Baytaq Jasyldar партиясы Атырау облысы

Іске сәт

Атырауда экологиялық бастамаларға серпін берілді

Табиғат – бізге аманат, ал тазалық – сол аманатқа адалдықтың өлшемі. Президент бастамашы болған «Таза Қазақстан» жобасы – жай ғана экологиялық акция емес, бұл – ұлттың жаңа ойлау мәдениетін қалыптастыратын рухани қозғалыс.

Атырау өңірі – өндіріс пен табиғат қатар өрілген аймақ. Сондықтан біз үшін экология мәселесі тек қоршаған ортаны қорғау емес, ол – халықтың денсаулығы, болашақ ұрпақтың тағдыры. «Байтақ» жасылдар партиясы бұл бағыттағы әр бастаманы толық қолдай отырып, нақты істер арқылы үлгі көрсетуді басты міндет санайды.

Біз «Тазару күні» аясында тек сенбіліктермен шектелмей, экологиялық ағарту, жасыл аймақтарды көбейту, су көздерін сақтау, тұрмыстық қалдықтарды азайту мәдениетін қалыптастыру бағытында жүйелі жұмыстарды күшейтеміз. Әсіресе, жастардың экологиялық жауапкершілігін арттыру – басты назарымызда.

Тазалық – сыртқы әрекет қана емес, ол – сана мен ниеттің тазалығы. Егер әрбір азамат туған жеріне жанашырлықпен қарап, қоршаған ортаны қорғауды өмір салтына айналдырса, біз шынымен де әділетті, таза әрі өркендеген Қазақстанды бірге құра аламыз.

Барша атыраулықтарды табиғатты аялауға, ортақ іске үлес қосуға шақырамыз. Жасыл болашақ – бүгінгі әрекетімізден басталады.

Руслан КҮМІСҚАЛИЕВ,
«Байтақ» жасылдар партиясы
Атырау облыстық филиалының басшысы, Атырау қалалық мәслихатының депутаты

Тоқаев 15 наурызды Конституция күні деп жариялап, жазда Парламент сайлауы өтетінін айтты Қасым-Жомарт Тоқаев "Қазмедиа" орталығында республикалық референдум аясындағы үгіт-насихат науқанына белсенді қатысқан жастармен кездесті. Президент бүгін тарих...

Біз Байтақ жасылдар партиясының Атырау облыстық филиалы мүшелері референдумға қатысып, жаңа Конституцияны қабылдау мәселесі бойынша өз дауыстарымызды бердік. Бұл – еліміздің болашағына бей-жай қарамайтын әрбір азаматтың маңызды азаматтық борышы.

Референдум – халықтың өз пікірін білдіріп, мемлекет дамуына тікелей ықпал ететін демократиялық тетік.