គណៈកម្មាធិការគណបក្សមូលដ្ឋានមន្ទីរសក.ដជ ខេត្តសៀមរាប

នាល្ងាចថ្ងៃទី២៨ ខែកញ្ញា ឆ្នាំ២០២៤ នៅសាលប្រជុំគណបក្សមូលដ្ឋានមន្ទីរសាធារណការ និងដឹកជញ្ជូនខេត្ដសៀមរាប បានរៀបចំកិច្ចប្រជុំប្រចាំខែកញ្ញា និងលើកទិសដៅការងារបន្តប្រចាំខែតុលា ព្រមទាំងផ្សព្វផ្សាយរបាយការណ៍ស្ដីពីសភាពការណ៍ទូទៅ និងការងារឃោសនាអប់រំ ប្រចាំខែសីហា ឆ្នាំ២០២៤ ក្រោមអធិបតីភាព លោក គី វីរិន្ទ ប្រធានគណបក្សមូលដ្ឋានមន្ទីរសាធារណការ និងដឹកជញ្ជូនខេត្តសៀមរាប និងមានការចូលរួមពីថ្នាក់ដឹកនាំ សមាជិក សមាជិកាគណបក្សមូលដ្ឋានមន្ទីរ សរុបចំនួន ៨១នាក់ ស្រី២៤នាក់។

នាថ្ងៃទី២៥ ខែកក្កដា ឆ្នាំ២០២៤ នៅសាលប្រជុំគណបក្សមូលដ្ឋានមន្ទីរសាធារណការ និងដឹកជញ្ជូនខេត្ដសៀមរាប បានរៀបចំកិច្ចប្រជុំប្រចាំខែកក្កដា និងលើកទិសដៅការងារបន្តប្រចាំខែសីហា ព្រមទាំងផ្សព្វផ្សាយរបាយការណ៍ស្ដីពីសភាពការណ៍ទូទៅ និងការងារឃោសនាអប់រំ ឆមាសទី១ ឆ្នាំ២០២៤ និងទិសដៅការងាររយៈពេលបន្ត ដឹកនាំកិច្ចប្រជុំដឹកនាំដោយលោក គី វីរិន្ទ ប្រធានគណបក្សមូលដ្ឋានមន្ទីរសក.ដជ.សរ។

នាព្រឹកថ្ងៃសុក្រ ៧ កើត ខែអាសាឍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១២ ខែកក្កដា ឆ្នាំ២០២៤ លោក គី វីរិន្ទ ប្រធានគណបក្សមូលដ្ឋានមន្ទីរសក.ដជ.សរ និងជាប្រធានក្រុមការងារខេត្ដចុះជួយសង្កាត់ស្វាយដង្គំ ក្រុងសៀមរាប បានដឹកនាំលោក លោកស្រី ប្រធានក្រុមការងារចុះភូមិទាំង១៤ ក្នុងសង្កាត់ស្វាយដង្គំ អញ្ជើញចូលរួមគោរពវិញ្ញាណក្ខ័ន្ធលោក ទេព ប៊ុនឆាយ ដែលបានទទួលមរណៈភាព និងតម្កល់ធ្វើបុណ្យសពតាមប្រពៃណី និងសាសនា នៅក្នុងវត្តស្វាយ ស្ថិតនៅភូមិវត្តស្វាយ សង្កាត់សាលាកំរើក ក្រុងសៀមរាប ខេត្តសៀមរាប៕

🙏🙏🙏

ខ្ញុំ និងភរិយា សូមចូលរួមរំលែកទុក្ខដ៏ក្រៀមក្រំជាមួយក្រុមគ្រួសារនៃសព លោកពូ ទេព ប៊ុនឆាយ ប្រធានក្រុមប្រឹក្សាក្រុងសៀមរាប ខេត្ត​សៀមរាប ដែលបានទទួលមរណភាព នាថ្ងៃព្រហស្បតិ៍​ ៦កើត ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី១១ ខែកក្កដា ឆ្នាំ២០២៤ ក្នុងជន្មាយុ ៧២ឆ្នាំ ដោយរោគាពាធ។

សូមបួងសួងដល់ដួងវិញ្ញាណក្ខន្ធ លោកពូ ទេព ប៊ុនឆាយ សូមស្ថិតក្នុងសុគតិភពជានិរន្តរ៍កុំបីឃ្លៀងឃ្លាតឡើយ។