ម៉េង សុភា ស្មៀនឃុំព្រៃនប់ ស្រុកព្រៃនប់ ខេត្តព្រះសីហនុ

រសៀលថ្ងៃទី០៤ ខែកុម្ភៈ ឆ្នាំ២០២៦
លោក អុី ធារិន អភិបាលនៃគណៈអភិបាលស្រុកព្រៃនប់ រួមដំណើរដោយ លោក ឈុន ថន សមាជិកក្រុមប្រឹក្សាស្រុក. លោក មេឃុំព្រៃនប់. លោក មេឃុំទួលទទឹង. លោកស្រីប្រធានការិយាល័យអប់រំស្រុក អញ្ជើញចុះសួរសុខទុក លោក ចៅ កុល នាយកបឋមសិក្សាប្រឡាយ៧៥ ដែលកំពង់សម្រាកព្យាបាលជំងឺ បានឧបត្ថម្ភ សម្ភារៈ និងថវិកាមួយចំនួន។

សូមអ៊ំ ពូ មីង បង ប្អូន ដែលមានឈ្មោះដូចមានរាយនាមខាងក្រោម អាចទៅទទួលយកប្លង់ដីនៅមន្ទីរសូរិយោដីខេត្តព្រះសីហនុបាន ចាប់ពីថ្ងៃ02/02/2026 រៀងរាល់ម៉ោងធ្វើការ។

ព្រឹកថ្ងៃទី27/12/2025
រដ្ឋបាលឃុំព្រៃនប់សហការជាមួយនគរបាលប៉ុស្ដិ៍ ប្រជាការពារ លោកគ្រូ និងសិស្សានុសិស្សបានធ្វើអនាម័យបរិស្ថានតាមផ្លូវជាតិលេខ៤ និងតាមផ្លូវបេតុង។

ថ្ងៃ23/11/2025
លោក អុី ធារិន អភិបាលនៃគណៈអភិបាលស្រុកព្រៃនប់ អមដំណើរដោយលោកអភិបាលរងនិងមន្រ្តីសាលាស្រុក បានអញ្ជើញចូលរួមទិវាអនាម័យបរិស្ថានជាតិ ដោយមានការចូលរួមពីលោកគ្រូ អ្នកគ្រូ និងសិស្សានុសិស្ស វិទ្យាល័យ និងបឋមសិក្សាក្នុងឃុំព្រៃនប់។

ថ្ងៃទី12/11/2025
លោក អុី ធារិន អភិបាលនៃគណៈអភិបាលស្រុកព្រៃនប់ អមដំណើរដោយ លោក នាង ណេង និងលោក ឈុន ថន សមាជិកក្រុមប្រឹក្សាស្រុក និងលោក កាន់ សុគន្ធ មេឃុំព្រៃនប់ បានអញ្ជើញចុះពិនិត្យមើលផ្លូវដែលខូចពិបាកធ្វើដំណើរ នឹងត្រៀមជួសជុលជូនប្រជាពលរដ្ឋងាយស្រួលក្នុងការធ្វើដំណើរ។

រដ្ឋបាលឃុំព្រៃនប់ ថ្ងៃ02/10/2025 :8h30
លោកស្រី ម៉ាក សំណាង អភិបាលរងខេត្តព្រះសីហនុ តំណាងឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ បានអញ្ជើញចុះមកប្រគល់ទទួលគម្រោងផ្លូវបេតុងដែលឧបត្ថម្ភដោយរដ្ឋបាលខេត្ត(គម្រោងឆ្នាំ២០២៤) នៅភូមិព្រៃនប់១ ជូនរដ្ឋបាលឃុំព្រៃនប់។

ថ្ងៃទី01/10/2025
ចៅអធិការវត្តព្រៃនប់បានឧបត្ថម្ភអង្ករ នឹងគ្រឿងឧបភោគបរិភោគជូនរដ្ឋបាលឃុំព្រៃនប សម្រាប់ចែកជូនគ្រួសារដែលខ្វះខាត។

ថ្ងៃ26/09/2025
ចៅអធិការវត្តពោធិ៍អណ្ដែត បានឧបត្ថម្ភ អង្ករ. ទឹកសុទ្ធ. មី. ទឹកផ្លែឈើ…នឹងថវិកាមួយចំនួន សម្រាប់ចែកជូនប្រជាពលរដ្ឋដែលមានជីវភាពខ្វះខាតក្នុងឃុំ។

រដ្ឋបាលឃុំព្រៃនប់ ថ្ងៃ21/08/2025
លោក អុី ធារិន អភិបាននៃគណៈអភិបាលស្រុកព្រៃនប់ អមដំណើរដោយលោក ឈុន ថន សមាជិកក្រុមប្រឹក្សាស្រុក និងសមាជិិក្រុមប្រឹក្សាឃុំ បានអញ្ជើញចូលរួមពិនិត្យគម្រោងផ្លូវបេតុងជំហានទី២ ស្មើ៤៥%(គម្រោងមូលនិធិឃុំឆ្នាំ២០២៥) ឆ្លៀតក្នុងឪកាសនេះលោកបានឧបត្ថម្ភថវិកាជូនប្អូនស្រីសម្រាលនៅមណ្ឌលសុខភាពព្រៃនប់ និងឧបត្ថម្ភថវិកាជូនចាស់ជរា រួចបន្តជួបសំណេះសំណាលជាមួយប្រជាពលរដ្ឋផងដែរ…។

ថ្ងៃ 19/08/2025 : 9h00
រដ្ឋបាលឃុំព្រៃនប់ បានផ្សព្វផ្សាយវេទិកាសាធារណៈជូនប្រជាពលរដ្ឋភូមិព្រៃនប់១ ឃុំព្រៃនប់ ស្រុកព្រៃនប់ ខេត្តព្រះសីហនុ។

ថ្ងៃ18/08/2025 : 8h30
រដ្ឋបាលឃុំព្រៃនប់ បានធ្វើការផ្សព្វផ្សាយវេទិកាសាធារណៈជូនប្រជាពលរដ្ឋក្នុងភូមិបត់សិរមាន់ ឃុំព្រៃនប់។