សភាពាណិជ្ជកម្មសៀមរាប-ឧត្តរមានជ័យ SiemReap-OddarMeanchey Chamber of Commerce

នាព្រឹកថ្ងៃទី១ ខែមិថុនា ឆ្នាំ២០២៦ ឧកញ៉ាប្រធាន ហ៊ុយ ភៀវ និងលោកជំទាវ ចំរើន សុស៊ីវណ្ណ តំណាងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានអញ្ជើញអមដំណើរ ឯកឧត្តម កើត រិទ្ធ ឧបនាយករដ្ឋមន្ត្រី និងជារដ្ឋមន្ត្រីក្រសួងយុត្តិធម៌ ក្នុងពិធីប្រគល់ថវិកាដែលប្រមូលបានពីកម្មវិធី «ជិះកង់អង្គរ លើកទី៤» ចំនួន ១៦០,០០០,០០០លារៀល ជូនដល់មន្ទីរពេទ្យជ័យវរ្ម័នទី៧ (គន្ធបុប្ផា៣)។

ក្នុងឱកាសនោះដែរ គណៈប្រតិភូបានអញ្ជើញចូលរួមពិធីសំណេះសំណាលជាមួយមាតាបិតា សិស្សានុសិស្ស និងលោកគ្រូ អ្នកគ្រូ នៃសាលាបឋមសិក្សាវត្តរាជបូព៌ា ខេត្តសៀមរាប ព្រមទាំងនាំយកថវិកាចំនួន ១០៥,០០០,០០០ រៀល (មួយរយប្រាំលានរៀល) និងទឹកសុទ្ធកម្ពុជា ចំនួន ១០០ កេស ប្រគល់ជូនសម្រាប់គាំទ្រការសាងសង់អគារសិក្សា និងលើកកម្ពស់វិស័យអប់រំនៅមូលដ្ឋាន។

នាព្រឹកថ្ងៃទី៣១ ខែឧសភា ឆ្នាំ២០២៦ ឧកញ៉ា ហ៊ុយ ភៀវ ប្រធានសភាពាណិជ្ជកម្មមណ្ឌលខេត្តសៀមរាប-ឧត្តរមានជ័យ លោក សេង សៀកហួរ អនុប្រធាន និងលោកជំទាវ ចំរើន សុស៊ីវណ្ណ បានអញ្ជើញចូលរួមជាមួយ អ្នកឧកញ៉ា ឡៅ កាំង អនុប្រធានសភាពាណិជ្ជកម្មកម្ពុជា ព្រមទាំងសមាជិក សមាជិកា សភាពាណិជ្ជកម្មកម្ពុជា តំណាងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជាចូលរួមកម្មវិធី ជិះកង់អង្គរ លើកទី៤ ដើម្បីរួមចំណែករៃអង្គាសថវិកាគាំទ្រដល់មន្ទីរពេទ្យជ័យវរ្ម័នទី៧។

កម្មវិធីនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម កើត រិទ្ធ ឧបនាយករដ្ឋមន្ត្រី និងជារដ្ឋមន្ត្រីក្រសួងយុត្តិធម៌ ដោយមានការចូលរួមពីថ្នាក់ដឹកនាំ មន្ត្រីរាជការ តំណាងវិស័យឯកជន និងសប្បុរសជនជាច្រើនរូប ក្នុងគោលបំណងលើកកម្ពស់សកម្មភាពមនុស្សធម៌ និងរួមចំណែកគាំទ្រវិស័យសុខាភិបាលនៅកម្ពុជា។

នារសៀលថ្ងៃទី២៩ ខែឧសភា ឆ្នាំ២០២៦ សភាពាណិជ្ជកម្មមណ្ឌលខេត្តសៀមរាប-ឧត្តរមានជ័យ បានរៀបចំកិច្ចប្រជុំបូកសរុបលទ្ធផលការងារប្រចាំឆ្នាំ២០២៥ និងត្រីមាសទី១ ឆ្នាំ២០២៦ ក្រោមអធិបតីភាព ឧកញ៉ាបណ្ឌិត ហ៊ុយ ភៀវ ប្រធានសភាពាណិជ្ជកម្មមណ្ឌលខេត្តសៀមរាប-ឧត្តរមានជ័យ ដោយមានការអញ្ជើញចូលរួមពី ឧកញ៉ា លោកជំទាវ អស់លោក លោកស្រី ជាអនុប្រធាន សមាជិក សមាជិកាជ្រើសតាំង និងទីប្រឹក្សា នៃសភាពាណិជ្ជកម្មយ៉ាងច្រើនកុះករ។

កិច្ចប្រជុំនេះត្រូវបានរៀបចំឡើងក្នុងគោលបំណងពិនិត្យ វាយតម្លៃ និងបូកសរុបលទ្ធផលការងារដែលសម្រេចបាន ព្រមទាំងពិភាក្សា ផ្លាស់ប្តូរយោបល់ និងកំណត់ទិសដៅការងារបន្ត ដើម្បីលើកកម្ពស់ប្រសិទ្ធភាពការងាររបស់សភាពាណិជ្ជកម្មឱ្យកាន់តែប្រសើរឡើង។

កិច្ចប្រជុំនេះបានផ្តោតលើរបៀបវារៈសំខាន់ៗរួមមាន៖

១. បង្ហាញរបាយការណ៍បូកសរុបលទ្ធផលការងារប្រចាំឆ្នាំ២០២៥ និងត្រីមាសទី១ ឆ្នាំ២០២៦។
២. ពិភាក្សា និងផ្លាស់ប្តូរយោបល់លើការងារសភាពាណិជ្ជកម្មមណ្ឌលខេត្តសៀមរាប-ឧត្តរមានជ័យ
៣. ផ្សព្វផ្សាយព័ត៌មានស្តីពីដំណើរការបោះឆ្នោតជ្រើសតាំងសមាជិកសភាពាណិជ្ជកម្មសម្រាប់អាណត្តិថ្មី។
៤. ពិភាក្សាលើបញ្ហាផ្សេងៗដែលពាក់ព័ន្ធនឹងការអភិវឌ្ឍ និងការពង្រឹងសកម្មភាពសភាពាណិជ្ជកម្ម។
៥. ពិសាអាហារសាមគ្គី ដើម្បីពង្រឹងចំណងសាមគ្គីភាព និងបង្កើនទំនាក់ទំនងល្អរវាងសមាជិក សមាជិកា

ជាកិច្ចបញ្ចប់ អង្គប្រជុំបានប្រព្រឹត្តទៅក្នុងបរិយាកាសប្រកបដោយភាពរីករាយ និងស្និទ្ធស្នាលស្របតាមគោលបំណងដែលបានគ្រោងទុក។

ព្រឹកថ្ងៃទី១៩​ ខែឧសភា ឆ្នាំ២០២៦ សភាពាណិជ្ជកម្មមណ្ឌលខេត្តសៀមរាប-ឧត្តរមានជ័យ បានសហការជាមួយនិយតករគណនេយ្យ និងសវនកម្ម រៀបចំសិក្ខាសាលាផ្សព្វផ្សាយស្តីពី »កាតព្វកិច្ចគណនេយ្យនិងសវនកម្ម និងបទប្បញ្ញត្តិ ពាក់ព័ន្ធ សម្រាប់សហគ្រាស​ និងអង្គភាពមិនស្វែងរកប្រាក់ចំណេញ» ក្រោមអធិបតីភាព ឯកឧត្តម ប៊ូ ថារិន អគ្គនាយក នៃនិយ័តករគណនេយ្យនិងសវនកម្ម លោក សំកុល ចិត្រា អភិបាលរងខេត្តសៀមរាប លោក ផឹក សុធារ៉ា អនុប្រធានសភាពាណិជ្ជកម្មមណ្ឌលខេត្តសៀមរាប-ឧត្តរមានជ័យ តំណាងឧកញ៉ាបណ្ឌិតប្រធាន ហ៊ុយ ភៀវ ដោយមានការអញ្ជើញចូលរួមពីមន្ទីរអង្គភាពជុំវិញខេត្ត និងសមាជិក សមាជិកាសភាពាណិជ្ជកម្ម ម្ចាស់អាជីវកម្ម និងអង្គភាពមិនស្វែងរកប្រាក់ចំនេញផងដែរ។

កម្មវិធីសិក្ខាសាលានេះ រៀបចំឡើងក្នុងគោលបំណង

• ផ្តល់ចំណេះដឹងពីកាតព្វកិច្ចសំខាន់ៗរបស់សហគ្រាសក្នុងការកាន់បញ្ជីគណនេយ្យ
• ការរៀបចំរបាយការណ៍ហិរញ្ញវត្ថុឱ្យបានត្រឹមត្រូវ
• ការអនុវត្តសវនកម្មឯករាជ្យតាមលក្ខខណ្ឌច្បាប់
• និងការជៀសវាងការពិន័យ និងហានិភ័យផ្នែកច្បាប់

ថ្នាក់ដឹកនាំ និងសមាជិក សមាជិកា នៃសភាពាណិជ្ជកម្មមណ្ឌលខេត្តសៀមរាប-ឧត្តរមានជ័យ សូមក្រាបបង្គំទូលថ្វាយព្រះពរ ព្រះករុណាព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសដ៏មហាមង្គលដ៏ឧត្តុង្គឧត្តម ប្រកបដោយសេចក្តីសោមនស្សរីករាយក្រៃលែង នៃព្រះរាជពិធីបុណ្យចម្រើនព្រះជន្មវស្សា គម្រប់ ៧៣ ព្រះវស្សា យាងចូល ៧៤ ព្រះវស្សា។

នៅព្រឹកថ្ងៃទី១៣ ខែឧសភា ឆ្នាំ២០២៦ ឧកញ៉ាបណ្ឌិត ហ៊ុយ ភៀវ ប្រធាន បានអញ្ជើញចូលរួមកិច្ចប្រជុំជាមួយប្រធាន អនុប្រធាន និងសមាជិក សមាជិកា នៃសភាពាណិជ្ជកម្មកម្ពុជា និងសភាពាណិជ្ជកម្មរាជធានី-ខេត្ត នៅទីស្ដីការក្រសួងពាណិជ្ជកម្ម។

កិច្ចប្រជុំនេះ បានធ្វើឡើងក្រោមអធិបតីភាព លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម និងមានការចូលរួមពីតំណាងសភាពាណិជ្ជកម្ម ដឹកនាំដោយ ឧកញ៉ា លឹម ហេង អនុប្រធានសភាពាណិជ្ជកម្មកម្ពុជា តំណាងឱ្យ ឧកញ៉ា គិត ម៉េង ប្រធានសភាពាណិជ្ជកម្មកម្ពុជា។

អង្គប្រជុំបានពិភាក្សាអំពីវិធីសាស្រ្តក្នុងការរួមគ្នាដើម្បីបន្តជំរុញផលិតផលក្នុងស្រុក ជាពិសេសការចូលរួមយ៉ាងសកម្មពីវិស័យឯកជន ក្នុងការផ្សព្វផ្សាយ និងជំរុញឲ្យផលិតផលកម្ពុជា ជ្រៀតចូលក្នុងទីផ្សារជាតិ និងអន្តរជាតិ។

ក្រៅពីនេះ កិច្ចប្រជុំ ក៏បានពិនិត្យវឌ្ឍនភាពនៃការអនុវត្តយុទ្ធនាការជាតិ និងការងាររៀបចំសម្រាប់ការបោះឆ្នោតជ្រើសរើសប្រធាន និងសមាជិកជ្រើសតាំងនៃសភាពាណិជ្ជកម្មកម្ពុជា និងសភាពាណិជ្ជកម្មរាជធានី-ខេត្តផងដែរ។

សភាពាណិជ្ជកម្មខេត្ត មានកិត្តិយសសូមណែនាំសមាជិកថ្មី

លោក ឡាយ រស្មី
ម្ចាស់អាជីវកម្ម ហែប យូ ឃែស ផន សប
(សេវាទទួលបញ្ចាំ)
~ កាតគ្រីឡាន ម៉ូតូ
Tel: 095 413 472

នាព្រឹកថ្ងៃទី១១ ខែឧសភា ឆ្នាំ២០២៦ ឧកញ៉ាបណ្ឌិតប្រធាន ហ៊ុយ ភៀវ
ចូលរួមឧត្ថម្ភថវិកាចំនួន ៤,០០០,០០០រៀល (បួនលានរៀល)
ជូនកាកបាទក្រហមកម្ពុជាសាខាខេត្តសៀមរាប
ដើម្បីចូលរួមអបអរទិវាពិភពលោកកាកបាទក្រហម-អឌ្ឍចន្ទក្រហម
ក្រោមមូលបទ‍‌ «បន្តរួមកម្លាំងគ្នា ដើម្បីមនុស្សធម៌»
នៅសាខាកាកបាកក្រហមកម្ពុជា សាខាខេត្តសៀមរាប។

អបអរសាទរ ព្រះរាជពិធីច្រត់ព្រះនង្គ័ល

ថ្ងៃអង្គារ ៤រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦នេះ ជាថ្ងៃដែលកម្ពុជា ប្រារព្ធព្រះរាជពិធីបុណ្យ "ច្រត់ព្រះនង្គ័ល" ដែលត្រូវបានធ្វើឡើងជារៀងរាល់ឆ្នាំក្នុងខែពិសាខ។

ថ្ងៃទី30 ខែមេសា ឆ្នាំ២០២៦ លោក អេង ងួន លេខាធិការ តំណាងឧកញ៉ាបណ្ឌិតប្រធាន ហ៊ុយ ភៀវ បានអញ្ជើញចូលរួម ពិធីប្រកាសចូលកាន់មុខតំណែងជាប្រធានមន្ទីរទេសចរណ៍ខេត្តសៀមរាប ក្រោមអធិបតីភាព ឯកឧត្តមរដ្ឋមន្ត្រី ហួត ហាក់ ដោយមានការចូលរួមពីសំណាក់ ឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប សមាជិកក្រុមប្រឹក្សាខេត្ត រួមទាំងឯកឧត្តម លោកជំទាវថ្នាក់ដឹកនាំក្រសួងទេសចរណ៍ និងប្រតិភូអមដំណើរ លោក លោកស្រី អភិបាលរងខេត្ត មេបញ្ជាការកងកម្លាំងប្រដាប់អាវុធទាំង៣ លោក លោកស្រី ប្រធានមន្ទីរ អង្គភាពជុំវិញខេត្ត លោកអភិបាលក្រុង ស្រុក ព្រមទាំង អាជីវករ និងសហគមន៍ជាច្រើនរូប។