អាជ្ញាធរជាតិប្រយុទ្ធប្រឆាំងគ្រឿងញៀន National Authority for Combating Drugs

រាជធានីភ្នំពេញ ៖ ថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី៤ ខែមិថុនា ឆ្នាំ២០២៦ លោកជំទាវ ឧត្តមសេនីយ៍ឯក ជ័យ បុប្ផា អគ្គលេខាធិការរង នៃអគ្គលេខាធិការដ្ឋាន អាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានអនុគណៈកម្មការពិធីការ និងផ្គត់ផ្គង់ អញ្ជើញដឹកនាំកិច្ចប្រជុំអនុគណៈកម្មការដើម្បីត្រៀមរៀបចំទិវាអន្តរជាតិប្រយុទ្ធប្រឆាំងគ្រឿងញៀន ២៦មិថុនា ឆ្នាំ២០២៦ នាពេលខាងមុខ

កិច្ចប្រជុំនេះមានការអញ្ជើញចូលរួមពី លោក/លោកស្រី​ អនុប្រធាន និងសមាជិក នៃអនុគណ:កម្មការ​ ។

ក្រោយពលរដ្ឋរាយការណ៍តាម App NoDrug! កម្លាំងនគរបាលឃាត់ខ្លួនជនសង្ស័យ​ចំនួន​ ១នាក់​ ​នៅស្រុក​រុក្ខគិរី​ ខេត្ត​បាត់ដំបង​ ពាក់ព័ន្ធករណីគ្រឿងញៀន

(ខេត្តបាត់​ដំបង​)៖ នៅថ្ងៃទី០៤ ខែមិថុនា​ ឆ្នាំ២០២៦ ក្រោយពីកម្លាំងសមត្ថកិច្ចរបស់អនុគណៈកម្មការប្រចាំបញ្ជា២៤ម៉ោង បានទទួលព័ត៌មានតាមរយៈកម្មវិធីទូរស័ព្ទដៃ NoDrug ថាមានករណី​ ប្រើ​ប្រាស់​ដោយខុសច្បាប់នូវសារធាតុញៀន នៅចំណុច​ភូមិ​ព្រែក​ជីក​ ឃុំ​ព្រែក​ជីក​​ ស្រុក​រុក្ខគិរី​ ខេត្តបាត់​ដំបង​ បានទំនាក់ទំនងជាមួយកម្លាំងគណៈកម្មការគ្រប់គ្រងកម្មវិធីទូរស័ព្ទ NoDrug និងបញ្ជូនព័ត៌មានភ្លាមៗ ទៅកាន់សមត្ថកិច្ចជំនាញនៅមូលដ្ឋាន។

ឯកឧត្តម ឧត្ដមសេនីយ៍ទោ ឃន តារាសម្បត្តិ អគ្គលេខាធិការរង និងជាប្រធានអនុគណៈកម្មការប្រចាំបញ្ជា២៤ម៉ោង បានបញ្ជាកម្លាំងអនុគណៈកម្មការសហការ និងផ្តល់ព័ត៌មានដល់កម្លាំងជំនាញដោយមានការដឹកនាំដោយលោក​ វរសេនីយ៍ឯក​ សុខ​ និមល​ ស្នងការរង​ ផែនការងារ​ប្រឆាំង​គ្រឿងញៀន​ សហការជាមួយ​កម្លាំង​ជំនាញ​ការិយាល័យ​ប្រឆាំង​គ្រឿងញៀន​ សហការ​ជាមួយ​អធិការ​ដ្ឋាន​នគរ​បាល​ស្រុក​រុក្ខគិរី​​​​ បានចុះដល់ទីតាំងប្រតិបត្តិការបង្ក្រាបករណី​ ប្រើ​ប្រាស់​​ដោយ​ខុសច្បាប់​នូវ​សារធាតុ​ញៀន​ ក្នុង​បទល្មើស​ជាក់ស្ដែង​ និង​បាន​ធ្វើ​តេស្ត​ទឹក​នោម​ស្វែង​រក​សារធាតុ​ញៀន​ ជា​លទ្ធផល​វិជ្ជមាន​(+)​​ និង​បាន​ឃាត់​ខ្លួន​ជន​សង្ស័យ​ចំនួន​ ១នាក់​។

វត្ថុ​តាង​ចាប់​យក​ -​ ទូរស័ព្ទ​ដៃ​ចំនួន​ ១គ្រឿង​ ,​ អំពូល​សម្រាប់​ជក់​ថ្នាំ​ញៀន​ចំនួន​ ១ដេីម​។

បច្ចុប្បន្នជនសង្ស័យខាងលេី​ និង​វត្ថុ​តាង​ត្រូវ​បាន​កសាងសំណុំ​រឿង​ បញ្ជូន​ទៅតុលាការចាត់ការតាមនីតិវិធីច្បាប់៕

រាជធានីភ្នំពេញ : ថ្ងៃព្រហស្បតិ៍ ៤រោច ខែ ជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនិងថ្ងៃទី៤ ខែមិថុនា ឆ្នាំ២០២៦ នៅសាលប្រជុំធំរបស់អគ្គលេខាធិការដ្ឋាន អ.ជ.ប.គ.ញ. ដោយទទួលបានការអនុញ្ញាតពី ឯកឧត្តម នាយ ឧត្តមសេនីយ៍ មាស វិរិទ្ធ អគ្គលេខាធិការ នៃអាជ្ញាធរជាតិប្រយុទ្ធប្រឆាំងគ្រឿងញៀន និងតាមការការណែនាំពីឯកឧត្តម ឧត្តមសេនីយ៍ទោ ឃន តារាសម្បត្តិ អគ្គលេខាធិការរង លោកឧត្តមសេនីយ៍ទោ សំ សេដ្ឋា ប្រធាននាយកដ្ឋានអនុវត្តច្បាប់អញ្ជើញដឹកនាំកិច្ចប្រជុំត្រួតពិនិត្យលទ្ធផលការងារប្រចាំខែឧសភា និងលើកទិសដៅខែមិថុនា ឆ្នាំ២០២៦ របស់នាយកដ្ឋានអនុវត្តច្បាប់ និងត្រួតពិនិត្យវឌ្ឍនភាពការងារ បញ្ហាប្រឈម របស់អនុគណៈកម្មការ ប្រចាំបញ្ជា២៤/៧ថ្ងៃ នៃកម្មវិធីទូរសព្ទដៃ NoDrug

កិច្ចប្រជុំនេះមានការអញ្ជើញចូលរួម ពី លោកឧត្តមសេនីយ៍ វរសេនីយ៍ អនុប្រធាននាយកដ្ឋាន លោកវរសេនីយ៍ អនុសេនីយ៍ ប្រធាន/អនុការិយាល័យ និងមន្ត្រីជំនាញរបស់នាយកដ្ឋានអនុវត្តច្បាប់។

ពិធីប្រកាសចូលកាន់មុខតំណែងអភិបាលរង នៃគណៈអភិបាលខេត្ដកែប
------------

(កែប)÷ ព្រឹក ថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ទោ ឃន តារាសម្បត្តិ អគ្គលេខាធិការរង តំណាងដ៏ខ្ពង់ខ្ពស់ ឯកឧត្តម នាយឧត្ដមសេនីយ៍ អគ្គលេខាធិការ នៃអគ្គលេខាធិការដ្ឋាន អាជ្ញាធរជាតិប្រយុទ្ធប្រឆាំងគ្រឿងញៀន បានចូលរួមពិធីប្រកាសចូលកាន់មុខតំណែងអភិបាលរង នៃគណៈអភិបាលខេត្ដកែប ក្រោមអធិបតីភាពដ៏ខ្ពង់ខ្ពស់ ឯកឧត្តម សន្ដិបណ្ឌិត ម៉ៅ ច័ន្ទតារា រដ្ឋលេខាធិការប្រចាំការ តំណាងដ៏ខ្ពង់ខ្ពស់ ឯកឧត្ដមអភិសន្ដិបណ្ឌិត ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ដោយមានការអញ្ជើញចូលរួមពី ឯកឧត្តម សោម ពិសិដ្ឋ អភិបាលនៃគណៈ អភិបាលខេត្ត និងឯកឧត្តម អ៊ុក ថា ប្រធានក្រុមប្រឹក្សាខេត្ត ព្រមទាំង ប្រតិភូថ្នាក់ជាតិ សមាជិកក្រុមប្រឹក្សាខេត្ត អភិបាលរងខេត្ត ថ្នាក់ដឹកនាំមន្ទីរអង្គភាពនានាជុំវិញខេត្ត កងកម្លាំងសមត្ថកិច្ច មន្រ្តីរាជការ និងស្ថាប័នពាក់ព័ន្ធជាច្រើនរូប ។

ក្រោយពលរដ្ឋរាយការណ៍តាម App NoDrug
នគរបាលចាប់ខ្លួនជនសង្ស័យចំនួន ១នាក់ ស្ថិតនៅចំណុច ខណ្ឌពោធិ៍សែនជ័យ ពាក់ព័ន្ធករណីគ្រឿងញៀន
========================

(រាជធានីភ្នំពេញ)៖ នៅថ្ងៃទី៣០ ខែឧសភា ឆ្នាំ២០២៦ ក្រោយពីកម្លាំងសមត្ថកិច្ចរបស់អនុគណៈកម្មការប្រចាំបញ្ជា២៤ម៉ោង បានទទួលព័ត៌មានតាមរយៈកម្មវិធីទូរសព្ទដៃ NoDrug ថាមានករណី “ជួញដូរដោយខុសច្បាប់នូវសារធាតុញៀន” នៅចំណុចដីឡូត៌ ផ្លូវបេតុង ភូមិបប៉កត្បូង សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ទំនាក់ទំនងជាមួយកម្លាំងគណៈកម្មការគ្រប់គ្រងកម្មវិធីទូរសព្ទ NoDrug និងបញ្ជូនព័ត៌មានភ្លាមៗ ទៅកាន់សមត្ថកិច្ចជំនាញនៅមូលដ្ឋាន។

ឯកឧត្តម ឧត្ដមសេនីយ៍ទោ ឃន តារាសម្បត្តិ អគ្គលេខាធិការរង និងជាប្រធានអនុគណៈកម្មការប្រចាំបញ្ជា២៤ម៉ោង បានបញ្ជាកម្លាំងអនុគណៈកម្មការ សហការនិងផ្តល់ព័ត៌មានដល់កម្លាំងស្នងការដ្ឋាននគរបាលរាជធានីភ្នំពេញ ដោយមានការដឹកនាំដោយលោកឧត្ដមសេនីយ៍ទោ គល់ យី ស្នងការរងទទួលផែនការងារប្រឆាំងគ្រឿងញៀន និងមានការសម្របសម្រួលនីតិវិធីពី ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ ក្រោយពីទទួលបានព័ត៌មាន កម្លាំងយើងបានចុះទៅដល់ទីតាំង បើកប្រតិបត្តិការបង្ក្រាបករណីនេះ និងបានឃាត់ខ្លួនជនសង្ស័យចំនួន ១នាក់។

វត្ថុតាងចាប់យករួមមាន ក្រាមពណ៌សថ្លាជាគ្រឿងញៀនប្រភេទមេតំហ្វេតាមីន ចំនួន១៨កញ្ចប់។ បច្ចុប្បន្នជនសង្ស័យ ត្រូវបានកម្លាំងជំនាញចាត់ការតាមនីតិវិធីច្បាប់បន្ត៕

ក្រោយពលរដ្ឋរាយការណ៍តាម App NoDrug
នគរបាលចាប់ខ្លួនជនសង្ស័យចំនួន ៣នាក់ ស្ថិតនៅចំណុច ខណ្ឌដូនពេញ ពាក់ព័ន្ធករណីគ្រឿងញៀន
========================

(រាជធានីភ្នំពេញ)៖ នៅថ្ងៃទី៣០ ខែឧសភា ឆ្នាំ២០២៦ ក្រោយពីកម្លាំងសមត្ថកិច្ចរបស់អនុគណៈកម្មការប្រចាំបញ្ជា២៤ម៉ោង បានទទួលព័ត៌មានតាមរយៈកម្មវិធីទូរសព្ទដៃ NoDrug ថាមានករណី “ជួញដូរដោយខុសច្បាប់នូវសារធាតុញៀន” នៅចំណុចប្លុកអ្នកតាចិន ផ្លូវលេខ១៣ សង្កាត់ផ្សារចាស់ និង ក្រោយស្ថានទូតបារាំង ផ្លូវបេតុង ភូមិ២១ សង្កាត់ស្រះចក ខណ្ឌដូនពេញ រាជធានីភ្នំពេញ ទំនាក់ទំនងជាមួយកម្លាំងគណៈកម្មការគ្រប់គ្រងកម្មវិធីទូរសព្ទ NoDrug និងបញ្ជូនព័ត៌មានភ្លាមៗ ទៅកាន់សមត្ថកិច្ចជំនាញនៅមូលដ្ឋាន។

ឯកឧត្តម ឧត្ដមសេនីយ៍ទោ ឃន តារាសម្បត្តិ អគ្គលេខាធិការរង និងជាប្រធានអនុគណៈកម្មការប្រចាំបញ្ជា២៤ម៉ោង បានបញ្ជាកម្លាំងអនុគណៈកម្មការ សហការនិងផ្តល់ព័ត៌មានដល់កម្លាំងស្នងការដ្ឋាននគរបាលរាជធានីភ្នំពេញ ដោយមានការដឹកនាំដោយលោកឧត្ដមសេនីយ៍ទោ គល់ យី ស្នងការរងទទួលផែនការងារប្រឆាំងគ្រឿងញៀន និងមានការសម្របសម្រួលនីតិវិធីពី ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ ក្រោយពីទទួលបានព័ត៌មាន កម្លាំងយើងបានចុះទៅដល់ទីតាំង បើកប្រតិបត្តិការបង្ក្រាបករណីនេះ និងបានឃាត់ខ្លួនជនសង្ស័យចំនួន ៣នាក់។

វត្ថុតាងចាប់យករួមមាន ក្រាមពណ៌សថ្លា ចំនួន ៨៥កញ្ចប់ថង់, ជញ្ជីងសម្រាប់ថ្លឹងថ្នាំញៀន ចំនួន១, ទូរសព្ទដៃចំនួន ២គ្រឿង, ឧបករណ៌សម្រាប់ច្រកគ្រឿងញៀនមួយចំនួន។ បច្ចុប្បន្នជនសង្ស័យ ត្រូវបានកម្លាំងជំនាញចាត់ការតាមនីតិវិធីច្បាប់បន្ត៕

រាជធានីភ្នំពេញ ៖ ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ពុទ្ធសករាជ២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦ លោកជំទាវ ឧត្តមសេនីយ៍ឯក ជ័យ បុប្ផា អគ្គលេខាធិការរង នៃអគ្គលេខាធិការដ្ឋាន អាជ្ញាធរជាតិប្រយុទ្ធប្រឆាំងគ្រឿងញៀន បានដឹកនាំក្រុមការងារនាយកដ្ឋានព្យាបាល ស្តារនីតិសម្បទា និងសមាហរណកម្ម ប្រជុំស្តីពីការពង្រឹងការងាររបស់នាយកដ្ឋាន បទវិន័យនគរបាលជាតិកម្ពុជា ការត្រៀមចូលរួមរៀបចំទិវាអន្តរជាតិប្រយុទ្ធប្រឆាំងគ្រឿងញៀន និងពិភាក្សាការងារផ្សេងៗ។

នារសៀលថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦ ដោយទទួលបានការអនុញ្ញាតពីឯកឧត្តម នាយឧត្ដមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋាន អាជ្ញាធរជាតិប្រយុទ្ធប្រឆាំងគ្រឿងញៀន ឧត្តមសេនីយ៍ទោ អ៊ុយ សមផល្លារិទ្ធិ ប្រធាននាយកដ្ឋានសហប្រតិបត្តិការអន្តរជាតិ បានដឹកនាំមន្រ្តីជំនាញចំនួន ៥ រូប មកពីបណ្តានាយកដ្ឋាន/មន្ទីរ ចំណុះអគ្គលេខាធិការដ្ឋាន អ.ជ.ប.គ.ញ. ចូលរួម វគ្គបណ្ដុះបណ្ដាលត្រួតពិនិត្យគ្រឿងញៀនសិង្ហបុរីលើកទី៣ ឆ្នាំ២០២៦ ពាក់ព័ន្ធនឹងការងារមួយចំនួនដូចជា៖
១.យុទ្ធសាស្ត្រអនុវត្ត
២. ការស្តារនីតិសម្បទា ពីគ្រឿងញៀន
៣. ការប្រមូលព័ត៌មានស៊ើបការណ៍សម្ងាត់
និងបច្ចេកទេសស៊ើបអង្កេត
៤.ការកំណត់អត្តសញ្ញាណគ្រឿងញៀន និងការវិភាគ
៥. យុទ្ធសាស្ត្រអប់រំ ទប់ស្កាត់គ្រឿងញៀន
ដែលប្រព្រឹត្តិទៅចាប់ពីថ្ងៃទី៣-៤ ខែមិថុនា ឆ្នាំ២០២៦ រៀបចំដោយការិយាល័យកណ្ដាលគ្រឿងញៀនសិង្ហបុរី(CNB) តាមរយៈប្រព័ន្ធអនឡាញ។

រាជធានីភ្នំពេញ : ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦ ដោយទទួលបានការអនុញ្ញាតពី ឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋាន អាជ្ញាធរជាតិប្រយុទ្ធប្រឆាំងគ្រឿងញៀន ឯកឧត្តម សំរិត ជេដ្ឋាភិរម្យ អគ្គលេខាធិការរង នៃអ.ជ.ប.គ.ញ. និងឯកឧត្តម ឧត្តមសេនីយ៍ទោ វង្ស ស៊ីណា អគ្គនាយករង នៃអគ្គនាយកដ្ឋានសវនកម្មផ្ទៃក្នុង អញ្ជើញជាសហអធិបតីក្នុងពិធីបើកកិច្ចសវនកម្មផ្ទៃក្នុង នៅអគ្គលេខាធិការដ្ឋាន នៃអ.ជ.ប.គ.ញ. សម្រាប់ការិយបរិច្ឆេទ២០២៥ និងបណ្តាឆ្នាំពាក់ព័ន្ធ ដោយមានការអញ្ជើញចូលរួមពី ប្រធាននាយកដ្ឋាន/អនុប្រធាននាយកដ្ឋាន ប្រធានការិយាល័យ សរុបចំនួន៤១រូប។
កិច្ចសវកម្មផ្ទៃក្នុងនេះត្រូវបានអនុវត្តរៀងរាល់១ឆ្នាំម្តង ក្នុងគោលបំណងផ្តោតសំខាន់លើប្រសិទ្ធភាពនិងប្រសិទ្ធផលការងារ ភាពសន្សំសំចៃ ការគ្រប់គ្រងទ្រព្យសម្បត្តិរដ្ឋ ការគ្រប់គ្រងការងារបុគ្គលិក ពង្រឹងនូវចំណុចខ្លាំង ស្ថាបនានូវចំណុចខ្វះខាតនានា នៅក្នុងអគ្គលេខាធិការដ្ឋាននៃអ.ជ.ប.គ.ញ.។

នគរបាលឃាត់ខ្លួនជនសង្ស័យចំនួន ៧នាក់ នៅ​ស្រុកពញាឮ ខេត្តកណ្ដាល​ ពាក់ព័ន្ធករណីគ្រឿងញៀន ក្រោយពលរដ្ឋរាយការណ៍តាម App NoDrug

(ខេត្តកណ្តាល)៖ នៅថ្ងៃទី២ ខែមិថុនា​ ឆ្នាំ២០២៦ ក្រោយពីកម្លាំងសមត្ថកិច្ចរបស់អនុគណៈកម្មការប្រចាំបញ្ជា២៤ម៉ោង បានទទួលព័ត៌មានតាមរយៈកម្មវិធីទូរស័ព្ទដៃ NoDrug ថាមានករណី រក្សាទុក​ និងប្រេីប្រាស់ខុសច្បាប់នូវសារធាតុញៀន នៅចំណុច​ភូមិព្រែកក្តី ឃុំព្រែកតាទែន ស្រុកពញាឮ ខេត្តកណ្ដាល ទំនាក់ទំនងជាមួយកម្លាំងគណៈកម្មការគ្រប់គ្រងកម្មវិធីទូរស័ព្ទ NoDrug និងបញ្ជូនព័ត៌មានភ្លាមៗ ទៅកាន់សមត្ថកិច្ចជំនាញនៅមូលដ្ឋាន។

ឯកឧត្តម ឧត្ដមសេនីយ៍ទោ ឃន តារាសម្បត្តិ អគ្គលេខាធិការរង និងជាប្រធានអនុគណៈកម្មការប្រចាំបញ្ជា២៤ម៉ោង បានបញ្ជាកម្លាំងអនុគណៈកម្មការ សហការនិងផ្តល់ព័ត៌មានដល់កម្លាំងជំនាញ ដោយមានការដឹកនាំដោយលោក​ឧត្តមសេនីយ៍ត្រី គង់ ស៉ីដន ស្នងការរងទទួលផែនការងារប្រឆាំងគ្រឿងញៀន​ និងមានការសម្របសម្រួលនីតិវិធីពីឯកឧត្ដម ព្រះរាជអាជ្ញានៃអយ្យការអមសាលាដំបូង អធិការដ្ឋាននគរបាលស្រុក ដឹកនាំដោយលោកវរសេនីយ៍ឯក​ ដួង​ តេង​ អធិការនគរបាលស្រុក បើកប្រតិបត្តិការបង្ក្រាបករណីនេះ​ និងបានឃាត់ខ្លួនជនសង្ស័យចំនួន ៧នាក់(ស្រី ២នាក់)។

វត្ថុតាងចាប់យក សារធាតុញៀនមេតំហ្វេតាមីន ( ice) ចំនួន ១៥កញ្ចប់ ទម្ងន់សរុប ២,៦៣ ក្រាម ទូរស័ព្ទដៃ ចំនួន ៦គ្រឿង ប្រាក់រៀលសរុប ចំនួន ២០,០០០ ៛( ក្រដាស់ប្រាក់ ១០,០០០៛ ចំនួន ០១ សន្លឹក និងក្រដាស់ប្រាក់ ៥,០០០៛ ចំនួន ០២សន្លឹក) ឧបករណ៍វេចខ្ចប់ និងប្រើប្រាស់សារធាតុញៀនមួយចំនួន។ បច្ចុប្បន្នជនសង្ស័យ ត្រូវបានកម្លាំងជំនាញចាត់ការតាមនីតិវិធីច្បាប់បន្ត៕