The Embassy of the Lao PDR to the Republic of Korea

ໃນວັນທີ 7 ມີນາ 2026, ທີ່ ສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳ ສ.ເກົາຫລີ ໄດ້ຈັດພິທີປາຖະກະຖາໃນໂອກາດສະເຫຼີມສະຫຼອງ ວັນແມ່ຍິງສາກົນ ຄົບຮອບ 116 ປີ (8 ມີນາ 1910- 8 ມີນາ 2026) ໃຫ້ກຽດເຂົ້າຮ່ວມພິທີໃນຄັ້ງນີ້ ໂດຍ ທ່ານ ນາງ ໄກມະນີ ອໍລະບູນ, ເອກອັກຄະລັດຖະທູດ ແຫ່ງ ສປປ ລາວ ປະຈຳ ສ.ເກົາຫລີ, ມີບັນດາສະມາຊິກແມ່ຍິງ, ກຳມະບານ ແລະ ຊາວໜຸ່ມ ສະຖານທູດ ແລະ ນັກສຶກ ຢູ່ ສ.ເກົາຫລີ ເຂົ້າຮ່ວມ ພິທີຢ່າງພ້ອມພຽງ. ໃນພິທີໄດ້ມີການຮັບຟັງການເລົ່າມູນ້ຊື້ອປະຫວັດຄວາມເປັນມາຂອງວັນທີ 8 ມີນາ, ການສະຫຼຸບການຈັດຕັ້ງປະຕິບັດວຽກງານແມ່ຍິງປະຈຳປີ 2025 ແລະແຜນເຄື່ອນໄຫວ 2026, ພ້ອມນັ້ນຍັງໄດ່ນັບຟັງການບັນຍາຍແລກປ່ຽນກ໋ຽວກັບວຽກງານພິທີການທູດແລະມາລະຍາດທາງສັງຄົມ. ຫລັງຈາກນັ້ນ, ໄດ້ຮັບຟັງການໂອ້ລົມຂອງທ່ານ ເອກະອັກຄະລັດຖະທູດແຫ່ງ ສປປ ລາວ ປະຈຳ ສ.ເກົາຫລີ . ໃນໂອກາດນີ້ຍັງໄດ້ມີການຈັດການແຂ່ງຂັນກິລາມິດຕະພາບຮ່ວມກັນຂອງສະຖານທູດແລະ 3 ອົງການຈັດຕັ້ງມະຫາຊົນ.

ສະຖານເອກອັກຄະລັດຖະທູດແຫ່ງ ສປປ ລາວ ທີ່ເຊອູນ ໄດ້ສຳເລັດການປ່ອນບັດເລືອດຕັ້ງສະມາຊິກສະພາແຫ່ງຊາດຊຸດທີ X

ໃນວັນທີ 6 ມັງກອນ 2026, ທີ່ ສະຖານເອກອັກຄະລັດຖະທູດແຫ່ງ ສສ. ຫວຽດນາມ ປະຈຳ ສ.ເກົາຫລີ ທ່ານ ນ. ໄກມະນີ ອໍລະບູນ ພ້ອມດ້ວຍຄະນະ ໄດ້ເຂົ້າອວຍພອນວັນປີໃໝ່ຫວຽດນາມ, ໂອກາດດັ່ງກ່າວ ທ່ານ ທູດ Vu Ho ພ້ອມດ້ວຍຄະນະ ກໍ່ໄດ້ໃຫ້ກຽດຕ້ອນຮັບຢ່າງອົບອຸ່ນ ພ້ອມທັງສະແດງຄວາມຂອບໃຈຕໍ່ຝ່າຍລາວ ທີ່ໄດ້ມາອວຍພອນປີໃໝ່ຄັ້ງນີ້, ເຊິ່ງຖືເປັນປະເພີນີປະຕິບັດຂອງສອງສະຖານທູດ.

ໃນວັນທີ 4 ກຸມພາ 2026, ທີ່ ກະຊວງການຕ່າງປະເທດ ສ.ເກົາຫລີ ທ່ານ ນ. ໄກມະນີ ອໍລະບູນ, ເອກອັກຄະລັດຖະທູດ ແຫ່ງ ສປປ ລາວ ປະຈຳ ສ.ເກົາຫລີ ໄດ້ ເຂົ້າພົບ ທ່ານ ຫົວໜ້າກົມພິທີການທູດ ກະຊວງການຕ່າງປະເທດ ສ.ເກົາຫລີ
ເພື່ອມອບສຳເນົາສານແຕ່ງຕັ້ງໃຫ້ກະຊວງການຕ່າງປະເທດ ສ.ເກົາຫລີ, ໃນມື້ດຽວກັນນີ້ກໍ່ໄດ້ພົບກັບ ທ່ານຫົວໜ້າກົມ ອາຊຽນ ແລະ ອາຊີຕາເວັນອອກ ເພື່ອປຶກສາຫາລືວຽກງານການຮ່ວມມືລະຫວ່າງ ສອງປະເທດ ລາວ-ເກົາຫລີ.

ວັນທີ 2 ກຸມພາ 2026, ທ່ານ ນາງ ໄກມະນີ ອໍລະບູນ, ເອກອັກຄະລັດຖະທູດ ແຫ່ງ ສປປ ລາວ ປະຈຳ ສ.ເກົາຫລີ ໄດ້ນຳພາອ້າຍນ້ອງພະນັກງານສະຖານທູດ ແລະ ນັກສຶກສາລາວ ທີ່ ສ.ເກົາຫລີ ຈຳນວນໜຶ່ງເຂົ້າຮ່ວມງານປີໃໝ່ ສ.ເກົາຫລີ 2026, ຊຶ່ງຈັດໂດຍ ສະມາຄົມມິດຕະພາບ ເກົາຫລີ-ລາວ

ໃນວັນທີ 28 ມັງກອນ 2026, ທ່ານ ນາງ ໄກມະນີ ອໍລະບູນ, ເອກອັກຄະລັດຖະທູດ ແຫ່ງ ສປປ ລາວ ປະຈຳ ສ.ເກົາຫລີ ໄດ້ຕ້ອນຮັບການເຂົ້າຢ້ຽມຂ່ຳນັບຂອງຄະນະບໍລິຫານງານສະຫະພັນແມ່ຍິງກະຊວງໂຍທາທິການ ແລະ ຂົນສົ່ງ ໃນໂອກາດເດີນທາງມາຢ້ຽມຢາມ ແລະ ພົບປະ ແລກປ່ຽນກັບແມ່ຍິງສະຖານເອກອັກຄະລັດຖະທູດ ແຫ່ງ ສປປ ລາວ ທີ່ ເຊອູນ

ສະຖານເອກອັກຄະລັດຖະທູດ ແຫ່ງ ສປປ ລາວ ທີ່ ເຊອອູນ, ສ.ເກົາຫຼີ ຂໍຖືເປັນກຽດແຈ້ງມາຍັງ ພົນລະເມືອງລາວ ຜູ້ມີສິດປ່ອນບັດເລືອກຕັ້ງ ຊຶ່ງພວມປະຕິບັດໜ້າທີ່ວຽກງານ, ສຶກສາຮຳ່ຮຽນ, ອອກແຮງງານ ແລະ ຢ້ຽມຢາມພີ່ນ້ອງໃນໄລຍະການເລືອກຕັ້ງ ຢູ່ ສ.ເກົາຫຼີ ຊາບວ່າ: ປະທານປະເທດ ແຫ່ງ ສປປ ລາວ ໄດ້ອອກດຳລັດ ສະບັບເລກທີ 311/ປປທ, ລົງວັນທີ 1 ທັນວາ 2025, ວ່າດ້ວຍການປະກາດເອົາວັນທີ 22 ກຸມພາ 2026 ເປັນວັນເລືອກຕັ້ງສະມາຊິກສະພາແຫ່ງຊາດຊຸດທີ X ແລະ ສະມາຊິກສະພາປະຊາຊົນຂັ້ນແຂວງ ຊຸດທີ V ຢູ່ໃນຂອບເຂດທົ່ວປະເທດ.
ສະນັ້ນ, ເພື່ອເປັນການກະກຽມ ແລະ ດຳເນີນການເລືອກຕັ້ງຢູ່ຕ່າງປະເທດລ່ວງໜ້າ, ສະຖານທູດ ຈຶ່ງມີແຜນຈະຈັດການເລືອກຕັ້ງຂຶ້ນກ່ອນ 01 ອາທິດຄື ໃນວັນທີ *14-15 ກຸມພາ 2026* *ທີ່ ສະຖານເອກອັກຄະລັດຖະທູດ ແຫ່ງ ສປປ ລາວ ທີ່ ເຊອຸນ* (ສຳລັບລາຍລະອຽດຮູບ ແລະ ປະຫວັດຂອງຜູ້ສະໝັກຮັບເລືອກຕັ້ງ ສະຖານທູດຈະແຈ້ງໃຫ້ຊາບຕື່ມພາຍຫຼັງ).
ສະຖານທູດຂໍຄວາມຮ່ວມມືມາຍັງບັນດາພົນລະເມືອງລາວ ທີ່ພວມປະຕິບັດໜ້າທີ່ວຽກງານ, ສຶກສາຮ່ຳຮຽນ, ອອກແຮງງານ ແລະ ຢ້ຽມຢາມພີ່ນ້ອງໃນໄລຍະການເລືອກຕັ້ງ ຢູ່ ສ.ເກົາຫຼີ ທີ່ມີອາຍຸແຕ່ 18 ປີຂຶ້ນໄປ ຈົ່ງກະກຽມມາໃຊ້ສິດຂອງຕົນ ເພື່ອເລືອກເອົາຜູ້ແທນເຂົ້າໄປໃນສະພາ.

👉🏻ສຳລັບທ່ານໃດທີ່ຈະມາໃຊ້ສິດປ່ອນບັດເລືອກຕັ້ງຢູ່ສະຖານທູດ ໃນວັນທີ 14-15 ກຸມພາ 2026 ແມ່ນສາມາດລົງທະບຽນຕາມລິ້ງຂ້າງລຸ່ມນີ້👇🏻
https://docs.google.com/forms/d/1UKxm5Wg_DoNkZicN3aSyF8eF2vMgGmfeedkGM6pXQwk/edit
*ຫຼື ຖ້າຫາກທ່ານໃດບໍ່ສະດວກລົງທະບຽນຕາມລິ້ງຂ້າງເທິງໄດ້ ສາມາດສັງລວມລາຍຊື່ ແລ້ວແຈ້ງລາຍຊື່ມາຍັງຜູ້ຮັບຜິດຊອບໄດ້ທີ່ເບີໂທ ຫຼື WhatsApp: ເບີ +8210-9619-1131
👉🏻 ສຳລັບສະຖານທີ່ປ່ອນບັດເລືອກຕັ້ງແມ່ນ: [NAVER Maps]
Laos Ambassador's Residence
657-93 Hannam-dong Yongsan-gu Seoul
https://naver.me/FEN0Nu93
***ຫມາຍເຫດ***: ສຳລັບຄ່າໃຊ້ຈ່າຍໃນການເດີນທາງມາປ່ອນບັດເລືອກຕັ້ງແມ່ນກຸ້ມຕົນເອງ
📞 ຂໍ້ມູນເພິ່ມເຕີມສາມາດຕິດຕໍ່ທີ່ເບີ +8210 9619 1131 ຫຼື +8210-42100711
📧 [email protected]

ໃນວັນທີ 5 ທັນວາ 2025, ສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳ ສ.ເກົາຫລີ ຈັດງານສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50 ປີ ໂດຍຜູ້ເຂົ້າຮ່ວມຈາກສະມາຄົມເກົາຫລີ, ນັກທຸລະກິດ ແລະ ພະນັກງານສະຖານທູດ.

On 5th December 2025, The embassy of the Lao PDR to the Republic of Korea Celebrated the 50th Anniversary of the establishment of the Lao PDR.

ໃນວັນທີ 1 ທັນວາ 2025, ທ່ານ ເອກອັກຄະລັດຖະທູດ ແຫ່ງ ສສ.ຫວຽດນາມ ປະຈຳ ສ.ເກົາຫລີ ພ້ອມດ້ວຍຄະນະ ເຂົ້າອວຍພອນສະຖານທູດລາວ ປະຈຳ ສ.ເກົາຫລີ ເນື່ອງໃນໂອກາດວັນຊາດລາວ ຄົບຮອບ 50 ປີ ວັນທີ 2 ທັນວາ 2025 ທີ່ຈະມາເຖິງນີ້.

On December 1, 2025, the Ambassador of the Socialist Republic of Vietnam to the Republic of Korea paid a visit to the Lao Embassy in the Republic of Korea to congratulate the Lao PDR on occasion of the 50th anniversary of the proclamation on December 2, 2025.

ໃນຕອນບ່າຍວັນທີ 29 ພະຈິກ 2025 ທີ່ ສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳ ສ.ເກົາຫລີ ໄດ້ຈັດພິທີປະຖະກະຖາ ວັນສະຖາປານາ ສປປ ລາວ ຄົບຮອບ 50 ປີ ແລະ ວັນເກີດປະທານໄກສອນ ພົມວິຫານ ຄົບຮອບ 105 ປີ.
ໂອກາດດັ່ງກ່າວ ທ່ານ ເອກອັກຄະລັດຖະທູດ ແຫ່ງ ສປປ ລາວ ປະຈຳ ສ.ເກົາຫລີ ກໍ່ໄດ້ແຜ່ເຜີຍເອກກະສານສຳຄັນຂອງຊາດຈຳນວນໜື່ງ ໂດຍມີພະງານສະຖານທູດ, ນັກສຶກສາລາວ ແລະ ຄອບຄົວຄົນລາວ ທີ່ ອາໃສຢູ່ ເກົາຫລີ ຈຳນວນ 100 ກວ່າ ທ່ານ ທີ່ເຂົ້າຮ່ວມພິທີດັ່ງກ່າວ.

ໃນ ວັນທີ 28 ສິງຫາ 2025 ທ່ານ ສົງການ ຫຼວງມຸນິນທອນ ແລະ ພະນັກງານ ສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳ ສ.ເກົາຫຼີ ໄດ້ເຂົ້າພົບປະ ທ່ານ ວູໂຮ, ເອກອັກຄະລັດຖະທູດ ແຫ່ງ ສສ.ຫວຽດນາມ ປະຈຳ ສ.ເກົາຫຼີ ເພື່ອອວຍພອນວັນຊາດ ສສ. ຫວຽດນາມ ຄົບຮອບ 80 ປີ (2 ກັນຍາ 1945-2025).

ຊົມເຊີຍວັນສ້າງຕັ້ງແມ່ຍິງລາວ ຄົບຮອບ 70 ປີ 👏🏻👏🏻👏🏻💐