БҚО Мәдениет, тілдерді дамыту және архив ісі басқармасы

«Уикипедияға мақала орналастырудың алгоритмдері» тақырыбында оқу семинары өтті.

24 сәуір күні Орал қаласында Қазақстан Республикасында тіл саясатын дамыту және қазақ тіліндегі цифрлық контенттің үлесін арттыру мақсатында «Уикипедияға мақала орналастырудың алгоритмдері» тақырыбында оқу семинары өткізілді.
Аталған іс-шара Қазақстан Республикасында тіл саясатын дамытудың 2023–2029 жылдарға арналған тұжырымдамасы аясында ұйымдастырылып, мемлекеттік тілдің қолданылу аясын кеңейтуге және интернет кеңістігінде сапалы қазақтілді мазмұн қалыптастыруға бағытталды.
Семинарға Қазақстан Республикасы Ғылым және жоғары білім министрлігі Тіл саясаты комитетінің басқарма басышы Қ.Рахымжанов, Х.Досмұхамедов атындағы Атырау университетінің аға оқытушысы А.Дауткулова, сондай-ақ сала мамандары, өңірлік ЖОО-ның оқытушылары мен облыстық басқармаларының мамандары қатысты.
Іс-шара барысында қатысушылар Уикипедия платформасында мақала жазу мен жариялаудың негізгі талаптары, ақпараттың шынайылығын қамтамасыз ету, дереккөздермен жұмыс жасау, сондай-ақ мақалаларды рәсімдеу стандарттары бойынша жан-жақты мәлімет алды. Сонымен қатар, қатысушыларға практикалық тапсырмалар ұсынылып, өз бетінше мақала әзірлеу дағдыларын жетілдіруге мүмкіндік берілді.
Ұйымдастырушылардың айтуынша, мұндай оқыту семинарлары қазақ тіліндегі сапалы контенттің артуына және ашық білім ресурстарын дамытуға оң ықпал етеді.
Шара қорытындысы бойынша қатысушылар алдағы уақытта Уикипедия кеңістігінде белсенді жұмыс жүргізіп, қазақ тіліндегі мақалалар санын көбейтуге үлес қосуға дайын екендерін білдірді.

«АНА ТІЛІМ – АЙБЫНЫМ» БАЙҚАУЫ ӨТТІ! 🇰🇿

20 қазан күні Ғ.Құрманғалиев атындағы облыстық филармония залында
Батыс Қазақстан облысының мәдениет, тілдерді дамыту және архив ісі басқармасының қолдауымен және Халықаралық «Қазақ тілі» қоғамы БҚО филиалының ұйымдастыруымен «Ана тілім – айбыным!» атты облыстық зияткерлік және шығармашылық байқау өтті.

📚 Байқаудың мақсаты – мемлекеттік тілдің мәртебесін арттыру, әскери және құқық қорғау саласында қазақ тілінің қолдану аясын кеңейту, патриоттық рух пен тіл мәдениетін дәріптеу.

👮‍♂️ Байқауға БҚО прокуратурасы, ҰҚК Шекара қызметі, ҚАЖ департаменті, полиция және төтенше жағдайлар қызметкерлері, сондай-ақ жоғары оқу орындарының әскери кафедра студенттері қатысты.

Байқау үш кезеңнен тұрды:
1️⃣ «Ана тілім – айбыным!» – қатысушылардың өзін таныстыруы;
2️⃣ «Елтаным» – тарихи сұрақ-жауап сайысы;
3️⃣ «Өнерліге – өріс кең» – шығармашылық өнер сайысы.

🏆 ЖЕҢІМПАЗДАР:
🥇 І орын – Ағабек Аян
(ҰҚК Шекара қызметі Батыс Қазақстан облысы бойынша департаментінің Заңдылықты қамтамасыз ету тобының офицері)

🥈 ІІ орын – Тілеулиев Асхат
(БҚО прокуратурасының бөлім прокуроры)

🥉 ІІІ орын – Байзуллина Айнара
(Орал қалалық басқармасы Шаған полиция бөлімінің анықтаушысы)

🥉 ІІІ орын – Серік Асхат
(БҚО бойынша Қылмыстық атқару жүйесі департаментінің режим және күзет бөлімінің бақылаушысы, кіші сержант)

Барлық қатысушы алғыс хаттармен және естелік сыйлықтармен марапатталды.

#АнаТілімАйбыным #МемлекеттікТіл #БҚО #ҚазақТілі #ТілМәртебесі #ПатриоттықРух

⚡️ Батыс Қазақстан облысының мәдениет, тілдерді дамыту және архив ісі басқармасы мен Халықаралық «Қазақ тілі» қоғамы» қоғамдық бірлестігінің Батыс Қазақстан облыстық филиалы бірлесіп ұйымдастыруымен ақын, қоғам қайраткері Айсұлу Қадырбаевамен «Барып қайт, балам ауылға» атты тағылымдық кездесу шарасы өтті.

Кездесудің басты мақсаты – ақын Айсұлу Қадырбаеваның қайраткерлік, ақындық тұлғасын, оның шығармаларының тәрбиелік және танымдық мәнін жас ұрпаққа тереңірек насихаттау, таныстыру.

Кездесу барысында студенттер ақынның өлеңдерін оқып, «Барып қайт, балам ауылға» өлеңіне жазылған әнді шырқады. Ақын өзінің ғұмырнамасынан, саяси күрескерлік жолынан естелік әңгімелер айтты. Студент жастармен терең маңыналы сыр-сұхбат өтіп, ақын жастарға өзінің аналық ақ батасын берді.

⚡️ БҚО-да «Алтын көпір» халықаралық фестивалі өтуде

Батыс Қазақстан облысының мәдениет, тілдерді дамыту және архив ісі басқармасының ұйымдастыруымен 16-20 қыркүйек аралығында Батыс Қазақстан облысына шектес орналасқан Ресей Федерациясында тұратын қазақ диаспора өкілдерімен мәдени байланысты нығайту мақсатында «Алтын көпір» халықаралық фестивалі өтуде.

Фестивальдің басты мақсаты – Ресей Федерациясындағы қазақ диаспорасы өкілдерімен тығыз мәдени және әлеуметтік байланыстар орнату, ұлттық бірегейлікті сақтау, рухани және тарихи-мәдени мұраны нығайтуға бағытталған іс-шараларды ұйымдастыру және қазақ диаспорасы өкілдеріне ана тілін үйренуде әдістемелік көмек көрсету.

Аталмыш шараның ашылу салтанаты «Атамекен» өнер ордасында өтті. Батыс Қазақстан облысы әкімінің орынбасары Қайыржан Меңдіғалиевқатысушыларды құттықтап, фестиваль жұмысына сәттілік тіледі.

Аталмыш іс-шараға Батыс Қазақстан облысына шектес Саратов, Самара, Волгоград, Астрахан, Орынбор облыстарындағы қазақ диаспорасыныңөкілдері және жергілікті өлкетанушылар, ЖОО ректорлары, қоғамдық ұйымдардың көшбасшылары қатысты.
Шарада Қазақстан Республикасы мен Ресей Федерациясы арасындағы достық пен ынтымақтастықты нығайтуға үлес қосқан бірқатар қандастарымызға БҚО әкімінің алғыс хаты табысталды.

Фестиваль аясында қатысушыларға облыс аумағындағы тарихи-мәдени нысандарға саяхаттар, қазақ тілін оқыту сабақтары, ұлттық музыка аспаптарда ойнауды үйрету бойынша шеберлік сабақтар, түрлі тақырыпта семинарлар мен танымдық дәрістер ұйымдастырылады.