https://www.facebook.com/1019838871211344/

Ngoun Bunnan Fan, Krong Suong, Suong (2026)

04/09/2026

🌿 ដំណាំកៅស៊ូជាលក្ខណៈគ្រួសារ — “មាសស” នៃខេត្តត្បូងឃ្មុំ 🤍🇰🇭

ដំណាំកៅស៊ូ មិនត្រឹមតែជាមុខរបររបស់ប្រជាកសិករប៉ុណ្ណោះទេ ប៉ុន្តែជាផ្នែកមួយដ៏សំខាន់ក្នុងការរួមចំណែកលើកកម្ពស់ជីវភាពគ្រួសារ បង្កើតប្រាក់ចំណូល និងជំរុញសេដ្ឋកិច្ចមូលដ្ឋាន។

ដោយឡែក សម្រាប់កសិករមួយផ្នែកនៅ ក្រុងសួង កៅស៊ូបានក្លាយជាដំណាំសេដ្ឋកិច្ចដ៏មានសក្តានុពល ដែលត្រូវការការថែទាំយកចិត្តទុកដាក់ និងការអភិវឌ្ឍប្រកបដោយចីរភាព។

🌱 កសិកម្មរីកចម្រើន — ជីវភាពប្រជាជនប្រសើរឡើង — សេដ្ឋកិច្ចមូលដ្ឋានកាន់តែរឹងមាំ។

📅 ៤ កញ្ញា ២០២៦
#ត្បូងឃ្មុំ #ក្រុងសួង #ដំណាំកៅស៊ូ #មាសស #កសិកម្មកម្ពុជា 🇰🇭

04/09/2026

ម្ចាស់កសិដ្ឋានសប្បាយចិត្ត និងរំភើបចំពោះការយកចិត្តទុកដាក់ និងការគាំទ្រពីអាជ្ញាធរ 🙏❤️

លោក ងួន ប៊ុណ្ណាន អភិបាលនៃគណៈអភិបាលក្រុងសួង បានចុះសួរសុខទុក្ខ និងពិនិត្យមើលស្ថានភាពកសិដ្ឋានលក្ខណៈគ្រួសារ នៅភូមិថ្មី សង្កាត់វិហារលួង ក្រុងសួង ខេត្តត្បូងឃ្មុំ ដើម្បីស្វែងយល់ពីស្ថានភាព តម្រូវការ និងបញ្ហាប្រឈមជាក់ស្តែងរបស់ប្រជាពលរដ្ឋ ព្រមទាំងពិនិត្យលទ្ធភាពផ្តល់ការគាំទ្របន្ថែមលើផ្នែកបច្ចេកទេស សន្តិសុខ និងសុវត្ថិភាព។

ក្នុងឱកាសនេះ លោកអភិបាល បានលើកទឹកចិត្តឱ្យម្ចាស់កសិដ្ឋានបន្តខិតខំអភិវឌ្ឍការងារកសិកម្ម ការចិញ្ចឹមសត្វ និងការដាំដុះឱ្យកាន់តែមានប្រសិទ្ធភាព ព្រមទាំងជំរុញឱ្យមានការសហការគ្នា និងសិក្សាលទ្ធភាព ចងក្រងជាសហគមន៍ ដើម្បីរួមគ្នាចែករំលែកបទពិសោធន៍ បច្ចេកទេស ធនធាន និងបង្កើនសមត្ថភាពផលិតកម្ម សំដៅលើកកម្ពស់ប្រាក់ចំណូល និងជីវភាពគ្រួសាររបស់ប្រជាពលរដ្ឋ។

ការចុះមូលដ្ឋាន គឺជាការចុះជិតប្រជាពលរដ្ឋ ស្តាប់បញ្ហាពិត និងរួមគ្នាស្វែងរកដំណោះស្រាយពិត ដើម្បីឱ្យការអភិវឌ្ឍកាន់តែឆ្លើយតបនឹងតម្រូវការរបស់ប្រជាពលរដ្ឋ។ 🇰🇭❤️

📍 ភូមិថ្មី សង្កាត់វិហារលួង ក្រុងសួង ខេត្តត្បូងឃ្មុំ

02/09/2026

អបអរសាទរជាមួយប្អូនៗសិស្សវិទ្យាល័យសម្តេចតេជោ ហ៊ុន សែន សួង

31/08/2026

យើងត្រូវគាំទ្រ និងជួយដល់កូនចៅរបស់យើង ដើម្បីឱ្យពួកគេក្លាយជាទំពាំងល្អសម្រាប់សង្គម និងប្រទេសជាតិនៅថ្ងៃអនាគត។ 🌱

ការអប់រំកូនចៅ មិនមែនមានត្រឹមតែការផ្តល់ចំណេះដឹងនៅសាលារៀនប៉ុណ្ណោះទេ ប៉ុន្តែត្រូវចាប់ផ្តើមពីគ្រួសារ តាមរយៈការបង្រៀនឱ្យពួកគេចេះគោរព ស្រឡាញ់ អត់ធ្មត់ មានសីលធម៌ ទទួលខុសត្រូវ និងចេះជួយអ្នកដទៃ។

យើងគួរផ្តល់ឱកាសឱ្យកូនចៅបានរៀនសូត្រ ស្វែងយល់ពីអ្វីថ្មីៗ និងអភិវឌ្ឍសមត្ថភាពរបស់ពួកគេ។ ជាពិសេស យើងត្រូវធ្វើជាគំរូល្អសម្រាប់ពួកគេ ព្រោះកុមាររៀនបានច្រើនពីអ្វីដែលពួកគេបានឃើញ និងបានរស់នៅជាមួយជារៀងរាល់ថ្ងៃ។

ពាក្យលើកទឹកចិត្តមួយម៉ាត់ ការយកចិត្តទុកដាក់មួយពេល និងការគាំទ្រមួយជំហាន អាចក្លាយជាកម្លាំងដ៏ធំសម្រាប់អនាគតរបស់ពួកគេ។ កុំរង់ចាំឱ្យពួកគេធំទើបចាប់ផ្តើមអប់រំ ព្រោះអនាគតដ៏ល្អ ចាប់ផ្តើមពីការថែរក្សា និងបណ្តុះបណ្តាលនៅថ្ងៃនេះ។

បើយើងចង់ឃើញសង្គមមួយល្អប្រសើរ និងប្រទេសជាតិមួយរីកចម្រើន យើងទាំងអស់គ្នាត្រូវចាប់ផ្តើមពីការអប់រំ និងបណ្តុះកូនចៅរបស់យើងឱ្យក្លាយជាមនុស្សល្អ មានចំណេះដឹង មានសមត្ថភាព និងមានបេះដូងស្រឡាញ់សង្គម។

កូនចៅល្អ គឺជាទំពាំងដ៏មានតម្លៃសម្រាប់អនាគត។ 🌱❤️

31/08/2026

📍 ចុះពិនិត្យមូលដ្ឋាន និងត្រៀមសាងសង់ផ្លូវបេតុងអាមេ នៅក្រុងសួង

នៅថ្ងៃទី ៣១ ខែសីហា ឆ្នាំ២០២៦ លោក ងួន ប៊ុណ្ណាន អភិបាលនៃគណៈអភិបាលក្រុងសួង បានដឹកនាំក្រុមការងារ ចុះមូលដ្ឋានពិនិត្យស្ថានភាពផ្លូវ និងទីតាំងដែលគ្រោងនឹងអនុវត្តគម្រោងសាងសង់ ផ្លូវបេតុងអាមេ នាពេលខាងមុខ។

ការចុះពិនិត្យនេះ ក្នុងគោលបំណងសិក្សា និងវាយតម្លៃស្ថានភាពជាក់ស្តែងរបស់ផ្លូវ ព្រមទាំងពិនិត្យលក្ខខណ្ឌបច្ចេកទេស និងតម្រូវការចាំបាច់នានា ដើម្បីធានាឱ្យការរៀបចំគម្រោង និងការសាងសង់ប្រព្រឹត្តទៅដោយមានគុណភាព សុវត្ថិភាព និងប្រសិទ្ធភាព។

គម្រោងសាងសង់ផ្លូវបេតុងអាមេនេះ នឹងចូលរួមចំណែកក្នុងការលើកកម្ពស់ហេដ្ឋារចនាសម្ព័ន្ធក្នុងមូលដ្ឋាន សម្រួលដល់ការធ្វើដំណើរ និងការដឹកជញ្ជូនរបស់ប្រជាពលរដ្ឋ ព្រមទាំងរួមចំណែកលើកកម្ពស់សោភ័ណភាព និងការអភិវឌ្ឍទីក្រុងសួងឱ្យកាន់តែមានភាពប្រសើរឡើង។

👉 រដ្ឋបាលក្រុងសួង បន្តយកចិត្តទុកដាក់លើការអភិវឌ្ឍហេដ្ឋារចនាសម្ព័ន្ធ និងការបម្រើផលប្រយោជន៍ប្រជាពលរដ្ឋជាចម្បង។

#ក្រុងសួង #រដ្ឋបាលក្រុងសួង #ផ្លូវបេតុងអាមេ #អភិវឌ្ឍហេដ្ឋារចនាសម្ព័ន្ធ #បម្រើប្រជាពលរដ្ឋ
#៣១សីហា២០២៦

30/08/2026

ទៅមូលដ្ឋាន ដើម្បីប្រជាជន 🙏❤️🇰🇭

ចុះជួបផ្ទាល់ ស្តាប់ពីបញ្ហា ស្វែងយល់ពីតម្រូវការ និងរួមគ្នាស្វែងរកដំណោះស្រាយ ដើម្បីបម្រើប្រជាជនឱ្យកាន់តែប្រសើរ។

មានប្រជាជននៅទីណា យើងនៅទីនោះ។
មានបញ្ហានៅទីណា យើងចូលរួមដោះស្រាយនៅទីនោះ។ 🤝❤️🇰🇭

បម្រើដោយចិត្តស្មោះ សាមគ្គីភាព និងការទទួលខុសត្រូវ។ 🙏
រួមគ្នាដើម្បីមូលដ្ឋាន រួមគ្នាដើម្បីប្រជាជន និងរួមគ្នាដើម្បីកម្ពុជា 🇰🇭❤️

29/08/2026

លោក ងួន ប៊ុណ្ណាន អផិបាលនៃគណៈអភិបាលក្រុងសួង បានអញ្ជើញចូលរួមពិធីចែកអំណោយជូនប្រជាពលរដ្ឋដែលបានជម្លៀសខ្លួនដោយសារគ្រោះទឹកជំនន់ ចំនួន ១.៧២៦គ្រួសារ មកពីឃុំទន្លេបិទ និងឃុំជីរោទ៍ទី១ ស្រុកត្បូងឃ្មុំ ខេត្តត្បូងឃ្មុំ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ជា សុផារ៉ា ឧត្តមប្រឹក្សាផ្ទាល់ព្រះមហាក្សត្រ និងជាសមាជិករដ្ឋសភាមណ្ឌលខេត្តត្បូងឃ្មុំ។

ពិធីនេះបានប្រព្រឹត្តទៅក្នុងស្មារតីយកចិត្តទុកដាក់ និងសាមគ្គីភាព ដើម្បីចូលរួមសម្រាលការលំបាករបស់បងប្អូនប្រជាពលរដ្ឋដែលកំពុងប្រឈមនឹងផលប៉ះពាល់ពីគ្រោះធម្មជាតិ។

ជាមួយគ្នានេះ ពិធីក៏បានបង្ហាញពីស្មារតី ចែករំលែក សាមគ្គីភាព និងការជួយគ្នាទៅវិញទៅមក រវាងអាជ្ញាធរ សប្បុរសជន និងប្រជាពលរដ្ឋ ដើម្បីរួមគ្នាឆ្លងកាត់ស្ថានភាពលំបាក និងជួយឱ្យបងប្អូនដែលរងផលប៉ះពាល់អាចវិលត្រឡប់ទៅកាន់ជីវភាពរស់នៅប្រក្រតីឡើងវិញ។

សូមជូនពរបងប្អូនប្រជាពលរដ្ឋទាំងអស់ឱ្យមានសុខភាពល្អ សុវត្ថិភាព និងឆាប់ផុតផុតពីផលប៉ះពាល់នៃគ្រោះទឹកជំនន់។ ជាពិសេស សូមឱ្យស្ថានភាពទឹកឆាប់ស្រកចុះ និងប្រជាពលរដ្ឋអាចត្រឡប់ទៅកាន់លំនៅឋានរបស់ខ្លួនដោយសុវត្ថិភាព។

04/08/2026

ក្រុងសួង_ថ្ងៃទី៤_ខែសីហា_ឆ្នាំ២០២៦ លោក ងួន ប៊ុណ្ណាន អភិបាលក្រុងសួង បានអញ្ជើញជាអធិបតីក្នុងកិច្ចប្រជុំគណ:បញ្ជាការឯកភាពរដ្ឋបាលក្រុង ដើម្បីត្រួតពិនិត្យ វាយតម្លៃ ការអនុវត្តគោលនយោបាយភូមិ ឃុំ សង្កាត់មានសុវត្ថិភាព, ការទប់ស្កាត់បទល្មើសបច្ចេកវិទ្យា (Online Scams), បន្តពង្រឹងការយកចិត្តទុកដាក់លើការងារផ្ដល់សេវាជូនប្រជាពលរដ្ឋឱ្យកាន់តែល្អប្រសើរ, ដាក់ផែនការការពារសុវត្ថិភាព និងពិនិត្យ ពិភាក្សាលើកិច្ចការមួយចំនួន ធានាឱ្យដំណើការប្រឡងសញ្ញាបត្រមធ្យមសិក្សាទុតិយភូមិប្រព្រឹត្តិទៅដោយរលូន និងបញ្ហាផ្សេងៗ។
កិច្ចប្រជុំនេះមានការចូលរួមពីសំណាក់ លោក លោកស្រីអភិបាលរងក្រុង លោកនាយករដ្ឋបាលសាលាក្រុង លោក លោកស្រីនាយករងរដ្ឋបាលសាលាក្រុង លោកអធិការនគរបាលក្រុង លោកមេបញ្ជាការមូលដ្ឋានកងរាជអាវុធហត្ថក្រុង លោកមេបញ្ជាការផ្នែកសឹករងក្រុង តំណាងមេបញ្ជាការវរ:ស៊ើបការ លោកប្រធានការិយាល័យប្រជាពលរដ្ឋ លោក លោកស្រីប្រធានការិយាល័យ/អង្គភាពចំណុះរដ្ឋបាលក្រុង លោកប្រធានការិយាល័យសុខាភិបាលស្រុកប្រតិបត្តិសួង លោកចៅសង្កាត់ លោកនាយប៉ុស្តិ៍នគរបាលរដ្ឋបាលសង្កាត់ មន្ត្រីកសិកម្មសង្កាត់ និងលោកនាយក លោកនាយករងសាលា នៃទីតាំងមណ្ឌលប្រឡងទាំងបីក្នុងក្រុង។

30/07/2026

សេចក្ដីជូនដំណឹងរបស់រដ្ឋបាលក្រុងសួង អំពីទីតាំងវត្តអារាម ក្នុងក្រុងសួង ដែលមានអគារត្រៀមជូនបេក្ខជនស្នាក់នៅ កំឡុងពេលមកស្នាក់នៅ ប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ១០-១១ សីហា ២០២៦។

30/07/2026

សេចក្ដីជូនដំណឹងរបស់រដ្ឋបាលក្រុងសួង ជូនចំពោះម្ចាស់ភោជនីយដ្ឋាន អាហារដ្ឋាន ផ្ទះសំណាក់ បន្ទប់ជួល ក្នុងក្រុងសួង ក្នុងគោលបំណងធានាសុខសុវត្ថិភាពការស្នាក់នៅ ហូបចុក ជូនសិស្សានុសិស្ស លោកគ្រូ អ្នកគ្រូ និងអាណាព្យាបាល មកស្នាក់នៅប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ១០-១១ សីហា ២០២៦។

Ngoun Bunnan Fan

04/09/2026

04/09/2026

02/09/2026

31/08/2026

31/08/2026

30/08/2026

29/08/2026

04/08/2026

30/07/2026

30/07/2026

Address

Website

Alerts

Shortcuts

Share

Category

Listing takedown request