2 Қалалық орталықтандырылған кітапханалар жүйесі ММ.

Ұшқан құстың қанаты талатын, жүгірген аңның аяғы талатын, ұлан байтақ Қазақстан елі, өзіміздің мұнайлы астана атанған Атырау жері, халқымыз үшін де биыл ерекше жыл. Себебі, қой үстінде бозторғай жұмыртқалаған Тәуелсіздік тойымызды тойлағанымызға биыл 25 жыл толып отыр. Осы орайда, еліміздің сан жылдар бойы армандаған, тарихымыздың алтын әріптермен жазылып қалатын Тәуелсіздік мерекесіне арналған, Тәуелсіздіктің 25 жылдығындағы жетістіктерін зор мақтанышпен құрметтейтін Ұлы дала ұрпақтарымен бірге "Ұлы дала елі: Тәуелсіздіктің 25 жылдығы - 25 жұлдызды күн" атты әдеби-сазды кеш өтті. Кітап оқып ақылымызды қуаттандырып, Тәуелсіздігіміздің тұғырын бекемдей түсейік!

Тәуелсіздіктің 25 жылдық мерекесіне орай Атырау ауылдық кітапxанасы "Ұлы дала: Атырауым - алтын бесік" атты мерекелік сазды кеш өткізді.

Қазақстан Республикасы Президентінің 2016 жылғы 29 қарашадағы Жарлығы бойынша, " №2 Қалалық орталықтандырылған кітапxаналар жүйесі" мемлекеттік мекемесінің басшысы Сейткалиева Гүлбарша Мұxитқызын "Қазақстан Республикасының Тәуелсіздігіне 25 жыл" мерекелік төсбелгі алуымен шын жүректен құттықтаймыз! Сіз қашанда қадірлісіз! Жауапты қызметте бұдан былай да абырой биігінен көріне беріңіз.

Тәуелсіздіктің 25 жылдығына арналған «25 жұлдызды күн» бағдарламасы аясында № 2 Қалалық балалар кітапханасында М. Отаралиев негізгі мектебінің 7 сынып оқушыларымен бірлесе отырып «Қазақстан болашағы - білімді ұрпақ» атты жұлдызды сағат зияткерлік сайысы өтті.

Еркінқала ауылдық кітапханасында Қазақстан Республикасы Тәуелсіздігінің 25 жылдығына орай «Бақыттың кілті еңбекте» атты еңбек ардагерлерімен кездесу кеші өтті.

№2 қалалық балалар кітапханасы Ә. Жангелдин орта мектебінің 7 сынып оқушыларымен Республикамызда аталып өтіп жатқан «тәуелсіздіктің 25 жұлдызды күні» акциясы аясында «Қазақстан - спортшылар елі» атты танымдық кешін өткізді

Еркінқала ауылдық кітапханасында Тәуелсіздіктің 25 жылдығына орай халықтар бірлігі мен ынтымақтастығына арналған «Ұлы далам- парасат бірліктің айғағы» атты достық кеші өтті. Бірлік пен ынтымақ – Тәуелсіздік тұтқасы.

25 жыл...ғасырлар биігіне көз тастағанда, бәрібір Тәуелсіз Мемлекетті өз қолымен құрған тұңғыш Президент Нұрсұлтан Назарбаевтың тарихи рөлі мен орны бөлек. Ол осы жетістіктерге өзінің табандылығы мен еңбекқорлығының арқасында жетті.Талай қиыншылықты елмен бірге көріп, батыл қадамдар арқылы елімізді дүниежүзіне әйгілі мемлекет ретінде танытып отырған - осы Елбасымыз. Ендігі Қазақстанның тағдыры жастардың қолында екендігін Елбасымыз үнемі айтады.Осы орайда, ҚР Тәуелсіздігінің 25 жылдық мерейтой қарсаңында, АИГИ колледжінің студент жастарымен бірге " Ұлы дала - Елбасы" тақырыбында жұлдызды сағат өтті. Елбасына деген ел құрметін айрықша айғақтауға арналған бұл мерекелік сайыс ғибратты іс - шараға толы болды. Елбасымызға деген құрмет сезімін ояту, ұлтжандылыққа тәрбиелеу, бүгінгі сағатта тиісінше дәріптелді деп сенеміз.Елбасымызды құрметтеуге шақырамыз! Оның жеткен шыңдарына ұмтылайық!

Жазушы, драматург, Қазақстанның еңбек сіңірген қайраткері Раxымжан Отарбаевтың оқулары аясындағы шарада Көкарна селолық кітапxана оқырманы Қонысова Жұлдызды алғыс xатымен құттықтаймыз!Шығармашылық жолында қаламың ұшталып, биік асуларды бағындыруыңа Біз әрқашан тілектеспіз!