មន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចខេត្តព្រះសីហនុ

ជួបជាមួយលោកស្រី Alissar Chaker អ្នកតំណាងកម្មវិធីអភិវឌ្ឍន៍អង្គការសហប្រជាជាតិប្រចាំនៅកម្ពុជា (UNDP) ។

រាជធានីភ្នំពេញ រសៀលថ្ងៃអង្គារ ទី១ កក្កដា ២០២៥

Hold a meeting with Ms. Alissar Chaker, UNDP Resident Representative in Cambodia.

Phnom Penh, Tuesday afternoon, July 1, 2025

ប្រភព៖សម្តេចមហាបវរធិបតី ហ៊ុន ម៉ាណែត

សម្តេចតេជោ ហ៊ុន សែន អនុញ្ញាតឲ្យ ឯកឧត្តម Ermenegildo Kupa Lopes ឯកអគ្គរដ្ឋទូតនៃសាធារណរដ្ឋប្រជាធិបតេយ្យទីម័រឡេស្តេ ចូលជួបសម្តែងការគួរសម និងជម្រាបលា

នៅវិមានព្រឹទ្ធសភា នាព្រឹកថ្ងៃអង្គារ ៦កើត ខែអាសាឍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១ ខែកក្កដា ឆ្នាំ២០២៥ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឲ្យ ឯកឧត្តម Ermenegildo Kupa Lopes ឯកអគ្គរដ្ឋទូតនៃសាធារណរដ្ឋប្រជាធិបតេយ្យទីម័រឡេស្តេ ចូលជួបសម្តែងការគួរសម និងជម្រាបលា ក្រោយឯកឧត្តមបានបញ្ចប់បេសកកម្មការទូតនៅព្រះរាជាណាចក្រកម្ពុជា។

យោងតាមឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងនៅក្រោយជំនួបថា ក្នុងជំនួបនោះសម្តេចតេជោបានសម្ដែងនៅក្តីរីករាយ ដែលបានជួបឯកឧត្តមសាជាថ្មី តែក៏សោកស្ដាយដែលឯកឧត្តមបានផុតអាណត្តិនៅកម្ពុជា។ សម្ដេចបានបន្តថាក្នុងរយៈពេលដែលឯកឧត្តមបានបំពេញបេសកកម្មការងារនៅកម្ពុជាបានបន្សល់ទុកនូវអនុស្សាវរីយ៍ជាច្រើនជាមួយគ្នា ហើយបានធ្វើការងារជាច្រើនជាមួយរាជរដ្ឋាភិបាលកម្ពុជា ហើយនិយាយដោយឡែកជាមួយសម្ដេចដែលឯកឧត្តមបានបំពេញការងារដើម្បីពូនជ្រុំទំនាក់ទំនងរវាងកម្ពុជា និងទីម័រឡេស្តេឲ្យកាន់តែល្អប្រសើរ ហើយសម្ដេចបានចាត់ទុកឯកឧត្តមថាជាឯកអគ្គរដ្ឋទូតមួយដែលបានរឹតចំណងមិត្តភាពរវាងកម្ពុជានិងទីម័រឡេស្តេ។

ឯកឧត្តមឯកអគ្គរដ្ឋទូតទីម័រឡេស្តេបានអរគុណចំពោះសម្ដេចតេជោដែលបានអនុញ្ញាតឱ្យឯកឧត្តមបានជួបជំរាបលានាឱកាសនេះ ឯកឧត្តមបានបង្ហាញនូវក្តីនឹករលឹក ជាពិសេសអនុស្សាវរីយ៍ជាច្រើនដែលឯកឧត្តមបានធ្វើកិច្ចការងារ និងរស់នៅក្នុងប្រទេសកម្ពុជាក្នុងរយៈពេលជាង៥ឆ្នាំមកនេះ ដែលមានអនុស្សាវរីយ៍និងដិតជាប់ជាមួយនឹងប្រទេសកម្ពុជា។ ឯកឧត្តមស្រលាញ់ប្រទេសកម្ពុជា និងចាត់ទុកប្រទេសកម្ពុជាប្រៀបបានដូចប្រទេសទី២របស់ឯកឧត្តម ហើយថ្វីត្បិតតែពេលនេះឯកឧត្តមបានចប់អាណត្តិនៅក្នុងប្រទេសកម្ពុជា ប៉ុន្តែបេះដូងរបស់ឯកឧត្តមនៅជាប់ជាមួយនឹងប្រជាជនកម្ពុជាជាប់ជាមួយថ្នាក់ដឹកនាំកម្ពុជា។ ជាមួយគ្នានោះឯកឧត្តមក៏បានអរគុណសម្ដេចតេជោដែលបានជួយជ្រោមជ្រែងដល់ប្រទេសទីម័រឡេស្តេឱ្យក្លាយជាសមាជិកពេញសិទ្ធិនៅតុលាខាងមុខ ឯកឧត្តមបានលើកឡើងថាប្រសិនបើគ្មានការជួយជ្រោមជ្រែងពីសម្ដេចតេជោទេ ទីម័រឡេស្តេមិនអាចក្លាយជាសមាជិកពេញសិទ្ធិរបស់អាស៊ានក្នុងឆ្នាំខែតុលាខាងមុខនេះទេ។ ដូច្នេះនេះគឺជាគុណរបស់សម្ដេចតេជោដែលបានចូលរួមចំណែកដល់ទីម័រឡេស្តេ ហើយឈ្មោះសម្ដេចតេជោ នឹងស្ថិតនៅជាប់និងប្រជាជនទីម័រឡេស្តេគ្រប់កាលៈទេសៈ។

សម្ដេចតេជោ ហ៊ុន សែន បានបង្ហាញនូវការពេញចិត្តចំពោះកិច្ចការងារដែលបានធ្វើការងារមួយចំនួនជាមួយឯកឧត្តមឯកគ្គរដ្ឋទូតទីម័រឡេស្តេ ហើយក៏បានផ្ដាំសួរសុខទុក្ខដល់ចំពោះឯកឧត្តម Gusmão ដែលជានាយករដ្ឋមន្ត្រី និងឯកឧត្តម José Ramos-Horta ដែលជាប្រធានាធិបតីទីម័រឡេស្តេ ហើយសម្ដេចតេជោក៏រំលឹកអំពីដំណើរទស្សនៈកិច្ច របស់សម្ដេចទៅកាន់ទីម័រឡេស្តេកាលពីពេលកន្លងទៅ ដែលទទួលបាននូវភាពជោគជ័យ ហើយទទួលបាននូវការស្វាគមន៍យ៉ាងរាក់ទាក់ ដែលមានឯកឧត្តមប្រធានាធិបតីទីម័រឡេស្តេជាអ្នកបើកឡានជូនដំណើរសម្ដេច និងនាយករដ្ឋមន្ត្រីនៅអមពីក្រោយ ដែលនេះជាប្រវត្តិសាស្ត្រមួយដែលបានកើតឡើង នៃទំនាក់ទំនងរវាងកម្ពុជានិង ទីម័រឡេស្តេ។ សម្ដេចតេជោក៏បានរំលេចផងដែរ ក្នុងជីវិតរបស់សម្ដេចតេជោក្នុងកិច្ចការ អន្តរជាតិនេះ សម្ដេចមានមោទនភាពណាស់ដែលអាចជួយទីម័រឡេស្តេឲ្យចូលជាសមាជិកអង្កេតការណ៍ក្នុងឆ្នាំ២០២២ និង ទីម័រឡេស្តេអាចចូលជាសមាជិកពេញសិទ្ធិរបស់អាស៊ាននៅខែតុលាឆ្នាំ២០២៥ ខាងមុខនេះ បន្ទាប់ពីសម្ដេចបានដឹកដៃឥណ្ឌា ឱ្យក្លាយទៅជាដៃគូរបស់អាស៊ាន នៅឆ្នាំ២០០២ កន្លងទៅប្រស្នាដៃរបស់សម្ដេចបានធ្វើដែរ។

នាឱកាសនោះសម្ដេចតេជោបានពន្យល់ ឯកឧត្តមអគ្គរដ្ឋទូតទីម័រឡេស្តេ អំពីស្ថានភាពព្រំដែននៅកម្ពុជា គឺបញ្ហាជម្លោះកម្ពុជា-ថៃ ដោយសម្ដេចបានបញ្ជាក់ពីការចាប់ផ្ដើមដោយទាហានថៃបាញ់សម្លាប់ទាហានកម្ពុជាកាលពីថ្ងៃទី ២៨ ខែឧសភា និងការបិទព្រំដែនជាឯកតោភាគី។ សម្ដេចបានបញ្ជាក់ថា កម្ពុជាទាំងសម្ដេចធិបតី និងសម្ដេចផ្ទាល់ គឺមិនចង់មានបញ្ហាសង្គ្រាមជាមួយប្រទេសជិតខាងនោះទេ គឺយើងចង់ដោះស្រាយបញ្ហាដោយសន្តិវិធី និងឈរលើច្បាប់អន្តរជាតិ ប៉ុន្តែប្រសិនបើនៅតែបំពាន និងឈ្លានពានកម្ពុជាគឺយើងត្រូវប្រើសិទ្ធិការពារនៅវៃបកត្រឡប់ទៅវិញ។

ឯកឧត្តមឯកអគ្គរដ្ឋទូតទីម័រឡេស្តេក៏បានអរគុណចំពោះសម្ដេចតេជោ ដែលបានពន្យល់អំពីបញ្ហាព្រំដែន និងគោលបំណងនៃការសម្រេចចិត្តដ៏ត្រឹមត្រូវរបស់កម្ពុជា ឯកឧត្តមក៏បានកោតសរសើរចំពោះសម្ដេចតេជោ ក្នុងការដោះស្រាយបញ្ហាសំខាន់ៗជាច្រើនរបស់កម្ពុជា ដែលជាអ្នកយុទ្ធសាស្ត្រដ៏អស្ចារ្យមួយ ដែលឯកឧត្តមបានរៀនសូត្រ និងគោរពជាទីបំផុតដែលសម្ដេចបានធ្វើកន្លងមក។ ឯកឧត្តមសង្ឃឹមថាខាងមុខទៀត ទីម័រឡេស្តេ នឹងយកកម្ពុជាជាគំរូក្នុងការដោះស្រាយបញ្ហាក៏ដូចជាការអភិវឌ្ឍប្រទេសជាតិឱ្យមានភាពល្អប្រសើរបន្ថែមទៀត៕
ប្រភព៖សម្តេចតេជោ ហ៊ុន សែន

រាជធានីភ្នំពេញ ព្រឹកថ្ងៃទី១ ខែកក្កដា ឆ្នាំ២០២៥ – លោកជំទាវ សុខ វិឡាយ រដ្ឋលេខាធិការប្រចាំការក្រសួងអធិការកិច្ច បានដឹកនាំកិច្ចប្រជុំដេីម្បីពិនិត្យ និងពិភាក្សា លេីសេចក្តីព្រាងប្រកាសស្តីពីការរៀបចំ និងការប្រព្រឹត្តទៅរបស់ការិយាល័យចំណុះនាយកដ្ឋាននៃអគ្គនាយកដ្ឋានអធិការកិច្ច ដោយមានការអញ្ជើញចូលរួមពីឯកឧត្តមរដ្ឋលេខាធិការ អនុរដ្ឋលេខាធិការ ទីប្រឹក្សាក្រសួង អគ្គនាយកអធិការកិច្ច នាយករងនិងមន្រ្តីខុទ្ទកាល័យ ប្រធាននាយកដ្ឋានចំណុះអគ្គនាយកដ្ឋានអធិការកិច្ច និងក្រុមជំនួយការច្បាប់។
ប្រភព៖ក្រសួងអធិការកិច្ច

រាជធានីភ្នំពេញ ថ្ងៃទី៣០ ខែមិថុនា ឆ្នាំ២០២៥ ឯកឧត្តម ទូច រិទ្ធី និងឯកឧត្តម ហេង ចាន់ឌី រដ្ឋលេខាធិការក្រសួងអធិការកិច្ច បានអញ្ជើញដឹកនាំកិច្ចប្រជុំបូកសរុបលទ្ធផលការងារខែមិថុនា និងលើកទិសដៅការងារខែកក្កដា ឆ្នាំ២០២៥ របស់នាយកដ្ឋានតាមដានការអនុវត្តច្បាប់ ដោយមានការអញ្ជើញចូលរួមពីឯកឧត្តមប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋានអធិការកិច្ច លោកប្រធាននាយកដ្ឋាន លោក លោកស្រីអនុប្រធាននាយកដ្ឋាន លោកប្រធានការិយាល័យទាំង៣ លោក លោកស្រីអនុប្រធានការិយាល័យ និងមន្ដ្រីរាជការនៃនាយកដ្ឋានតាមដានការអនុវត្តច្បាប់ នៅទីស្ដីការក្រសួង។
ប្រភព៖ក្រសួងអធិការកិច្ច

ព្រឹកថ្ងៃទី៣០ ខែមិថុនា ឆ្នាំ២០២៥ លោក អេង តែតតា ប្រធានមន្ទីរអធិការកិច្ចខេត្តព្រះសីហនុ បានចូលរួមកិច្ចប្រជុំពង្រឹងវិស័យសុខាភិបាលក្នុងខេត្តព្រះសីហនុ ក្រោមអធិបតីភាពឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ នៅសាលប្រជុំក្រុមប្រឹក្សាខេត្ត

ព្រឹកថ្ងៃទី២៦ ខែមិថុនា ឆ្នាំ២០២៥ ឯកឧត្តម វង្ស ផាណាត ប្រធានក្រុមប្រឹក្សាខេត្តព្រះសីហនុ និងលោក មីន កុម្ភៈ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំកិច្ចប្រជុំវិសាមញ្ញលើកទី៦ របស់ក្រុមប្រឹក្សាខេត្តព្រះសីហនុ អាណត្តិទី៤ ដោយមានការអញ្ជើញចូលរួមពីឯកឧត្តម លោកជំទាវ សមាជិក សមាជិកា ក្រុមប្រឹក្សាខេត្ត អភិបាលរងខេត្ត នាយករងរដ្ឋបាលខេត្ត ប្រធានមន្ទីរ អង្គភាព ជំនាញពាក់ព័ន្ធ និងទីចាត់ការ-អង្គភាព ការិយាល័យចំណុះសាលាខេត្តព្រះសីហនុ។

កិច្ចប្រជុំវិសាមញ្ញលើកទី៦ របស់ក្រុមប្រឹក្សាខេត្តព្រះសីហនុអាណត្តិទី៤ មានរបៀបវារៈចំនួន៥ យកមកពិនិត្យ និងពិភាក្សារួមមាន៖
១.ប្រសាសន៍បើកកិច្ចប្រជុំ
២.ពិនិត្យកូរ៉ុម
៣.ពិនិត្យ ពិភាក្សា និងអនុម័តលើសេចក្តីព្រាងរបៀបវារៈ នៃកិច្ចប្រជុំវិសាមញ្ញលើកទី៦ របស់ក្រុមប្រឹក្សាខេត្ត អាណត្តិទី៤
៤.ពិនិត្យ ពិភាក្សា និងអនុម័តលើសេចក្តីព្រាងផែនការអភិវឌ្ឍរយៈពេលប្រាំឆ្នាំ(២០២៥-២០២៩)ខេត្តព្រះសីហនុ
៥.ប្រសាសន៍បូកសរុប៕
ប្រភព៖រដ្ឋបាលខេត្តព្រះសីហនុ

រាជធានីភ្នំពេញ ថ្ងៃទី២៦ ខែមិថុនា ឆ្នាំ២០២៥ – ឯកឧត្តម សុខ សូកេន រដ្ឋមន្ត្រីក្រសួងអធិការកិច្ចបានអញ្ជើញដឹកនាំកិច្ចប្រជុំប្រចាំសប្ដាហ៍ដើម្បីពិនិត្យបញ្ចប់សេចក្តីព្រាងប្រកាសស្តីពីការរៀបចំ និងការប្រព្រឹត្តទៅរបស់ការិយាល័យចំណុះនាយកដ្ឋាននៃអគ្គនាយកដ្ឋានដោះស្រាយបណ្តឹង, អគ្គនាយកដ្ឋានរដ្ឋបាលនិងហិរញ្ញវត្ថុ, វិទ្យាស្ថានជាតិអធិការកិច្ច និងនាយកដ្ឋានសវនកម្មផ្ទៃក្នុង ដោយមានការអញ្ជើញចូលរួមពីថ្នាក់ដឹកនាំ និងមន្ត្រីរាជការនៅទីស្ដីការក្រសួងក្រសួងអធិការកិច្ច។

ឆ្លៀតក្នុងឱកាសនេះផងដែរ ឯកឧត្តមរដ្ឋមន្រ្តី បានណែនាំឱ្យថ្នាក់ដឹកនាំនៃអង្គភាពនានាត្រូវខិតខំចូលរួមពង្រឹងសមត្ថភាពស្ថាប័ន ប្រកបដោយភាពសកម្ម និងបុរេសកម្ម ស្របជាមួយនឹងយុទ្ធសាស្រ្ត «ព៤ជ៤» របស់ក្រសួងអធិការកិច្ច។
—
Phnom Penh, June 26, 2025 - H.E. Sok Soken, Minister of Inspection, presided over the weekly meeting to review and finalize the Draft Prakas on the organization and functions of the bureaus under the General Department of Complaint Resolution, the General Department of Administration and Finance, the National Institute of Inspection, and the Department of Internal Audit. The meeting was attended by leaders and officials of the Ministry, at the Ministry of Inspection.

On this occasion, H.E. Minister further advised leaders of all units to actively and proactively strengthen institutional capacity in line with the Ministry’s “S4P4” Strategy.
ប្រភព៖ក្រសួងអធិការកិច្ច

ចូលរួមពិធីប្រគល់សញ្ញាបត្រថ្នាក់បណ្ឌិត បរិញ្ញាបត្រជាន់ខ្ពស់ បរិញ្ញាបត្រវិទ្យាសាស្រ្តនគរបាល បរិញ្ញាបត្រពន្ធនាគារ និងវគ្គបណ្តុះបណ្តាលកម្រិតបឋមវិជ្ជាជីវៈនគរបាល ជូនដល់ជ័យលាភីសរុបចំនួន៦៩៨នាក់ នៅបណ្ឌិត្យសភានគរបាលជាតិ ។

ខេត្តកណ្តាល ព្រឹកថ្ងៃព្រហស្បតិ៍ ទី២៦ មិថុនា ២០២៥

ប្រភព៖សម្តេចមហាបវរធិបតី ហ៊ុន ម៉ាណែត

សម្តេចតេជោ ហ៊ុន សែន អញ្ជើញចុះជួបសំណេះសំណាលជាមួយសមាជិកក្រុមប្រឹក្សាឃុំ-សង្កាត់-ក្រុង-ខេត្តឧត្តរមានជ័យ។

នៅព្រឹកថ្ងៃព្រហស្បតិ៍ ១កើត ខែអាសាឍ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី ២៦ ខែ មិថុនា ឆ្នាំ ២០២៥ បន្ទាប់ពីបានជួបសំណេះសំណាលជាមួយមេបញ្ជាការយោធភូមិភាគទី២ និងទី៣ នៅបញ្ជាការដ្ឋានភ្លើងលេខ៣ ក្រុងសំរោង ខេត្តឧត្តរមានជ័យ រួចមក ឯកឧត្តម នាយឧត្តមសេនីយ៍ តេជោ ហ៊ុន សែន នាយឧត្តមសេនីយ៍ផ្កាយមាស៥ និងជាប្រធានព្រឹទ្ធសភា នៃព្រះរាជាណាចក្រកម្ពុជា បានបន្តជួបសំណេះសំណាលជាមួយសមាជិកក្រុមប្រឹក្សាស្រុក-ខណ្ឌ ខេត្តឧត្តរមានជ័យ ចំនួន២៤៨នាក់។

បន្ទាប់ពីរបាយការណ៍របស់ H.E. លោក ម៉ែន ចាន់យ៉ាដា អភិបាលខេត្តឧត្តរមានជ័យ សម្ដេចតេជោ ហ៊ុន សែន បានថ្លែងអំណរគុណដល់សមាជិកក្រុមប្រឹក្សាឃុំ-សង្កាត់-ក្រុង-ខេត្ត ដែលបានចូលរួមការបោះឆ្នោតកាលពីលើកមុន។ សម្តេចតេជោ បានមានប្រសាសន៍ថា សមាជិកក្រុមប្រឹក្សាទាំងអស់ មកពីអ្នកបោះឆ្នោត គឺជាប្រជាពលរដ្ឋ ដែលសម្តេចបានណែនាំថា ក្រុមប្រឹក្សាត្រូវធ្វើការជាមួយប្រជាពលរដ្ឋ ដើម្បីឲ្យប្រជាពលរដ្ឋបន្តបោះឆ្នោតជូនពួកគាត់។ សម្តេចបានណែនាំឲ្យចងចាំថា មន្ត្រីគឺជាអ្នកបម្រើប្រជាពលរដ្ឋ ព្រោះសម្តេចចង់ឲ្យសមាជិកក្រុមប្រឹក្សាជិតស្និទ្ធជាមួយអ្នកបោះឆ្នោត ប្រជាពលរដ្ឋ និងបម្រើប្រជាពលរដ្ឋបានល្អ។

សម្តេចតេជោ ក៏បានកោតសរសើរចំពោះការខិតខំប្រឹងប្រែងរបស់អាជ្ញាធរជាតិថ្នាក់ក្រោមនាពេលកន្លងមក និងឆ្លៀតឱកាស។ សម្តេចក៏បានថ្លែងទៅកាន់ក្រុមប្រឹក្សាខេត្ត-ក្រុង-ស្រុក-សង្កាត់ទាំងអស់អំពីបញ្ហាព្រំដែនកម្ពុជា-ថៃថា ស្ថានការណ៍នយោបាយនៃប្រទេសជិតខាងថៃបានរុញច្រានជម្លោះជាមួយកម្ពុជា ទោះជាយ៉ាងណាក្នុងស្ថានភាពនេះ សម្តេចមើលឃើញថាវិបត្តិបានក្លាយទៅជា។ ទៅជាកល្យាណវត្តភាព។

សម្តេចតេជោ បានណែនាំក្រុមផ្តល់ប្រឹក្សាជំរុញប្រជាពលរដ្ឋដាំកសិផល ប្រែក្លាយវិបត្តិទៅជាទំនើប ជំរុញផលិតកម្មក្នុងខេត្ត ការផ្គត់ផ្គង់ក្នុងខេត្ត ហើយកម្លាំងសមត្ថកិច្ច សហការជំរុញប្រជាពលរដ្ឋដាំ ដើម្បីផ្គត់ផ្គង់កងកម្លាំងប្រដាប់អាវុធនៅនឹងកន្លែង ហើយតាមការរំពឹងទុក សម្តេចមើលឃើញថា កងកម្លាំងប្រដាប់អាវុធអាចត្រូវការរយៈពេលវែង។

សម្ដេចតេជោបញ្ជាក់ថា ប្រទេសយើងកំពុងមានជម្លោះជាមួយថៃ បើគ្មានការកែប្រែទេ មេដឹកនាំក្រុងបាងកកអាចមានសង្រ្គាមយូរហើយមិនដូចកាលពីឆ្នាំ២០១១ សម្តេចបានណែនាំឲ្យពលរដ្ឋជីកដីការពារខ្លួន ហើយកុំភ្លេចបង្កើនទិន្នផល បើទោះជាស្ថានការណ៍កើតឡើងនៅព្រំដែនដូចពេលនេះ ដូវ វ៉ាសា មកដល់ហើយ។

បន្ថែមលើនេះ ទាក់ទងនឹងការរក្សាសន្តិសុខសង្គម សម្ដេចតេជោ លើកឡើងថា គោលនយោបាយឃុំបាយ័ន មានសុវតិ្ថភាព គួរបន្តបន្តទៀត ព្រោះវាមានសារសំខាន់ណាស់។ ហើយអ្នកដឹកនាំដែលមានប្រសិទ្ធភាព គឺសុភាពបុរសឃុំនេះ ដែលត្រូវចូលរួមការពារសន្តិសុខសង្គម បញ្ហាគ្រឿងញៀន ល្បែងស៊ីសង សុទ្ធតែត្រូវផ្លាស់ប្តូរ ដើម្បីប្រឆាំងគ្រឿងញៀន ដែលជាកង្វល់រួម និងកង្វល់ដាច់ដោយឡែកពីគ្នាសម្រាប់គ្រួសារនីមួយៗ។

ជុំវិញការបិទព្រំដែនតាមការយល់ព្រមពីប្រទេសថៃ សម្ដេចតេជោលើកឡើងថា ថៃបិទដោយខ្លួនឯង ហើយពេលផ្លែមិនល្អ គាត់មកសុំចរចាបិទខ្លួនឯង លុះចង់បើកវិញ តែសុំចរចា។ ថៃឥឡូវដូចជាបិទប្រទេសទាំងព្រំដែនភូមា ឡាវ ម៉ាឡេស៊ីជាដើមក៏មានបញ្ហាដែរ។ សម្តេចបន្តថា សម្រាប់កម្ពុជា លោកចង់ឲ្យព្រំដែនជាមួយប្រទេសជិតខាងជាព្រំដែនមិត្តភាព សន្តិភាព កិច្ចសហប្រតិបត្តិការ និងការអភិវឌ្ឍន៍។

ប្រភព៖សម្ដេចតេជោហ៊ុន សែន

ព្រឹកថ្ងៃទី២៥ ខែមិថុនា ឆ្នាំ២០២៥ លោក លឹម វណ្ណៈ ប្រធានការិយាល័យ កញ្ញា ខេត្រ សុភា អនុប្រធានការិយាល័យរដ្ឋបាល និងហិរញ្ញវត្ថុ កញ្ញា វ៉ង សុផល មន្ត្រីជាប់កិច្ចសន្យាមន្ទីរអធិការកិច្ចខេត្តព្រះសីហនុ បានចូលរួមពិធីដាំកូនកោងកាងដើម្បី " រួមគ្នាបង្កើនគម្របបៃតងជូនមាតុភូមិយើង " ក្រោមគម្រោងបន្សុំាទៅនឹងការប្រែប្រួលអាកាសធាតុ តាមរយៈអន្តរាគមន៍ហេដ្ឋារចនាសម្ព័នខ្នាតតូចនៅតំបន់លំនៅដ្ឋានឆ្នេរសមុទ្រនៃប្រទេសកម្ពុជា (CCA4CS) នៅភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ ក្រោមអធិបតីភាពឯកឧត្តមបណ្ឌិត ភាវ សុវុទ្ធី អនុរដ្ឋលេខាធិការក្រសួងបរិស្ថាន និងលោក ឡុង ឌីម៉ង់ អភិបាលរងខេត្ត តំណាងឯកឧត្តម ម៉ាង ស៊ីណេត អភិបាលខេត្តព្រះសីហនុ

ព្រឹកថ្ងៃទី២៥ ខែមិថុនា ឆ្នាំ២០២៥ ឯកឧត្តមបណ្ឌិត ភាវ សុវុទ្ធី អនុរដ្ឋលេខាធិការក្រសួងបរិស្ថាន និងជាប្រធានគណៈកម្មាធិការគ្រប់គ្រងគម្រោង CCA4CS និងលោក ឡុង ឌីម៉ង់ អភិបាលរងខេត្ត តំណាងឯកឧត្តម ម៉ាង ស៊ីណេត អភិបាលខេត្តព្រះសីហនុ អញ្ជើញជាអធិបតីក្នុងពិធីដាំដើមកូនកោងកាង ដើម្បី «រួមគ្នាបង្កើនគម្របបៃតងជូនមាតុភូមិយើង» របស់គម្រោងបន្សាំទៅនឹងការប្រែប្រួលអាកាសធាតុ តាមរយៈអន្តរាគមន៍ ហេដ្ឋារចនាសម្ព័ន្ធខ្នាតតូចនៅតំបន់លំនៅដ្ឋានឆ្នេរសមុទ្រ នៃប្រទេសកម្ពុជា (CCA4CS) នៅភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ ដោយមានការចូលរួមពីលោកអភិបាលរងខេត្ត ប្រធានមន្ទីរ អង្គភាព អាជ្ញាធរមូលដ្ឋាន យុវជនកាយរិទ្ធ យុវជនកាកបាទក្រហម និស្សិតអាហារូបករណ៍សម្តេចតេជោ ប្រជាសហគមន៍ និងរៀបចំដោយអង្គការសហប្រជាជាតិសម្រាប់លំនៅឋានមនុស្សជាតិ (UN-Habitat)។

លោក នេន ចំរើន ប្រធានមន្ទីរកសិកម្មរុក្ខាប្រមាញ់ និងនេសាទខេត្តព្រះសីហនុ យើងបានបង្កើតតំបន់គ្រង់គ្រងជលផលសមុទ្រតាមប្រកាសលេខ៥០៤ លើផ្ទៃដី ១០ ០៩០ហិកតា ក្នុងនោះព្រៃកោងកាងមាន ២ ៨០០ហិកតា ក្រៅពីនេះសុទ្ធតែជាផ្ទៃទឹក សម្រាប់អ្នកនេសាទជាលក្ខណៈគ្រួសារមានប្រមាណ ៥០០នាក់ក្នុងមួយថ្ងៃ នៅតបន់នេះយើងបានធ្វើការដាំដុះបានជាង ៥០ ០០០កូនរួចហើយ។ ទន្ទឹមនោះយើងនៅសល់កូនកោងកាងជាង ១០ម៉ឺនកូន យើងធ្វើការដាំនៅជម្ពូខ្មៅ និងបេកក្រង់បន្តទៀត ការដាំជារឿងមួយ ក៏ប៉ុន្តែការ ថែទាំជារឿងសំខាន់ដែលទាមទាឱ្យយើងចូលរួមថែរក្សាទាំងអស់គ្នា។

លោក ឡុង ឌីម៉ង់ អភិបាលរងខេត្តព្រះសីហនុ បានថ្លែងអំណរគុណចំពោះអង្គការសហប្រជាជាតិសម្រាប់លំនៅឋានមនុស្សជាតិ (UN-Habitat) ដែលបានសហការជាមួយក្រសួងបរិស្ថាន រដ្ឋបាលខេត្តព្រះសីហនុ និងអ្នកពាក់ព័ន្ធរៀបចំពិធីដាំដើមកូនកោងកាងក្រោមការអនុវត្តគម្រោង ការបន្សាំទៅនឹងការប្រែប្រួលអាកាសធាតុ តាមរយៈអន្តរាគមន៍ហេដ្ឋារចនាសម្ព័ន្ធខ្នាតតូចនៅតំបន់លំនៅឋានតំបន់ឆ្នេរ ក្នុងគោលបំណង៖ ១.លើកកម្ពស់ការបន្សាំ និងកសាងភាពធន់នឹងការប្រែប្រួលអាកាសធាតុ នៃតំបន់លំនៅឋានរបស់ប្រជាជនដែលងាយរងគ្រោះនៅតាមតំបន់ឆ្នេរ ២.បង្កើនចំណេះដឹង និងសមត្ថភាពសហគមន៍នៃការដាំដើមកោងកាងឡើងវិញ ៣.ការដាំដើមកោងកាង គឺជាការការពារបរិស្ថាន និងប្រព័ន្ធអេកូឡូស៊ី បង្កើតជម្រកសម្រាប់សត្វសមុទ្រ ៤.ដើមកោងកាងមានសមត្ថភាពបំពេញតួនាទីដំណើររំលាយកាបូនក្នុងខ្យល់ ដោយកាត់បន្ថយការបំពុលអាកាស និងអភិរក្សបរិស្ថាន ៥.កោងកាងអាចអភិវឌ្ឍក្លាយជាគោលដៅទេសចរណ៍ធម្មជាតិ សម្រាប់ទេសចរជីវចម្រុះ និងការអភិរក្សធម្មជាតិ។

ឯកឧត្តមបណ្ឌិត ភាវ សុវុទ្ធី អនុរដ្ឋលេខាធិការក្រសួងបរិស្ថាន និងជាប្រធានគណៈកម្មាធិការគ្រប់គ្រងគម្រោង CCA4CS អបអរសាទរចំពោះការខិតខំប្រឹងប្រែងពីអាជ្ញាធរមូលដ្ឋានរហូតដល់ថ្នាក់ដឹកនាំខេត្តធ្វើការដាំដុះ ស្តារព្រៃកោងកាងជាបន្តបន្ទាប់ អ្វីដែលយើងធ្វើការដាំដុះ ស្តារព្រៃកោងកាងឡើងវិញ។ ដើម្បីបង្កើនគម្របបៃតងជួយកាត់បន្ថយការបំភាយឧស្ម័នផ្ទះកញ្ចក់ ក៏ដូចជាការវិនិយោគជូនបងប្អូនមូលដ្ឋាន ក្រសួងបរិស្ថាន និងអាជ្ញាធរដែនដីបានចូលរួមចំណែកធ្វើយ៉ាងណាបង្ការទប់ស្កាត់ការកាប់ទន្ទ្រាន ការកាន់កាប់ និងការរុករានយកដីព្រៃដោយខុសច្បាប់ យើងរួមគ្នាការពារគម្របបៃតង យើងត្រូវដាំដុះព្រៃកោងកាងឱ្យបានជាអតិបរិមាឱ្យមានតុល្យភាពក្នុងការស្រូបយកឧស្ម័នផ្ទះកញ្ចក់ ទាក់ទងនឹងភាពបៃតង ក្រសួងបរិស្ថានបានធ្វើយុទ្ធនាការពន្លកបៃតង ដោយបង្កើតឱ្យមានថ្នាលបណ្តុះកូនឈើតាមតំបន់នៅទូទាំងព្រះរាជាណាចក្រកម្ពុជា ឆ្នាំ២០២៤។ យើងបានធ្វើការបណ្តុះ និងចែកកូនឈើដាំបានចំនួន ១ ២០០ ០០០ដើម ហើយឆ្នាំ២០២៥ ធ្វើការបណ្តុះ និងចែកកូនឈើដាំដុះចំនួន ៣ ០០០ ០០០ដើម យើងក៏បានធ្វើការចែកកូនឈើសម្រាប់ធ្វើការដាំដុះបានចំនួន ៥០០ ០០០ដើម នេះជាឆ្នាំទីពីរ នៃយុទ្ធនាការពន្លកបៃតងនិងចាប់ផ្តើមនៅសប្តាហ៍ទី១ ខែសីហា ២០២៥ ក្រោមអធិបតិភាពសម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ទន្ទឹមនោះក៏មានយុទ្ធនាការដាំកូនត្នោត ១លានដើមផងដែរ ការដាំកូនកោងកាងនៅទីនេះ ជាផ្នែកមួយនៃការស្តារព្រៃកោងកាងនៅក្នុងតំបន់ រួមចំណែកក្នុងយុទ្ធនាការពន្លកបៃតង ហើយគោលដៅសំខាន់ គឺការកាត់បន្ថយការប្រែប្រួលអាកាសធាតុ ព្រោះព្រៃកោងកាង គឺជាអង្គរក្សសមុទ្រមួយដែលជួយទ្រទ្រង់ប្រព័ន្ធអេកូឡូស៊ីសមុទ្រ និងផ្តល់អត្ថប្រយោជន៍ផ្សេងៗជូនប្រជាពលរដ្ឋនៅក្នុងសហគមន៍ផងដែរ៕
ប្រភព៖រដ្ឋបាលខេត្តព្រះសីហនុ

ព្រឹកថ្ងៃទី២៥ ខែមិថុនា ឆ្នាំ២០២៥ លោក ឃ្លាំង សារ័ត្ន អនុប្រធានមន្ទីរអធិការកិច្ចខេត្តព្រះសីហនុ បានចូលរួមសិក្ខាសាលាតម្រង់ទិស ស្តីពីការវិភាគតម្រូវការសម្រាប់រៀបចំផែនការ និងថវិកា នៃកម្មវិធីវិនិយោគ៣ឆ្នាំរំកិលនៅថ្នាក់ក្រោមជាតិ ក្រោមអធិបតីភាពឯកឧត្តម វ៉ា សុផល អនុរដ្ឋលេខាធិការក្រសួងផែនការ និងលោក មីន កុម្ភៈ អភិបាលរងខេត្តព្រះសីហនុ នៅសាលប្រជុំមន្ទីរផែនការខេត្តព្រះសីហនុ