មន្ទីរឧស្សាហកម្ម វ ប ន រាជធានីភ្នំពេញ

នៅថ្ងៃទី២៤ ខែមេសា ឆ្នាំ២០២៦ លោក ជាម ចាន់គ្រឹស្នា អនុប្រធានមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍រាជធានីភ្នំពេញ បានសហការជាមួយអនុគណ:កម្មាធិការវិនិយោគ​រដ្ឋបាលរាជធានីភ្នំពេញ និងក្រុមការងារតាមមន្ទីរជំនាញចុះពិនិត្យទីតាំងជាក់ស្តែងសំណើសុំវិនិយោគបង្កើត រោងចក្រចំនួន ០១ គម្រោង គឺរោងចក្រផលិតខ្សែភ្លើង និងផ្តុំដំឡើងសម្ភារៈបរិក្ខារអគ្គិសនី របស់ក្រុមហ៊ុន YE SHI AN GE (CAMBODIA) ELECTRIC APPLIANCE CO., LTD.។ ស្ថិតនៅក្បាលដីលេខ២ ភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ (អតីតសង្កាត់ចោមចៅ ខណ្ឌដង្កោ) រាជធានីភ្នំពេញ។

ថ្ងៃទី២១ ខែមេសា ឆ្នាំ២០២៦ មន្រ្តីនៃមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ រាជធានីភ្នំពេញ បានសហការណ៍ជាមួយមន្រ្តីនៃមជ្ឈមណ្ឌលមាត្រាសាស្រ្តជាតិ ចុះត្រួតពិនិត្យផ្ទៀងផ្ទាត់ជញ្ជីងតោន ចំនួន១គ្រឿង របស់ក្រុមហ៊ុនបូខន អ៉ិនវេសម៉ិន &ត្រេឌីង ឯ.ក នៅសាលា សង្កាត់ទៀន ខណ្ឌដង្កោ រាជធានីភ្នំពេញ។

ទូលព្រះបង្គំជាខ្ញុំ និងភរិយា ព្រមទាំងថ្នាក់ដឹកនាំ និងមន្រ្តីនៃមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍រាជធានីភ្នំពេញ សូមក្រាបថ្វាយព្រះពរ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត សូមព្រះអង្គឆាប់បានជាសះស្បើយពីព្រះរោគ មានព្រះសុខភាពល្អបរិបូរណ៍ ព្រះកាយពលមាំមួន ព្រះជន្មយឺនយូរ គង់ប្រថាប់ជាម្លប់ដ៏ត្រជាក់នៃកូនចៅប្រជានុរាស្ត្ររបស់ព្រះអង្គអស់កាលយូរអង្វែងតរៀងទៅ !

លោក ជាម ចាន់គ្រឹស្នា អនុប្រធានមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍រាជធានីភ្នំពេញ បានសហការជាមួយអនុគណ:កម្មាធិការវិនិយោគ​រដ្ឋបាលរាជធានីភ្នំពេញ និងក្រុមការងារតាមមន្ទីរជំនាញចុះពិនិត្យទីតាំងជាក់ស្តែងសំណើសុំវិនិយោគបង្កើតរោងចក្រផលិតគ្រឿងបន្សំស្បែកជើង និងសម្ភារៈកីឡា របស់ក្រុមហ៊ុន​ RONG ZHANG SPORTING GOODS CO.,LTD. មានទីតាំងស្ថិតនៅអគារស្ងួនពេជ្រ M ផ្លូវបេតុង ភូមិស្ងួនពេជ្រ សង្កាត់កន្ទោក​ ខណ្ឌកំបូល រាជធានីភ្នំពេញ។

ថ្ងៃទី២៤ ដល់ថ្ងៃទី២៧ ខែមីនា ឆ្នាំ២០២៦ មន្ត្រីនៃមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ រាជធានីភ្នំពេញ បានសហការជាមួយលោក លោកស្រីប្រធានផ្សារក្នុងរាជធានីភ្នំពេញចុះធ្វើការត្រួតពិនិត្យជញ្ជីងគំរូ បាន១៣ផ្សារ សរុបចំនួន ១៧ជញ្ជីង អនុលោម ១៧/១៧ ជញ្ជីងដែលក្នុងនោះមានដូចជា៖
1-សាលាសង្កាត់ស្រះចក ចំនួន០២ជញ្ជីង
2-ផ្សារធំថ្មី ចំនួន៣ជញ្ជីង
3-ផ្សារអូរឬស្សី ចំនួន២គ្រឿង
4-ផ្សារដើមគរ ចំនួន១គ្រឿង
5-ផ្សារច្បារអំពៅ ចំនួន០១ជញ្ជីង
6-ផ្សារបឹងកេងកង ចំនួន១ជញ្ជីង
7-ផ្សារកណ្តាល ចំនួន១គ្រឿង
8-ផ្សារចាស់ ចំនួន១គ្រឿង
9-ផ្សារដេប៉ូ ចំនួន ០១ គ្រឿង
10-ផ្សារសាមគ្គី ចំនួន ០១ គ្រឿង
11-ផ្សារទួលគោក ចំនួន ០១ គ្រឿង
12-ផ្សារព្រែកព្នៅ ចំនួន ០១ គ្រឿង
13-ផ្សារពោធិ៍ចិនតុង ចំនួន ០១ គ្រឿង

ថ្ងៃទី០១ ដល់ ថ្ងៃទី២៥ ខែមីនា ឆ្នាំ២០២៦ មន្ត្រីនៃមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ រាជធានីភ្នំពេញបានចុះត្រួតពិនិត្យឧបករណ៍មាត្រាសាស្ត្រ ដៃបាញ់ប្រេងនៅស្ថានីយប្រេងឥន្ធនៈ ក្នុងរាជធានីភ្នំពេញ បានចំនួន
- ៣០ ស្ថានីយ
- ៨៧ ទូ ស្មើនិង
- ៤៩៤ ដៃបាញ់ប្រេង
1-ស្ថានីយរបស់ក្រុមហ៊ុនសូគីមុិច ២៩ស្ថានីយ ៤៨២ ដៃបាញ់ប្រេង
2-ស្ថានីយរបស់ក្រុមហ៊ុនតេលាខ្មែរ ០១ ស្ថានីយ ១២ ដៃបាញ់ប្រេង
ជាលទ្ធផលអនុលោម ៤៩៤/៤៩៤ ដៃបាញ់ប្រេង អនុលោមតាមប្រកាសលេខ២៧១ MISTI/២០២០ ចុះថ្ងៃទី២២ ខែតុលា ឆ្នាំ២០២០ របស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។

ថ្ងៃទី២២-២៣ ខែមករា ឆ្នាំ២០២៦ លោក ជាម ចាន់គ្រឹស្នា អនុប្រធានមន្ទីរបានដឹកនាំមន្ត្រីជំនាញចូលរួមវគ្គបណ្តុះបណ្តាលបច្ចេកទេសសម្រាប់មន្ទីរ (ជុំទី១ នៅខេត្តកំពត) ផែនការអភិវឌ្ឍន៍សមត្ថភាពមន្ទីរ សកម្មភាពចាប់ផ្តើមទី៣ ។

កាលពីថ្ងៃទី20 ខែធ្នូ ឆ្នាំ2025 លោកប្រធានបានចូលរួមជាមួយ ឯកឧត្តម ហែម វណ្ណឌី រដ្ឋមន្ត្រីនៃក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ និងលោកជំទាវ ព្រមទាំងគណៈប្រតិភូក្រសួង មន្ទីរ រដ្ឋាករទឹក និងអាជ្ញាធរជុំវិញខេត្ត បានចុះសួរសុខ ទុក្ខប្រជាពលរដ្ឋជាជនភៀសសឹកនៅទីតាំងសុវត្ថិភាពក្នុង
ស្រុករតនមណ្ឌល ខេត្តបាត់ដំបង។
មណ្ឌលជនភៀសសឹកដែលស្ថិតក្នុងទីអារាមនេះ កំពុងផ្តល់ជំរកសម្រាប់ពលរដ្ឋប្រមាណ ២០០ គ្រួសារ ភាគច្រើនជាកុមារ ដែលត្រូវបានរត់ភៀសខ្លួនចេញពីលំនៅឋានដោយការវាយប្រហារទ្រង់ទ្រាយធំ រួមទាំងការទម្លាក់គ្រាប់បែកដោយដ្រូនយោធា និងយន្តហោះចម្បាំង ពីសំណាក់យោធាថៃ នៅតាមតំបន់ព្រំដែន និងចូលជ្រៅក្នុងផ្ទៃប្រទេសកម្ពុជា។

ក្នុងដំណើរចុះសួរសុខទុក្ខនេះ គណៈប្រតិភូបានផ្តល់ជំនួយជាស្បៀងអាហារ សម្ភារប្រើប្រាស់ចាំបាច់ និងថវិកាមួយចំនួន ដើម្បីសម្រាលទុក្ខលំបាកដល់បងប្អូនប្រជាពលរដ្ឋដែលទទួលរងគ្រោះដោយសង្គ្រាមឈ្លានពាន ព្រមទាំងបង្ហាញនូវសាមគ្គីភាព និងការយកចិត្តទុកដាក់របស់ថ្នាក់ដឹកនាំចំពោះប្រជាពលរដ្ឋដែលកំពុងជួបការលំបាក។