Myanmar Embassy, Kuwait

ကူဝိတ်အပြည်ပြည်ဆိုင်ရာလေဆိပ်၌ check-in counter ပိတ်ချိန်အသစ် သတ်မှတ်ခဲ့သည့် ကိစ္စ အသိပေးခြင်း
ကူဝိတ်နိုင်ငံ လေကြောင်းညွှန်ကြားမှုဌာန (Directorate General of Civil Aviation -DGCA)က ၂၀၂၆ခုနှစ်၊ ဇွန် ၁ ရက်မှစ၍ ကူဝိတ်အပြည်ပြည်ဆိုင်ရာ လေဆိပ်တွင် ခရီးသည်များ အတွက် check-in counter ပိတ်ချိန်အသစ်ကို ကြေညာခဲ့ပါသည်။ အသစ်ပြောင်းလဲထားသော စည်းမျဉ်းအရ အာရပ်ပင်လယ်ကွေ့နိုင်ငံများ ( ကာတာ၊ ဆော်ဒီအာရေဗျ၊ ယူအေအီး၊ ဘာရိန်းနှင့် အိုမန်နိုင်ငံတို့)နှင့် အခြားအာရပ်နိုင်ငံများသို့ သွားမည့် လေယာဉ် ခရီးစဉ်များအတွက် check-in counter များကို လေယာဉ်ထွက်ခွာချိန်မတိုင်မီ ၁ နာရီ ကြိုတင်၍ အပြီးပိတ်မည်ဖြစ်ပါသည်။ အခြားသော နိုင်ငံတကာ ခရီးစဉ်များအတွက် check-in counter ပိတ်ချိန်များကို လေယာဉ် ထွက်ခွာချိန်မတိုင်မီ ၁ နာရီ ၃၀ မိနစ် ကြိုတင်၍ အပြီးပိတ်မည်ဖြစ်ကြောင်း သိရှိရပါသည်။
သို့ဖြစ်ရာ DGCA က ကူဝိတ်အပြည်ပြည်ဆိုင်ရာ လေဆိပ်မှတစ်ဆင့် ခရီးသွားရောက်မည့် ခရီးသည်များအနေဖြင့် လိုအပ်သော check-in လုပ်ငန်းစဉ်များကို အချိန်မီ ပြီးစီးနိုင်ရန် လေယာဉ် ထွက်ခွာချိန်မတိုင်မီ အချိန်လုံလောက်စွာ ကြိုတင်၍ လေဆိပ်သို့လာရောက်ရန် တိုက်တွန်းထား သည်ကို ကူဝိတ်ရှိမြန်မာနိုင်ငံသားများ သိရှိနိုင်ပါရန် ထပ်ဆင့်မျှဝေအပ်ပါသည်။
မြန်မာသံရုံး၊ ကူဝိတ်မြို့။
၁-၆-၂၀၂၆။