Батыр ауылдық округі әкімінің аппараты

Болашаққа бағдар: Рухани Жаңғыру бағдарламасы аясында және Мұнайлы ауданының 10 жылдық мерейтойына орай Батыр ауылдық округі әкімдігінің ұйымдастыруымен Батыр ауылдық округіндегі "Батыр" аула клубының және 10 жалпы білім беру орта мектебіндегі үйірмелердің қатысуымен "Өнерімді арнаймын мен ауылыма" атты концерттік бағдарлама өтті. Ашылғанына небәрі 2 айға жуық уақыт болған аула клубының өнерлі бүлдіршіндері таңдай қақтырды.

Мұнайлы ауданының 10 жылдық мерейтойына және Қарттар күніне орай Батыр ауылдық округі әкімдігінің ұйымдастыруымен ауылдық округ әкімдігі алдындағы алаңда қазақы ағаш үйлер тігіліп, ауыл жастары алтыбақан теуіп, қолөнер шеберлерінің көрмесі қойылған концерттік бағдарлама өтті. Мерекелік іс шара соңында ауыл ақсақалдары мен аналар, әжелер кеңестерінің, қоғамдастық мүшелеріне, барлық келген қонақтарға құрмет көрсетіліп, дастархан жайылып, қонақасы берілді.

Мұнайлы ауданының 10 жылдық мерейтойына орай Батыр ауылдық округі әкімдігінің ұйымдастыруымен ұлттық спорт түрі Қол күресінен қыздар және ерлер арасында жарыс өтті. Ауданымыздың мықтылары қатысқан спорттық жарыс өте тартысты өтті. Жарысқа қатысқан спортшыларымыздың барлығы ауылдық әкімдік тарапынан бағалы сыйлықтар мен дипломдармен марапатталды.

Мұнайлы ауданының 10 жылдық мерейтойына орай Батыр ауылдық округі әкімдігінің ұйымдастыруымен ұлттық спорт түрі Қазақша күрестен 80кг дейінгі салмақта және Түйе палуан салмағында жарыс өтті. Мұнайлы ауданының палуандары қатысқан төл спортымыз өте тартысты өтті. Тартысты өткен бәсекеде 80кг салмақта жүлделі 3 орын иегері болып Қошқаров Сәкен, 2 орын Утелгенов Қуаныш , 1 орын иегері болып Жарбаев Ақжігіт танылды. 100 кг салмақта жүлделі 3 орынды Утелгенов Қуаныш , 2 орынды Жақанбаев Айдос, 1 орынды және Түйе палуан атағын Тойшиев Оңдасын иемденді. Жарысқа қатысқан спортшыларымыздың барлығы ауылдық әкімдік тарапынан бағасы сыйлықтар ( тоңазытқыш, теледидар, шаңсоргыш) мен дипломдармен марапатталды.

Рухани жаңғыру бағдарламасы аясында Мұнайлы ауданының 10 жылдық мерейтойына орай Батыр ауылдық округі әкімдігінің ұйымдастыруымен "Мерейлі отбасы" байқауы өткізілді. Бұл байқау "Мәңгілік ел" жалпыұлттық патриоттық идеясын қалыптастыруға, еңбексүйгіштік пен адалдыққа, отбасылық құндылықтарды дәріптеуге арналды. Сайыста әр отбасы өздерін әнмен, жырмен, слайд түрінде жасалған қысқаша фильммен және қойылымдар арқылы таныстырып, әрі қарай ұлттық аспаптарда ойнап, драмалық көріністер қойып , жырдан шашу шашып, өз өнерлерін көрсетті. Батыр ауылдық округі тұрғындарынан құралған қоғамдастық мүшелері бастаған әділ қазылар алқасының шешімімен Юсуповтар отбасы 1 орынды , Абдықадыровтар отбасы 2 орынды, Отарбаевтар отбасы 3 орынды иемденді. Барлық қатысушы жанұялар Батыр ауылдық округі әкімдігі тарапынан дипломдар мен бағалы сыйлықтармен марапатталды

Мұнайлы ауданының 10 жылдық мерейтойы аясында Батыр ауылдық округінің әкімдігі ұйымдастыруымен 10 жалпы білім беру орта мектебінің ұстаздарының және ауылдық әкімдік қызметкерлерінің қатысуымен "Есірткісіз болашақ" "Дені сау ұрпақ - ұлт болашағы" атты ауыл тұрғындарын салауатты өмір салтын ұстануға бағытталған флешмоб өтті

Мұнайлы ауданының 10 жылдық мерейтойы аясында Батыр ауылдық округі әкімдігінің ұйымдастыруымен мини футболдан Батыр ауылы әкімінің Кубогы өткізілді. Жарысқа барлығы 5 команда қатысты. Жүлделі 1орынды Батыр ауылының тұрғындарынан құралған командасы, 2 орынды 10 жалпы білім беру орта мектебі құрама командасы, 3 орынды Мұнайлы аудандық аппаратының құрама командасы иемденді. Сонымен қатар, ең үздік ойыншы, ең үздік қақпашы, ең үздік шабуылшы, ең үздік қорғаушылар да бағалы сыйлықтармен марапатталды.

Мұнайлы ауданының 10жылдық мерейтойы аясында Батыр ауылдық округі әкімдігінің ұйымдастыруымен қыздар арасында волейболдан жарыс өтті. Ойын өте тартысты өтті. Бірінші орынды 10 жалпы білім беру орта мектебінің құрама командасы, екінші орынды Батыр ауылдық округі әкімдігі қызметкерлері, үшінші орынды Батыр дәрігерлік амбулаториясынын құрама командасы иемденді. Үздік өнер көрсеткен ойыншылар мен командалар ұйымдастырушылар тарапынан бағалы сыйлықтар мен дипломдармен марапатталды.

Батыр ауылдық округі тұрғындарын салауатты өмір салтын қолдауға шақырған ауылдық округ әкімдігі қызметкерлерінің түскі үзіліс уақытындағы бой сергіту сәті

Мұнайлы ауданының 10 жылдық мерейтойын ауыл мен ауылдық округтер көлемінде мерекелеудің бекітілген тұжырымдамасына сәйкес, Батыр ауылдық округінің шағын аудандарын, сыртқы нышандарды безендіру, билбордтарды жаңарту жұмыстары жүргізілуд