04/06/2026
🇰🇿 Облыс әкімі Асхат Шахаров Қазақстан Республикасының Мемлекеттік рәміздер күнімен құттықтауы ⤵️
Құрметті ақтөбеліктер!
Баршаңызды Қазақстан Республикасының Мемлекеттік рәміздер күнімен құттықтаймын!
Бүгін Астанада өткен Мемлекеттік ту көтеру рәсімінде Мемлекет басшысы Қасым-Жомарт Кемелұлы Тоқаев: «Елтаңба – елдігіміздің айшықты белгісі. Әнұран – азаттығымыздың айбынды үні. Көк Туымыз – Тәуелсіздік тұмары. Төбемізге көтеріп, қадір тұтатын осы үш рәмізді мемлекеттігіміздің мызғымас үштағаны десек, артық болмайды», – деп атап өтті.
Бабаларымыздың бірлік пен татулықты ту еткен жолын жалғастырып, бүгінде Қазақстан тұрақты дамудың даңғыл жолымен алға қадам басып келеді. Осы жолда мемлекеттік рәміздерімізге деген құрмет әр азаматтың елге деген сүйіспеншілігін, туған жер алдындағы жауапкершілігін танытады.
Өскелең ұрпақтың бойына отаншылдық қасиетті сіңіріп, мемлекеттік нышандарымызды қадірлеу – баршамыздың ортақ міндетіміз.
Бүгінде Қазақстанның көк Туы әлемнің ең биік мінберлерінде желбіреп, Әнұраны асқақ шырқалып келеді. Олимпиада мен әлем чемпионаттарында, ғылым мен білімде, мәдениет пен өнерде, еңбек пен кәсіпте жетістікке жеткен азаматтарымыз ел мерейін үстем етіп жүр.
Олардың қатарында ақтөбелік жерлестеріміз де халықаралық ареналарда жеңіс тұғырынан көрініп, ғылым мен өндірісте, кәсіпкерлік пен қоғамдық қызметте табысқа жетіп, туған өлкеміздің ғана емес, тұтас Қазақстанның абыройын асқақтатуда. Лайым солай болғай!
Көк байрақ астында біріккен халқымыздың ынтымағы нығайып, Қазақстанның жарқын болашағын бірге қалыптастыра берейік. Ел аман, жұрт тыныш болсын!
Мереке құтты болсын!🇰🇿
03/06/2026
♟️Ақтөбеде «Владимир Дворкович мемориалы – Aktobe Open 2026» халықаралық шахмат фестивалі басталды
Халықаралық жарыс өңірде 2019 жылдан бері тұрақты түрде ұйымдастырылып келеді, ол - Қазақстан Кубогі кезеңдерінің және еліміздегі ең беделді шахмат додаларының бірі.
🔷️ Ақтөбеде дәстүрлі «Владимир Дворкович мемориалы – Aktobe Open 2026» халықаралық шахмат фестивалінің салтанатты ашылуы өтті. Ауқымды шараны Ақтөбе облысы әкімдігі, FIDE, ҚР Туризм және спорт министрлігі және Қазақстан шахмат федерациясының ұйымдастырып отыр.
⚜️ Байрақты бәсекенің ашылу рәсіміне Ақтөбе облысының әкімі Асхат Шахаров қатысып, спортшылар мен қонақтарды құттықтады.
Биылғы фестивальге әлемнің 21 елінен – Армения, Әзербайжан, Болгария, Қытай, Хорватия, Англия, Үндістан, Иран, Қазақстан, Қырғызстан, Норвегия, Румыния, Ресей, Словения, Сербия, Швеция, Тәжікстан, Түрікменстан, Түркия, Украина және АҚШ-тан 210 қатысушы жиналды. Олардың арасында 25 халықаралық гроссмейстер (GM) және әйелдер арасындағы 1 халықаралық гроссмейстер (WGM) бар.
♟️Фестиваль аясында Masters және Open турнирлері өтеді. 2400 және одан жоғары 81 шахматшы қатысатын Masters турнирінің жүлде қоры 90 мың АҚШ доллары және ол FIDE Circuit 2026–2027 халықаралық жарыстар жүйесіне енгізілген.
♟️ Ал рейтингі 2400-ге дейінгі 129 ойыншы сынға түсетін Open турнирінің жүлде қоры – 10 мың АҚШ доллары. Екі турнир де швейцариялық жүйе бойынша 9 турдан тұрады.
🔹 Халықаралық спорт додасы 11 маусымға дейін жалғасады.
03/06/2026
🔹Қазақстанның бірнеше өңірінде жастар арасында «Заң мен тәртіп» қағидатын дәріптеуге бағытталған іс-шаралар ұйымдастырылды
📍Ақтөбе, Атырау және Батыс Қазақстан облыстарында «Заң мен тәртіп» және Esirtkisiz Qazaqstan қағидаттарын насихаттау мақсатында іс-шаралар өтті.
Бастама ҚР Мәдениет және ақпарат министрлігінің, Азаматтық бастамаларды қолдау орталығының қолдауымен Esbol Qory қоғамдық қорының тарапынан жүзеге асырылды.
Іс-шаралар аясында еліміздің батыс өңірлеріндегі белсенді жастардың, жергілікті атқарушы және құқық қорғау органдары өкілдерінің қатысуымен дөңгелек үстел өткізілді.
Кездесуде жастарды зиянды әдеттерден сақтау, құқықтық мәдениетті қалыптастыру және олардың қауіпсіздігін қамтамасыз ету бағытында атқарылып жатқан жұмыстар сөз болды.
Сондай-ақ, жастар саясаты саласының мамандарына арналған оқыту семинарлары, мемлекеттік органдар өкілдерімен кездесулер және студенттермен ашық пікір алмасу алаңдары ұйымдастырылды.
#Заңментәртіп
#ЗАҢменТӘРТІП #ЗАКОНиПОРЯДОК
