គសប ខេត្តសៀមរាប

សូមជម្រាមជូនដំណឹងដល់ សមាជិក សមាជិកា និងអ្នកគាំទ្រគណបក្សទាំងអស់ឲ្យបានជ្រាបថា ខាងក្រោមនេះ គឺជាឆានែល Telegram ផ្លូវការរបស់លោកពូវាសនា។ សូមចុចចូលរួម(Join: 🔗t.me/veasnakhem) ជាសមាជិកឆានែល ដើម្បីស្វែងយល់អំពី៖
•នយោបាយ
•សីលធម៌សង្គម
•ព្រះធម៌៕

សំណេរលោកពូ ខឹម វាសនា - 28-07-2023
--------
ដំណើរធម៌ វិញ្ញាណត្រូវស្តាប់អ្នកពន្យល់ពីដំណើរធម៌នេះអោយយល់រហូតដល់គិតឃើញនូវភាពទទេសោះសូន្យនៃអ្វីដែលវិញ្ញាណប្រើទ្វារទាំងប្រាំពាល់ត្រូវ ហើយថាយកបាននោះ យកបានយ៉ាងម៉េច បើអ្វីៗទាំងអស់ក្នុងលោកនេះសុទ្ធតែជាកម្ម តែវិញ្ញាណពាល់ត្រូវតាមទ្វារទាំងប្រាំថាជាធាតុអាចយកបាន តែវិញ្ញាណប្រើទ្វារមនោគិតយល់ថាជាកម្មទេ យកមិនបានទេ។ ដល់គិតយល់រឿងហ្នឹងគឺយល់ពីធម៌ ចិត្តវាសង្វេគគិតឃើញពីភាពទទេ នេះគឺចិត្តពាល់ត្រូវគឺវិញ្ញាណគិតយល់ពីអរិយសច្ចៈទីមួយ បើចិត្តពាល់ត្រូវអរិយសច្ចៈទីមួយហើយ តើចិត្តនេះនឹងបួសហើយសិកមកជាគ្រហស្ថវិញ ចូលប្រឡូកក្នុងពិភពវង្វេងកាមគុណយ៉ាងម៉េចកើត? ចុះអាខ្ជាវានិយាយថា បើវាសិកហើយឈប់សម្តែងសច្ចៈធម៌ ទើបសច្ចៈធម៌លែងត្រូវលើកតម្កើង តែបើវាសិកហើយ វានៅតែសម្តែងអំពីសច្ចៈធម៌ដដែល តើហាងឆេងសច្ចៈធម៌ចុះថ្លៃយ៉ាងម៉េចកើត? អានេះ វាចង់យកការនិយាយពន្យល់ឡប់ស្អីដែលវាហៅថាជាសច្ចៈធម៌វាហ្នុង ទុករកសុីជាមុខរបរចិញ្ចឹមជីវិតហើយនេះ។ ដំណើរកកើតលោកិយពីកម្មជាធម៌។ វិញ្ញាណប្រើទ្វារមនោគិតយល់ដំណើរធម៌ នាំអោយចិត្តសង្វេគគិតឃើញតែទទេ ពាល់អរិយសច្ចៈទីមួយត្រូវ ដើម្បីអោយវិញ្ញាណវិលត្រូវមគ្គជាអចិន្ត្រៃយ៍ ផស្សៈ វេទនា ហើយវិញ្ញាណដឹងផស្សៈជាវេទនានេះឡើងមកប្រើទ្វារមនោគិតហេតុផលរកការយល់អំពីផស្សៈដែលវិញ្ញាណដឹងជាវេទនាថាជាស្អី? ការដឹងបែបនេះគឺជាសម្មាដឹងឬសម្មាទិដ្ឋិ ជាការដឹងបរមត្ថសច្ចៈរបស់វិញ្ញាណប្រើទ្វារមនោ។ នេះជាការយល់ពីដំណើរធម៌ មិនមែនធម៌ជាមេរៀនដែលត្រូវរៀនអោយចេះចាំ ទុកសម្ដែងប្រាប់គេឯង បួសក៏សម្ដែងធម៌កើត សិកក៏សម្ដែងធម៌កើត ប៉ុន្តែវិញ្ញាណដែលជាខ្លួនហ្នុងពាល់មិនត្រូវនូវភាពទទេសោះសូន្យអរិយសច្ចៈទីមួយដូចអាខ្ជាថាហ្នុងទេ។ វិញ្ញាណប្រើទ្វារមនោគិតទៅមើល វិញ្ញាណប្រើទ្វារមនោគិត ឃើញថាពិភពលោកនេះអ្វីៗកើតពីកម្ម កម្មកាន់យកមិនបានដូចធាតុទេ តែវិញ្ញាណប្រើទ្វារទាំងប្រាំពាល់ត្រូវជាធាតុ វិញ្ញាណប្រើទ្វារមនោគិតទៅមើល សម្របសម្រួលគ្នាយ៉ាងម៉េចរវាងការដឹងបរមត្ថសច្ចៈ និងការដឹងជាធាតុនៃវិញ្ញាណប្រើទ្វារទាំងប្រាំ? វិញ្ញាណប្រើទ្វារមនោគិតទៅឃើញថា មជ្ឈិមបដិបទា គឺជាផ្លូវត្រូវ គឺជាការសម្របសម្រួលគ្នារវាងវិញ្ញាណប្រើទ្វារមនោ និងវិញ្ញាណពាល់ត្រូវតាមទ្វារទាំងប្រាំ គឺបច្ច័យបួន ស៊ីមួយរស់ ដេកមួយខ្នងទៅ។ វិញ្ញាណប្រើទ្វារមនោគិតមើល បើដេញតាមការចង់បានរបស់វិញ្ញាណប្រើទ្វារទាំងប្រាំគឺដេញតាមតណ្ហា គឺអោយអ្នកងងឹតដឹកមុខ បើមិនយកការដឹងតាមទ្វារទាំងប្រាំមកគិតថាទ្វារទាំងប្រាំត្រូវការអីទេ មានតែវិញ្ញាណប្រើទ្វារមនោឆ្កួតទៀត ដូច្នេះវិញ្ញាណប្រើទ្វារមនោគិតមើលទៅឃើញថាមិនអាចបដិសេធនូវការត្រូវការរបស់វិញ្ញាណប្រើទ្វារទាំងប្រាំទេ តែក៏មិនអាចអោយវិញ្ញាណប្រើទ្វារទាំងប្រាំមកដឹកមុខវិញ្ញាណប្រើទ្វារមនោដែរ វិញ្ញាណប្រើទ្វារទាំងប្រាំដឹងថាជាធាតុ យកបាន បើវិញ្ញាណប្រើទ្វារមនោគិតឃើញដូចវិញ្ញាណប្រើទ្វារទាំងប្រាំដែរ ហ្នុងគឺមនោវិញ្ញាណធាតុហើយ ដឹងសម្មតិសច្ចៈហើយ វង្វេងហើយ។ ហ្កេមលោកិយជាហ្កេមដែលវិញ្ញាណត្រូវអត់វង្វេង គឺហ្កេមសម្មាដឹង ហ្កេមសម្មាទិដ្ឋិ ចុះបើមនោវិញ្ញាណធាតុ វិញ្ញាណដឹងសម្មតិសច្ចៈគឺមិច្ឆាទិដ្ឋិ វិញ្ញាណដឹងវង្វេង ចាញ់ហ្កេមបាត់៕

វេលាម៉ោង៧:៣០នាទីយប់​នេះ នាថ្ងៃអង្គារ ទី២៣​ ខែសីហា​ ឆ្នាំ២០២២ លោកពូ​ ខឹម​ វាសនា​ ប្រមុខគណបក្សសម្ព័ន្ធដើម្បីប្រជាធិបតេយ្យនឹងធ្វេីការផ្សាយផ្ទាល់ដេីម្បីបំភ្លឺសាជាថ្មីនូវមេរៀនត្រាស់ដឹងរបស់ព្រះសម្មាសម្ពុទ្ធ។ អាស្រ័យដូចបានជម្រាបជូនមកនេះ បងប្អូនសមាជិក និងប្រជាពលរដ្ឋទាំងអស់អាចតាមដានទស្សនាការផ្សាយផ្ទាល់តាមរយៈទំព័រហ្វេសប៊ុកលោកពូប្រមុខ Khem Veasna ទំព័រហ្វេសប៊ុកផ្លូវការរបស់គណបក្សLeague for Democracy Party និងទំព័រហ្វេសប៊ុកផ្លូវការរបស់គណបក្សរាជធានី ខេត្ត តាមពេលវេលាដូចបានជម្រាបជូនខាងលេី។

"ពេលវេលាដែលពួកក្មួយទន្ទឹងរង់ចាំខិតមកកៀកណាស់ហើយក្មួយអើយ។ ក្មួយត្រូវតែមានសំណាងដែលបានមកជាកូនៗនៃគ្រួសារជួង៕"

សំណេរលោកពូ វាសនា (១៤ សីហា ២០២២)
-----------
មនុស្សអនត្តាគឺវិញ្ញាណ ដែលហៅថាវិញ្ញាណដឹងគឺវិញ្ញាណគិតហើយយល់។ ពូអ្នកវិបស្សនា ចំណែកក្មួយៗមិនមែនអ្នកវិបស្សនាទេ ដូច្នេះទុកភារៈរឿងស្ទង់មើលពេលណាបានឈានអោយពូចុះ មនុស្សទាំងអស់ដែលមិនវិបស្សនា គិតមិនយល់ពីវិបស្សនានេះទេ បើគិតមិនយល់គឺរកដឹងក្នុងរឿងនេះមិនកើតទេ តែក្មួយៗអាចគិតយល់ហេតុផលក្នុងរឿងបានឈាន ឬអត់បាន ក្មួយគិតហេតុផលទៅចុះព្រោះរឿងបានឈាន ឬអត់នេះគឺមានហេតុផលអាចគិតយល់បាន បើគិតយល់បាន នោះវិញ្ញាណដែលជាក្មួយបានដឹងច្បាស់ដោយខ្លួនឯងហើយ ប៉ុន្តែសម្រាប់ខួរក្បាលដែលមិនមែនជាទ្វារមនោអាចគិតហេតុផលបាន ពួកគេរង់ចាំមើលពូបានឈាន ឬអត់ទើបពួកគេអាចអារកាត់ថាពូជាអ្នកមានបុណ្យមកបំភ្លឺមេរៀនព្រះពុទ្ធឬអត់បាន។ ឥលូវទុកពួកគេមួយដុំសិនចុះ ពួកមនុស្សទាំងអស់នេះ តាំងពីកាលជំនាន់ព្រះពុទ្ធអង្គណាក៏ដោយម្ល៉េះគឺចាំតែលទ្ធផលចេញមកអុកគូទទឺស ស្លេស្លឺ មីងមាំង រត់ជាន់ជើងគ្នា រកមុខរកបាតមិនឃើញតែអញ្ចឹង ដូច្នេះទុកពួកគេមួយដុំចុះ គេថាអីថាទៅ ធ្វើអីធ្វើទៅតាមនិស្ស័យជាសត្វដែលទ្វារខួរមិនមែនជាទ្វារមនោហ្នុងទៅ។ ឥឡូវនិយាយពីរឿងហេតុផល រឿងបានឈាន ឬអត់ទៅវិញ មនុស្សមានទ្វារមនោអាចគិត ហើយយល់បាន។ ពេលវេលាទៅមុខរហូត មែន ឬមិនមែន? បើអញ្ចឹង បច្ចុប្បន្ននេះនឹងទៅជាអតីតកាលសម្រាប់ពេលទៅខាងមុខ មែន ឬមិនមែន? ហើយពេលវេលាទៅមុខ មិនមែនដប់ឆ្នាំ មួយរយឆ្នាំ មួយម៉ឺនឆ្នាំ មួយលានឆ្នាំ មួយកោដិឆ្នាំទេ គឺប៉ុន្មានឆ្នាំក៏បានដែរ ប៉ុន្មានកប្បក៏បានដែរ ប៉ុន្មានអសង្ខេយ្យក៏បានដែរ មែន ឬមិនមែន? មនុស្សអត់ទ្វារមនោ គ្រាន់តែហេតុផលប៉ុណ្ណឹង ចង់ងីងើហើយ តែមិនអីទេ ទុកវាមួយដុំចុះ អ្នកដែលខួរដែលជាទ្វារមនោគិតហេតុផលទៅមុខទៀត។ បើពេលវេលាទៅមុខប៉ុន្មានក៏បានដែរអញ្ចឹង ពេលវេលាថយក្រោយក៏អញ្ចឹងដែរ ដូច្នេះសម្រាប់ព្រះពុទ្ធព្រះនាមសមណគោតមដែលចំណាយពេលបួនអសង្ខេយ្យ មួយសែនកប្បដើម្បីសម្រេចការត្រាស់ដឹង គឺជារឿងអាចមានពិតមែនហើយ គ្មានអ្វីចម្លែកទេ មនុស្សអត់ទ្វារមនោគឺរឿងប៉ុណ្ណឹងគឺរញ៉េរញ៉ៃទៀតហើយ ប៉ុន្តែទ្វារមនោអាចគិតហេតុផលបាន គឺវាត្រូវតែអញ្ចឹងមែន។ នេះព្រះពុទ្ធព្រះនាមសមណគោតមដែលត្រាស់ដឹងដោយបញ្ញផង ចុះទម្រាំព្រះពុទ្ធអង្គផ្សេងៗត្រាស់ដឹងដោយការព្យាយាមជាដើមដែលត្រូវចំណាយពេលដល់ទៅប៉ែតសិបអសង្ខេយ្យ ឬយូរជាងនេះ រឿងអីថាមិនអាច គឺត្រូវតែអាច ព្រោះពេលវេលាអត់អាចឈប់នៅស្ងៀមបានទេ គឺទៅមុខរហូត ដូច្នេះពេលឥលូវនេះនឹងក្លាយទៅជាអតីតកាល ឥឡូវនេះអាចជាអតីតកាលរបស់មួយរយអសង្ខេយ្យ មួយម៉ឺនអសង្ខេយ្យទៅមុខទៀតជាប្រាកដ។ គិតហេតុផលមើលទៅ អញ្ចឹង ឬមិនអញ្ចឹង? ដូច្នេះវិទ្យាសាស្ត្ររីកចម្រើនដូចសព្វថ្ងៃនេះនឹងឡើងទៅរកទីបំផុតគឺរលំរលាយរាប់ពាន់លានដងទៀតដដែលតែអញ្ចឹង គិតហេតុផលទៅមើល អញ្ចឹង ឬមិនអញ្ចឹង? អ្នកដែលទ្វារខួរមិនមែនជាទ្វារមនោ ស្រែកហ៊ើយ អញខ្ជិលគិតណាស់ និយាយមកថ្ងៃណាបានឈាន? ហាហាហា! គឺខួរវាមិនអាចគិតហេតុផលបានទេ គិតខ្លាំងឆេះខួរឥលូវហើយ អញ្ចឹងហើយបានជាវានិយាយថា ខំគិតពីរឿងធម៌ហ្នឹងទៅ តិចអត់អង្ករច្រកឆ្នាំង ហាហាហា។ ឥឡូវយើងមានទ្វារមនោ បន្តគិតហេតុផលទៅមុខទៀត។ កម្លាំងបង្កើតលោកិយ បើលោកិយបង្កើតលោកិយ មិនដឹងជាផែនដីមួយនេះត្រូវបែក ឬអត់ទេ ហើយបើបែក បែកជ្រុងណា? បើប្រទេសគេ គេថែបានល្អ គេនឹងអត់បែកនៅជ្រុងហ្នុងទៅ គឺមិនទៀងទាត់ទេ វាអាស្រ័យទៅលើមនុស្សថែរក្សាវាបានល្អ ឬមិនបានល្អហ្នុងហើយ ដូច្នេះព្រះពុទ្ធមិនអាចព្យាករណ៍ទុកត្រូវនោះទេ អញ្ចឹង ឬមិនអញ្ចឹង? ចុះហេតុអ្វីព្រះសម្មាសម្ពុទ្ធព្យាករណ៍មិនចេះចប់ដូចជាថា កប្បក្រោយគឺជាកប្បងងឹត គ្មានព្រះពុទ្ធត្រាស់ដឹង ហើយក៏គ្មានស្ដេចចក្រដែរ។ តើបើផែនដីអាស្រ័យលើមនុស្សថែ អញ្ចឹងការប្រមើលរបស់ព្រះអង្គថាក្រោយអំណាចនៃការត្រាស់ដឹងរបស់ព្រះអង្គ គឺអន្តរកប្ប អន្តរកប្បគឺជាកំឡុងពេលអន្តរកប្ប អន្តរធាន ហើយបន្ទាប់ពីនោះ យ៉ាងយូរទើបមនុស្សអាចមានអាយុដល់ទៅប្រាំបីម៉ឺនឆ្នាំ ហើយពេលដែលអាយុមនុស្សចុះមកនៅត្រឹមពីរម៉ឺនឆ្នាំ ទើបព្រះពុទ្ធមួយអង្គត្រាស់ដឹង ត្រូវតែព្រះនាមសិអារ្យមេត្រី មនុស្សម៉េចមិនឆ្ងល់ផង ហេតុអ្វីព្រះសិអារ្យមេត្រីមិនទាន់ត្រាស់ដឹងផង ស្រាប់តែព្រះពុទ្ធសមណគោតមប្រមើលថាព្រះពុទ្ធអង្គក្រោយត្រូវតែព្រះនាមសិអារ្យមេត្រីអញ្ចឹង ម្ដេចក៏ឈ្មោះរាប់លានកោដិឈ្មោះ មិនដាក់ចំ មកដាក់ចំតែសិអារ្យមេត្រីហ្នឹងអញ្ចឹង? ម៉េចក៏មិនចេះសួររកហេតុផលសោះអញ្ចឹងមនុស្ស? គឺនេះមកពីពិភពលោកនេះកើតមកពីកម្លាំង ដែលព្រះពុទ្ធគ្រប់អង្គអាចមានសមត្ថភាពយល់ពីដំណើរគោចររបស់កលាបៈដែលវិលឡើងចុះៗរបៀបណានោះ។ គិតមើលទៅ អញ្ចឹង ឬមិនអញ្ចឹង? អ្នកអត់ទ្វារមនោ គឺឈឺក្បាលទៀតហើយ។ តែសម្រាប់ពូ រឿងប៉ុណ្ណឹង មិនបាច់ពីណាមកនាំពូគិតទេ គឺពូគិតយល់ដោយខ្លួនឯងបាន ហើយអាចយកការយល់នោះមកពន្យល់គេបានថែមទៀតផង។ បើលោកិយបង្កើតឡើងដោយសារកម្ម អញ្ចឹងពេលដែលកម្មវិលចុះ លោកិយឃើញអាក្រក់ បើកម្មវិលឡើង នោះលោកិយឃើញថាល្អ។ ល្អ និងអាក្រក់នេះ គឺមិនមែនមើលឃើញតាមទ្វារភ្នែកទេ គឺមើលឃើញ ឬមើលយល់តាមទ្វារមនោ។ ក្មួយគិតទៅមើល បើកម្មវិលមុជចុះ លោកិយកាន់តែអាក្រក់ទៅៗ លុះដល់ចំណុចដែលកលាបៈចាប់ផ្ដើមវិលងើបឡើងវិញ នោះជាចំណុចអាក្រក់បំផុតនៃលោកិយហើយ អញ្ចឹង ឬមិនអញ្ចឹង? ចុះបើនៅទីបំផុតនៃការវិលចុះនៃកលាបៈជាចំណុចដែលលោកិយមើលឃើញថាអាក្រក់ខ្លាំង ដល់ពេលកលាបៈចាប់ផ្ដើមវិលងើបឡើងវិញ លោកិយមិនចាប់ផ្ដើមល្អឡើងវិញ។ ក្មួយគិតទៅមើល លោកិយកំពុងតែអាក្រក់ខ្លាំង តើធ្វើម៉េចអោយលោកិយនេះប្រែមកជាល្អបាន? អូ មនុស្សនៅនាលោកិយកំពុងតែអាត្មានិយមខ្លាំងបំផុត ស្រាប់តែព្រឹកឡើង ចេះនឹកឃើញលែងសូវអាត្មានិយមដោយខ្លួនឯងទៅឬ? វាមិនសមហេតុផលទេ គឺត្រូវតែមានអំណាចអ្វីមួយមកយិតយោងលោកិយដែលកំពុងអាត្មានិយមខ្លាំងនោះអោយរសាយចិត្តអាត្មានិយមនេះឡើងវិញ គឺវាត្រូវតែមានមនុស្សអស្ចារ្យមកពីឋានផ្សេងដែលខ្មែរយើងហៅថាអ្នកមានបុណ្យមកជួយពន្យល់អោយមនុស្សប្រែជាលែងអាត្មានិយមនេះ ព្រោះមុននឹងលោកិយងើបឡើងគឺលោកិយអាក្រក់ខ្លាំងណាស់ ដូច្នេះមនុស្សធម្មតាមិនអាចមានសមត្ថភាពទាញពន្យល់មនុស្សអោយលែងអាត្មានិយមនោះបានទេ។ គិតទៅ អញ្ចឹង ឬមិនអញ្ចឹង? នេះគឺជាហេតុផលកម្មបង្កើតលោកិយហើយណា។ ពូអាចពន្យល់មនុស្សអោយលែងអាត្មានិយមបានមែន ប៉ុន្តែបើត្រឹមតែបញ្ញាពូ តើមនុស្សអាចផ្អើលភ្ញាក់មកស្ដាប់ការពន្យល់ដ៏មានហេតុផលរបស់ពូបានដែរ ឬទេ? គឺមិនអាចទេ ដូច្នេះដាច់ខាត ពូត្រូវតែសម្រចឈាន ដើម្បីជាហេតុពញ្ញាក់វិញ្ញាណមនុស្សនាសម័យនេះអោយភ្ញាក់ផ្អើលទទួលស្គាល់ថាពូជាអ្នកមានបុណ្យ ហើយមកស្ដាប់ពូពន្យល់ពន្លាវិញ្ញាណមនុស្សអោយដឹងខុស ដឹងត្រូវឡើងវិញបាន។ បើពូមិនសម្រេចឈានទេ គឺត្រឹមតែបញ្ញាពូ ពូមិនអាចពន្យល់យិតយោងវិញ្ញាណមនុស្សនាសម័យនេះបានជាដាច់ខាត ដូច្នេះហេតុផលកម្ម គិតទៅគឺឈានពូត្រូវតែបានសម្រេច។ ក្មួយគិតទៅមើល អញ្ចឹង ឬមិនអញ្ចឹង? ហើយក្មួយបន្ថែមហេតុផលលើដំណើរការងាររបស់ពូតាំងពីចេញពីបក្សសម រង្ស៊ីទៅមើល តើពូជាមនុស្សចម្លែកខុសអស់មនុស្សទាំងពួងក្នុងសម័យនេះដែរ ឬទេ? មានហេតុផលដ៏ច្រើនទៀតដែលពូមិនអាចរៀបរាប់អស់ក្នុងពេលនេះ បញ្ជាក់ថាពូជាអ្នកមកបំភ្លឺឡើងវិញមេរៀនព្រះពុទ្ធពាក់កណ្ដាលកម្លាំងត្រាស់ដឹងរបស់ព្រះពុទ្ធព្រះនាមសមណគោតមនោះ ហើយបើឈានពូមិនបានសម្រេច កិច្ចការបំភ្លឺនេះ ពូអាចសម្រេចបានដែរ ឬទេ? គឺមិនអាចទេ។ នេះការគិតហេតុផលដើម្បីអោយវិញ្ញាណរបស់អ្នកដឹងថាឈានរបស់ពូបានសម្រេច ឬអត់? ចំណែកខ្លួនពូដែលជាអ្នកវិបស្សនាផ្ទាល់ ពូបានដឹងលើសហេតុផលដែលក្មួយៗបានគិតយល់នេះទៅទៀត អញ្ចឹងបានជាពូនិយាយលេងថា មួយរយស៊ីតែមួយរៀលទេរឿងឈាននេះ។ សម្ងំជាសុខដោយសង្ឃឹមជឿជាក់ចុះក្មួយ អោយអ្នកដែលទ្វារខួរមិនមែនជាទ្វារមនោ រឿងទាំងអស់គឺចាំមើលលទ្ធផលនោះ គេនិយាយអី គេធ្វើអីធ្វើតាមនិស្ស័យជាសត្វដែលទ្វារខួរមិនមែនជាទ្វារមនោហ្នុងទៅក្មួយអើយ រឿងយើងដឹងតែស៊ីលុយហ្នឹងអស់ហើយ ចាក់ប៉ុន្មាន ស៊ីប៉ុណ្ណឹង ហាហាហា!

សំណេរដើម
-FB Page (Khem Veasna): https://www.facebook.com/100047130520692/posts/592254682355544/?d=n
-FB Account (Veasna Khem): https://www.facebook.com/100006543093049/posts/3461044174123652/?d=n

សំណេរលោកពូ វាសនា (០៥ សីហា ២០២២)
-----------
មុនគេបង្អស់គឺសម្មាទិដ្ឋិសិន។ កុំអាលសារភាពកំហុស កុំអាលស្តាប់គេសារភាពកំហុស កុំអាលពន្យល់មនុស្សអោយដឹងខុសត្រូវ កុំអាលស្តាប់សំដីវារាយការណ៍ វាយតំលៃស្អី កុំអាលធ្វើទាន......ថាកុំអាលធ្វើអី និយាយអីនឹងគេ គឺត្រូវធ្វើអោយវិញ្ញាណគេមានសម្មាទិដ្ឋិជាមុនសិន។ ព្រោះអី? ព្រោះកាលណាវិញ្ញាណនោះមិនទាន់មានសម្មាទិដ្ឋិទេ នៅពេលដែលវិញ្ញាណនោះដឹងជាអារម្មណ៍ គឺមិនដឹងនៅក្នុងអារម្មណ៍តែមួយដូចគ្នាទេ គឺដឹងតែពីដឹងក្នុងអារម្មណ៍លំអៀងជាដរាប គឺលំអៀងមកខាងខ្លួន ដឹងគេជាសញ្ញានៅឯសញ្ញាខន្ធ ដឹងខ្លួនឯងដឹងជាអារម្មណ៍នៅឯវេទនាខន្ធ។ ខាងខ្លួន សុខ និងទុក្ខ វិញ្ញាណដឹងជាអារម្មណ៍ ហើយសុខ និងទុក្ខរបស់គេ វាយតម្លៃអំពីគេ គឺវិញ្ញាណនោះដឹងត្រឹមតែជាសញ្ញា។ គិតមើលទៅ ស្អីដែលទាក់ទងនឹងខ្លួន វិញ្ញាណដឹងជាអារម្មណ៍ ស្អីដែលទាក់ទងខាងគេ វិញ្ញាណដឹងត្រឹមជាសញ្ញា វិញ្ញាណដឹងជាអារម្មណ៍នៅខន្ធទីបី វិញ្ញាណដឹងជាសញ្ញានៅខន្ធទីពីរ។ គិតមើលអោយយល់ទៅ ទៅនិយាយ ទៅប្រាស្រ័យទាក់ទង ទៅរាប់អានយ៉ាងម៉េចជាមួយវិញ្ញាណឆ្កួតអញ្ចឹង? វិញ្ញាណសម្មាទិដ្ឋិ គឺវិញ្ញាណអត់អញដោយការយល់ដំណើរធម៌គឺដឹងខាងគេ និងដឹងខាងខ្លួនជាអារម្មណ៍តែមួយ ជាអារម្មណ៍ដូចគ្នា។ នេះបានពេញតួជាវិញ្ញាណ។ សម្មាទិដ្ឋិ គឺយល់ត្រូវ តាមពិតសម្មាទិដ្ឋិ គឺអារម្មណ៍អត់អញបានដោយសារការយល់ដំណើរធម៌ហៅថាការយល់ត្រូវ។ សម្មាទិដ្ឋិគឺអង្គទីមួយនៃអដ្ឋង្គិកមគ្គជាតួបញ្ញា បើបញ្ញា គឺអារម្មណ៍យល់ បើអារម្មណ៍អត់អញដែលមិនកើតមានដោយអារម្មណ៍យល់ត្រូវ នោះគឺមិនមែនសម្មាទិដ្ឋិទេ ព្រោះមិនមែនបញ្ញាទេ បញ្ញាគឺអារម្មណ៍យល់ បើមិនមែនអារម្មណ៍យល់គឺមិនមែនសម្មាទិដ្ឋិទេ ព្រោះអារម្មណ៍អត់អញដែលមិនកើតមកពីការស្តាប់យល់ដំណើរធម្មជាតិ មិនមែនអារម្មណ៍អត់អញដែលកើតពីការយល់ធម៌ទេ ដូច្នេះគ្មានអ្វីធ្វើអោយចិត្តមាំទាំលើភាពអត់អញនេះទេ។ ពេលនិយាយពន្យល់គេអោយរស់ជារបស់មួយមានវិញ្ញាណបានត្រឹមត្រូវក៏មិនដឹងពន្យល់គេយ៉ាងម៉េច បើខ្លួនក៏មិនយល់ដែរហ្នឹង អញ្ចឹងអារម្មណ៍អត់អញម្តងម្កាលមិនមែនសម្មាទិដ្ឋិទេ អបាយភូមិមិនបិទទ្វារទេ ព្រោះមិនមែនសម្មាទិដ្ឋិទេ។ សម្មាទិដ្ឋិ ថ្វីត្បិតតែជាវិញ្ញាណសុទ្ធសាធអត់អញជាសត្វ ក៏ប៉ុន្តែ អារម្មណ៍នេះបានដោយការស្ដាប់ការពន្យល់ដំណើរធម៌យល់ ព្រោះសម្មាទិដ្ឋិគឺបញ្ញា បញ្ញាគឺអារម្មណ៍យល់។ យល់ស្អី? គឺយល់ធម៌ហ្នឹងហើយ។ ទាំងជីវិតក្នុងជាតិនេះ ទាំងជីវិតបន្តទៅមុខក្នុងវាលវដ្តសង្សារគឺត្រូវការសម្មាទិដ្ឋិនេះជាចាំបាច់ណាស់។ ក្នុងពេលបច្ចុប្បន្ន វិញ្ញាណសម្មាទិដ្ឋិ ធ្វើអោយមនុស្សជាមនុស្សគ្រប់ទឹកគឺដឹងគេជាអារម្មណ៍ដឹងខ្លួនឯងក៏ដូចគ្នាគឺដឹងជាអារម្មណ៍ដែរ។ ពូសូមលើកឧទាហរណ៍អោយវិញ្ញាណក្មួយស្រួលគិត ហើយយល់។ ពូឈរក្រៅទ្រុងទាព្រៃដែលពូចិញ្ចឹម ពូឃើញវាប្រឹងហែលទឹកក្នុងកូនអាងដែលពូធ្វើសម្រាប់វាលេង។ វាហួរគល់កំប្លោក និងសារ៉ាយដែលពូដាក់ទុកអោយវាហួរលេង វាប្រឹងហួររាវរកចំណី។ ពូសម្លឹងឃើញរូបភាពរបស់ទា ពូស្គាល់ថាសញ្ញានេះគឺសញ្ញាឃ្លានចំណី គឺសញ្ញាវាកំពុងរាវរកចំណី ព្រោះវាឃ្លាន។ នេះជាការដឹងរបស់វិញ្ញាណពូនៅខន្ធទីពីររបស់ចិត្ត គឺវិញ្ញាណដែលជាពូឃើញសញ្ញាទាហួររកចំណី ឯខន្ធទីបីអោយវិញ្ញាណដែលជាពូប្រើសម្រាប់ដឹងសញ្ញានោះគឺសញ្ញាទាហួរចំណី ដឹងសញ្ញានេះជាអារម្មណ៍។ អោយតែវិញ្ញាណដឹងសញ្ញានោះជាអារម្មណ៍ហើយ គឺវិញ្ញាណនោះយល់ចិត្តទាហើយ យល់អារម្មណ៍ទាហើយ។ ចាប់ពីពេលដែលពូយល់អារម្មណ៍ទា ឬយល់សញ្ញាទាឃ្លានចំណីជាអារម្មណ៍ ពូនឹកដល់ពាក្យម្ដាយពូដែលគាត់ប្រាប់ពូថា កូនកុំចិញ្ចឹមសត្វ ព្រោះបើចិញ្ចឹម កូនត្រូវមើលថែវាអោយបានល្អ បើកូនគ្មានពេលនៅមើលថែវាទេ កូនកុំចិញ្ចឹមវា គឺកូនមិនមែនចិញ្ចឹមវាទេ ប៉ុន្តែគឺកូនធ្វើបាបវាទេ។ ពូនឹកឃើញពាក្យម៉ែ ពូរលីងរលោងទឹកភ្នែក អូវិញ្ញាណម៉ែជាវិញ្ញាណព្រហ្មសម្មាទិដ្ឋិ អញ្ចឹងហើយបានជាឃើញសញ្ញាសត្វឃ្លានតាមទ្វារភ្នែកនៅខន្ធទីពីរ វិញ្ញាណម៉ែយល់ជាអារម្មណ៍នូវចិត្តសត្វនៅខន្ធទីបី គឺវេទនាខន្ធអញ្ចឹងទេតើ ទើបម៉ែប្រាប់ខ្ញុំពីរឿងនេះ ឥលូវ ពូគិតដឹងថាវិញ្ញាណវិប្បយុត្ត ដឹងតែសញ្ញានៅខន្ធទីពីរគឺវិញ្ញាណដឹងសញ្ញា ប៉ុន្តែនៅឯខន្ធទីបី វិញ្ញាណមិនដឹងសញ្ញានោះជាអារម្មណ៍ទេ ដូច្នេះវិញ្ញាណវិប្បយុត្តមិនយល់ចិត្តគេទេ តើអាចសេពគប់នឹងវិញ្ញាណវិប្បយុត្តបានដែរ ឬទេ? សុខទុក្ខវា វាដឹងជាអារម្មណ៍ ចំណែកសុខទុក្ខគេ វិញ្ញាណវាដឹងតែជាសញ្ញា អញ្ចឹងហើយបានជាពួកអ្នកចេញពីLDPទៅ បើសួរវាថា ពូឆ្លាតជាងវា មានបញ្ញាជាងវា ឬពួកវាមានបញ្ញាជាងពូ? គឺវាមុខតែឆ្លើយថា ពូមានបញ្ញាជាងវា។ នេះគឺជាការដឹងរបស់វិញ្ញាណវានៅឯខន្ធទីពីររបស់ចិត្ត ប៉ុន្តែវានិយាយចេញមកគឺវាចេះជាងពូតែរហូត។ អូ ហ្នឹងឬដែលពូមានបញ្ញាជាងវា? ចំណាំចុះ អោយតែមនុស្សរាប់អានយើងដោយសម្លឹងឃើញប្រយោជន៍ គឺសុទ្ធតែវិញ្ញាណវិប្បយុត្តទាំងអស់ ទោះបីមិនសម្គាល់ដឹងថាវារកប្រយោជន៍ពីយើងក៏ដោយ អោយតែសម្គាល់ដឹងថាវារាប់អានអ្នកដទៃរកប្រយោជន៍ នោះគឺវិញ្ញាណវិប្បយុត្តដែលមិនគួរសេពគប់នោះហើយ។ ដឹងយើងល្អជាសញ្ញានៅឯសញ្ញាខន្ធ ប៉ុន្តែអារម្មណ៍វាគឺដើម្បីប្រយោជន៍វាទេ សូម្បីតែកូនរបស់ខ្លួនដែលអាត្មានិយម ក៏ចិត្តវាមានលក្ខណៈបែបនេះដែរ គឺដឹងក្ដីល្អរបស់ម្ដាយឪពុក គឺវិញ្ញាណដែលជាវាដឹងត្រឹមតែជាសញ្ញាទេថាម្ដាយឪពុកល្អ តែក្នុងអារម្មណ៍វា សុខទុក្ខរបស់វាសំខាន់ជាងសុខទុក្ខម្ដាយឪពុកខ្លួនជាដរាប។ អោយតែវិញ្ញាណវិប្បយុត្ត គឺសុខទុក្ខវាដឹងជាអារម្មណ៍ តែក្ដីល្អ ឬការលះបង់របស់គេចំពោះវា វិញ្ញាណដឹងក្ដីល្អទាំងនោះ ដឹងតែជាសញ្ញាទេ គឺមិនយល់ចិត្តគេទេ ដូច្នេះចិត្តគោរពរបស់វាគឺគ្មានទេ កូនដែលអាត្មានិយមក៏ប្រភេទហ្នឹងដែរ ម្ដាយឪពុកដែលបណ្ដាលអោយកូនអាត្មានិយម គឺរុញកូនអោយមិនស្គាល់គុណម្ដាយឪពុកហ្នឹងហើយ ហើយបន្ថែមទាំងរុញកូនអោយចុះអបាយភូមិថែមទៀតផង។ សរុបសេចក្ដីមក ក្នុងជីវិតរស់នៅប្រចាំថ្ងៃ ក៏ត្រូវការសម្មាទិដ្ឋិទើបរាប់អានគ្នាកើត ដំណើរទៅខាងមុខ ក៏ត្រូវការសម្មាទិដ្ឋិដើម្បីអោយវិញ្ញាណមានដំណើរឆ្លងកាត់វាលវដ្ដសង្សារដោយសុខសាន្ដរហូតដល់ចេញចាកកងទុក្ខ៕

សំណេរដើម
-FB Page (Khem Veasna): https://www.facebook.com/100047130520692/posts/586778039569875/?d=n
-FB Account (Veasna Khem): https://www.facebook.com/100006543093049/posts/3454633521431384/?d=n

គណបក្សសម្ព័ន្ធដើម្បីប្រជាធិបតេយ្យ សូមជម្រាបជូនដំណឹងដល់បងប្អូនដែលជា សមាជិក និងអ្នកគាំទ្រទាំងអស់ឲ្យបានជ្រាបថា ថ្ងៃទី២៦ ខែមិថុនា ឆ្នាំ២០២២ ខាងមុខនេះ គឺជាថ្ងៃគម្រប់ខួប១៦ឆ្នាំនៃការបង្កើត គណបក្សសម្ព័ន្ធដើម្បីប្រជាធិបតេយ្យ របស់ពួកយើង។ ដូច្នេះដើម្បីរំឭកដល់ថ្ងៃគម្រប់ខួប១៦ឆ្នាំនេះ គណបក្សបានរចនា Profile និង Cover Facebook ដើម្បីឲ្យបងប្អូនដែលជា សមាជិក និងអ្នកគាំទ្រទាំងអស់ អាចដាក់តាំងបង្ហាញចាប់ពីពេលនេះបាន។

-ទាញយក Profile និង Cover FB ច្បាស់៖ https://t.me/LDPTelegram/622

សេចក្ដីជូនដំណឹង ស្ដីពី ការប្រារព្ធកម្មវិធីខួបលើកទី១៦ ថ្ងៃកំណើតគណបក្សសម្ព័ន្ធដើម្បីប្រជាធិបតេយ្យ
២៦ មិថុនា ២០០៦ - ២៦ មិថុនា ២០២២

នាថ្ងៃអាទិត្យ ទី១៥ ខែឧសភា ឆ្នាំ២០២២ វេលាម៉ោងប្រមាណ ៧:០០នាទីយប់​ លោកពូ​ ខឹម​ វាសនា​ ប្រមុខគណបក្សសម្ព័ន្ធដើម្បីប្រជាធិបតេយ្យនឹងធ្វេីការផ្សាយផ្ទាល់ក្នុងឱកាសថ្ងៃវិសាខបូជាដេីម្បីពន្យល់អំពីធម៌ ដំណើរធម្មជាតិ បំភ្លឺសាជាថ្មីនូវមេរៀនត្រាស់ដឹងរបស់ព្រះសម្មាសម្ពុទ្ធនៃយេីង។ អាស្រ័យដូចបានជម្រាបជូនមកនេះ បងប្អូនសមាជិក និងប្រជាពលរដ្ឋទាំងអស់អាចតាមដានទស្សនាការផ្សាយផ្ទាល់ខាងលេីតាមរយៈទំព័រហ្វេសប៊ុកផ្លូវការរបស់លោកពូ Khem Veasna ទំព័រហ្វេសប៊ុកផ្លូវការរបស់គណបក្ស League for Democracy Party និងទំព័រហ្វេសប៊ុកផ្លូវការរបស់គណបក្សរាជធានី ខេត្ត តាមពេលវេលាដូចបានជម្រាបជូនខាងលេីនេះ៕

🔴ផ្លាស់ប្តូរម៉ោងផ្សាយផ្ទាល់ទៅម៉ោង៦:០០នាទីល្ងាចវិញ

នាវេលាល្ងាចថ្ងៃសុក្រ ទី១៥ ខែមេសា ឆ្នាំ២០២២ និងថ្ងៃសៅរ៍ ទី១៦ ខែមេសា ឆ្នាំ២០២២ វេលាម៉ោងប្រមាណ ៦:០០នាទីល្ងាច លោកពូ​ ខឹម​ វាសនា​ ប្រមុខគណបក្សសម្ព័ន្ធដើម្បីប្រជាធិបតេយ្យ នឹងធ្វេីការផ្សាយផ្ទាល់ក្នុងឱកាសពិធីបុណ្យចូលឆ្នាំថ្មី ដេីម្បីពន្យល់អំពីមេរៀនត្រាស់ដឹងរបស់ព្រះសម្មាសម្ពុទ្ធព្រះបរមគ្រូនៃយេីង។ អាស្រ័យដូចបានជម្រាបជូនមកនេះ បងប្អូនសមាជិក និងប្រជាពលរដ្ឋទាំងអស់អាចតាមដានទស្សនាការផ្សាយផ្ទាល់ខាងលេីតាមរយៈទំព័រហ្វេសប៊ុកផ្លូវការរបស់លោកពូប្រមុខ ( Khem Veasna) ទំព័រហ្វេសប៊ុកផ្លូវការរបស់គណបក្ស (League for Democracy Party ) និងទំព័រហ្វេសប៊ុកផ្លូវការរបស់គណបក្សរាជធានី ខេត្ត តាមពេលវេលាដូចបានជម្រាបជូនខាងលេីនេះ៕