មន្ទីរបរិស្ថាន ខេត្តព្រះសីហនុ

រសៀលថ្ងៃទី៥ ខែមិថុនា ឆ្នាំ២០២៦ លោក ម៉ើង សុភាព ប្រធានស្ដីទី បានចូលរួមអបអរសាទរ ទិវាបរិស្ថានជាតិ និងបរិស្ថានពិភពលោក ៥ មិថុនា ឆ្នាំ២០២៦ ក្រោមប្រធានបទ «សំណល់សូន្យ»
ក្រោមអធិបតីភាព ឯកឧត្ដមបណ្ឌិត អ៊ាង សុផល្លែត រដ្ឋមន្ត្រី
ក្រសួងបរិស្ថាន នៅទីស្ដីការក្រសួងបរិស្ថាន។

ដោយបានការណែនាំពីឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ និងដឹកនាំផ្ទាល់ដោយលោក សាមុត សុធារិទ្ធ អភិបាលរងខេត្ត មន្ត្រីរាជការនៃមន្ទីរបរិស្ថានខេត្តព្រះសីហនុ ចំនួន៨រូប បានសហការជាមួយក្រុមការងាររដ្ឋបាលខេត្ត មន្ទីរកសិកម្ម រុក្ខាប្រម៉ាញ់ និងនេសាទ មន្ទីរសាធារណការ និងដឹកជញ្ជូនខេត្ត រដ្ឋបាលក្រុងព្រះសីហនុ រដ្ឋបាលសង្កាត់លេខ១ បានចូលរួមក្នុងយុទ្ធនាការ ពន្លកបៃតង ក្រោមប្រធានបទ ផ្ទះមួយខ្នង ដើមឈើមួយដើម ដោយធ្វើការដាំដើមឈើតាមបណ្តោយផ្លូវលេខ ៧០២ ស្ថិតនៅភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ
ថ្ងៃទី ៥ ខែ មិថុនា ឆ្នាំ ២០២៦

សេចក្ដីជូនដំណឹង
ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី៤ ខែមិថុនា ឆ្នាំ២០២៦ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី៥ ខែមិថុនា ឆ្នាំ២០២៦ ដែលមានកំហាប់ភាគល្អិតនិចលគិតជាមធ្យមស្មើនឹង ៧.៧២ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។

ពណ៌ខៀវ៖គុណភាពខ្យល់ល្អណាស់មាន ខេត្តបន្ទាយមានជ័យ ខេត្តបាត់ដំបង ខេត្តកំពង់ស្ពឺ ខេត្តកណ្តាល ខេត្តព្រះវិហារ ខេត្តកំពង់ធំ ​ ខេត្តកំពត ខេត្តមណ្ឌលគីរី ខេត្តក្រចេះ រាជធានីភ្នំពេញ ខេត្តព្រះសីហនុ ខេត្តកំពង់ឆ្នាំង​​​ ខេត្តកោះកុង ខេត្តពោធិ៍សាត់ ខេត្តប៉ៃលិន ខេត្តស្វាយរៀង ខេត្តព្រៃវែង ខេត្តស្ទឹងត្រែង ខេត្តសៀមរាប ​ខេត្តរតនគិរី និង​ ខេត្តកែប

អបអរសាទរ ខួបលើកទី៣០ ទិវាបរិស្ថានជាតិ និងបរិស្ថានពិភពលោក ក្រោមប្រធានបទ «សំណល់សូន្យ»

៥ មិថុនា ១៩៩៦ - ៥ មិថុនា ២០២៦

ព្រឹកថ្ងៃទី ៤ ខែមិថុនា ឆ្នាំ២០២៦ លោក ម៉ើង សុភាព ប្រធានស្ដីទី បានចូលរួមកិច្ចប្រជុំសាមញ្ញលើកទី២៥ របស់ក្រុមប្រឹក្សាខេត្តព្រះសីហនុ អាណត្តិទី៤ ក្រោមអធិបតីភាព ឯកឧត្ដម វង្ស ផាណាត ប្រធានក្រុមប្រឹក្សាខេត្ត និង
ឯកឧត្ដម ម៉ាង ស៊ីណេត អភិបាល នៃគណៈអភិបាលខេត្ត នៅសាលប្រជុំក្រុមប្រឹក្សា(ជាន់ទី១)។

ព្រឹកថ្ងៃទី៣ ខែមិថុនា ឆ្នាំ២០២៦ លោក ម៉ើង សុភាព ប្រធានស្ដីទី និងការិយាល័យជំនាញ បានចូលរួមកិច្ចប្រជុំពិនិត្យ និងពិភាក្សាលើសំណើសុំសាងសង់កំពង់ផែទេសចរណ៍ និងកន្លែងបដិសណ្ឋារកិច្ច របស់ក្រុមហ៊ុន លី ស៊ីន ឌីវេឡុបម៉ិន ឯ.ក ស្ថិតនៅភូមិស្មាច់ដែង សង្កាត់រាម ក្រុងកំពង់សោម ខេត្តព្រះសីហនុ ក្រោមអធិបតីភាព ឯកឧត្ដម ម៉ាង ស៊ីណេត អភិបាល នៃគណៈអភិបាលខេត្ត នៅសាលប្រជុំអគារក្រុមប្រឹក្សាខេត្ត(ជាន់ទី១)។