធំ បានប្រារព្ធទិវា​កម្មវិធីផ្តល់អាហារតាមសាលារៀនឆ្នាំ២០២៦ ក្រោមប្រធានបទ "ក្រពះឆ្អែតរៀនចេះ"។
ការផ្តល់អាហារតាមសាលារៀនបានបង្កើនសមត្ថភាពសិស្សឱ្យចេះគិត ចេះធ្វើ និងមានទំនួលខុសត្រូវចំពោះខ្លួនឯង គ្រួសារ និងសង្គម តាមរយៈការអនុវត្តអនាម័យ ការចេះសាមគ្គីភាព និងការចេះទទួលខុសត្រូវចំពោះកិច្ចការងាររួម ។
-------------------------------
កម្មវិធីផ្តល់អាហារតាមសាលារៀនជាកម្មវិធីដែលផ្តល់អាហារពេលព្រឹកដោយមិនគិតថ្លៃដល់សិស្សមត្តេយ្យ និងបឋមសិក្សានៅតាមសាលារៀនគោលដៅចំនួន ១,១១៤​ ដែលផ្តល់ថវិកាដោយកម្មវីធីស្បៀងអាហារពិភពលោក និងរាជរដ្ឋាភិបាលតាមរយៈក្រសួងអប់រំ យុវជន និងកីឡាអនុវត្តន៍ក្នុង១០ខេត្តទូទាំងព្រះរាជាណាចក្រកម្ពុជា។
ហេតុអ្វីបានជាមានការប្រារព្ធថ្ងៃទិវាកម្មវិធីផ្តល់អាហារតាមសាលារៀន?
- ផ្សព្វផ្សាយអំពីកម្មវិធីផ្តល់អាហារតាមសាលារៀនដល់មាតាបិតាសិស្ស អាណាព្យាបាល សហគមន៍ និងអាជ្ញាធរមូលដ្ឋាន
- ធ្វើឱ្យប្រសើរឡើងនូវការយល់ដឹងអំពីរបបអាហារ និងអាហារូបត្ថម្ភរបស់សិស្សតាម រយៈកម្មវិធីសប្បាយៗ ដែលផ្តល់ព័ត៌មានពីរបបអាហារដែលផ្តល់សុខភាពល្អសម្រាប់សិស្សានុសិស្ស
- បណ្តុះទម្លាប់ទទួលទានរបបអាហារប្រសើរជាងមុនដូចជាបន្លែ ផ្លែឈើ និងស៊ុតក្នុងបរិមាណគ្រប់គ្រាន់ និងជ្រើសរើសអាហារសម្រន់ដែលល្អសម្រាប់សុខភាព
- ស្វែងរកការគ្រាំទ្រពីមាតាបិតា អាណាព្យាបាល សហគមន៍ និងអាជ្ញាធរ
មូលដ្ឋានក្នុងការលើកកម្ពស់កម្ម​វិធីផ្តល់អាហារតាមសាលារៀន និងកាត់បន្ថយអាហារដែលប៉ះពាល់ដល់សុខភាព។
-------------------------------
ដោយមានការចូលរួមពី៖
១. លោក ឈឿម តាំង មេឃុំខ្នងភ្នំ
២. លោក ជុំ វាសនា នាយបុស្តិ៍រដ្ឋបាលឃុំខ្នងភ្នំ
៣. លោក មៀន ឈឿន គណៈកម្មការសាលាបឋមសិក្សាសម្ដេចឪសម្ដេចម៉ែអន្លង់ធំ
៤. លោក ហ៊ាន ប៊ុនថេន នាយកសាសាបឋមសិក្សាសម្ដេចឪសម្ដេចម៉ែអន្លង់ធំ
៥. លោកគ្រូ អ្នគ្រូ សិស្សានុសិស្ស និងអាណាព្យាបាលសិស្សជារូបទៀត។
-------------------------------