Amanat Қостанай облысы

Қостанай облысында «AMANAT» партиясының сайлауалды бағдарламасы аясында ауқымды жұмыстар атқарылуда ✔️

Қостанай облысында «AMANAT» партиясының «Халықпен бірге!» сайлауалды бағдарламасының 96,2%-ы орындалып, өңірдің дамуына нақты серпін берілді.

📌Бағдарлама аясында 560 млрд теңгеден асатын 96 инвестициялық жоба іске асырылып, оның ішінде «KIA» автозауытында 1500 жаңа жұмыс орны ашылды.

«Жер аманаты» жобасы бойынша 1,2 млн гектар жер мемлекетке қайтарылып, ауыл шаруашылығында 12 сүт-тауар фермасы іске қосылды.

Білім беру саласында 7 жаңа мектеп ашылып, барлық 454 мектеп жоғары жылдамдықты интернетпен қамтылды.

Денсаулық сақтау саласында 25 нысан іске қосылып, инфрақұрылым бағытында 83 ауыл ауыз сумен қамтамасыз етілді.

Қалған жобаларды толық аяқтау 2026 жылға жоспарланған.

Қостанай облысының Сарыкөл ауданында Жалпыұлттық коалиция өкілдерінің жұртшылықпен және еңбек ұжымдарымен кездесуі өтті. Іс-шараға коалиция мүшелері, ҚР Парламенті Мәжілісінің депутаттары Берік Бейсенғалиев және Еркін Әбіл қатысты.
Педагогикалық ұжыммен кездесу Урицкий мектеп-лицейінде өтті. Жиын барысында Конституцияның азаматтардың құқықтары мен бостандықтарын қамтамасыз етудегі, әділеттілік пен заң үстемдігін нығайтудағы рөлі талқыланды. Сондай-ақ конституциялық реформаларды іске асыру, азаматтардың шешім қабылдау үдерістеріне қатысуын кеңейту және мемлекеттік органдардың жауапкершілігін арттыру мәселелері сөз болды. Қатысушылар Конституция ел тұрақтылығының берік негізі екенін атап өтті.
Жұмыс сапары барысында Сарыкөл аудандық ауруханасының ұжымымен кездесу өтті. Медицина қызметкерлері денсаулық сақтау жүйесін дамыту, медициналық көмектің сапасы мен қолжетімділігі мәселелерін көтерді. Еркін Әбіл азаматтардың сапалы медициналық көмекке қол жеткізуі мемлекеттің негізгі міндеттерінің бірі екенін атап өтті.
Сондай-ақ ауданның аға буын өкілдерімен кездесу ұйымдастырылып, өңірдің дамуы мен жастар тәрбиесі жайында пікір алмасу өтті. Коалиция өкілдері мұндай кездесулердің халықпен ашық диалог орнатуға және өзекті мәселелерді бірлесіп шешуге мүмкіндік беретінін жеткізді.

Қостанай облысының Сарыкөл ауданында Жалпыұлттық коалиция өкілдерінің жұртшылықпен және еңбек ұжымдарымен кездесуі өтті. Іс-шараға коалиция мүшелері, ҚР Парламенті Мәжілісінің депутаттары Берік Бейсенғалиев және Еркін Әбіл қатысты.
Педагогикалық ұжыммен кездесу Урицкий мектеп-лицейінде өтті. Жиын барысында Конституцияның азаматтардың құқықтары мен бостандықтарын қамтамасыз етудегі, әділеттілік пен заң үстемдігін нығайтудағы рөлі талқыланды. Сондай-ақ конституциялық реформаларды іске асыру, азаматтардың шешім қабылдау үдерістеріне қатысуын кеңейту және мемлекеттік органдардың жауапкершілігін арттыру мәселелері сөз болды. Қатысушылар Конституция ел тұрақтылығының берік негізі екенін атап өтті.
Жұмыс сапары барысында Сарыкөл аудандық ауруханасының ұжымымен кездесу өтті. Медицина қызметкерлері денсаулық сақтау жүйесін дамыту, медициналық көмектің сапасы мен қолжетімділігі мәселелерін көтерді. Еркін Әбіл азаматтардың сапалы медициналық көмекке қол жеткізуі мемлекеттің негізгі міндеттерінің бірі екенін атап өтті.

Сөзден – жауапкершілікке: Қостанай облысында партиялық бақылау күшейтілуде

Қостанай облысында «AMANAT» партиясының 2023–2027 жылдарға арналған «Халықпен бірге!» сайлауалды бағдарламасының орындалу барысы қаралды. Кездесуге партияның облыстық филиал төрағасы Алмат Досмұхамедов, облыс әкімінің орынбасары Берік Танжарықов, облыстық мәслихаттағы депутаттық фракция жетекшісі Сейтбек Қуанышбаев, партиялық бақылау комиссиясының төрағасы Айтжан Есенгельдинов қатысты.

Жиында өңірде іске асырылып жатқан әлеуметтік және инфрақұрылымдық жобалар талқыланды. Атап айтқанда, мектептер, медициналық нысандар, автомобиль жолдары мен инженерлік желілер бойынша атқарылған жұмыстар мен өзекті мәселелер сөз болды. Облыс әкімінің орынбасары Берік Танжарықов Жол картасы аясында орындалған тармақтар жөнінде баяндама жасады.

Партия өкілдері сайлауалды уәделердің орындалуы қатаң партиялық бақылауда болатынын атап өтті. Әрбір жоба мен әрбір міндет – нақты жауапкершілік.

«AMANAT» партиясының сайлауалды бағдарламасы аясындағы нысандар Қостанай облысында тексерілді

Қостанай облысына «AMANAT» партиясы Орталық аппаратының Партиялық бақылау комитетінің инспекторы Ержан Жұмағұлов жұмыс сапарымен келді. Сапардың негізгі мақсаты – партияның «Халықпен бірге!» 2023–2027 жылдарға арналған сайлауалды бағдарламасы бойынша Жол картасына енгізілген нысандардың іске асырылу барысын бақылау.

Жұмыс сапары барысында Қостанай қаласындағы Қонай және Береке шағын аудандарында салынып жатқан мектептердің, сондай-ақ Заречный ауылындағы емхананың құрылысы қаралды.

Нысандарды аралау кезінде құрылыс жұмыстарының барысы, сапасы және белгіленген мерзімдердің сақталуы зерделенді. Сонымен қатар құрылыс орындарында жұмыс қарқынының төмендігі байқалды.

Партиялық бақылау аясындағы мұндай тексерулер сайлауалды міндеттемелердің уақтылы және сапалы орындалуын қамтамасыз етуге бағытталған.

Қостанай облыстық филиалы жанындағы «AMANAT» партиясының Әйелдер қанатының 2026 жылғы алғашқы отырысы өтті. Басқосу 14 қаңтар күні партия филиалының конференц-залында ұйымдастырылып, аудандық бөлімшелер онлайн форматта қатысты.

Отырысты Әйелдер қанатының өңірлік жетекшісі Гүлсара Жаманқұлова жүргізді. Кездесу барысында Әйелдер қанатының 2026 жылға арналған басым бағыттары айқындалып, әлеуметтік саясат, отбасы институтын нығайту, әйелдердің көшбасшылығы, білім беру, цифрлық теңдік, психологиялық қолдау және кәсіпкерлік салаларындағы жаңа бастамалар талқыланды.

Жиын күн тәртібінде бірқатар әлеуметтік маңызы бар жобалар ұсынылды. Атап айтқанда, «Мама, я вижу!», «Қазақстандағы неке мектебі», «Молодые инженеры: реверсивный вызов», жасанды интеллектке бағытталған жаңа бастама, «Балана уақыт арна» акциясы, сондай-ақ психологиялық форумдар мен әйелдердің әлеуетін дамытуға арналған жобалар кеңінен қаралды. Сонымен қатар 2026 жылға арналған іс-шаралар жоспары қалыптастырылды.

Биыл Әйелдер қанатының құрамы ішінара жаңарды. Ұйым жұмысына жаңа сарапшылар мен белсенді мүшелер қосылды. Олардың қатарында Гульвира Құдайқұлова, Гульфия Дандыбаева, Мира Мұратқызы. Жаңарған құрам Әйелдер қанатының өңірдегі жұмысын жүйелі түрде күшейтіп, жаңа идеялар мен тиімді қоғамдық бастамаларды іске асыруға серпін бермек.

Отырыс қорытындысы бойынша тараптар алдағы кезеңге арналған нақты міндеттерді айқындап, Әйелдер қанатының 2026 жылғы қызметін үйлестіру бойынша ортақ шешімдер қабылдады.